23 մայիս, 2017 14:50 Ոստիկանությունը հավատում է չորս անգամ դատապարտվածին, ոչ թե տեսագրությանը Վանաձորցի Գոռ Չոբանյանը ոստիկանությանը ներկայացրել է տեսաձայնագրություն, թե ինչպես է իրենց բնակարան գող մտնում, սակայն արդյունքում քրեական գործ հարուցվել է իր և աներորդու դեմ՝ իբր իրենք ծեծել են չորս անգամ դատապարտված Էդուարդ Սարիբեկյանին, որը դրա մասին ցուցմունք է տվել: Գոռը դիմել է պատկան մարմիններին՝ պահանջելով անաչառ քննություն: 17 մայիս, 2017 12:23 Ազատամարդ․ Հաշմանդամությամբ, բայց թոշակազուրկ երեխան Բազմազավակ միայնակ մայր Տաթևիկ Կոստանդյանը բնակվում է Լոռու մարզի Ջրաշեն գյուղում։ Նա չի կարողանում պատկան մարմիններից ստանալ իր որդու՝ էպիլեպսիայով տառապող Արենի հասանելիք թոշակը: Տաթևիկը չունի բավականաչափ ժամանակ և տրանսպորտի գումար, որպեսզի պայքարի բյուրոկրատական քաշքշուկների դեմ: 10 մայիս, 2017 12:08 Ազատամարդ․ Բանակում ձեռք բերած քաղցկեղի դեղը չեն տալիս Վարդանուշ Կիրակոսյանը 15 տարի ծառայել է ՀՕՊ զորքերում և ծառայության ընթացքում ձեռք է բերել քաղցկեղ։ Այժմ նա քաշքշուկի մեջ է ընկած, քանի որ քիմիաթերապիայի համար իրեն հասանելիք դեղերը չի կարողանում ստանալ։ Նա դիմել է պաշտպանության նախարարին և մյուս ղեկավարներին։ Վարդանուշ Կիրակոսյանը քիչ օրեր ունի մինչև հաջորդ քիմիաթերապիան։
3 մայիս, 2017 12:26 Երազած տունը դարձավ չերազած տնակ - 2 Ռաիսա Վարոսյանը 1992-ից ապրել է «Երազ» գործարանի տարածքում. ամուսինը եղել է գործարանի վաստակավոր աշխատակից: Ամուսնու մահից հետո գործարանի նոր սեփականատերերը դրժել են պայմանավորվածությունը, և ծեր կնոջն իր տնակով հանդերձ «Երազ» թաղամասից տեղափոխել են բոլորի աչքից հեռու մի լքված գործարանի տարածք՝ պատճառաբանելով, որ վարչապետի դուրը չի եկել այդ տնակի տեսքը:
18 ապրիլ, 2017 12:34 Ազատամարդ․ Դատարանների թաքնված ապացույցները Տիգրան Քեյանը սխալ կայանման հարյուրավոր տուգանքներ է բեկանել Վարչական դատարանի օգնությամբ։ Նա պնդում , որ ճանապարհային ոստիկանությունը ոչ իրավաչափ, ոչ բավարար ապացույցներով տուգանքներ է ձևակերպել: Քեյանն ասում է, որ դատարանները վերջերս սկսել են երկակի ստանդարտներ կիրառել․ «Դատարանում հանկարծ հայտնվում են ապացուցողական այլ տեսանյութեր, որոնք քաղաքացիներին չեն ուղարկվում, և դրանց հիման վրա քաղաքացիները պարտվում են դատարանում»:
12 ապրիլ, 2017 13:22 Ազատամարդ․ Գնդեվազի չքննարկված վտանգները 2017թ․ ապրիլի 2-ի խորհրդարանական ընտրություններից առաջ գնդեվազցիները փակել էին վարչապետ Կարեն Կարապետյանի ճանապարհը դեպի Ջերմուկ: Պայմանավորվածություն էր ձեռք բերվել ընտրություններից հետո քննարկել Ամուլսարի հանքի վտանգները և ազդեցությունը համայնքի վրա, սակայն գյուղացիներն այժմ այդ հնարավորությունը չունեն։ Միհրդատ Ներսիսյանը ներկայացնում է մանրամասները: 4 ապրիլ, 2017 13:23 Ազատամարդ․ Մեռնել կարող ես միայն դատարանի վճռով Զինծառայող Վահե Մախսուդյանը հայտնվել է տարօրինակ իրավիճակում. նրան և փաստաբան Մարիամ Մկրտիչյանը երկու տարվա բյուրոկրատական քաշքշուկներից հետո է միայն հաջողվել դատական ակտով ապացուցել, որ իր պապը՝ Հրանտ Մախսուդյանը, մահացել է 2015թ. մայիսի 13-ին: Միայն դրանից հետո է նրան տրամադրվել 200 000 դրամ մահվան գումարը: 23 մարտ, 2017 12:38 Ազատամարդ․ Ազատամարտիկի բազմազավակ ընտանիքը հացադուլից առաջ Ազատամարտիկ Գագիկ Հովհաննիսյանը դարձել է ՕՐՕ դաշինքի շտաբի պետ Խարբերդի տարածաշրջանում: Մի քանի ամիս է, ինչ նրա ընտանեկան նպաստը, որը հաստատված էր Սեյրան Օհանյանի պաշտպանության նախարար եղած ժամանակ, կտրել են: Պաշտոնյա այրերը արդեն մի քանի ամիս խոստանում են լուծել խնդիրը, իսկ Գագիկը և նրա բազմազավակ ընտանիքը պատրաստվում են այս շաբաթ հացադուլի նստել կառավարության շենքի դիմաց: 14 մարտ, 2017 13:49 Ազատամարդ․ Դատական կարուսելի զոհը Փնջիկ Թերոյանը վեց տարի անզիջում պայքար է մղում քննչական մարմինների տարբեր աշխատակիցների ապօրինությունների դեմ: Չնայած նրան հաջողվել է Վերաքննիչ դատարանում հաղթանակ տանել, Վճռաբեկ դատարանը գործը վերադարձրել է նոր քննության: Թերոյանը վստահ է՝ դատարանները պարզապես ժամանակ են ձգում, որ նա չկարողանա դիմել ՄԻԵԴ:
7 մարտ, 2017 12:11 Ազատամարդ․ Վանաձորում վարորդները փոխհատուցում են պահանջում քաղաքապետարանից - 2 «Բարի Ճանապարհ» նախաձեռնության անդամ Գևորգ Քոթանջյանը դատական երկու հայց է ներկայացրել Վանաձորի քաղաքապետարանի դեմ: Խնդիրն այն է, որ Վանաձորում մոտ 200 վարորդ իրենց մեքենաները ջարդել են փոսառատ, սակայն քաղաքապետարանի կողմից ընդունելի համարվող ճանապարհների պատճառով: Քաղաքապետարանը փորձում է խույս տալ խնդրից՝ մեղադրելով տրանսպորտի նախարարությանը: Գևորգի նպատակը դատական նախադեպ ստեղծելն է։ 1 մարտ, 2017 15:38 Ազատամարդ․ Քաղաքապետարանից գումար ստանալու մեխանիզմը Քաղաքացի Տիգրան Սարգսյանը ավարտին է հասցրել մի գործընթաց, որի արդյունքում դատարանների միջոցով կարողացել է Երևանի քաղաքապետարանից բռնագանձել 36000 դրամ՝ յուրաքանչյուր 5000 դրամ «կարմիր գծերի» տուգանքի դիմաց: Տեսանյութում նա բացատրում է դա անելու մեխանիզմը։ 22 փետրվար, 2017 13:11 Ազատամարդ․ Ազատամարտիկից ամբաստանյալ մեկ քայլ է Արցախյան շարժման աազատամարտիկ Կարո Կարապետյանը (Մորուք Կարո), ով արդեն մի քանի տարի ղեկավարում է «Վահագն» ռազմահայերենասիրական բարեգործական կազմակերպությունը, ոստիկանների «թեթև» ձեռքով մեղադրվել է 255 հոդվածով (սառը զենքի ապօրինի կրում) և դատապարտվել 300 000 դրամ տուգանքի: Փոքրիկ դանակը մահացած մարտական ընկերոջ նվերն էր, որը Կարոն օգտագործում էր կենցաղային նպատակներով: Ազատամարտիկների այսպիսի հետապնդումները հաճախացել են «Սասնա ծռերի» դեպքերից հետո: 14 փետրվար, 2017 11:39 Ազատամարդ․ Ճանապարհային ոստիկանությունը կարող է տուգանել նույնիսկ մահացածին Վարչական իրավախախտումների մասին օրենքի փոփոխությունները հույս էին տվել ավտոմեքենաների տերերին չտուգանվել այլ վարորդների կողմից իրենց մեքենայով կատարած խախտումների համար: Էդուարդ Բադալյանը բացահայտել է, որ Ճանապարհային ոստիկանությունը ոչ ոքի չի ազատում պատասխանատվությունից և կարող է մեկ խախտումը, որը կատարվել է հստակ ժամանակ՝ հստակ ավտոմեքենայի կողմից, վերագրել միանգամից մի քանի հոգու։