11 մայիս, 2017 12:24 Հրաժարվել թշնամական հռետորաբանությունից և նախապատրաստվել խաղաղության․ Հոգլանդ ԵԱՀԿ Մինսկի խմբի ամերիկացի ժամանակավոր համանախագահ Ռիչարդ Հոգլանդը մայիսի 10-ին ելույթ է ունեցել Վաշինգտոնում տեղակայված «Ատլանտյան խորհուրդ» (Atlantic Council) վերլուծական կենտրոնում՝ «Հայ-ադրբեջանական հակամարտության միջազգային քաղաքականությունը» (The International Politics of the Armenian-Azerbaijani Conflict) խորագրով քննարկմանը։ Իր ելույթի սկզբին Հոգլանդը հատուկ շեշտել է, որ ինքը ԱՄՆ-ի ժամանակավոր համանախագահն է (գործունեությունը շարունակելու է մինչև ամառ) և խոսում է միայն ԱՄՆ-ի, այլ ոչ թե Մինսկի խմբի մյուս համանախագահների անունից։ Հոգլանդի խոսքով՝ համապարփակ կարգավորումը ուրվագծված է, սակայն ոչ հաճախ տեղի ունեցող բանակցություններն ու հանդիպումները որպես այդպիսին բավարար չեն տևական խաղաղության հասնելու համար։ Հոգլանդը կարծում է, որ կողմերը պետք է հրաժարվեն թշնամական հռետորաբանությունից և իրենց ժողովուրդներին նախապատրաստեն ոչ թե պատերազմի, այլև խաղաղության՝ «դիտարկելով անգամ միակողմանի քայլեր»։ 10 մայիս, 2017 17:49 Ադրբեջանական կաշառքները՝ նոր սկանդալի պատճառ․ կոռուպցիայի մեղադրանքների կենտրոնում՝ Մալթայի վարչապետը Բրիտանական Guardian-ը գրում է, որ Մալթայի վարչապետ Ժոզեֆ Մուսկաթը կանգնած է Բրյուսելում հետզհետե ուժեղացող ընդվզման առաջ․ Եվրախոհրդարանի անդամները պահանջում են նրա հրաժարականը՝ պայմանավորված կոռուպցիոն մի սկանդալով, որում ներքաշված է նրա կինը և պանամական օֆշորային մի ընկերություն։ Ըստ պնդումների՝ վարչապետի ընտանիքը գումարներ է ստացել Ադրբեջանի նախագահի դստերից։

Միջերկրածովյան կղզու՝ ԵՄ-ում նախագահությունը, գրում է Guardian-ը, հարվածի տակ է հայտնվել փողերի լվացման հետ կապված պատմությունների պատճառով։ Սկանդալը ծագել է անցյալ տարի «Պանամական փաստաթղթերի» հրապարակմամբ։
10 մայիս, 2017 16:33 Ռուսաստանում ՄՏՍ-ը բաժանորդների տվյալները կտրամադրի, եթե հատուկ ծառայությունները պահանջեն Ռուսական բջջային օպերատոր ՄՏՍ-ը (MTS) կլինի առաջին ընկերությունը, որը կսկսի պահուստավորել և պահպանել բաժանորդների տվյալները վիճահարույց նոր հակաահաբեկչական օրենքի շրջանակներում, հաղորդում է «Վեդոմոստին»։ ՄՏՍ-ի այս պիլոտային ծրագիրը կմեկնարկի Ռուսաստանի քաղաքներից մեկում, որի անունը հայտնի չէ։

Ըստ նոր օրենքի, բջջային օպերատորները պետք է պահպանեն բաժանորդների հաղորդագրությունները, այդ թվում `լուսանկարներ և տեսանյութեր, վեց ամսվա ընթացքում: Մետատվյալները, ինչպիսիք են ուղարկված հաղորդագրությունների ամսաթիվն ու ժամը, պետք է պահվեն երեք տարի ժամկետով: Ընկերություններին սպասվում է նաև տուգանք `մինչև 1 մլն ռուբլի գումարի չափով (15.700 դոլար)՝ եթե նրանք Ռուսաստանի դաշնային անվտանգության ծառայության (ԱԴԾ ) պահանջով չտրամադրեն բաժանորդների վերծանված տվյալները։ Նախատեսվում է, որ օրենքը ուժի մեջ կմտնի 2018թ․ հուլիսի 1-ին:
10 մայիս, 2017 16:08 ԱՄՆ-ը կզինի Սիրիայի քրդական ուժերին, Անկարայի համար դա «անընդունելի է» Թուրքիան անընդունելի է համարում ԱՄՆի այն հայտարարությունը, թե Վաշինգտոնը զենք ու ռազմական տեխնիկա կմատակարարի Սիրիայում «Իսլամական պետության» դեմ կռվող քրդական «Ժողովրդական պաշտպանության ուժերին» YPG 
Ինչպես հաղորդում է AFP գործակալությունը, Թուրքիայի փոխվարչապետը Նուրեթթին Չանըքլըն ասել է, որ YPGին զինելն «անընդունելի է»։ 
«Մենք ակնկալում ենք, որ այս սխալը կուղղվի», ասել է Չանըքլըն Վաշինգտոնում Թուրքիայի և ԱՄՆի նախագահների հանդիպման նախաշեմին։ 
Թուրքիայի արտաքին գործերի նախարար Մևլութ Չավուշօղլուն նույնպես մեկնաբանել է Վաշինգտոնից ստացված տեղեկությունը․ «YPGի կողմից ստացած յուրաքանչյուր զենք սպառնում է Թուրքիային»։ Նա կրկնել է պաշտոնական Անկարայի այն թեզը, թե քրդական այդ կազմակերպությունը «ահաբեկչական է և չի տարբերվում Քրդստանի աշխատավորական կուսակցությունից՝ PKKից», որը Թուրքիայում պաշտոնապես հռչակված է ահաբեկչական։ 
Երկուշաբթի օրը ԱՄՆի նախագահ Դոնալդ Թրամփը, ինչպես հայտարարել է Պենտագոնի խոսնակ Դանա Ու
10 մայիս, 2017 12:32 Բախում Մոսկվայում՝ «Անմահ գնդի» երթին․ ադրբեջանցիներին դուր չի եկել Արցախի դրոշի ծածանումը Մոսկվայում մայիսի 9ին «Անմահ գունդ» երթի ընթացքում բախում է տեղի ունեցել մասնակից հայերի և ադրբեջանցիների միջև։ Վերջիններիս վրդովեցրել է Արցախի դրոշի ծածանումը։ Մոսկվայի հայ երիտասարդության ասոցիացիան «Վկոնտակտե» սոցցանցում հրապաակված իր հայտարարության մեջ նշում է, որ «Անմահ գնդի» ակցիաների առաջին օրվանից մասնակցում է դրանց, և ցավով արձանագրում, որ ոմանք «չեն կարողանում զսպել իրենց անշնորհքությունն ու տգիտությունը»։
«2017ը բացառություն չէր։ Գնդի հայկական հատվածը շարժվում էր Տվերսկայա փողոցով Հայաստանի և Արցախի դրոշներով հեղինակի անունից՝ արգելված չեն Ռուսաստանի Դաշնությունում և իր հերոս նախնիների լուսանկարներով։
Հանկարծ սկսվում է սադրանք՝ հաչոցի և ֆիզիկական միջամտության տեսքով Արցախի ազատության դեմ ոտնձգություն կատարած ագրեսորների դժգոհ սերունդների կողմից։
Մոտ 20 հոգուց բաղկացած խումբը, սպասելով, որ իրավապահներն ավարտեն հայկական պատվիրակության ուղեկցումը, որոշեց հարձակվել երթի մասնակիցների վրա նրանց մոտ Արցախի դրոշի առկայության պատճառով։ Այն բանից հ
8 մայիս, 2017 00:08 Vive la France! Բարաք Օմաբան Մակրոնի հաղթանակը համարում է ազատական արժեքների հաղթանակ «Ես չեմ պատրաստվում շատ ընտրություններում ներգրավվել, քանի որ այլևս չեմ հավակնում նախագահության, բայց Ֆրանսիայի ընտրությունները շատ կարևոր են Ֆրանսիայի և այն արժեքների համար, որոնք մեզ համար շատ թանկ են, քանի որ Ֆրանսիայի հաջողությունը կարևոր է ամբողջ աշխարհի համար։ Ես հիացած եմ այն ընտրարշավով, որում Էմանուել Մակրոնը հաղթեց։ Նա պայքարեց ազատական արժեքների համար։ Նա ի ցույց դրեց այն կարևոր դերը, որ Ֆրանսիան խաղում է Եվրոպայում և ամբողջ աշխարհում։ Եվ նա հանձնառու է ֆրանսիացի ժողովրդի ավելի լավ ապագայի համար։ Նա հենվում է մարդկանց հույսերի և ոչ թե վախերի վրա․․․»։ 7 մայիս, 2017 23:45 Սերժ Սարգսյանը շնորհավորել է Ֆրանսիայի նորընտիր նախագահ Էմանուել Մակրոնին Համոզված եմ, որ Ձեր պաշտոնավարության ընթացքում հայ-ֆրանսիական դարավոր բարեկամության վրա խարսխված՝ մեր երկրների միջև առանձնաշնորհյալ հարաբերությունները, բարձր մակարդակի քաղաքական սերտ երկխոսությունը, տնտեսական բազմոլորտ համագործակցությունը և մշակութային գործուն կապերը կշարունակեն առավել զարգանալ և խորանալ:

Հայաստանը բարձր է գնահատում Ֆրանսիայի կարևոր և շարունակական ջանքերը Մինսկի խմբի համանախագահող մյուս երկրների՝ Միացյալ Նահանգների և Ռուսաստանի հետ միասին՝ ուղղված Լեռնային Ղարաբաղի հակամարտության խաղաղ կարգավորմանը և մեր տարածաշրջանում տևական խաղաղության հաստատմանը։
7 մայիս, 2017 23:25 Էմանուել Մակրոնն ընտրվել է Ֆրանսիայի նախագահ Ֆրանսիայում կիրակի կայացած նախագահական ընտրությունների երկրորդ փուլում Էմանուել Մակրոնը քվեների նախնական հաշվարկներով հավաքել է 60 տոկոս ձայն, նրա մրցակից Մարին լը Պենը հավաքել է 40 տոկոս ձայն։

39-ամյա Մակրոնը Ֆրանսիայի պատմության մեջ ամենաերիտասարդ նախագահն է։

Նա նաև առաջին նախագահն է 1958-ից ի վեր, որը չի ներկայացնում Ֆրանսիայի երկու հիմնական կուսակցությունները։

Ընտրությունների նախնական արդյունքների հրապարակումից հետո Մակրոնը հայտարարել է, որ «հույսի և վստահության նոր դարաշրջան է սկսվում»։

Էմանուել Մակրոնի կողմնակիցները հավաքվել են Փարիզի կենտրոնում և նշում են իրենց թեկնածուի հաղթանակը։
5 մայիս, 2017 15:37 ԱՄՆ-ը ցավում է, որ Ադրեջանը չհամաձայնեց ԵԱՀԿ երևանյան գրասենյակի մանդատի երկարաձգմանը ԵԱՀԿ-ում ԱՄՆ-ի առաքելության գործերի ժամանակավոր հավատարմատար Քեյթ Բյորնսը հայտարարություն է տարածել ԵԱՀԿ-ի երևանյան գրասենյակի առաջիկա փակման առնչությամբ։ Միացյալ Նահանգները, նրա խոսքով, ճանաչում է Հայաստանի կառավարության համագործակցությունը ԵԱՀԿ-ի հետ։ Միևնույն ժամանակ, ափսոսանք է հայտնում, որ Ադրբեջանը համաձայնություն չտվեց գրասենյակի մանդատի երկարաձգմանը։

«Միացյալ Նահանգները ափսոսանք է հայտնում ԵԱՀԿ-ի երևանյան գրասենյակի առաջիկա փակման առնչությամբ։ Մենք ցավում ենք Հարավային Կովկասում ԵԱՀԿ-ի վերջին դաշտային առաքելության կորստյան առթիվ։ Դաշտային գործողությունները անգնահատելի աջակցություն են ցուցաբերում ընդունող երկրներին՝ օգնելով ամպապնդել ԵԱՀԿ-ի սկզբունքների և հանձնառությունների պահպանումը, ապահովելով վաղ նախազգուշացումներ և ճգնաժամերի կառավարում, խրախուսելով երկխոսություն կառավարության և քաղաքացիական հասարակության միջև»,- ասված է հայտարարությունում։
5 մայիս, 2017 14:35 C-400 համալիրներ Մոսկվայից՝ Անկարային․ իրական գործա՞րք, թե՞ քաղաքական խաղ Մոսկվան պատրաստ է Անկարային մատակարարել С400 զենիթահրթիռային համալիրներ՝ 500 մլն դոլարով մեկ դիվիզիոնի դիմաց․ RBC գործակալությանը տեղեկացրել է Կրեմլին և պաշտպանության նախարարությանը մոտ կանգնած երկու աղբյուր։
Մայիսի 3ին Թուրքիայի նախագահ Ռեջեփ Թայիփ Էրդողանը Սոչիում էր, որտեղ ռուսաստանցի իր պաշտոնակից Վլադիմիր Պուտինի հետ քննարկել է այդ թվում համագործակցությունը ռազմատեխնիկական ոլորտում, խոսք է գնացել Անկարային С400ների մատակարարման մասին։ Կրեմլի խոսնակ Դմիտրի Պեսկովը ասել է, որ բանակցություններն ընթացել են դրական հունով։
Ապրիլի վերջին Թուրքիայի պաշտպանության նախարար Ֆիքրի Ըշըքը հայտարարել էր, որ Մոսկվան և Անկարան հասել են բանակցությունների եզրափակիչ փուլ, սակայն գործարքի արժեքը չէր մեկնաբանել։
RBCի հետ զրույցում ռազմական փորձագետ Անդրեյ Ֆրոլովը նկատում է, որ հաշվի առնելով այն, որ 2007թ․ Ռուսաստանն ու Իրանը գործարք էին կնքել С300ների երկու դիվիզիոնի մատակարարման վերաբերյալ՝ մոտ 900 մլն դոլար արժողությամբ, 500 մլն դոլարը С400ի մեկ դիվիզիոնի դիմաց բավական իրատեսական է հնչում
Կրեմլին մոտ կանգնած աղ
5 մայիս, 2017 10:42 ԵԱՀԿ երևանյան գրասենյակը կփակվի․ Հարավային Կովկասը՝ առանց կազմակերպության լիարժեք ներկայության Այսօր ԵԱՀԿ-ում նախագահող Ավստրիայի ներկայացուցիչը ԵԱՀԿ Մշտական խորհրդում ելույթ է ունեցել` հայտարարելով, որ, չնայած իրենց ներդրած ջանքերին, անհնար է եղել համաձայնության հանգել ԵԱՀԿ երևանյան գրասենյակի մանդատի երկարաձգման շուրջ:

ԵԱՀԿ երևանյան գրասենյակի փակմամբ, ինչպես նշել է Տիգրան Բալայանը, այդ կազմակերպությունը զրկվում է Հարավային Կովկասում լիարժեք ներկայությունից։ Ադրբեջանի գրասենյակը փակվել էր 2015-ին, Վրաստանի առաքելության մանդատը լրացել էր 2008թ․ և այլևս չէր երկարաձգվել։
4 մայիս, 2017 11:28 Քայլերը, որոնք կձեռնարկենք միասին, կփոխեն ամբողջ տարածաշրջանի ճակատագիրը․ Էրդողանը՝ Պուտինին Թուրքիայի ու Ռուսաստանի ուսերին շատ լուրջ աշխատանք կա և մեծ պատասխանատվություն։ Վստահ եմ՝ քայլերը, որոնք կձեռնարկենք միասին, կփոխեն ամբողջ տարածաշրջանի ճակատագիրը․ երեկ Սոչիում Ռուսաստանի նախագահ Վլադիմիր Պուտինի հետ հանդիպմանն ասել է Թուրքիայի նախագահ Ռեջեփ Թայիփ Էրդողանը։

Նրա խոսքով՝ համատեղ քայլերը կարող են ազդել Մերձավոր Արևելքում իրավիճակի վրա։ Ինչպես գրում են ռուսաստանյան լրատվամիջոցները, երկու նախագահները ջերմ ողջունել են միմյանց՝ արձանագրելով, որ երկու երկրների հարաբերությունները նորմալ հուն են վերադարձել։