15 հուլիս, 2017 19:59 Անկարան օգտագործում է հեղաշրջման փորձը վաղուց ծրագրված զանգվածային ձերբակալությունների համար. Օզդեմիր «Մենք հետևանքներն այստեղ էլ ենք զգում: Էրդողանն իր քարոզչությամբ մեծ սեպ է խրել Գերմանիայի թուրքական համայնքում: Բազմաթիվ մարդիկ, որ հարևան էին կամ ընկեր, այժմ քաղաքական ընդդիմախոս են դարձել»,- շարունակում է խորհրդարանականը: 15 հուլիս, 2017 15:24 Ադրբեջանական SOCAR-ի ու Էրդողանի ընտանիքի գաղտնի գործարքները. հետաքննական բացահայտումներ Ադրեբաջանի SOCAR պետական նավթային ընկերությունը Թուրքիայի նախագահ Ռեջեփ Թայիփ Էրդողանի ընտանիքից գնել է հինգ նավթային տանկերներ՝ օգտագործելով Մալթայում օֆշորային ընկերությունները Այսպիսի բացահայտում է արել The Black Sea հետաքննական կայքը 
SOCARը գնել է նավերը Էրդողանի ընտանիքին պատկանող BMZ Groupից՝ Ստամբուլում գտնվող ընկերություն, որը պատկանում է նախագահի որդի Բիլալին, նախագահի եղբայր Մուստաֆային և նախագահի քրոջ ամուսին Զիյա Իլգենին [Բիլալի անունը շրջանառվել է սկանդալային բազմաթիվ պատմություններում Նրա անունը կապում են նաև Իսլամական պետություն խմբավորման հետ 2015թ համացանցում հայտնվել էին լուսանկարներ, որոնցում Բիլալը ճաշում է ԻՊի առաջնորդների հետ ՍիվիլՆեթ]
Հաղորդվում է, որ SOCARը երբեք ոչ մեկնաբանել, ոչ էլ հանրայնացրել է գործարքը, որի արժեքը կարող է հասնել 100 մլն դոլարի Այն կքնվել է նավթային հսկայի առևտրային թևի՝ SOCAR Logisticsի միջոցով այս տարի
Գաղտնի վաճառքը տեղի է ունեցել մի ժամանակահատվածում, երբ Թուրքիայի իշխանությունները ճնշում են գործադրում SOCARի վրա՝ պահանջելով բացահայտել
14 հուլիս, 2017 18:17 Էրդողանը հուլիսի 15-ին ուժի ցուցադրության է պատրաստվում․ Թուրքիան մեկ տարի անց՝ Ալի Բայրամօղլուի աչքերով Հուլիսի 15-ին լրանում է Թուրքիայում տեղի ունեցած ռազմական հեղաշրջման տարելիցը։ Մեկ տարվա ընթացքում իշխանությունների հայտարարած արտակարգ դրության շրջանակում Թուրքիայում աշխատանքից հեռացվեցին և բանտ նետվեցին տասնյակ հազարավոր մարդիկ։ Օրերս Թուրքիայի արդարադատության նախարարությունը թվեր է հրապարակել․ մեկ տարվա ընթացքում ձերբակալվել է 50,510 մարդ, 169,013 անձանց դեմ դատական գործեր են բացվել՝ հեղաշրջման փորձին առնչություն ունենալու մեղադրանքներով։ Ձերբակալվածների թվում կա 169 գեներալ, ավելի քան 7 հազար գնդապետ և 24 նահանգապետ։ Turkey Purge մոնիթորինգային կայքը օնլայն ռեժիմով հետևում է Թուրքիայում տեղի ունեցող զտումներին: 14 հուլիս, 2017 15:29 Կատալոնիան նախատեսում է անկախության հանրաքվե անցկացնել Հուլիսի 4-ին Բարսելոնայի Ազգային թատրոնում Կատալոնիայի կառավարության նախագահ Կառլես Պյուչդեմոնը (Carles Puigdemont) հայտարարել է հոկտեմբերի 1-ին Իսպանիայից անկախության միակողմանի հանրաքվե անցկացնելու մտադրության մասին: Նրա ներկայացրած օրենքի նախագծում ասվում է, որ անկախ մասնակցության տոկոսներից, եթե անկախությանը կողմ քվեարկողների թիվը գերազանցի դեմ քվեարկողների թվին, ապա կատալոնյան խորհրդարանը 48 ժամվա ընթացքում անկախություն կհայտարարի: Պարոն Պյուչդեմոնի կողմնակիցների համար դա ազգային էպոս է: Իսպանիայի պահպանողական վարչապետ Մարիանո Ռախոյը դա «ավտորիտար զառանցանք» է համարում: Նա վճռական է, որ հանրաքվեն չպետք է տեղի ունենա: 14 հուլիս, 2017 14:37 Ինտերպոլը մերժել է Ադրբեջանի պահանջը՝ ձերբակալել Արցախ այցելած եվրապատգամավորին Ինտերպոլ քրեական ոստիկանության միջազգային կազմակերպությունը մերժել է Ադրբեջանի իշխանությունների հայցը՝ ձերբակալության օրդեր արձակել Եվրախորհրդարանի չեխ անդամ Յարոմիր Շտետինայի համար, որը փետրվարին դիտարկել էր Արցախի Հանրապետության սահմանադրական հանրաքվեն, հաղորդում է Radio Prahaն։
Ադրբեջանը հայտարարել է, որ Շտետինայի հայտարարությունները նպաստել են լարվածության հրահրմանը Լեռնային Ղարաբաղում։ Չեխիան հայտարարել է, որ ձերբակալության պահանջը միտված է Բաքվի կառավարության հասցեին միջազգային փորձագետների և վերլուծաբանների քննադատության կանխարգելմանը։

Původní zprava frakce EPP Ev Parlamentu o tom, ze mne Interpol odmítl na základě azerbajdzanske žádosti zatknouthttps//tco/4hKoI2nREV
— Jaromír Štětina @StetinaEP July 12, 2017
 
Ավելին՝
Եվրախորհրդարանի պատգամավորները մեկնաբանել են Ադրբեջանում իրենց դեմ սկսված հետապնդումը
Եվրախորհրդարանի անդամները Ինտերպոլի հաշվառումներով չեն անցնում․ ՀՀ դատախազության պարզաբանումը
 
 
14 հուլիս, 2017 12:19 Ադրբեջանն «ունի Իսկանդերին հակակշռելու հնարավորություն» և հայտարարում է, որ «բանակցություններն անարդյունք են» Ադրբեջանի պաշտպանության նախարար Զաքիր Հասանովը հարցազրույց է տվել ռուսաստանյան «Ռիա նովոստի» գործակալությանը։ Հասանովն ասել է, որ ղարաբաղյան հակամարտության կարգավորման շուրջ բանակցությունները «արդյունք չեն տալիս»․ Ադրբեջանը տարեցտարի ավելացնում է զինված ուժերի ֆինանսավորումը և արդեն ունի հակահրթիռային սպառազինություններ, որոնք «կարող են խոցել Հայաստանի ստացած «Իսկանդեր»-ները»։

«Վերջին տարիներին ռազմական գործողությունների գոտում, որտեղ տեղակայվել են Հայաստանի զորքերը՝ ընդդեմ ադրբեջանական ուժերի, լարվածությունը գնալով աճում է»,- ասել է Հասանովը, որի կարծիքով, պատճառը «ադրբեջանական հողերի զավթում է, իսկ մնացածը հետևանք է»։ Ադրբեջանցի նախարարը պնդում է՝ «բանակցություններն արդյունք չեն տալիս»։
13 հուլիս, 2017 18:19 Ես Թուրքիայի պայծառ ապագա չեմ տեսնում․ Գյուլենի հարցազրույցը NPR-ին 2016թ․ հուլիսի 15-ին Թուրքիայում տեղի ունեցավ ռազմական հեղաշրջման փորձ, որի նպատակն էր նախագահ Ռեջեփ Թայիփ Էրդողանի տապալումը։ Փորձը ճնշվեց, սակայն արձագանքն ու հետևանքները Թուրքիան զգում է մինչև այսօր։ Իշխանության սկսած զանգվածային մարդորսի արդյունքում երկրով մեկ աշխատանքից հեռացվեցին և ձերբակալվեցին ու դատապարտվեցին տասնյակ հազարավոր մարդիկ, շատերը՝ շինծու մեղադրանքներով։ Էրդողանի գլխավոր թիրախը, սակայն, իսլամական քարոզիչ Ֆեթուլլահ Գյուլենն է, որին նա մեղադրում է հեղաշրջման կազմակերպման մեջ։ Գյուլենը, որը, ըստ պնդումների, ունի միլիոնավոր համախոհներ Թուրքիայում, վճռականորեն հերքում է իր պատասխանատվությունը հեղաշրջման փորձի համար, սակայն Թուրքիան ԱՄՆ-ից պահանջում է արտահանձնել քարոզչին, որը բնակվում է Փենսիլվանիայում 1990-ականների վերջից։ Օրերս Ֆեթուլլահ Գյուլենը բացառիկ հարցազրույց է տվել ամերիկյան NPR-ի Ռոբերտ Սիգըլին։ Հարցազրույցից հատվածներ ներկայացված են ստորև։ 13 հուլիս, 2017 15:01 Նեմցովի սպանության գործով գլխավոր մեղադրյալը դատապարտվել է 20 տարվա ազատազրկման Ռուսաստանցի ընդդիմադիր գործիչ Բորիս Նեմցովի սպանության գործով գլխավոր մեղադրյալ Զաուր Դադաևը դատապարտվել է 20 տարվա ազատազրկման խիստ ռեժիմի գաղութում և 100 հազ․ ռուբլիի տուգանքի։ Դատավճիռը կայացրել է Մոսկվայի շրջանային դատարանը։
Դատարանում Դադաևը հայտարարել է․ «Մենք չենք սպանել այդ մարդուն։ Ներողություն եմ խնդրում մորիցս, համբերություն եմ մաղթում, որպեսզի արժանապատվորեն ընդունի այս հարվածն այն մարդկանցից, որոնք չունեն ոչ դրոշ, ոչ հայրենիք»։ Դադաևն ասել է, որ չի ընդունում մեղքը, և քննության սկզբում խոստովանական ցուցմունք է տվել «ճնշման տակ»։
Դատախազությունը Դադաևի համար ցմահ ազատազրկում էր պահանջում
Նեմցովի սպանության գործով անցնող մյուս մեղադրյալներից Անզոր Գուբաշևը դատապարտվել է 19 տարվա, նրա եղբայր Շադիդը՝ 16 տարվա, Տեմիրլան Էսկերխանովը՝ 14 տարվա, Համզաթ Բահաևը՝ 11 տարվա ազատազրկման։ Բոլորը նույնպես տուգանվել են 100 հազարական ռուբլիով։
Համզաթ Բահաևի փաստաբանը հայտարարել է որոշումը բողոքարկելու մտադության մասին՝ ասելով․ «11 տարի են տվել մի մարդու, որը ոչինչ չի արել»։
13 հուլիս, 2017 11:42 Շվեդիայում Էրդողանի դեմ «ցեղասպանության» մեղադրանքով հայց է ներկայացվել Մի խումբ շվեդ օրենսդիրներ հայց են ներկայացրել՝ մեղադրելով Թուրքիայի նախագահ Ռեջեփ Թայիփ Էրդողանին ցեղասպանության, մարդկության դեմ և պատերազմական հանցագործությունների մեջ, հաղորդում է շվեդական The Local կայքը՝ հղում անելով AFP գործակալությանը։

Բողոքը ստորագրել է հինգ պատգամավոր ձախակողմյան և Կանաչ կուսակցություններից։ Սա Շվեդիայում առաջին հայցն է պետության ղեկավարի դեմ։

Հաղորդվում է, որ հայցը վերաբերում է գերազանցապես քրդերով բնակեցված Թուրքիայի հարավ-արևելքին, որտեղ 2015թ․ վերսկսվել են բախումները քրդական զինված խմբերի ու թուրքական բանակի միջև։
12 հուլիս, 2017 15:44 Նալբանդյան-Մամեդյարով հանդիպմանը «որևէ մեխանիզմների» ստեղծում չի քննարկվել, հայտարարում է Բաքուն 2016թ․ մայիսին Վիեննայում և նույն թվականի հունիսին Սանկտ Պետերբուրգում կայացած գագաթաժողովներին պայմանավորվածություններ են ձեռք բերվել միջադեպերի հետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողությունների ավելացման շուրջ։

2016 թվականն ամփոփող ասուլիսին ՀՀ ԱԳ նախարար Էդվարդ Նալբանդյանը հայտարարել է, որ Բաքուն հարցականի տակ դրեց Վիեննայում և Սանկտ Պետերբուրգում ձեռք բերված պայմանավորվածությունները կամ այն աստիճանի աղավաղեց դրանք, որ եռանախագահող երկրները դա կոչեցին այլասերում։ Միջադեպերի հետաքննության մեխանիզմի ստեղծումն և ԵԱՀԿ գործող նախագահի անձնական ներկայացուցչի թիմի հնարավորությունների, կարողությունների ընդլայնումը, ըստ Նալբանդյանի, այն գլխավոր ուղղություններն են, որոնցով ուղորդվում են եռանախագահները և Հայաստանը։
12 հուլիս, 2017 14:46 Ինչ է կապում Թրամփի ընտանիքին ռուսաստանաբնակ ադրբեջանցի գործարար Աղալարովի հետ ԱՄՆ-ի նախագահ Դոնալդ Թրամփի ընտանիքը հայտնվել է նոր սկանդալի կենտրոնում, որը կարծես հաստատում է Թրամփերի կապը Ռուսաստանի հետ։

Դոնալդ Թրամփ կրտսերը Թվիթերում հրապարակել է էլեկտրոնային նամակագրությունը PR մասնագետ և բրիտանական տաբլոիդների նախկին լրագրող, Oui2 Entertainment մարկետինգային ընկերության նախագահ Ռոբ Գոլդսթոնի հետ, որն աշխատել է ռուսաստանցի միլիարդատեր Արաս Աղալարովի որդու՝ Էմինի հետ։ Նամակագրությունը վերաբերում է ռուսաստանցի փաստաբան Նատալյա Վեսելնիցկայայի հետ Թրամփ կրտսերի հանդիպմանը, որը կարող էր վերջինիս փոխանցել ԱՄՆ-ի Դեմոկրատական նախագահի թեկնածու Հիլարի Քլինթոնի վերաբերյալ վարկաբեկող տեղեկատվություն։
12 հուլիս, 2017 12:31 Համանախագահները կաջակցեն Սարգսյան-Ալիև հանդիպման կազմակերպմանը ԵԱՀԿ Մինսկի խմբի համանախագահներ Ռիչարդ Հոգլանդը (ԱՄՆ), Իգոր Պոպովը (Ռուսաստան) և Ստեֆան Վիսկոնտին (Ֆրանսիա) հանդես են եկել երեկ Բրյուսելում Հայաստանի և Ադրբեջանի արտաքին գործերի նախարարներ Էդվարդ Նալբանդյանի և Էլմար Մամեդյարովի հանդիպման վերաբերյալ հայտարարությամբ։ Հանդիպմանը մասնակցել է նաև ԵԱՀԿ նախագահի անձնական ներկայացուցիչ, դեսպան Անջեյ Կասպշիկը։