17 օգոստոս, 2017 17:11 Հայաստանում կրծքով կերակրվող երեխաների թիվը Կրծքով սնուցման խթանումը աշխարհում տարեկան կարող է փրկել մինչև հինգ տարեկան 823,000 երեխայի կյանք: Ըստ Առողջապահության համաշխարհային կազմակերպության՝ կրծքով կերակրումը պիտի սկսվի երեխայի ծնվելու առաջին ժամվա ընթացքում, լինի բացառապես միակ սնունդը մինչև երեխայի վեց ամսականը, և հավելյալ սննդի հետ շարունակվի մինչև երեխայի 2 տարեկանը: Հայաստանն աշխարհում երկրների մեծամասնության հետ դեռ շատ անելիք ունի լավ ցուցանիշների հասնելու համար:
10 օգոստոս, 2017 14:32 Մանկապարտեզից դուրս մնացած երեխաները Հայաստանում 3-6 տարեկան յորաքանչյուր 3-րդ երեխա դուրս է մնում նախադպրոցական կրթությունից: Ի դեպ, գյուղաբնակ երեխաներն ավելի հաճախ են դուրս մնում: Երեխաներին մանկապարտեզ չտանելու հիմնական պատճառներն են համայնքում/մոտակայքում գործող մանկապարտեզ չկա, գործող մանկապարտեզները չեն բավարարում իրենց պահանջներին, իրենց նախընտրած մանկապարտեզում երեխային չեն ընդունել:
3 օգոստոս, 2017 13:03 Երիտասարդություն, որ նայում է ծնողի գրպանին Հայաստանում հարցված 14-29 տարեկան երիտասարդների կեսի հիմնական եկամուտը ծնողներն են ապահովում: Երիտասարդների 20%-ն ինքն է վաստակում իր հիմնական եկամուտը: Եվ չնայած երիտասարդների տարիքի աճին զուգընթաց նվազում է ծնողների կողմից ֆինանսավորման չափը, այնուամենայնիվ անգամ 26-29 տարեկան երիտասարնդերի համար ծնողների ֆրինանսավորումը շարունակում է կարևոր լինել։
Տվյալները «Ֆրիդրիխ Էբերտ» հիմնադրամի` «Անկախության սերունդ 2016» զեկույցից են։
27 հուլիս, 2017 15:23 Չաղ, խմող, ծխող ու քաղցրակեր հայերը Հայաստանում 2016թ.՝ 2012թ. Համեմատությամբ, ավելացել է ֆիզիկապես թերակտիվ մարդկանց թիվը, ամեն օր ծխող տղամարդկանց թիվը, օրական 20 գ սպիրտին համարժեք ալկոհոլ օգտագործող տղամարդկանց թիվը, և բնակչության կեսն ավելորդ քաշ ունի:
Տվյալները «Առողջապահության համակարգի գործունեության գնահատման» 2016թ. զեկույցից են:
18 հուլիս, 2017 11:25 Աշխարհի ամենաբարեգործ երկրները 2016-Ի Բարեգործության համաշխարհային ինդեքսում, որ կազմում է բրիտանական Charities Aid Foundation-ը, Մյանմարն արդեն 3 տարի է՝ աշխարհի 140 երկրների շարքում ամենաբարձր ցուցանիշն ունի: Հայաստանը ցուցակում 129-րդն է։
10 հուլիս, 2017 11:29 Աղջիկը մինչև ամուսնանալը ընկեր չպիտի՞ ունենա Հայաստանցիների 26 տոկոսը համոզված է, որ աղջիկը մինչև ամուսնանալը չպետք է ընկեր ունենա։ ՄԱԿ-ի Բնակչության հիմնադրամի «Տղամարդիկ և գենդերային հավասարությունը Հայաստանում - 2016» զեկույցի համաձայն՝ Հայաստանում մարդկանց 46%-ը համարում է, որ աղջկա համար առաջին ընկերն ունենալու լավագույն տարիքը 18-20 տարեկանն է։ Հարցվածների 26%-ը կարծում է, որ աղջիկը մինչև ամուսնանալը պիտի ընկեր չունենա: 3 հուլիս, 2017 15:59 Երեխաները՝ համակարգչի և հեռուստացույցի առջև Երեխաների շուրջ մեկ քառորդը չափից ավելի շատ ժամանակ է նվիրում հեռուստացույցին կամ համակարգչին՝ օրական 5 ժամ և ավելի: Տվյալները «Առողջապահության համակարգի գործունեության գնահատման 2016» զեկույցից են: Հայաստանում վերջին 10 տարիներին նկատվում է հեռուստացույցի և համակարգչի առջև անցկացվող ժամանակի աճի միտում, ինչը, բնականաբար, դուրս է մղում ֆիզիկական ակտիվ ժամանցը:
23 հունիս, 2017 11:45 Ի՞նչ է ուզում գործատուն՝ դիպլո՞մ, թե՞ գործնական գիտելիքներ «Կրթական տեխնոլոգիաների ազգային կենտրոնի» հետազոտության համաձայն՝ բուհերում գլխավոր խնդիրը գործնական հմտությունների պակասն է։ Գործատուներն աշխատանքի ընդունելիս ավելի կարևորում են գործնական, հետո նոր տեսական գիտելիքները: 16 հունիս, 2017 15:45 Ծխողների աճող թիվը՝ չնայած խորհուրդներին Հայաստանում ծխողների մոտ կեսը՝ 48%-ը, վերջին մեկ տարվա ընթացքում փորձել է թողնել ծխելը: Ամեն օր ծխողներին հարազատները, շրջապատը, բժիշկը խորհուրդ են տալիս դադարեցնել ծխելը: Այնուամենայնիվ, այդ խորհուրդները կարծես թե ապարդյուն են, քանի որ ծխողների թիվը՝ 2016թ. 2012թ. համեմատությամբ աճել է:
Այնումաենայնիվ, ծխելը հնարավոր է թողնել: Ներկայում չծխող տղամարդկանց 38%-ն անցյալում ծխել է: Տվյալները «Առողջապահության համակարգի գործունեության գնահատման» 2016-ի զեկույցից են:
8 հունիս, 2017 13:28 Դեպրեսիան Հայաստանում՝ թվերով Հայաստանում 5 բնակչից 2-ը թեթև դեպրեսիա ունի՝ ըստ «Առողջապահության համակարգի գործունեության գնահատման» 2016-ի զեկույցի: Իսկ հոգեկան խիստ ընկճվածությունից և/կամ դեպրեսիայից տառապում է Հայաստանում յուրաքանչյուր 5-րդը: 3 հունիս, 2017 21:16 Հավատ, հույս, սեր և թվեր Հայաստանում գրեթե բոլորը հավատում են Աստծուն, սակայն ամեն օր աղոթում է հարցվածների մոտ կեսը: 5 հարցվածից 1-ն ասել է, որ ամենաքիչը յուրաքանչյուր ամիս Աստվածաշունչ է կարդում, իսկ իր հավատքով կամ Աստծո տեսակետներով ամսական կիսվում է յուրաքանչյուր 3-րդը: 26 մայիս, 2017 16:04 Մամուլի դեմ հարձակումները՝ թվերով 2016-ին Խոսքի ազատության պետական կոմիտեն Հայաստանում արձանագրել է ֆիզիկական բռնության 10 դեպք, որոնցում տուժել են 26 լրագրող ու օպերատոր, ԶԼՄ-ների ու դրանց աշխատակիցների նկատմամբ այլ ճնշումների 52 փաստ, ինչպես նաև տեղեկություններ ստանալու և տարածելու իրավունքի 33 խախտում։
18 մայիս, 2017 18:04 Միգրացիա․ ինչո՞ւ և ո՞ւր են նախընտրում հեռանալ երիտասարդները Հայաստանում յուրաքանչյուր 3-րդ հարցված երիտասարդ ծրագրում է մեկնել Հայաստանից, իսկ յուրաքանչյուր 4-րդը ՝ Հայաստանում փոխել բնակության վայրը։ Թե՛ ներքին, թե՛ արտաքին միգրացիայի համար երիտասարդները նշել են հետևյալ պատճառները՝ ավելի բարեկեցիկ կյանքին ձգտելը, աշխատանքի ավելի լավ հնարավորություններ ունենալը, ավելի լավ կրթություն ստանալու հնարավորությունը: Տվյալները «Ֆրիդրիխ Էբերտ» հիմնադրամի «Անկախության սերունդ 2016» հետազոտությունից են։