16 հունիս, 2017 11:22 Ռուսաստանի ՊՆ-ն հաղորդել է` իր օդուժի հարվածներից սպանվել է «Իսլամական պետության» առաջնորդը Ռուսաստանի պաշտպանության նախարարությունը հայտարարել, է որ Սիրիայում ռուսական օդուժի հարվածների արդյունքում սպանվել է «Իսլամական պետություն» ահաբեկչական խմբավորման առաջնորդ Աբու Բաքր ալ-Բաղդադին։ Ռուսաստանին ՊՆ-ն հաղորդում է նաև, որ տեղեկատվությունը ճշտելու կարիք ունի։ 15 հունիս, 2017 18:18 Թուրքիայի լրատվամիջոցներում էթնոդավանական խմբերից ամենաշատը թիրախավորվել են հայերը․ զեկույց Թուրքիայում 2017-ին մամուլում էթնոդավանական խմբերի մասին հոդվածներում ամենաշատը թիրախավորվել են հայերը, փաստում է Հրանտ Դինք հիմնադրամի պատրաստած զեկույցը։

Զեկույցն ուսումնասիրել է 2017-ի առաջին չորս ամիսների ընթացքում ազգային, էթնիկ ու կրոնական տարբեր խմբերի թիրախավորող 1876 հոդված ու լուր։ Դրանցում 58 տարբեր էթնիկ ու կրոնական խմբերի նկատմամբ 2355 ատելութուն քարոզող կամ վիրավորական արտահայտություններ պարունակող նյութեր կան, որոնցից ամենաշատը՝ 439, հայերի դեմ։ Ընդ որում, ատելության օբյեկտները փոփոխվում են ըստ քաղաքական կոնյունկտուրայի։
15 հունիս, 2017 16:59 Հայաստանը հաճախ անտեսում է իր հաղթաթղթերը քրդական հարցում․ քրդագետ Մենք ամենևին վերջինը չենք քրդական հարցում, և քրդական ղեկավար շրջանակների հետ իմ շփումներից կարող եմ վստահաբար ասել, որ նրանք մեզ չեն համարում փոքր պետություն։ Եվ ես քուրդ, թուրք գործիչների մոտ արել եմ այդ շեշտադրումը, որ մենք գուցե փոքր պետություն ենք, բայց մեծ ազգ ենք, և այս ընկալումը կա քրդական իրականության մեջ։ Այլ է, որ մենք չմտնենք այդ փոքրի կերպարի մեջ․ ՍիվիլՆեթի տաղավարում Թաթուլ Հակոբյանի հետ զրույցում ներկայացնելով Իրաքյան Քուրդիստանի շուրջ իրավիճակը՝ այսպիսի դիտարկում արեց Երևանի պետական համալսարանի Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը։ 15 հունիս, 2017 14:20 Չավուշօղլուն այցելում է Կատար, Քուվեյթ, Սաուդյան Արաբիա, ձգտում է հարթել Ծոցի ճգնաժամը Ծոցի ճգնաժամը պետք է լուծվի խաղաղ ճանապարհով, երկխոսության միջոցով․ Կատարի մայրաքաղաք Դոհայում հունիսի 14-ին հայտարարել է Թուրքիայի արտաքին գործերի նախարար Մևլութ Չավուշօղլուն։

Դոհայում նա հանդիպում է ունեցել Կատարի էմիր Շեյխ Թամիմ Բին Ալ-Թանիի և արտաքին գործերի նախարար Շեյխ Մոհամեդ բին Աբուլռահման Ալ-Թանիի հետ։

Ըստ թուրքական Anadolu գործակալության՝ Կատարից հետո այսօր Չավուշօղլուն այցելելու է Քուվեյթ, որը նույնպես փորձում է հարթել ճգնաժամը։ Ուրբաթ օրը նախատեսված է Թուրքիայի ԱԳ նախարարի այցը Սաուդյան Արաբիա և նրա հանդիպումը թագավոր Սալմանի հետ։
15 հունիս, 2017 11:46 Նավալնին չի կարող մասնակցել նախագահական ընտրություններին․ ՌԴ ԿԸՀ նախագահ ՌԴ Կենտրոնական ընտրական հանձնաժողովի նախագահ Էլլա Պամֆիլովան հայտարարել է, որ ընդդիմադիր Ալեքսեյ Նավալնին նախագահական ընտրություններում որպես թեկնածու գրանցվելու շանսեր չունի։

«Ես հասկանում եմ, և նա է հասկանում, որ ընտրություններում գրանցվելու շանսեր չունի դատվածության պատճառով․․․ Դա՝ ըստ օրենքի, ըստ մեր ռուսաստանյան օրենսդրության»,- Դոժդ հեռուստաալիքի եթերում ասել է Պամֆիլովան։ Նա շեշտել է, որ որպես մարմնի ղեկավար, որը գրանցելու է թեկնածուներին, ինքը «հնարավոր թեկնածուների մասին իր դիրքորոշումը բարձրաձայնելու իրավունք չունի», և Ալեքսեյ Նավալնին «սրբազան քաղաքական կով է, որին ավելի լավ է չդիպչել»։
14 հունիս, 2017 17:08 Պուտինը պատմել է, թե որն է Ռուսաստանի ընդդիմության խնդիրը Ռուսաստանի ընդդիմության խնդիրը կայանում է նրանում, որ այն չի կարող շահեկան ծրագիր առաջարկել․ այսպիսի կարծիք է հայտնել ՌԴ նախագահ Վլադիմիր Պուտինը ամերիկացի ռեժիսոր Օլիվեր Սթոունի պատրաստած ֆիլմում, որը ցուցադրվել է ամերիկյան Showtime հեռուստաալիքով։

«Ընդդիմադիր ուժերի խնդիրը նրանում չէ, որ պարզապես պայքարեն իշխանության դեմ, այլ նրանում, որ ցույց տան ընտրողներին, քաղաքացիներին, որ իրենց առաջարկած ծրագրերը ավելի շահեկան են ընտրողների շահերի տեսանկյունից»,- ասել է Պուտինը։
14 հունիս, 2017 13:26 Քրդերը պատրաստվում են անկախության հանրաքվեի․ ինչպես են դրան վերաբերվում հարևաններն ու ԱՄՆ-ը Անցյալ շաբաթ Իրաքյան Քրդստանի նախագահ Մասուդ Բարզանին հայտարարեց, որ սեպտեմբերի 25-ին Հյուսիսային Իրաքում քրդերը կանցկացնեն անկախության հանրաքվե։ Al Monitor կայքում հրապարակած հոդվածում լրագրող Ամբերին Զամանը վերլուծում է, թե ինչ ազդեցություն կունենա քրդերի անկախությունը տարածաշրջանում։

ԱՄՆ արձագանքը միանշանակ չէր, ինչպես միշտ։ Պետքարտուղարությունը կրկնեց ստանդարտ արտահայտությունը, որ Միացյալ Նահանգները աջակցում է «միասնական, կայուն, ժողովրդավարական և դաշնային Իրաքին»: Բայց նաև ասաց, որ ճանաչում է քուրդ ժողովրդի «օրինական ձգտումները»։ ԱՄՆ-ի հիմնական անհանգստությունը վերաբերում է նշանակված հանրաքվեի ժամկետին, որը կարող է «շեղել» «Իսլամական պետության» դեմ պայքարից։ Օրինակ, Իրաքի վարչապետ Հայդեր ալ-Աբադին կարող է որոշել ամերիկյան հետագա ֆինանսական միջոցներից չվճարել քուրդ գրոհայինների աշխատավարձերը: Անհանգստանալու մյուս խոշոր առիթն այն է, թե ինչպես դա կանդրադառնա Վաշինգտոնի ջանքերի վրա՝ աջակցելու Աբադիին 2018 թ. խորհրդարանական կարևոր ընտրություններից առաջ։
12 հունիս, 2017 17:24 Բողոքի ցույցեր Ռուսաստանում, կան հարյուրավոր բերման ենթարկվածներ Հունիսի 12ին նշվում է Ռուսաստանի օրը։ Ռուսաստանցի ընդդիմադիր գործիչ Ալեքսեյ Նավալնին այսօր հրավիրել է համառուսաստանյան բողոքի ցույցեր ընդդեմ կոռուպցիայի, որոնք հավաքել են հազարավոր մարդկանց։
Ինչպես հաղորդում է BBCի ռուսական ծառայությունը, այս պահի դրությամբ յան հարյուրարավոր ձերբակալված ցուցարարներ, Մոսկվայում նրանց թիվը հասնում է 200ի։ Դեռ մինչև մոսկովյան այցիայի սկիզբը իր տան մոտ բերման է ենթարկվել Նավալնին։  
Ականատեսները փոխանցում են, որ Մոսկվայի Տվերսկայա փողոցում կիրառվել է  «պղպեղի գազ», հատուկ ջոկատայինները հակագազ են կրել։
 

ктото распылил перечный газ, полиция выглядит так pictwittercom/Lvk0a9LM8E
— Feldman @EvgenyFeldman June 12, 2017

 
Отбиваются как могут pictwittercom/4Hf3EIKM7A
— Алексей Абанин @abanin June 12, 2017
«Դոժդ» հեռուստաալիքը փոխանցում է, որ Տվերսկայա փողոցի ցուցարարները վանկարկում են՝ «Ցա՛ր, հեռացի՛ր»։
 

Протестующие на Тверской улице скандируют «долой царя» https
12 հունիս, 2017 11:05 Ռուսաստանը, Իրանն ու Ադրբեջանը քննարկում են էլեկտրաէներգետիկ միասնական գոտու ստեղծումը Ռուսաստանն, Իրանն ու Ադրբեջանը համագործակցում են էլեկտրաէներգետիկ միասնական գոտու ստեղծման հարցում․ այս մասին ադրբեջանական AzerTag գործակալության հետ զրույցում ասել է Ռուսաստանի էներգետիկայի նախարար Ալեքսանդր Նովակը, որը Բաքվում մասնակցել է Ադրբեջանի էներգետիկայի նախարար Նաթիգ Ալիևի հուղարկավորությանը։ 
«Մենք շատ բարձր ենք գնահատում մեր համագործակցությունը, Ադրբեջանի ու Իրանի հետ աշխատում ենք էլեկտրաէներգետիկ միասնական գոտու ստեղծման ուղղությամբ», ասել է Նովակը՝ շեշտելով, որ Ռուսաստանն ու Ադրբեջանը միասին են իրագործում պայմանավորվածությունները, որոնք վերաբերում են Նավթ արտահանող երկրների կազմակերպության OPEC մեջ չմտնող երկրների միջև նավթային շուկայի հավասարակշռմանը։
Նովակի խոսքով՝ «Ադրբեջանն այստեղ զբաղեցնում է առանցքային տեղերից մեկը», բացի այդ, երկու երկրները «շարունակում են համագործակցությունը գազի ոլորտում»։ ՌԴ էներգետիկայի նախարարի համոզմամբ՝ դա Ադրբեջանի ու Ռուսաստանի միջև առևտրատնտեսական համագործակցության «ամենահեռանկարային ուղղություններից է&raq
9 հունիս, 2017 15:18 Ղարաբաղում նոր հակամարտությունը կարող է վերածվել սիրիական պատերազմի երկրորդ բեմի․ Քարնեգի հիմնադրամ Վերջին քառորդ դարում Միացյալ Նահանգները մեծ ներդրումներ է արել Հարավային Կովկասում և երկարաժամկետ հանձնառություններ ստանձնել։ Նա աջակցել է հարավկովկասյան հանրապետությունների անկախությանն ու ինքնիշխանությանը, շարունակում է Մինսկի խմբի համանախագահ լինել։

ԱՄՆ-ը նշանակալի մշակութային կապեր ունի երեք պետություններից առնվազն երկուսի հետ․ Ամերիկայի հայկական համայնքը լայն կապեր ունի տարածաշրջանի հետ, ընդլայնվում են Վրաստանի հետ կրթական, մշակութային, քաղաքական կապերը։

Հեղինակները, հերթական անգամ շեշտելով, որ այս տարածարջանում ԱՄՆ-ի քաղաքականության առաջնահերթությունը պետք է լինի սառեցված հակամարտությունների սրման կանխումը, փաստում են, որ անցյալ տարվա ապրիլի պատերազմը Հայաստանի ու Ադրբեջանի միջև ցույց տվեց, թե որքան վտանգավոր են այս հակամարտությունները ԱՄՆ-ի շահերի տեսանկյունից։
8 հունիս, 2017 17:49 Իրանցիները «մերժում են ամերիկյան բարեկամության նման հավաստիացումները» Իրանի արտաքին գործերի նախարար Ջավադ Զարիֆը խիստ քննադատության է ենթարկել Սպիտակ տան հայտարարությունը, որն արվել է երեկ Թեհրանում տեղի ունեցած ահաբեկչական գործողությունների առնչությամբ։ 
Հայտարարությունը սկսվում է իրանցի ժողովրդին ցավակցությամբ և ապա շարունակվում՝ զգուշացնելով, որ «պետությունները, որոնք հովանավորում են ահաբեկչությունը, կարող են դառնալ իրենց տարածած չարիքի զոհը»։
Զարիֆը Սպիտակ տան հայտարարությանն արձագանքել է Թվիթերում։
«Սպիտակ տան հակասական հայտարարությունն ու Սենատի պատժամիջոցները այն ժամանակ, երբ իրանցիները հակազդում են ահաբեկչությանը, որին աջակցում են ԱՄՆի հաճախորդները։ Իրանցի ժողովուրդը մերժում է ԱՄՆից բարեկամության նման հավաստիացումները», գրել է Զարիֆը։

Repugnant WH statement & Senate sanctions as Iranians counter terror backed by US clientsIranian people reject such US claims of friendship
— Javad Zarif @JZarif June 8, 2017
Մինչդեռ հունիսի 7ին Թեհրանում տեղի ունեցած ահաբեկչական գործողությունների արդյունքում զոհերի թիվը հասել է 17ի։
8 հունիս, 2017 15:55 Հունիսի 10-ին ԵԱՀԿ Մինսկի խմբի համանախագահները կայցելեն Հայաստան․ ՌԴ ԱԳՆ Հունիսի 10ին ԵԱՀԿ Մինսկի խմբի համանախագահները կայցելեն Հայաստան, որտեղ հանդիպումներ կունենան նախագահ Սերժ Սարգսյանի, արտաքին գործերի նախարար Էդվարդ Նալբանդյանի, պաշտպանության նախարար Վիգեն Սարգսյանի հետ․ այս մասին այսօրվա ճեպազրույցին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Նրանք մտադիր են ծանոթանալ հակամարտության գոտում տիրող իրավիճակին։ Ծրագրվում է ղարաբաղյան կարգավորման արդի հարցերի քննարրկում, այդ թվում՝ ապրիլի վերջին Մոսկվայում Ռուսաստանի, Ադրբեջանի և Հայաստանի ԱԳ նախարարների հանդիպումը հաշվի առնելով։ Նախատեսվում է նաև այցելություն Լեռնային Ղարաբաղ», ասել է Զախարովան։
Զախարովայի տեղեկացմամբ՝ մեկ շաբաթ անց եռյակը կմեկնի Ադրբեջան։
Օրերս ՌԴ արտգործնախարար Սերգեյ Լավրովը հայտարարել է, որ ղարաբաղյան կարգավորման շուրջ բանակցությունների ընթացքում մշակվել է սկզբունքների փաթեթ, սակայն «անհրաժեշտ է համաձայնեցնել շատ բարդ դետալների շարք»։ Խոսքը, ըստ Լավրովի, «շատ զգայուն հարցերի մասին է, այդ թվում՝ ներքաղաքական»։