9 օգոստոս, 2017 14:38 Ազատամարդ․ Սեփական բնակարանում արևից այրվողները Երևանի Կողբացի 67 շենքից 2 մետր հեռավորության վրա կառոուցվել է մասնավոր հյուրանոց: Խախտվել են քաղաքաշինական նորմերը, ինչի արդյունքում այդ հյուրանոցի տանիքից արտացոլվող արևը տաքացնում է Այծեմնիկ Առաքելյանի բնակարանը հավելյալ մի քանի աստիճանով: Կինը անզիջում պայքար է մղում ապօրինի շինության և դրա թույլտվությունը տվողների դեմ: 1 օգոստոս, 2017 12:04 Ազատամարդ․ Ճանապարհային ոստիկանությունն ընդդեմ ֆիզիկայի օրենքների «Դուրս մեր գրպանից» նախաձեռնության անդամ Արսեն Պետրոսյանը ստիպված է պաշտպանել այն վարորդի իրավունքները, որին «բախտ է վիճակվել» երկու անգամ անգամ նույն ժամին և նույն մեքենայով նկարվել արագաչափ սարքով՝ սակայն տարբեր վայրերում: Ճանապարհային ոստիկանությունը նշանակել է երկու տարբեր տուգանք, իսկ բողոքարկումից հետո ուժի մեջ է թողել մեծ գումար պարունակող վարչական տույժի օրինակը:
25 հուլիս, 2017 13:05 Ազատամարդ․ Քաղաքապետարանը ծախսում է 10,000, որ գանձի 5000 Հրազդանցի վարորդ Արման Թորոսյանը անզիջում դատական պայքար է մղում Երևանի քաղաքապետարանի դեմ: Առաջին ատյանում նա շահել է, սակայն Երևանի քաղաքապետարանը մուծել է 10,000 դրամ պետական տուրք, որպեսզի դիմի Վերաքննիչ դատարան: 19 հուլիս, 2017 12:55 Ազատամարդ․ Մահը կա, մեղավորները չկան 2016թ․ դեկտեմբերի 25-ին Կապանի բժշկական կենտրոնում մահացավ Մարինե Իվանյանը և նրա չծնված երեխան: Մանկաբույժ Սամվել Միկոյանը ու ևս 12 բուժաշխատողներ թագցնում են մահվան հանգամանքները: Քննությունը ութ ամիս չի կարողանում բացահայտել դեպքը։ Մահացածի ամուսինը՝ Բենիամին Մանուչարյանը, ներկայացնում է կնոջ մահվանը հանգեցրած բժշկական սխալների ողջ շղթան: 13 հուլիս, 2017 13:30 Ազատամարդ․ Գանգոսկր չունեցողը դրամի կարիք չունի Մարինե Հարությունյանը պայքարում է իր 11-ամյա որդու հաշմանդամության թոշակը (21,500դրամ) վերականգնելու համար: Որդին՝ Սմբատ Հարությունյանը, գանգոսկրի ծանր վիրահատություն է տարել, ցավեր և հոգեկան խնդիրներ ունի, սակայն նրա հաշմանդամությունը երկրորդից տեղափոխվել է 3-րդ կարգ, իսկ փոփոխված օրենքով այդ կարգի հաշմանդամները այլևս չեն ստանում դրամական օգնություն: Արդեն երկու ամիս է՝ Սմբատի համար անհրաժեշտ դեղերը չեն գնվում: 4 հուլիս, 2017 13:45 Ազատամարդ․ Մահ՝ բժշկական սխալների արդյունքում 2017թ․ հունվարի 8-ին Կապանի բժշկական կենտրոնի աշխատակիցների անտարբերության պատճառով մահացել է 10 ամսական Յուլիանա Ղազարյանը: Գլխավոր բժիշկ Սմբատ Օրբելյանը ազատվել է աշխատանքից, սակայն մինչ օրս նա չի ընդունում իր և իր ենթակայության տակ գտնվող բուժաշխատողների պատասխանատվության բաժինը, որը մահացած երեխայի պատմությունից ակնհայտ է:
28 հունիս, 2017 14:14 Ազատամարդ․ Տարօրինակ ինքնասպանություն-սպանությունը Ջրաշենցի Բորիս Կարապետյանը 1 տարի 4 ամիս պայքարում է թոռան՝ Անզոր Կարապետյանի՝ «Արմավիր» ՔԿՀ-ում անհասկանալի մահվան պատճառները պարզելու համար: Կալանավորվելուց ընդամենը մի քանի ժամ անց Անզորի տարօրինակ մահվանից հետո դիակի վզի հատվածում բարեկամները հայտնաբերել են մուր, իսկ բանտի աշխատակիցները պնդում են, որ դա ինքնասպանություն էր առանց վկաների:
21 հունիս, 2017 12:52 Ազատամարդ․ Սլավիկ Շարմազանովը 16,000 դրամի հույսին է Ժաննա Բլբուլյանը խնամում է հոգեկան խնդիրներ ունեցող Սլավիկ Շարմազանովին` ամիսը 16,000 դրամով: Ժաննան փորձում է իրավապաշտպանների օգնությամբ պատկան մարմիններից ստանալ սոցիալական նպաստ, քանի որ միայն հաշմանդամության թոշակով չի կարողանում պատշաճ խնամել Սլավիկին:
14 հունիս, 2017 13:24 Իրաքահայի խնդիրներն ավելացել են ՀՀ քաղաքացիություն ստանալով Իրաքահայ Կորյուն Միսակը Հայաստանի քաղաքացիություն է ստացել։ Ապրիլյան ընտրություններից առաջ Սփյուռքի նախարարությունը խոստացել էր, որ նրան բնակարան կտրամադրվի։ Սակայն այժմ բնակարանը չի տրամադրվում՝ հիմնավորմամբ, որ Գորյուն Միսակն «այլևս սփյուռքահայ չէ, հայաստանցի է»։

7 հունիս, 2017 12:49 Ազատամարդ․ Վթարի ենթարկվածը դարձել է ամբաստանյալ 2,5 տարի առաջ գորիսեցի Վահագն Հայրապետյանը վթարի է ենթարկվում, ինչից հետո նախկին մարզպետ Սուրիկ Խաչատրյանի բարեկամները համոզում են չբողոքել՝ խոստանալով փոխհատուցել: Հետագայում խոստումները հօդս են ցնդում, իսկ Վահագնը տուժողից դառնում է ամբաստանյալ: Պայքարը գնում է փորձաքննության և իրականության կեղծման դեմ:
31 մայիս, 2017 11:57 Ոստիկանությունը որոշել է զբաղվել բիզնեսով «Տրանս-Սֆեր» պահնորդական ընկերության տնօրեն Հովհաննես Պետրոսյանը փորձում է դատարանում պաշտպանել իր պահնորդների աշխատանքային իրավունքները: Բանն այն է, որ ոստիկանությունը որոշել է մատուցել պահնորդական ծառայություններ տարբեր մասնավոր ընկերությունների՝ չունենալով արտոնագիր և մասնագիտական գիտելիքներ, որոնք հաստատված են արդարադատության նախարարության կողմից և պարտադիր են պահնորդական ծառայության համար: Հովհաննես Պետրոսյանի կարծիքով՝ ոստիկանությունը չի կարող մրցակցել հարկատու կազմակերպությունների հետ՝ սնվելով բյուջեից:
23 մայիս, 2017 14:50 Ոստիկանությունը հավատում է չորս անգամ դատապարտվածին, ոչ թե տեսագրությանը Վանաձորցի Գոռ Չոբանյանը ոստիկանությանը ներկայացրել է տեսաձայնագրություն, թե ինչպես է իրենց բնակարան գող մտնում, սակայն արդյունքում քրեական գործ հարուցվել է իր և աներորդու դեմ՝ իբր իրենք ծեծել են չորս անգամ դատապարտված Էդուարդ Սարիբեկյանին, որը դրա մասին ցուցմունք է տվել: Գոռը դիմել է պատկան մարմիններին՝ պահանջելով անաչառ քննություն: 17 մայիս, 2017 12:23 Ազատամարդ․ Հաշմանդամությամբ, բայց թոշակազուրկ երեխան Բազմազավակ միայնակ մայր Տաթևիկ Կոստանդյանը բնակվում է Լոռու մարզի Ջրաշեն գյուղում։ Նա չի կարողանում պատկան մարմիններից ստանալ իր որդու՝ էպիլեպսիայով տառապող Արենի հասանելիք թոշակը: Տաթևիկը չունի բավականաչափ ժամանակ և տրանսպորտի գումար, որպեսզի պայքարի բյուրոկրատական քաշքշուկների դեմ: