24 հունվար, 2017 10:49 Ալիևը պնդում է, որ ԼՂ «ապագա կարգավիճակի որոշումը հնարավոր է միայն միասնական Ադրբեջանի կազմում» Ադրբեջանի նախագահ Իլհամ Ալիևը հայտարարել է, որ Լեռնային Ղարաբաղի «ապագա կարգավիճակի որոշումը հնարավոր է միայն միասնական Ադրբեջանի կազմում»։
«Հակամարտության կարգավորումը կայանում է դրանում», APA գործակալության փոխանցմամբ՝ ասել է Ալիևը Աբշերոնի շրջանում նոր զինվորական քաղաքի բացմանը։
Ալիևի համոզմամբ՝ Ադրբեջանն այսօր «ուժեղ պետություն է», որը «կառուցել է սեփական անկախ կյանքը», և դա արել է «առանց որևէ մեկի օգնության», «առանց որևէ մեկի փեշը բռնելու»։
Ադրբեջանի նախագահի պնդմամբ՝ այսօր Հայաստանը որպես անկախ պետություն «աշխարհի քարտեզի վրա է զուտ պաշտոնապես», մինչդեռ իրականում «կախյալ պետություն է», որն «ունակ չէ ինքնուրույն որոշել սեփական ապագան»։
Հայաստանի համար նման իրավիճակից ելքը, ըստ ադրբեջանցի ղեկավարի, «հարևանների հետ հարաբերությունների վերականգնումն է» և «օկուպացիայի դադարեցումը»։
23 հունվար, 2017 15:24 Լուկաշենկոն «մոռացության մեջ է ընկել», «սադրում է» Մոսկվային, Թել Ավիվին և Երևանին Հունվարի 20-ին հայտնի է դարձել, որ Մինսկը որոշել է Ադրբեջանին արտահանձնել Բելառուսում ազատազրկված՝ Ռուսաստանի և Իսրայելի քաղաքացի Ալեքսանդր Լապշինին։ Ռուսաստանյան «Վզգլյադ» օրաթերթն անդրադարձել է Մոսկվայի արձագանքին։ Թերթի զրուցակիցների խոսքով՝ Լուկաշենկոն «համի է ընկել», և նրա հերթական ժեստը հակառուսական բնույթ է կրում, սակայն նա սադրում է ոչ միայն Ռուսաստանին, այլև Իսրայելին, Հայաստանին և, առհասարակ, ամբողջ միջազգային հանրությանը։

Չնայած ՌԴ ԱԳՆ ղեկավար Սերգեյ Լավրովի անձնական կոչերին՝ Մինսկը որոշել է Ադրբեջանին արտահանձնել հայտնի ճանապարհորդ, ռուսաստանցի Ալեքսանդր Լապշինին, գրում է թերթը։
23 հունվար, 2017 13:04 Աստանայում մեկնարկել են Սիրիայի հարցով բանակցությունները Այսօր Ղազախստանի մայրաքաղաքում մեկնարկել են սիրիական հակամարտության կարգավորման շուրջ բանակցություններ, որոնց մասնակցում են յոթ պատվիրակություններ՝ Սիրիայի կառավարության և ընդդիմության, դեկտեմբերի 29ի հրադադարի համաձայնագրի երաշխավոր երկրներ Ռուսաստանի, Թուրքիայի և Իրանի ներկայացուցիչները, Սիրիայի հարցով ՄԱԿի գլխավոր քարտուղարի հատուկ բանագնացի թիմը և Ղազախստանում ԱՄՆի դեսպան Ջորջ Կրոլը
Հանդիպմանը ծրագրվում է ամրապնդել հրադադրի ռեժիմը փետրվարի 8ին Ժնևում կայանալիք խորհրդակցությունների նախաշեմին։
Սիրիական ընդդիմությունը ներկայացված է հիմնականում երկրի հյուսիսում և կենտրոնում, մասամբ՝ հարավում գործող խմբավորումներով։
23 հունվար, 2017 12:54 Ինչու է Բելառուսը փորձում լեզու գտնել Եվրոպայի հետ․ The Economist-ի անդրադարձը Բրիտանական The Economist հանդեսն իր վերջին համարում անդրադարձել է Բելառուս-Ռուսաստան վատթարացող հարաբերությունների խորապատկերում Մինսկի կողմից Եվրոպայի հետ հարաբերությունները լավացնելու փորձերին։ «Ինչո՞ւ է «Եվրոպայի վերջին բռնապետությունը» վերացնում իր երկիր մուտքի արտոնագիրը» վերնագրված հոդվածը թարգմանաբար ներկայացված է ստորև։
23 հունվար, 2017 12:38 Հայկական համարանիշերով Իրան մեքենաների մուտքը դյուրացվել է Հայկական պետհամարանիշերով ավտոմեքենաներն այսուհետև կարող են ժամանակավորապես Իրան մուտք գործել՝ նախկին 500 ԱՄՆ դոլարի փոխարեն վճարելով շուրջ 90 ԱՄՆ դոլարի հասնող երաշխիքային գումար
Հղում անելով իրանական լրատվամիջոցներին, Իրանում ՀՀ դեսպանության ֆեյսբուքյան էջը, ավտոմեքենաներն Իրանի տարածքում կարող են գտնվել առավելագույնը երեք ամիս Հայաստան վերադառնալիս վճարված երաշխիքային գումարը հետ կվերադարձվի ավտոմեքենայի սեփականատիրոջը
2015թ․ օգոստոսի 11ին ուժի մեջ էր մտել «Հայաստանի Հանրապետության կառավարության և Իրանի Իսլամական Հանրապետության կառավարության միջև քաղաքացիների առանց մուտքի արտոնագրի այցելությունների մասին» փոխըմբռնման հուշագիրը 
«Փոխըմբռնման հուշագրով Հայաստանի և Իրանի քաղաքացիները միմյանց տարածք մուտք գործելու, տարանցիկ անցնելու և գտնվելու համար ազատվում են մուտքի արտոնագիր ձեռք բերելու պահանջից՝ 90 իննսուն օր չգերազանցող ժամկետով՝ 180 հարյուր ութսուն օրվա ընթացքում», ասված էր ՀՀ ԱԳՆ հաղորդագրության մեջ
Այցագրային ռեժիմի ազատականացման մասին հուշագիրը Հայաստանն ու
23 հունվար, 2017 11:49 ԽՍՀՄ օրոք ծագելուց ի վեր ԼՂ հակամարտությունը չի եղել Բաքվի ներքին գործը․ «Թուրան» Ռուսաստանի արտաքին գործերի նախարար Սերգեյ Լավրովի հայտարարությունն այն մասին, որ ղարաբաղյան հարցը Ադրբեջանի ներքին գործերին վերաբերող թեմա չէ, իրարանցում է առաջացրել ադրբեջանական հանրության ներսում, գրում է «Թուրան» վերլուծական ծառայությունը։

Լավրովի հայտարարությանը նույն օրն արձագանքել էր նրա ադրբեջանցի պաշտոնակից Էլմար Մամեդյարովը՝ ասելով, որ Ռուսաստանը պետք է ավելի մեծ ջանքեր գործադրի ղարաբաղյան հակամարտության կարգավորման հարցում։ Օրերս ՌԴ ԱԳՆ ղեկավարի խոսքերին արձագանքել էր Ադրբեջանի խորհրդարանի փոխխոսնակ Բահար Մուրադովան․ «Ռուսաստանի արտաքին գերատեսչության ղեկավարը պետք է հանդես գար հայ-ադրբեջանական հակամարտության կարգավորման շուրջ իրավիճակի ադեկվատ գնահատականով»։
20 հունվար, 2017 21:15 Դոնալդ Թրամփը դարձավ ԱՄՆ 45-րդ նախագահը Վաշինգտոնում՝ Կապիտոլիումի բլրում, տեղի ունեցավ ԱՄՆ ընտրված նախագահ Դոնալդ Թրամփի երդմնակալության արարողությունը, որով նա դարձավ ԱՄՆ 45-րդ նախագահը։

Թրամփի երդմնակալության արարողությանը զուգահեռ բողոքի ցույցեր են ընթանում Վաշինգտոնում։ Ցուցարարները ջարդել են МcDonald's-ի և Bank of America-ի ապակիները։ Դրանք եղել են սև հագնված անձինք։
20 հունվար, 2017 15:10 Ինչի կհանգեցնի Թրամփի նախագահությունը. The Economist-ի անդրադարձը Բրիտանական The Economist հանդեսն իր այս շաբաթվա համարում փորձում է հասկանալ, թե ինչի կհանգեցնի ԱՄՆ 45-րդ նախագահ Դոնալդ Թրամփի նախագահությունը։ Հոդվածը թարգմանաբար ներկայացված է ստորև։

Մեծամասամբ, ինչպես պնդում է բրիտանացի ակադեմիկոս Դեյվիդ Ռանսիմենը, մարդկանց մեծամասնությանը քաղաքականությունը շատ քիչ է հետաքրքրում։ Սակայն երբեմն այդ հետաքրքրությունը աննախադեպ աճում է։ Այդպիսի պահերից է Դոնալդ Թրամփի՝ ԱՄՆ 45-րդ նախագահի պաշտոնամուտը՝ հունվարի 20-ի երդմնակալությամբ։
20 հունվար, 2017 15:00 Իսլամական պետության գրոհայինները Պալմիրայում հնագույն կոթողներ են ավերել «Իսլամական պետություն» ահաբեկչական խմբավորման զինյալները քանդել են «Պալմիրա» թատրոնի մի մասը, որտեղ 2016 թվականի մայիսին հյուրախաղերով էին հանդես եկել «Մարինյան» թատրոնի սիմֆոնիկ նվագախումբը և թավջութակահար Սերգեյ Ռոլդուգինը: Աս մասին հաղորդում է Reuters գործակալությունը, հղում անելով սիրիական իշխանություններին:.

Հռոմեական «Պալմիրա» թատրոնը կառուցվել է II դարում: Ըստ գործակալությանՙ թատրոնի առավել տուժած մասը ճակատն է, բացի դրանից զինյալները ավերել են հռչակավոր տետրապիլոնը (չորս սյուները):
20 հունվար, 2017 12:01 Ինչ ակնկալիքներ ունի ամերիկահայությունը Թրամփից «Մենք կշարունակենք աշխատանքները նորընտիր Կոնգրեսի, արտաքին հարաբերությունների հանձնաժողովների հետ, ինչպես նաև նորանշանակ պետքարտուղարի ու վարչակազմի հետ արտաքին քաղաքականության խնդիրների շուրջ՝ վստահ լինելու համար, որ մեր ձայնը լսելի է»,- ասում է Ամերիկայի հայկական համագումարի գործադիր տնօրեն Բրայան Արդունին։
«Որոշ մոտեցումներ պետք է շարունակվեն, սակայն կան քաղաքական մոտեցումներ, որոնք պետք է փոխվեն: Մենք պատրաստակամ ենք համագործակցելու Թրամփի վարչակազմի հետ այդ խնդիրների շրջանակում»,- ասել է Վաշինգտոնի Հայ Դատի հանձնախմբի գործադիր տնօրեն Արամ Համբարյանը:
Նախընտրական շրջանում ամերիկահայ կազմակերպությունները չեն սատարել թեկնածուներից ոչ մեկին՝ կոչ անելով ամերիկահայությանը քվեարկել սեփական նախաձեռնությամբ:
19 հունվար, 2017 15:38 Ադրբեջանը Ռուսաստանի հետ բանակցում է նոր սպառազինությունների մատակարարման շուրջ Բաքուն Մոսկվայի հետ բանակցություններ է վարում նոր սպառազինությունների մատակարարման շուրջ և հետաքրքրված է պաշտպանական նորագույն համակարգերով․ Դավոսում ընթացող միջազգային տնտեսական համաժողովի շրջանակում հայտարարել է Ադրբեջանի նախագահ Իլհամ Ալիևը։    
«Այո, մենք նոր մատակարարումների շուրջ բանակցություններ ենք վարում։ Դուք քաջատեղյակ եք, թե որքան է զարգացած ռուսաստանյան ռազմական արդյունաբերությունը։ Մենք շահագրգռված ենք հիմնականում ամենաարդի պաշտպանական սպառազինություններով, դա վերաբերում է և ուղղաթիռային տեխնիկային, և պաշտպանության համակարգերին՝ ամբողջ համալիրին։ Դա մշտական գործընթաց է», նշել է Ադրբեջանի նախագահը։
 
Նրա խոսքով՝ սպառազինությունների ոլորտում Ադրբեջանի և Ռուսաստանի նոր գործարքների հեռանկարները «լավն են»։
«Դուք գիտեք պատմությունը, թվերը բարձրաձայնվել են, ստորագրվել են գործարքներ մոտ 5 մլրդ դոլարի, որոնց մեծ մասը իրագործված է», ասել է Ալիևը։
 
 
19 հունվար, 2017 12:21 Վրաց իշխանությունները հայտարարում են, որ «Գազպրոմ»-ի հետ գործարքը առևտրային գաղտնիք է «Գազպրոմ»ի հետ կնքված համաձայնագիրը առևտրային գաղտնիք է, սակայն հնարավորության դեպքում ես կանեմ հնարավորը այն հանրայնացնելու համար երեկ մամուլի ասուլիսին հայտարարել է Վրաստանի էներգետիկայի նախարար Կախա Կալաձեն։
Ինչպես փոխանցում է վրացական Interpressnewsը, Կալաձեն տեղեկացրել է, որ վերոհիշյալ համաձայնագիրը ձևակերպվել է տարիների ընթացքում, ինչպես Սաակաշվիլիի, այնպես էլ Շեվարդնաձեի օրոք, սակայն երբեք հրապարակային չի եղել։
«Վերջին շրջանում հնչում են ոչ ճիշտ հայտարարություններ, իբր այդ համաձայնագիրը «գաղտնի» պիտակի տակ է։ Ինչ վերաբերում է նախագահին՝ նա ունի այն հնարավորությունը, որը թույլ է տալիս պահանջել այդ համաձայնագրի մանրամասները, նա ունի մատչում և նրան պետք չեն այդ որակազուրկ և անհիմն հայտարարությունները, որոնք մենք, ցավոք, լսում ենք վերջին օրերին։ Ինչ վերաբերում է բուն գաղտնիությանը։ Գիտեք, բոլոր այդ տիպի համաձայնագրերը ցանկացած երկրում առևտրային գաղտնիք են», հայտարարել է վրաց նախարարը։ Նրա խոսքով՝ երկիրը մեկ այլ գաղտնի համաձայնագիր է ստորագրել՝ Շահ Դենիզը։
Ռուսաստա