14 մարտ, 2017 13:56 Ադրբեջանը փորձում է նվաճել ՅՈՒՆԵՍԿՕ-ն Ռուսաստանում Ադրբեջանի դեսպան Փոլադ Բյուլբյուլ օղլին առաջադրվել է ՅՈՒՆԵՍԿՕ-ի գլխավոր տնօրենի պաշտոնում․ երեկվանից լուրը տարածվել է ինչպես ադրբեջանական, այնպես էլ ռուսական լրատվամիջոցներում։ Նրա թեկնածությունը պաշտոնապես ներկայացված է Ադրբեջանի կողմից ՅՈՒՆԵՍԿՕ-ի գործադիր խորհրդի ուսումնասիրությանը։ Ընտրությունները կանցկացվեն այս աշնանը։ Բյուլբյուլ օղլիի ընտրվելու դեպքում կարելի է ակնկալել ՅՈՒՆԵՍԿՕ-ում որոշումների ընդունման գործընթացի է՛լ ավելի մեծ քաղաքականացում, թուրք-ադրբեջանական տանդեմի ուժեղացում, լրացուցիչ խոչընդոտներ Հայաստանի համար և ճնշումներ, որոնք արմատացել էին ներկայիս տնօրեն Իրինա Բոկովայի օրոք։

ՅՈՒՆԵՍԿՕ-ում Ադրբեջանի առաքելության ղեկավար Անար Քարիմովի խոսքով՝ կազմակերպությանն է փոխանցվել թեկնածուի կենսագրությունն ու հուշագիրը։ Բյուլբյուլ օղլին մանրամասն շարադրել է կազմակերպության պատասխանատվության տակ գտնվող ոլորտներում առկա խնդիրների լուծման իր տեսլականը։
14 մարտ, 2017 11:39 Ադրբեջանը հայտարարում է, որ չի ճանաչում Աբխազիայում անցած ընտրությունները Պաշտոնական Թբիլիսին, արձագանքելով Աբխազիայի ընտրություններին, կոչ է արել միջազգային հանրությանը դատապարտել կիրակի օրվա քվեարկությունը։ Ինչպես Վրաստանի քաղաքական գործիչները, այնպես էլ քաղաքացիական սեկտորի ներկայացուցիչները պնդում են՝ «Ռուսաստանի կողմից օկուպացիայի պայմաններում խոսել ընտրական գործընթացի լեգիտիմության մասին անտեղին է»։

Վրաստանի ԱԳՆ-ի հայտարարության մեջ մասնավորապես ասված է, որ «ինքնահռչակ Աբխազիայում» խորհրդարանական ընտրությունների անցկացումը «էթնիկ զտումները, ռազմական միջամտությունը, օկուպացիան և վրացական պետականության դեմ ռուսաստանյան ագրեսիայի արդյունքներն օրինականացնելու հերթական փորձ է»։
13 մարտ, 2017 17:01 Շոտլանդիան անկախության նոր հանրաքվե է ցանկանում Շոտլանդիայի առաջին նախարար Նիկոլա Սթարջենը հաջորդ շաբաթ դիմելու է շոտլանդական խորհրդարանին՝ Մեծ Բրիտանիայից անկախության նոր հանրաքվե անցկացնելու լիազորման խնդրանքով։

Ըստ Սթարջենի, հանրաքվեն կանցկացվի 2018-2019 թ. աշուն-գարուն ընկած ժամանակահատվածում, այսինքն՝ մինչեւ Բրեքզիթի գործընթացի ավարտը։

Շոտլանդիայի մայրաքաղաք Էդինբուրգում ունեցած իր ելույթում նախարարը մեղադրել է բրիտանական կառավարությանը՝ Մեծ Բրիտանիայի ԵՄ-ից դուրս գալու պայմանների շուրջ փոխզիջման հասնելու դժկամության մեջ։ Ավելի վաղ Շոտլանդիան խնդրել էր դիտարկել տարբերակը, ըստ որի այն կմնար միասնական եվրոպական շուկայում, նույնիսկ եթե Անգլիան, Ուելսն ու Հյուսիսային Իռլանդիան դուրս գային այդ շուկայից։
13 մարտ, 2017 16:02 Սերժ Սարգսյանը Մոսկվայում Պուտինի հետ կքննարկի ղարաբաղյան հարցը ՀՀ նախագահ Սերժ Սարգսյանը մարտի 14ին երկօրյա պաշտոնական այցով կմեկնի Ռուսաստանի Դաշնություն
Սերժ Սարգսյանը հանդիպումներ կունենա երկրի բարձրագույն ղեկավարության հետ Բարձր մակարդակի բանակցությունների ընթացքում կքննարկվեն ռազմավարական գործընկեր երկու պետությունների միջև մի շարք ոլորտներում՝ քաղաքական, առևտրատնտեսական, հումանիտար, մշակութային երկկողմ փոխգործակցության օրակարգի առանցքային հարցեր, ինչպես նաև եվրասիական տարածքում ինտեգրացիոն գործընթացներին վերաբերող հարցեր
Սերժ Սարգսյանը և Վլադիմիր Պուտինը մտքեր կփոխանակեն նաև միջազգային և տարածաշրջանային մի շարք արդիական խնդիրների շուրջ, կքննարկեն ԼՂ հիմնախնդրի կարգավորման գործընթացը
Սերժ Սարգսյանի առաջիկա մոսկովյան այցի մասին ավելի վաղ գրել էր Իզվեստիա թերթը։
Ադրբեջանի նախագահ Իլհամ Ալիևը զուգահեռաբար այցելում է ԵԱՀԿ Մինսկի խմբի մեկ այլ համանախագահ երկիր՝ Ֆրանսիա, որտեղ ժամանել է երեկ։ Վաղը նախատեսված է նրա հանդիպումը Ֆրանսիայի նախագահ Ֆրանսուա Օլանդի հետ։
 
13 մարտ, 2017 13:21 Շատ վտանգավոր սահմանագծի վրա էինք․ Կվիրիկաշվիլին՝ Բաթումիի դեպքերի մասին Բաթումիում մարտի 11ի երեկոյան տեղի ունեցած բախումներից հետո Վրաստանի վարչապետ Գիորգի Կվիրիկաշվիլին այցելել է Աջարիա՝ տեղի իշխանությունների հետ իրավիճակը քննարկելու և տեղացիների հետ հանդիպելու նպատակով։ Նրան ուղեկցում էին փոխվարչապետ, էներգետիկայի նախարար Կախա Կալաձեն, տարածաշրջանային և ենթակառուցվածքների նախարար Զուրաբ Ալավիձեն, խորհրդարանական մեծամասնության առաջնորդ Արչիլ Թալաքվաձեն։ Այցի ընթացքում Կվիրիկաշվիլին տեսակցել է անկարգությունների արդյունքում տուժած և տեղափոխված անձանց։
Ինչպես հաղորդում է Agenda վրացական կայքը, Կվիրիկաշվիլին շնորհակալություն է հայտնել աջարական ոստիկանությանը և ասել, որ շաբաթ օրը շատ վտանգավոր սահմանագծի վրա էին, սակայն «կիրառել են այնքան ուժ, որքան անհրաժեշտ էր կայունությունը պահպանելու համար»։
Կվիրիկաշվիլին խոստացել է, որ կառավարությունը կփոխհատուցի գույքային վնասները՝ շեշտելով, որ բոլոր պատասխանատուները կհայտնաբերվեն և կպատժվեն։
Կիրակի օրը Կվիրիկաշվիլին հանդես է եկել ուղերձով, որում ապակառուցողական քաղաքական ուժերին մեղադրել է «իրավիճակը սրելու նպատակով ամեն
13 մարտ, 2017 11:32 Եվրոպական երկրները հրաժարվում են ընդունել թուրք պաշտոնյաներին Դանիայի վարչապետ Լարս Լոքե Ռասմուսենը երեկ առաջարկել է հետաձգել Թուրքիայի վարչապետ Բինալի Յըլդըրըմի նախապատրաստող այցը Դանիա՝ պայմանավորված Թուրքիայի և Նիդեռլանդների միջև այս օրերին լարված դիվանագիտական հարաբերություններով, հաղորդում է Reutersը։
«Այս հանդիպումը չի կարող առանձնացվել Թուրքիայի կողմից Նիդեռլանդների դեմ ներկայիս հարձակումների համատեքստից։ Հետևաբար ես առաջարկել եմ իմ թուրք գործընկերոջը հետաձգել իր այցը», հայտարարել է Ռասմուսենը։
Ավելի վաղ Նիդեռլանդների իշխանությունները չէին թույլատրել Թուրքիայի արտաքին գործերի նախարար Մևլութ Չավուշօղլուի մուտքը երկիր։ Նա պատրաստվում էր շաբաթ օրը մասնակցել Ռոտերդամում թուրքական համայնքի հանրահավաքին և կոչ անել նրան սատարել ապրիլի 16ին Թուրքիայում կայանալիք հանրաքվեում սահմանադրական փոփոխությունները։ Չավուշօղլուից հետո Նիդեռլանդներն արգելել է Թուրքիայի ընտանեկան և սոցիալական քաղաքականության նախարար Ֆաթիմե Բեթյուլ Սայամ Քայեի մուտքը։
Ի պատասխան Թուրքիայի նախագահ Ռեջեփ Թայիփ Էրդողանն ու ԱԳ նախարար Չավուշօղլուն Նիդեռլանդների իշխանություններին անվանեցի
10 մարտ, 2017 16:29 Բաքուն հայտարարում է, որ ԵԱՀԿ դիտորդների տեղակայումը «ամրապնդում է ստատուս քվոն» և «հակասում Մինսկի գործընթացին» ԵԱՀԿ-ում Ադրբեջանի մշտական ներկայացուցչությունը կազմակերպության Մշտական խորհրդին դիմում է հղել ղարաբաղյան հակամարտության կարգավորման շուրջ բովանդակային բանակցություններ անցկացնելու կարևորության մասին։ Դիմումում ադրբեջանական կողմը, մասնավորապես, պարզաբանում է, թե ինչու է դեմ ղարաբաղյան շփման գծում ԵԱՀԿ դիտորդների տեղակայմանը։ Բաքուն պնդում է, որ «նախքան օկուպացված տարածքներից հայկական զինված ուժերի դուրսբերումը» դիտորդների տեղակայումը կարող է հանգեցնել «ստատուս քվոյի ամրապնդմանն ու հակամարտության ձգձգմանը»։

Ադրբեջանը «չի կարող նման քայլի գնալ», քանի որ այն ընդհանուր առմամբ «հակասում է Միսնկի գործընթացի նպատակներին»։
10 մարտ, 2017 14:00 Ստամբուլում ուղղաթիռ է կործանվել Մարտի 10ին Ստամբուլի Բյույուքչեքմեջե թաղամասում կործանվել է քաղաքացիական ուղղաթիռ, զոհվել է առնվանզ հինգ մարդ։ 
Ինչպես հաղորդում են թուրքական լրատվամիջոցները, ուղղաթիռում կար յոթ մարդ, որոնցից երկուսը՝ օդաչու, չորս օտարեկրկրացի և մեկ Թուրքիայի քաղաքացի։
Ռուսաստանյան լրատվամիջոցները գրում են, որ ավիավթարը ենթադրաբար տեղի է ունեցել թանձր մառախուղի պատճառով։ Թուրքական Անադոլու գործակալությունը նշում է, որ վթարի պատճառները դեռ հայտնի չեն։

Firefighting helicopter crashes in #Buyukcekmece, #Istanbul https//tco/VC9SSqrwCe pictwittercom/m183luPwje
— ANADOLU AGENCY ENG @anadoluagency March 10, 2017
 
 
 
10 մարտ, 2017 12:32 Ադրբեջանցի լոբբիստները Եվրախորհրդարանում կազմակերպել են «Ալի և Նինո» ֆիլմի ցուցադրությունը Մարտի 8ին Եվրախորհրդարանում կայացել է ադրբեջանաամերիկյան համատեղ արտադրության «Ալի և Նինո» ֆիլմի ցուցադրությունը, որը կազմակերպվել է «Եվրոպական ադրբեջանական միություն» ադրբեջանական լոբբիստական կազմակերպության TEAS և Բելգիայում, Լյուքսեմբուրգում ու ԵՄում Ադրբեջանի ու Վրաստանի դեսպանությունների համագործակցությամբ։ Ֆիլմի պրոդյուսերը Ադրբեջանի նախագահի դուստր, «Հեյդար Ալիև» հիմնադրամի փոխնախագահ Լեյլա Ալիևան է, ռեժիսորը բրիտանացի Ասիֆ Կապադիան։ Ինչպես հաղորդում է EU Events կայքը, միջոցառումը վարել է Եվրախորհրդարանի ռումինացի պատգամավոր Նորիկա Նիկոլաին։ 
Ֆիլմը նկարահանվել է «Ալի և Նինո» համանուն գրքի հիման վրա։ Դա երկու բաքվեցիների՝ ադրբեջանցի Ալի խան Շիրվանշիրի և վրացի Նինո Կապիանիի սիրո մասին պատմող վեպ է, որի իրադարձությունները ծավալվում են Կովկասում և Իրանում, առաջին համաշխարհային պատերազմի և Հոկտեմբերյան հեղափոխության, 1918 թ Բաքվի ազգամիջյան բախումների, Ադրբեջանի Դեմոկրատական Հանրապետության հռչակման և ապա Ադրբեջանի խորհրդայնացման ֆոնին։ Չնայած վեպը
10 մարտ, 2017 11:22 Վարդան Տողանյանը՝ ՌԴ-ում Հայաստանի նոր դեսպան Օլեգ Եսայանն ազատվել է Ռուսաստանի Դաշնությունում Հայաստանի Հանրապետության արտակարգ և լիազոր դեսպանի պաշտոնից, հաղորդում է նախագահականի մամուլի ծառայությունը։ Այդ պաշտոնում նշանակվել է Վարդան Տողանյանը։
«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55րդ հոդվածի 8րդ կետով` որոշում եմ․ 
Վարդան Տողանյանին նշանակել Ռուսաստանի Դաշնությունում Հաաստանի Հանրապետության արտակարգ և լիազոր դեսպան նստավայրը` Մոսկվա», ասված է հաղորդագրությունում
Օլեգ Եսայանը ՌԴում ՀՀ դեսպան էր նշանակվել 2010թ․ հունվարին։
Վարդան Տողանյանը «Եվրասիական մեդիա խումբ» ՓԲԸի տնօրենների խորհրդի նախագահն է։
 
 
 
10 մարտ, 2017 10:52 Հարավային Կորեայի՝ կոռուպցիայի մեջ մեղադրվող նախագահը պաշտոնանկ արվեց Հարավային Կորեայի Սահմանադրական դատարանը հաստատել է երկրի նախագահ Պակ Կըն Հեի իմփիչմենթը, որը հայտնվել էր կոռուպցիոն սկանդալի կենտրոնում։ Այսպիսով, նա դառնում է Հարավային Կորեայի՝ ժողովրդավարական ճանապարհով ընտրված առաջին նախագահը, որը հեռացվում է այդ պաշտոնից։ Երկրի ֆինանսական կարգավորիչը հայտարարել է, որ նախագահի պաշտոնանկությունը չի ազդի շուկաների կայունության վրա։
Իմփիչմենթի օգտին, BBCի փոխանցմամբ, քվեարկել է ութ դատավոր։ Սահմանադրական դատարանը մեղավոր է ճանաչել նախագահին նրանում, որ թույլ է տվել իր մտերիմ ընկերուհի և խորհրդական Չհվե Սուն Սիլին ազդեցություն ունենալ պետական քաղաքականության վրա և կոծկել է նրա կոռուպցիոն գործունեությունը։
Դատարանի այդ որոշումը նշանակում է, որ Պակ Կըն Հեն անմիջապես կհեռացվի իշխանությունից։ Նա կարող է նաև ենթարկվել քրեական պատասխանատվության կոռուպցիայի մեղադրանքով։ Առաջիկա 60 օրերին Հարավային Կորեայում կանցկացվեն նախագահական ընտրություններ։
Անցյալ դեկտեմբերին Հարավային Կորեայի նախագահի իմփիչմենթի օգտին քվեարկել էր երկրի խորհրդարանը, սակայն նա շարունակում էր պաշտոնավարել։
9 մարտ, 2017 14:22 Իսլամական պետությանը միացել է ավելի քան 900 ադրբեջանցի Ադրբեջանի 900ից ավելի քաղաքացիներ ծայրահեղական կազմակերպությունների ազդեցության տակ համալրել են Սիրիայում և Իրաքում Իսլամական պետության ահաբեկիչների շարքերը․ այսպիսի տվյալներ է հրապարակել Ադրբեջանի Ազգային անվտանգության ծառայության գեներալլեյտենանտ Մադաթ Գուլիևը։
Ինչպես նկատում է ադրբեջանական Meydan TVն, Ադրբեջանը աշխարհիկ երկիր է, որի քաղաքացիներն ունեն սահմանադրությամբ ամրագրված դավանանքի ազատություն։ Խորհրդային իշխանության օրոք՝ շուրջ յոթ տասնամյակ անընդմեջ պետության կողմից աթեիզմի անընդմեջ քարոզումից և 1991թ անկախացումից հետո երկրում գլուխ է բարձրացրել կրոնականությունը։
«Վերջին տարիներին Ադրբեջանի 84 քաղաքացիներ են դատապարտվել [ահաբեկչական գործունեության համար]։ Վերջին մեկ տարվա ընթացքում 54 անձինք զրկվել են քաղաքացիությունից՝ Սիրիայում և Իրաքում ահաբեկչական գործողություններին մասնակցելու համար», տեղեկացրել է Գուլիևը
Ադրբեջանը փորձում է ներկայանալ որպես գործընկեր ահաբեկչության դեմ պայքարում՝ դեռ 2001թ․ միանալով հակաահաբեկչական կոալիցիային և խաղաղապահներ ուղարկելով  Աֆղանստան, որ