27 հունիս, 2017 18:05 Մեհրիբան Ալիևան «թույլ չի տա, որ ի դեմս հայերի թշնամու կերպար կերտվի» Երբեք թույլ չեմ տա, որ ադրբեջանցի ժողովրդի մեջ ի դեմս հայերի թշնամու կերպար կերտվի․ այսպիսի հայտարարություն, ըստ ռուսաստանցի գրող Ալեքսանդր Պրոխանովի, արել է Ադրբեջանի առաջին փոխնախագահ Մեհրիբան Ալիևան իր հետ հանդիպմանը։ Հայտարարությունն առնվազն տարօրինակ է հնչում մի երկրից, որտեղ պետական մակարդակով հայատյացության քաղաքականություն է իրականացվում, և երեխաներին անվանակոչում են մարդասպանի անունով։
Պրոխանովը Բաքվում քննարկումներ է ունեցել Ադրբեջանի նախագահ Իլհամ Ալիևի և առաջին փոխնախագահ Մեհրիբան Ալիևայի հետ։ Ադրբեջանական կայքերից մեկին տված հարցազրույցում, ի պատասխան հարցի, թե արդյոք Ալիևայի հետ հանդիպմանը քննարկվել են խաղաղության և պատերազմի, ղարաբաղյան հակամարտության, հայ և ադրբեջանցի ժողովուրդների միջև կարգավորման հարցերը, Պրոխանովն ասել է․
«Անշուշտ, այդ հարցը քննարկվել է և՛ նախագահի, և՛ փոխնախագահի հետ։ Ինձ ուրախացրել է և զարմացրել այն, որ և՛ նախագահի, և՛ փոխնախագահի դատողություններում ես չլսեցի ատելություն։
Տիկին Ալիևան ասել է, որ երբեք թույլ չի տա, որ ադրբեջանցի ժողովրդի մեջ ի դեմ հայերի թշնամակա
27 հունիս, 2017 12:37 Վրաստանը զե՞նք է մատակարարում Սիրիայի ընդդիմությանը Վրաստանը զենք է տրամադրում Սիրիայում պատերազմի կողմերից մեկին․ այսպիսի բացահայտում է արել Վրաստանի նախկին նախագահ Միխեիլ Սաակաշվիլիին մոտ կանգնած «Ռուսթավի 2» հեռուստաալիքը, որը հետաքննություն է անցկացրել Կազմակերպված հանցագործության և կոռուպցիայի լուսաբանման ծրագրի (OCCRP) հետ համատեղ։

Պարզվել է, որ ԱՄՆ-ը արդեն մի քանի ամիս է՝ Alliant techsystems operations ընկերության միջնորդությամբ բանակցություններ է վարում Վրաստանի կառավարության հետ զենքի գնման շուրջ։ «Ռուսթավի 2»-ը ցուցադրել է մի շարք փաստաթղթեր, այդ թվում՝ 1 855 251 դոլարի զենք մատակարարելու վերաբերյալ վրաց-ամերիկյան գործարք։ Այն կնքվել է 2016թ․ սեպտեմբերի 22-ին։ Գնումը պետք է ավարտին հասցվեր 2017թ․ մայիսի 23-ին։
26 հունիս, 2017 15:39 Ծոցի ճգնաժամի շուրջ․ Թիլերսոնի հայտարարությունը, Դոհայի դիրքորոշումն ու Էրդողանի մերժումը Անցյալ շաբաթ հայտնի էր դարձել, որ Կատարի հետ դիվանագիտական կապերը խզած արաբական չորս երկրներ 13 պահանջից բաղկացած ցանկ են ներկայացրել Դոհային։ Պահանջների թվում՝ «Ալ-Ջազիրա» հեռուստաալիքի փակում, տարածաշրջանային հակառակորդ Իրանի հետ կապերի կրճատում, Թուրքիայի հետ ռազմական համագործակցության դադարեցում և այլն։
Ինչպես հաղորդում է Аl Jazeera-ն, Դոհան մերժել է պահանջները՝ դրանք որակելով «ո՛չ ողջամիտ, ո՛չ էլ՝ իրագործելի»։ Կատարի արտաքին գործերի նախարարությունը ցանկը ստացել է հունիսի 22-ին։
26 հունիս, 2017 12:16 Գերմանիան Էրդողանի թիկնապահներին թույլ չի տալիս մասնակցել Մեծ քսանյակի գագաթաժողովին Գերմանիայի իշխանությունները Թուրքիայի նախագահ Ռեջեփ Թայիփ Էրդողանի թիկնապահներին թույլ չեն տալիս մասնակցել հուլիսին Համբուրգում կայանալիք Մեծ քսանյակի (G20) գագաթաժողովին։

Deutsche Welle-ն, հղում անելով գերմանական պարբերականներին, գրում է, որ Գերմանիայի արտաքին գործերի նախարարությունը անցյալ ամիս Վաշինգտոնում ցուցարարների դեմ բռնություն գործադրած թուրք թիկնապահներին նախազգուշացրել է, որ չմասնակցեն գագաթաժողովին։ Նախազգուշացումներն ապա փոխանցվել են Բունդեսթագի անդամներին՝ փակ հանդիպումների ընթացքում, ըստ Die Welt-ի։

Համբուրգ քաղաքի սենատոր Էնդի Գրոթը պարբերականին ասել է․ «Մեր փողոցներում խոսքի իրավունք ունի միայն Համբուրգի ոստիկանությունը, ուրիշ ոչ ոք, այդ թվում՝ օտարերկրյա անվտանգության ուժերը»։
26 հունիս, 2017 10:59 Ռուսական զենքի հերթական խմբաքանակն Ադրբեջանում է Ադրբեջանի և Ռուսաստանի միջև միջկառավարական համաձայնագրի շրջանակում օրերս Ռուսաստանից Ադրբեջան է մատակարարվել նորագույն ռազմատեխնիկայի հերթական խմբաքանակը։

Ադրբեջանական լրատվամիջոցները հաղորդում են, որ սպառազինությունները առաջիկայում ուղարկվելու են մերձճակատային գոտի։ Նշվում է, որ ռուսաստանյան ռազմատեխնիկայի մատակարարումը Ադրբեջանին կշարունակվի։

Ռուսական զենքի նախորդ խմբաքանակը Ադրբեջան էր առաքվել ընդամենը երկու ամիս առաջ՝ ապրիլին։
23 հունիս, 2017 17:55 «Դու ի՞նչ ես անում Արցախի համար» պաստառների վրա սփյուռքի նախարարությունը գումար չի ծախսել Հայաստանի տարբեր հատվածներում վերջին ամիսներին հայտնվել են գովազդային վահանակներ՝ «Դու ի՞նչ ես անում Արցախի համար» գրությամբ։ Պաստառները բավական բուռն քննարկումների թեմա են դարձել հայաստանյան օգտատերերի շրջանում։ Շատերը նման բովանդակության վահանակների գաղափարն անհաջող են համարել։ Սիվիլնեթը փորձեց պարզել, թե ով է, օգտատերերի բնորոշմամբ, մուննաթ պարունակող վահանակների գրության հեղինակը և որքան գումար է ծախսվել դրանց վրա։ 23 հունիս, 2017 17:14 Ադրբեջանում «կպարզեն»՝ իրականում ինչ հայտարարություն է արել ՀՀ-ում Չեխիայի դեսպանը Ադրբեջանի ԱԳՆն կդիմի Չեխիայի արտաքին գործերի գերատեսչություն՝ «պարզելու, թե արդյոք այդ հայտարարությունն արել է Հայաստանում Չեխիայի դեսպանը»․ հայտարարել է Ադրբեջանի ԱԳՆ խոսնակ Հիքմեթ Հաջիևը։ 
Հայաստանում Չեխիայի արտակարգ ու լիազոր դեսպան Պետր Միկիսկան NEWSam–ի թղթակցի հետ զրույցում ասել է, որ Ադրբեջանը «արտահանձնման իրավաբանական ինստիտուտը քաղաքական քարոզչության նպատակներով է գործածում»։ Այս հայտարարությունը դեսպանն արել է Լեռնային Ղարաբաղ այցելելու համար Եվրախորհրդարանի մի շարք պատգամավորների ֆրանկ Էնգել Լյուքսեմբուրգ, Էլենի Տեոխարուս Կիպրոս ու Յարոմիր Շտետինայի Չեխիա նկատմամբ Ադրբեջանի կողմից միջազգային հետախուզում հայտարարելու համատեքստում։ 
«Վերոնշյալ դեպքում Ադրբեջանը առաջնորդվել է քաղաքական, այլ ոչ թե իրավական դրդապատճառներով։ Որոշ իրավաբաններ ասում են, որ ադրբեջանական սահմանի այսպես կոչված «ապօրինի հատումը» հանցագործություն չէ այլ երկրներում, հետևաբար Բաքվի կողմից տրամադրված հետախուզության օրդերը չպետք է իրավաբանորեն պարտադիր
23 հունիս, 2017 13:23 Արաբական երկրները 13 պահանջ են ներկայացրել Կատարին Կատարի հետ դիվանագիտական կապերը խզած արաբական չորս երկրներ 13 պահանջից բաղկացած ցանկ են ներկայացրել Դոհային։ Պահանջների թվում՝ «Ալ-Ջազիրա» հեռուստաալիքի փակում, տարածաշրջանային հակառակորդ Իրանի հետ կապերի կրճատում։ Այս մասին հաղորդում է Reuters գործակալությունը՝ հղում անելով երկրներից մեկի պաշտոնյայի։ Պահանջները միտված են Ծոցի ճգնաժամի հանգուցալուծմանը։

«Դոհայի անկախ արտաքին քաղաքականությունը, Իրանի հանդեպ խաղաղասեր դիրքորոշումը, աջակցությունը իսլամիստական որոշ խմբավորումների, մասնավորապես, «Մուսուլման եղբայրներին», հարուցել են նրա հարևանների դժգոհությունը, որոնք քաղաքական իսլամը դիտարկում են որպես սպառնալիք իրենց միապետական կառավարմանը»,- նշում է գործակալությունը։
23 հունիս, 2017 13:15 Ինչ հետևանքներ կարող է ունենալ Իսլամական պետության առաջնորդ ալ-Բաղդադիի մահը․ Foreign Affairs-ի անդրադարձը Հունիսի 16-ին Ռուսաստանի պաշտպանության նախարարությունը հայտարարեց, որ Ռաքքայում ռուսական օդուժի հարվածների արդյունքում, հնարավոր է, սպանվել է «Իսլամական պետություն» ահաբեկչական խմբավորման առաջնորդ Աբու Բաքր ալ-Բաղդադին։ Ամերիկյան Foreign Affairs հանդեսում հրապարակված վերլուծականում հոդվածագիր Քոլին Քլարկը (Colin P. Clarke) մանրամասնում է, թե ինչ հետևանքներ կունենա ալ-Բաղդադիի մահը։ Հոդվածը թարգմանաբար ներկայացված է ստորև։

Ալ-Բաղդադիին սպանելու Ռուսաստանի ՊՆ-ի հայտարարությանը թերահավատորեն մոտենալու համար շատ պատճառներ կան, այդ թվում այն, որ ԻՊ-ն ամիսներ առաջ Ռաքքայից Դեր Զոր էր տեղափոխել իր ղեկավարության մնացած մասին։ «Իսլամական պետության» առաջնորդ Աբու Բաքր ալ-Բաղդադիի սպանության մասին նախկինում ևս լուրեր էին եղել։ Այնուամենայնիվ, նույնիսկ եթե դրանք կեղծ են, արժե հասկանալ՝ ինչ նշանակություն ունի նրա մահը։
23 հունիս, 2017 11:36 Միջազգային կառույցներն ու համանախագահ երկրները մտահոգված են շփման գծում տեղի ունեցած դեպքերով Անցյալ շաբաթ ԼՂ պաշտպանության բանակը հաղորդեց շփման գծում հրադադարի խախտումների հետևանքով զոհերի՝ հունիսի 16-ին և հունիսի 17-ին համապատասխանաբար 3 և 1 զինվորների զոհվելու մասին։ Երևան, Ստեփանակերտ և Բաքու այցելությունների արդյունքներով Մինսկի խմբի համանախագահները հայտարարություն են ընդունել։ Շփման գծում լարվածության վերջին դեպքերից հետո հայտարարություններով են հանդես եկել Մինսկի խմբի երկու համանախագահ պետությունների՝ ԱՄՆ-ի և Ռուսաստանի արտաքին գործերի գերատեսչությունները, ինչպես նաև ՄԱԿ-ն ու Եվրամիությունը։ Հայտարարությունները հիմնականում երկրորդում են միմյանց՝ կողմերին կոչ անելով անհապաղ դիտարկել լարվածության նվազեցմանը միտված քայլեր և կրկին նստել բանակցությունների սեղանի շուրջ։ 23 հունիս, 2017 10:34 Մոսուլի կենտրոնում պայթեցվել է պատմական ան-Նուրի մզկիթը Իսլամական պետությունը մեղադրում է ԱՄՆ-ի օդուժին չորեքշաբթի օրը Մոսուլի «Հին քաղաքի» միջնադարյան ան-Նուրի մզկիթի պայթեցման մեջ։ Իրաքի զինված ուժերի փոխանցմամբ՝ Իսլամական պետություն ահաբեկչական խմբավորումը՝ «Դաեշը», չորեքշաբթի պայթեցրել է Մոսուլի կենտրոնում գտնվող միջնադարյան ան-Նուրի մզկիթը, հաղորդում է «Ամերիկայի ձայնը»։ 22 հունիս, 2017 16:53 Ղարաբաղյան թեման Ռուսաստանի ԱԳՆ-ի «ջանքերի օրակարգում է»․ Զախարովա Ղարաբաղյան կարգավորման թեման մշտապես ռուսաստանյան ԱԳՆ-ի ջանքերի օրակարգում է․ մայիսի 22-ի ճեպազրույցին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով շփման գծում անհանգիստ վիճակի մասին հարցին։

Մեկնաբանելով ԵԱՀԿ Մինսկի խմբի համանախագահների տարածաշրջանային այցի արդյունքները՝ Զախարովան ասել է, որ նրանց հայտարարությունում արտացոլված է «այդ թվում ռուսաստանյան դիրքորոշումը»։ Հայտարարությունն, ըստ խոսնակի, «հրապարակված և հասանելի է համապատասխան կայքերում»։
22 հունիս, 2017 16:11 Հայաստանը և Քեմալական շարժումը Առաջին պետությունը, որ 1918թ․ ճանաչեց Հայաստանի Հանրապետությունը, Օսմանյան կայսրությունն էր՝ անկում ապրող մի տերություն, որի առաջնորդները ընդամենը երեք տարի առաջ հղացել, կազմակերպել ու իրագործել էին Հայոց ցեղասպանության հրեշավոր ծրագիրը
Պետականության կորստից 600 տարի անց միջազգային դիվանագիտական առաջին փաստաթուղթը, որն այդպես էլ չվավերացվեց, 1918թ․ հունիսի 4ի Բաթումի Բարեկամության և հաշտության դաշնագիրն էր Օսմանյան կայսերական կառավարության և Հայաստանի Հանրապետության միջև
Ճակատագրի հեգնանքով, Հայաստանի Հանրապետությունը խորհրդայնացվելուց առաջ իր վերջին պայմանագիրը նույնպես կնքեց թուրքերի հետ Ալեքսանդրապոլում՝ 1920թ․ դեկտեմբերի 2ի լույս 3ի գիշերը։
Այդ պայմանագիրը, որը ստորագրման պահից օրինական ուժ չէր կարող ունենալ և, բացի այդ, այդպես էլ չվավերացվեց, հայկական կողմից ստորագրեց նախկին վարչապետ Ալեքսանդր Խատիսյանը, քեմալականների կողմից՝ Արևելյան ճակատի հրամանատար Քյազիմ Կարաբեքիր փաշան, որի զորքերը 1920թ․ հոկտեմբերնոյեմբերին գրավել էին Կարսը, Ալեքսանդրապոլը, Շիրակի դաշտավայրը։
Որոշ պատմաբաններ և հետազոտող