20 հուլիս, 2017 11:04 Նշանյանը խոստացել է վերադառնալ Թուրքիայում ռեժիմի հեռանալուց հետո «Տխրում եմ, որ որոշ ժամանակ հեռու եմ լինելու իմ գյուղից և տնից, սակայն չեմ կարծում՝ քաղաքական այս անողջամտությունը Թուրքիայում երկար շարունակվի։ Այս ռեժիմը կգնա, և մենք կվերադառնանք»,- ասել է Նշանյանը։ 19 հուլիս, 2017 17:32 Ադրբեջանը հայտարարում է, որ «լրտեսական ցանց է բացահայտել» Ադրբեջանի Պետական անվտանգության ծառայությունը հայտարարել է, որ «բացահայտել է լրտեսական ցանց, որը փորձել է տեղեկություններ ստանալ բանակի և երկրի իրավապահ մարմինների գործունեության ծրագրի մասին»։
 
Ադրբեջանի ՊԱԾ հաղորդագրության մեջ ասված է, որ «գերատեսչության հակահետախուզական միջոցառումների արդյունքում ձերբակալվել է Մուխթար Յաղուբովը, որը կրիչների վրա փորձել է լրտեսական ճանապարհով հավաքված տվյալներ դուրս բերել, բացի այդ, լրտեսական ցանց է բացահայտվել»։
Հաղորդվում է, որ «գլխավոր նպատակը անվտանգության և իրավապահ մարմիններ ներթափանցումն էր»։
 
Այս տարվա մայիսին Ադրբեջանի գլխավոր դատախազությունը, պաշտպանության նախարարությունը, ներքին գործերի նախարարությունն ու պետական անվտանգության ծառայությունը համատեղ հայտարարություն էին տարածել, որում հաղորդել էին զինծառայողների և քաղաքացիական անձանց խումբ բացահայտելու մասին, որը, ըստ պնդումների, «գաղտնի ռազմական տեղեկատվություն էր փոխանցել Հայաստանի հետախուզական և հատուկ ծառայություններին»։ 
Հայտ
19 հուլիս, 2017 15:47 Իրանի խորհրդարանը հաստատել է Մեղրի-Նորդուզ սահմանային դարպասի համատեղ օգտագործման մասին համաձայնագիրը Իրանի խորհրդարանը հաստատել է Հայաստանի և Իրանի միջև «ՄեղրիՆորդուզ սահմանային դարպասի համատեղ օգտագործման մասին» համաձայնագիրը Ինչպես հաղորդում է Mehr News գործակալությունը, Իրանի խորհրդարանի այսօրվա նիստին ներկայացված օրինագծին կողմ է քվեարկել 145, դեմ՝ 3 և ձեռնպահ՝ 3 պատգամավոր։ Նիստին ներկա էր 203 օրենսդիր։
ՄեղրիՆորդուզ անցակետն Իրանի համար կարևոր է ոչ միայն երկկողմ առևտրաշրջանառությունն ապահովելու, այլև տարանցիկ բեռնափոխադրումներ իրականացնելու նպատակով
Ինչպես հաղորդում է Թեհրանի «Ալիք» օրաթերթը, վկայակոչելով խորհրդարանի հյուսիսային իրանահայության պատգամաւոր դոկտոր Կարեն Խանլարյանին, օրինագծի հաստատումը «պատմական նշանակություն ունի» և «տրամաբանական շարունակությունն է» 2016թ․ դեկտեմբերի 21ին Իրանի և ՀՀ նախագահներ Հասան Ռոհանիի և Սերժ Սարգսյանի՝ երկկողմ առևտրաշրջանառության ծավալներն ավելացնելու շուրջ պայմանավորվածության։
Խանլարյանի տեղեկություններով՝ դեմ է քվեարկել երկու պատգամավոր՝ Լա
19 հուլիս, 2017 15:07 ՌԴ Դաշնության խորհուրդը վավերացրեց հայ-ռուսական միացյալ զորախմբի մասին համաձայնագիրը ՌԴ Դաշնության խորհուրդը վավերացրեց հայռուսական միացյալ զորախմբի մասին համաձայնագիրը, որը ստորագրվել էր 2016թ․ նոյեմբերի 30ին Մոսկվայում։
Համաձայնագիրն ու դրա հավելվածը սահմանում են ՌԴ և Հայաստանի միացյալ զորախմբի նշանակությունը, ձևավորման, տեղակայման և կիրառման կարգը։ Նշվում է, որ միացյալ զորախումբը նախատեսված է հավաքական անվտանգության կովկասյան տարածաշրջանում ռազմական անվտանգության ապահովման համար։
Ավելին՝ Հայաստանն ու Ռուսաստանը ստորագրեցին միացյալ զորախմբի մասին համաձայնագիրը։
 
 
19 հուլիս, 2017 13:33 Սիրիական հակամարտությունում Ադրբեջանի գաղտնի դերակատարությունը․ Voltaire ցանց Տեղեկատվական աշխարհի անկախ գործիչների Voltaire միջազգային ցանցը հրապարակել է դրա հիմնադիր, ֆրանսիացի լրագրող Տիերի Մեյսանի հոդվածը «Միլիարդավոր դոլարների զենք Սիրիայի դեմ» վերնագրով։ Մեյսանն ամփոփում է վերջին շրջանում բազմաթիվ հետաքննող լրագրողների արած բացահայտումները և արձանագրում, որ 7 տարվա ընթացքում Սիրիա ապօրինի ճանապարհով մատակարարվել է մի քանի միլիարդ դոլարի զենք։ Նա գրում է, որ «միայն այդ փաստը բավարար է՝ հերքելու այն պնդումները, թե այդ պատերազմը իրենից ժողովրդավարական հեղափոխություն է ներկայացնում»։ Մեյսանը շեշտում է, որ կան բազմաթիվ փաստեր, որոնք լույս են սփռում Մերձավոր Արևելքում իրավիճակի զարգացման մեջ Ադրբեջանի կուլիսային գործողությունների վրա։ Մեյսանը վկայակոչում է բուլղարացի հետաքննող լրագրող Դիլյանա Գայտանջիևային և նրա աղմկահարույց ծավալուն հետաքննությունը, որը պարզել է, որ Ադրբեջանի SilkWay Airlines պետական ընկերության կողմից դիվանագիտական բեռների անվան տակ զենք է մատակարարվել ջիհադականներին։ Մեյսանի հոդվածից հատվածներ՝ ստորև։ 19 հուլիս, 2017 11:14 ԱՄՆ-ը չի ցանկանում «պատասխանով պատվել» Ուկրաինայի արևելքում նոր պետության ստեղծման մասին հայտարարությունը ԱՄՆ Պետքարտուղարությունը չի ցանկանում «պատասխանով պատվել» Դոնեցկի և Լուգանսկի ինքնահռչակ հանրապետությունների՝ նոր պետություն ստեղծելու մասին հայտարարությունը․ ճեպազրույցի ժամանակ ասել է գերատեսչության մամուլի խոսնակ Հիզեր Նաուերթը։
Հարցին, թե ինչպես կմեկնաբանի «Ռուսաստանի կողմից աջակցություն ստացող ընդդիմադիրների՝ նոր պետություն ստեղծելու հայտարարությունը», Նաուերթը պատասխանել է․ «Այսպես կոչված անջատականները, ուշադրություն դարձրեք, որ ես նրանց անվանում եմ «այսպես կոչված անջատականներ», ցանկանում են նոր պետություն ստեղծել։ Այն կփոխարինի Ուկրաինան։ Դա մի բան է, որն անշուշտ մտահոգության տեղիք է տալիս, բայց ես դրանից ավելին չեմ ասի, չեմ ցանկանում դա պատվել պատասխանով»։
«Մալոռոսիա անունով պետություն ստեղծելու՝ Լուգանսկի և Դոնեցկի հայտարարությանը երեկ անդրադարձել է նաև Կրեմլը։ ՌԴ նախագահի խոսնակ Դմիտրի Պեսկովն ասել է, որ Դոնեցկի առաջնորդ Ալեքսանդր Զախարչենկոյի հայտարարությունը «նրա անձնական նախաձեռնությունն է․ Մոսկվան այդ մասին տեղեկացել է առավոտյան լրատվ
18 հուլիս, 2017 15:17 Ադրբեջանը հրաժարվում է համագործակցել Uber-Yandex ընկերության հետ հայ տնօրենի պատճառով Ադրբեջանը հրաժարվում է համագործակցել Yandex և Uber ընկերությունների միավորման արդյունքում ստեղծված NewCo ընկերության հետ․ այս մասին հայտարարել է Բաքվի տրանսպորտի գործակալության խոսնակ Մայիս Ագիևը։ Պատճառը ընկերության տնօրեն Տիգրան Խուդավերդյանի հայկական ծագումն է։ 18 հուլիս, 2017 14:25 «Ուկրաինան և Վրաստանն ունեն ընդհանուր մարտահրավեր»․ Պորոշենկոն պետական այցով Թբիլիսիում է Ուկրաինայի նախագահ Պետրո Պորոշենկոն եռօրյա պետական այցով հուլիսի 17ին ժամանել է Վրաստան։ Այցի շրջանակում նախատեսված են նրա հանդիպումները Վրաստանի նախագահ Գիորգի Մարգվելաշվիլիի, վարչապետ Գիորգի Կվիրիկաշվիլիի և խորհրդարանի նախագահ Իրակլի Կոբախիձեի հետ։
Պորոշենկոն մասնակցելու է ՎրաստանՈւկրաինա գործարար համաժողովին, որն անցկացվելու է Թբիլիսիում։ Նա նաև այցելելու է Աջարիա և Վրաստանի կենտրոնական հատվածում գտնվող Խուրվալեթի գյուղ, որտեղով անցնում է օկուպացիոն գիծը՝ փշալար, որի հակառակ կողմում սկսվում է ռուսաստանյան զորքերի վերահսկողության տակ գտնվող տարածքը։

Ինչպես հաղորդում է ուկրաինական newsliganet կայքը, սա Ուկրաինայի նախագահի առաջին պետական այցն է Վրաստան վերջին 22 տարում։
Գիորգի Մարգվելաշվիլիի հետ համատեղ մամուլի ասուլիսին Պորոշենկոն ասել է, որ «Նովոռոսիա նախագիծը թաղված է․ Ուկրաինան կվերականգնի ինքնիշխանությունը օկուպացված Դոնբասում և Ղրիմում»։
«Ուկրաինան և Վրաստանն ունեն ընդհանուր մարտահրավերներ՝ կապված Ռուսաստանի կողմից տարածքների բռնազավթման հետ, և համակարգելու են ջանքե
18 հուլիս, 2017 12:59 Դոնեցկը, Լուգանսկը և Ուկրաինայի շրջանները հայտարարել են «Մալոռոսիա» պետության ստեղծման մասին Դոնեցկի ինքնահռչակ հանրապետության առաջնորդ Ալեքսանդր Զախարչենկոն հայտարարել է «Մալոռոսիա» պետության ստեղծման մասին, հաղորդում է «Դոժդ» հեռուստաալիքը՝ հղում անելով Զախարչենկոյի մամուլի ծառայությանը։ Ավելի ուշ այդ մասին «Ինտերֆաքս» գործակալությանն ասել է անձամբ պաշտոնյան։ Նրա խոսքով՝ «Մալոռոսիայի» մայրաքաղաքը կլինի Դոնեցկը․ Կիևը կմնա որպես «պատմամշակութային կենտրոն՝ առանց մայրաքաղաքի կարգավիճակի»։ 18 հուլիս, 2017 12:21 Սիրիայում ՀԱՊԿ-ի ուժերի տեղակայման հարցում Մոսկվան «կարող է ճնշել գործընկերներին, սակայն չի անի դա» Հուլիսի 17-ին Մինսկում կայացել է Հավաքական անվտանգության պայմանագրի կազմակերպության (ՀԱՊԿ) արտգործնախարարների խորհրդի նիստը, որին մասնակցել է ՀՀ արտգործնախարար Էդվարդ Նալբանդյանը։ Դիվանագետներն ընդունել են երկու համատեղ հայտարարություն՝ համացանցում սպառնալիքների դեմ պայքարի միջոցների և Երկրորդ աշխարհամարտի հուշարձանների պղծման անթույլատրելիության մասին։ Ռուսական «Կոմերսանտը» անդրադարձել է թեմային՝ նշելով, որ կազմակերպության ներսում «գործնական համագործակցության վիճակը շատ ավելի վատ է․ Մոսկվայի առաջարկած գաղափարը՝ ՀԱՊԿ-ի ուժեր տեղակայել Սիրիայում՝ դեէսկալացիայի գոտիներում, կազմակերպության անդամներն ընդունել են հոռետեսորեն» և, «ըստ ամենայնի, կյանքի կոչել չեն պատրաստվում»։ 17 հուլիս, 2017 17:46 Ռուսաց լեզվի սահմանադրական կարգավիճակի հարց Հայաստանի օրակարգում չկա. Արմեն Աշոտյան Ինչպես հաղորդում են ռուսական լրատվամիջոցները, ՌԴ Պետդումայի խոսնակ Վյաչեսլավ Վոլոդինը Հայաստանի իշխանություններին առաջարկել է ռուսերեն լեզվին տալ պետական լեզվի կարգավիճակ, որպեսզի Հայաստանի վարորդական իրավունքները ճանաչվեն ՌԴ տարածքում։

«Կարող եմ մի բան ասել՝ ամրագրեք այն որպես պաշտոնական, և այդ դեպքում օրենքը ավտոմատ կերպով կտարածվի նաև Հայաստանի վրա»,- ասել է պաշտոնյան ՀՀ խորհրդարանի խոսնակ Արա Բաբլոյանի հետ հանդիպմանը։

Հունիսի 1-ից Ռուսաստանում ուժի մեջ է մտել օրենք, որը օտարերկրյա վարորդական իրավունքով վարորդներին արգելում է աշխատել ՌԴ-ի տարածքում։ Միևնույն ժամանակ, հուլիսի 14-ին Պետդուման ընդունել է օրենք, որով Ղրղզստանի քաղաքացիներին թույլատրվում է ՌԴ տարածքում ազգային վարորդական իրավունք օգտագործել, քանի որ այդ երկրում ռուսերենն ամրագրված է որպես պաշտոնական։

17 հուլիս, 2017 17:09 Թբիլիսիում անցել է «Վրացիների քայլերթը»՝ ընդդեմ ապօրինի ներգաղթյալների Հուլիսի 14-ին Թբիլիսիի կենտրոնական՝ Աղմաշենեբելի պողոտայում, տեղի է ունեցել զանգվածային բողոքի ակցիա՝ «Վրացիների քայլերթ» խորագրով։ Ակցիայի մասնակիցները բողոքում էին ապօրինի ներգաղթյալների դեմ՝ պահանջելով խստացնել Վրաստանի միգրացիոն օրենսդրությունը և սահմանափակել օտարեկրացիներին կեցության իրավունքի տրամադրումը։ Պահանջների թվում է նաև հասարակական կազմակերպությունների օտարերկրյա ֆինանսավորման արգելքը։ Ինչպես ՍիվիլՆեթին պատմեց Վրաստանի հայալեզու «Ալիք Մեդիա» կայքի լրագրող և ցույցի ականատես Աննա Պեչենևսկայան, նախորդ տարվա նմանատիպ բողոքի ակցիայի համեմատ՝ այս տարվա հավաքն ավելի զանգվածային էր՝ ոստիկանական ուժերի ներգրավմամբ, բացի այդ, «աննախադեպ էր հոգևորականների մասնակցությունը»։ Ուրբաթ օրվա ակցիային մասնակցել է ավելի քան երկու հազար մարդ։ Վրաստանյան լրատվամիջոցները բողոքի ակցիան բնութագրում են որպես «ազգայնականների, ծայրահեղ ազգայնականների» քայլերթ։ Հաղորդվում է, որ ակտիվիստները երգել են ազգային երգեր և կրել ազգայնական կոչերով պաստառներ։