3 հունվար, 2017 11:44 Օբաման հանդես կգա հրաժեշտի ելույթով Հունվարի 10-ին Միացյալ Նահանգների նախագահ Բարաք Օբաման հանդես կգա հրաժեշտի ելույթով։

«Երեքշաբթի՝ հունվարի 10-ին, կգնամ տուն՝ Չիկագո, իմ հրաժեշտի երախտիքի խոսքը ձեզ ասելու, թեև դուք չեք կարող անձնապես լինել այնտեղ։ Ես սկսում եմ գրել իմ ակնարկները։ Ես կարծում եմ, որ դա առիթ է իմ երախտագիտությունը հայտնելու ձեզ այս հետաքրքիր ճանապարհն անցնելու համար, փառաբանելու նախորդ ութ տարիներին այս երկիրը դեպի լավը փոխելու ձեր ջանքերը և առաջարկելու որոշ գաղափարներ, թե այստեղից հետո ուր ենք գնում մենք։ Հուսով եմ, որ մի վերջին անգամ դուք կմիանաք ինձ»,- Սպիտակ տան Instagram-ի էջում գրել է Բարաք Օբաման։
2 հունվար, 2017 16:43 ՀԱՊԿ գլխավոր քարտուղարի պաշտոնում Բորդյուժային փոխարինել է տեղակալը Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պաշտոնում Նիկոլայ Բորդյուժային փոխարինել է նրա տեղակալ Վալերի Սեմերիկովը, ասված է կազմակերպության կայքում զետեղված հաղորդագրությունում։
Ակնկալվում էր, որ 2016-ի ընթացքում ՀԱՊԿ-ի գլխավոր քարտուղարի պաշտոնում ռոտացիոն կարգով կնշանակվի Հայաստանի ներկայացուցիչը։ Սակայն հոկտեմբերին Երևանում կայացած ՀԱՊԿ գագաթաժողովին չմասնակցեց կազմակերպության անդամ Ղազախստանի նախագահ Նուրսուլթան Նազարբաևը, իսկ դեկտեմբերին Սանկտ Պետերբուրգի հաժաժողովին՝ Բելառուսի նախագահ Ալեքսանդր Լուկաշենկոն, և երկու գագաթաժողովներում էլ հնարավոր չեղավ նշանակել կազմակերպության նոր գլխավոր քարտուղարին։
2 հունվար, 2017 10:59 Թրամփի թիմը վիճարկում է ռուս դիվանագետներին արտաքսելու Օբամայի որոշումը ԱՄՆ ընտրված նախագահ Դոնալդ Թրամփի խոսնակ Շոն Սփայսերը (Sean Spicer) կասկածի տակ է դնում 35 ռուս դիվանագետներին արտաքսելու նախագահ Բարաք Օբամայի որոշումը։

Կիրակի ամերիկյան ABC հեռուստաընկերության եթերում Շոն Սփայսերը, անդրադառնալով ռուս հաքերների՝ ամերիկյան ընտրությունների ընթացքում ամռանը իրականացրած հաքերային հարձակումների հարցին, ասել է․

«Ես կարծում եմ՝ հարցերից մեկը, որ ծագում է, հետևյալն է՝ համարժե՞ք է արդյոք [Օբամայի որոշումը]»։

Թրամփի խոսնակը նաև հայտարարել է, որ չեղարկվելու են Օբամայի շատ հրամանագրեր, որոնք «վերջին ութ տարիներին բարդացրել են երկրի տնտեսական վիճակը»։
1 հունվար, 2017 21:08 Ամանորը Հալեպում Մանուել Քեշիշյանը գրում է, թե ինչպիսին էր հունվարի 1-ը Հալեպի հայկական Նոր գյուղ թաղամասում։ 31 դեկտեմբեր, 2016 13:48 Հայկական բարձրտեխնոլոգիական արտադրանքի հիմնական սպառողն Ամերիկան է․ ԱՄՆ-ում ՀՀ դեսպան Հայ-ռուսական համագործակցությունը չի խանգարում հայ-ամերիկյան հարաբերությունների խորացմանը, «Ամերիկայի ձայն»-ի հետ հարցազրույցում ասել է ԱՄՆ-ում Հայաստանի դեսպան Գրիգոր Հովհաննիսյանը՝ նշելով, որ Հայաստանը պատրաստ է խորացնել Միացյալ Նահանգների հետ հարաբերությունները բոլոր ուղղություններով։ Դեսպանը նշել է նաև, որ հայկական բարձրտեխնոլոգիական արտադրանքի հիմնական սպառողն ԱՄՆ-ն է։

«Մեր հարաբերությունները մտերիմ են և է՛լ ավելի զարգանալու դեռ տեղ ունեն, և պատրաստակամություն կա թե՛ Միացյալ Նահանգներում և թե՛ Հայաստանում»:

Դեսպանը հիշեցնում է, որ Միացյալ Նահանգները Հայաստանի նկատմամբ հատուկ բարիդրացիական դիրքորոշում ուներ դեռևս Առաջին աշխարհամարտից հետո.
30 դեկտեմբեր, 2016 18:11 Պուտինի անսպասելի որոշումը․ ամերիկացի դիվանագետները չեն արտաքսվի Պուտինը Օբամային համարժեք պատասխան չի տա և ամերիկացի դիվանագետներին չի արտաքսի Ռուսաստանից։ «Ռուս-ամերիկյան հարաբերությունների վերականգնման հետագա քայլերը ձեռնարկելու ենք՝ ելնելով այն քաղաքականությունից, որը կվարի նախագահ Դոնալդ Թրամփի վարչակազմը»,- հայտարարել է Պուտինը։

Ռուսաստանի նախագահ Վլադիմիր Պուտինը որոշել է ԱՄՆ հեռացող նախագահ Բարաք Օբամային համարժեք պատասխան չտալ և ամերիկացի դիվանագետներին չարտաքսել Ռուսաստանից։ ԱՄՆ նախագահ Բարաք Օբաման նախօրեին հայտարարել է, որ Ռուսաստանը միջամտել է Միացյալ Նահանգների նախագահական ընտրություններին, հաքերական հարձակումներ է իրականացրել ամերիկյան կուսակցությունների կայքերի վրա, այդ իսկ պատճառով ԱՄՆ-ում Ռուսաստանի 35 դիվանագետի, որոնք առնչություն են ունեցել այդ հարձակումներին հայտարարել է անցանկալի անձ։
30 դեկտեմբեր, 2016 10:11 ԱՄՆ-ը արտաքսում է ռուսաստանցի 35 դիվանագետի ԱՄՆ-ը ռուսաստանցի 35 դիվանագետի և նրանց հետ սերտ առնչություն ունեցած մարդկանց արտաքսում է երկրից։ 72 ժամվա ընթացքում նրանք պետք է լքեն ԱՄՆ-ի տարածքը, հաղորդում է Reuters-ը։
ԱՄՆ նախագահ Բարաք Օբաման հրամանագիր է ստորագրել Ռուսաստանի դեմ պատժամիջոցներն ընդլայնելու մասին։
29 դեկտեմբեր, 2016 19:07 Սիրիայում հրադադար է հաստատվել, հայտարարել է Պուտինը Սիրիայի կառավարությունը և զինված ընդդիմությունը հրադադարի համաձայնագիր են ստորագրել։ Այս մասին հայտարարել է Ռուսաստանի նախագահ Վլադիմիր Պուտինը։ Ընդդիմության այն խմբավորումները, որոնք չեն միացել համաձայնագրին, համարվելու են ահաբեկչական, հաղորդում է Meduza.io կայքը։

Հրադադարը կսկսի գործել դեկտեմբերի 30-ի ժամը 0։00-ից։ Ռուսաստանի պաշտպանության նախարար Սերգեյ Շոյգուն հայտարարել է, որ հրադադարի համաձայնագրի ստորագրումը հնարավոր է դարձել Ռուսաստանի, Թուրքիայի և Իրանի միջնորդության շնորհիվ, այն Սիրիայի կառավարության և ընդդիմադիր ուժերի միջև երկամսյա բանակցությունների արդյունքն է։

Պուտինը հայտարարել է, որ ստորագրվել է նաև փաստաթուղթ հրադադարի ռեժիմի պահպանման միջոցառումների և սիրիական կարգավորման շուրջ խաղաղության բանակցություններ սկսելու պատրաստակամության մասին։
29 դեկտեմբեր, 2016 15:43 Բորդյուժան քննադատում է դիվերսիան Տավուշում, օգտագործում «Լեռնային Ղարաբաղի Հանրապետություն» եզրը ՀԱՊԿ գլխավոր քարտուղար Նիկոլայ Բորդյուժան հանդես է եկել Ադրբեջանի կողմից ձեռնարկված դիվերսիոն ներթափանցման փորձի վերաբերյալ մեկնաբանությամբ, որը թարգմանաբար ներկայացնում ենք ստորև։
«ՀԱՊԿ քարտուղարությունը լուրջ անհանգստությամբ է ընդունել Հայաստանի Հանրապետության Չինարի գյուղի մոտ զինված միջադեպի մասին տեղեկությունը։ ՀԱՊԿի անդամ պետության տարածքում այդ գործողությունները դիտարկում ենք որպես սադրիչ, հատկապես, սույն թվականի ապրիլին Լեռնային Ղարաբաղի Հանրապետությունում ծանր սպառազինությունների և զրահատեխնիկայի կիրառմամբ բավական ծանր միջադեպի ֆոնին։
Թվում էր՝ երկու կողմերի, ինչպես նաև մի շարք պետությունների առաջնորդների գործադրած ջանքերը հաշվի առնելով՝ ԼՂ հիմնախնդրի կարգավորման գործընթացը վերջապես ավելի ակտիվ առաջ կընթանա։ Սակայն հրադադարի խախտման վերաբերյալ պայմանավորվածությունների պարբերական խախտումների մասին վերջերս տարածաշրջանից ստացվող հաղորդագրությունները, և, առավել ևս, դեկտեմբերի 29ի հերթական միջադեպը, որի արդյունքում զինծառայողներ են զոհվել, խոր մտահոգություն են հարուցում»։
29 դեկտեմբեր, 2016 14:53 ՀՀ ԱԳՆ-ն խստագույնս դատապարտում է Ադրբեջանի կողմից իրականացված դիվերսիոն ներթափանցման փորձը ՀՀ ԱԳՆն Ադրբեջանի կողմից իրականացված դիվերսիոն ներթափանցման փորձի առնչությամբ հայտարարություն է տարածել, որը ներկայացնում ենք ստորև։
Խստագույնս դատապարտում ենք այսօր Հայաստանի պետական սահմանին Ադրբեջանի կողմից իրականացված դիվերսիոն ներթափանցման փորձը, որը հանգեցրել է մարդկային կորուստների։ Մեր խորին ցավակցություններն ենք հայտնում զոհվածների հարազատներին և ծառայակիցներին։
Այն պայմաններում, երբ դեռ հաղթահարված չէ ապրիլ ամսին Արցախի դեմ ադրբեջանական ագրեսիայի հետևանքով կարգավորման գործընթացին հասցված լրջագույն վնասը, Բաքուն նոր արկածախնդրության է դիմում՝ կոպտորեն խախտելով Վիեննայի և ՍանկտՊետերբուրգի գագաթաժողովներին ձեռք բերված պայմանավորվածությունները, հիմնահարցը խաղաղ միջոցներով կարգավորելու վերաբերյալ հանձնառությունը Այսպես է Բաքուն պատասխանում Համբուրգում ԵԱՀԿ Մինսկի խմբի համանագահ երկրների արտգործնախարարների հնչեցրած հստակ պահանջին՝ անվերապահ պահպանել 19941995թթ զինադադարի համաձայնագրերը։
Միջազգային հանրությունը՝ եռանախագահների միջոցով, բազմիցս կոչ է արել հարգել զինադադարը հատկապես տոնական օրերին Ի
28 դեկտեմբեր, 2016 11:21 Ղարաբաղյան գործընթացում ոչ մի կառույց չի կարող հավակնել մենաշնորհային դերի․ Մամեդյարով Ադրբեջանի արտաքին գործերի նախարար Էլմար Մամեդյարովը ադրբեջանական «Ազերթաջ» գործակալությանը տված հարցազրույցում ամփոփել է 2016 թվականը, անդրադարձելղարաբաղյան կարգավորման՝ այս տարվա հիմնական իրադարձություններին։ Այդ համատեքստում Ադրբեջանի արտաքին գերատեսչության ղեկավարը Վիեննայում և Սանկտ Պետերբուրգում կայացած «բարձր մակարդակի բովանդակային քննարկումները» համարել է «դրական քայլեր՝ արված ճիշտ ուղղությամբ»։
«Մենք պետք է օգտագործենք այդ հնարավորությունն ու այդ հանդիպումներում կայացրած պայմանավորվածություններն անհապաղ վերածենք կոնկրետ միջոցների», նշել է Մամեդյարովը։
Հերթական անգամ հայկական կողմին մեղադրելով «սադրիչ գործողությունների» և «բանակցային գործընթացը խարխլելու» մեջ՝ Մամեդյարովը հանգամանալից ներկայացրել է ադրբեջանական դիվանագիտության գործունեությունը միջազգային այլ հարթակներում։
Մամեդյարովի խոսքով՝ Ադրբեջանն օգտագործում է միջազգային բոլոր կազմակերպությունների հարթակները, որոնց անդամ է հանդիսանում՝ միջազգային հանրության ուշադրությ
27 դեկտեմբեր, 2016 15:20 Իսկ կա՞ արդյոք ստատուս քվո Կովկասյան jamnewsnet հնգալեզու անգլերեն, ռուսերեն, հայերեն, վրացերեն, ադրբեջաներեն կայքը հրապարակել է «Միջազգային ճգնաժամային խմբի» փորձագետ Օլեսյա Վարդանյանի «Իսկ կա՞ արդյոք ստատուս քվո» վերնագրով հոդվածը, որի հայերեն թարգմանությունը ներկայացված է ստորև
Շփման գծի երկայնքով մեռելային լռություն է Մի քանի հարյուր մետրանոց դաշտը, որն արդեն 30 տարի է՝ հստակ բաժանում է հայ և ադրբեջանցի զինվորականներին, իր մեջ խեղդում է այդ դիմակայության մարդկային կողմի վերաբերյալ ցանկացած ակնարկ
Հեռադիտակի ապակիները թույլ են տալիս տեսնել հակառակորդի դիրքերի միայն վերին հատվածը Պարագծի վրա ցանկացած անզգույշ մարդկային ուրվագիծ անմիջապես զենքի թիրախ է դառնում
Հազիվ թե շուտով ինչոր մեկը հանգստանա
46ամյա փոխգնդապետ Մհեր Սարգսյանը չի հավատում, որ այլ կերպ էլ կարող է լինել Կյանքի գրեթե կեսը խրամատներում է անցկացրել, եղել է այն մարդկանց շարքում, որոնք պատերազմից անմիջապես հետո այստեղ սկսել են առաջին փայտե ամրությունները կառուցել այն ժամանակ այդ նպատակով օգտագործվել են տարածաշրջանի՝ Բաքու տանող գլխա