7 հունիս, 2017 12:49 Ազատամարդ․ Վթարի ենթարկվածը դարձել է ամբաստանյալ 2,5 տարի առաջ գորիսեցի Վահագն Հայրապետյանը վթարի է ենթարկվում, ինչից հետո նախկին մարզպետ Սուրիկ Խաչատրյանի բարեկամները համոզում են չբողոքել՝ խոստանալով փոխհատուցել: Հետագայում խոստումները հօդս են ցնդում, իսկ Վահագնը տուժողից դառնում է ամբաստանյալ: Պայքարը գնում է փորձաքննության և իրականության կեղծման դեմ:
7 հունիս, 2017 11:40 Գյումրի․ տան կառավարումը հեռախոսիդ միջոցով Գյումրիի համար խելախոսները (սմարթֆոնները) հաղորդակցության միջոցից բացի առաջիկայում կարող են դառնալ նաև սոցիալական պայմանների բարելավման հնարավորություն։ Գյումրեցի 16-ամյա Ռաֆայել Սահակյանը և Սարգիս Եղոյանը՝ «Կանաչ տեխնոլոգիաների հայկական կենտրոնի» փորձագետների հետ, ստեղծել են տան էլեկտրականությունը, օդափոխությունը և ջեռուցումը կառավարող «բոլորը մեկում» սկզբունքով աշխատող համակարգ: Այն ղեկավարվում է սմարթֆոն հավելվածի օգնությամբ:

«Խելացի տուն» անունը ստացած համակարգը հնարավոր է՝ բեկումնային լինի և ընդգրկի Գյումրին տեղեկատվական տեխնոլոգիաների համաշխարհային քարտեզում: ՏՏ-ն Հայաստանի տարեկան 20 տոկոս աճ ունեցող, ամենաարագ զարգացող ոլորտն է, որը շատ գրավիչ է օտարերկրյա ներդրողների համար։
6 հունիս, 2017 21:01 ՌԴ նախարարի՝ կիրիլիցայի անցնելու մասին հայտարարությունը Հայաստանին չի վերաբերում Այսօր հայաստանյան մի շարք լրատվամիջոցներում տարածվել է լուր, թե իբր ՌԴ կրթության և գիտության նախարար Օլգա Վասիլևան հայտարարել է ԱՊՀ տարածքում, այդ թվում՝ Հայաստանում, կիրիլիցայի անցնելու մասին, հանդիպել են անգամ հրապարակումներ՝ «ՌԴ կրթության նախարարը Հայաստանին առաջարկել է հրաժարվել այբուբենից» վերտառությամբ: Լուրը թեժ բանավեճի և քննադատության առարկա է դարձել սոցցանցերում: Իրականում Վասիլևայի հայտարարությունը վերաբերում է այն երկրներին, որոնք անցում են կատարել կամ անցել են կիրիլիկ գրերից լատինատառի: Դրանց թվում են Ադրբեջանը, Թուրքմենստանը, Ուզբեկստանը: Վերջերս լատինատառ գրերի անցնելու մասին հայտարարել է Ղազախստանը: 6 հունիս, 2017 20:37 Կատար. Սերժ Սարգսյանի վերջին այցը Սաուդյան Արաբիան, Եգիպտոսը, Բահրեյնը, Արաբական Միացյալ Էմիրությունները, Եմենը, Լիբիան և Մալդիվյան կղզիները երկու օր առաջ խզել են Կատարի հետ դիվանագիտական հարաբերությունները՝ վերջինիս մեղադրելով «տարածաշրջանն ապակայունացնելու» մեջ:

Այս տեղեկատվությունը Հայաստանի համար ուշագրավ է նաև նրանով, որ Սերժ Սարգսյանը իր արտասահմանյան վերջին պաշտոնական այցը կատարել է հենց Կատար, իսկ մեկ շաբաթ առաջ Հայաստանը վերացրել է Կատարի քաղաքացիների համար Հայաստան մուտքի այցագիրը:
6 հունիս, 2017 18:12 Ռուսաստանից ներդրումները պակասել են՝ չնայած խոստումներին Ազգային վիճակագրական ծառայությունը հրապարակել է այս տարվա առաջին եռամսյակի ներդրումային ցուցանիշները։ Օտարերկրյա ուղղակի ներդրումներն աճել են՝ 15 միլիարդ դրամից հասնելով 20 միլիարդի։ Հետաքրքրական է, որ չնայած տարեսկզբին ռուսաստանաբնակ գործարարների խոստումներին և Հայաստանի ներդրողների ակումբ ստեղծելուն, շեշտակիորեն նվազել է Ռուսաստանից ներդրումների զուտ հոսքը՝ 12.7 միլիարդ դրամից հասնելով մինչև 1,6 միլիարդի։ 6 հունիս, 2017 16:03 Ականի պայթյունից վիրավորված զինվորի ոտքերը չեն ամպուտացնի․ Արծրուն Հովհաննիսյան Քննչական կոմիտեն մարտի 3-ին հրապարակել էր փետրվարի 28-ին Տավուշի մարզի Վազաշեն գյուղում ականի պայթյունից վիրավորված զինծառայողների անունները՝ որոնցից ամենածանր վիրավորում ստացած Նարեկ Գևորգի Գրիգորյանին տեղափոխել էին Երևան՝ կենտրոնական կլինիկական զինվորական հոսպիտալ։
Արծրուն Հովհաննիսյանի խոսքով՝ բանակում ոչ մարտական իրավիճակում վիրավորում ստացած զինվորները կամ զոհված զինվորների ընտանիքները նույնպես գտնվում են պետության հոգածության ներքո։ «Նախորդ օրենքը, որը գործում էր, մինչև այսպես կոչված «Հազար դրամների» մասին օրենքի ուժի մեջ մտնելը, մնում է ուժի մեջ, և գործում է այն զինծառայողների համար, որոնք ոչ մարտական պայմաններում ստացել են ինչ-որ վնասվածքներ՝ լինի թոշակավորում, թե բուժման ու վերկանագնողական ծախսեր»։ Տրվելիք ֆինանսական աջակցության չափը, ըստ նրա, պայմանավորված է մի քանի գործոններով, որոնցից է զինծառայողի սոցիալական վիճակը, զինծառայողի ունեցած երեխաների քանակը, հոգածության տակ եղած ծնողները և այլն։

6 հունիս, 2017 14:04 Վարչապետը հրաժարական տալու պատճառ չունի․ Սերժ Սարգսյան ՀՀ վարչապետ Կարեն Կարապետյանը հրաժարական տալու որևէ պատճառ չունի Այս մասին Տավուշի մարզկատարած աշխատանքային այցի ընթացքում Կողբի զորամասում կայացած խորհրդակցությունից հետո լրագրողների հետ զրույցում հայտարարել է ՀՀ նախագահ Սերժ Սարգսյանը։
Արմենպրեսի հաղորդմամբ, նա հերքել է իր և վարչապետի ﬕջև լարված հարաբերությունների վերաբերյալ հրապարակուﬓերը և լուրերը, թե Կարեն Կարապետյանը պատրաստվում է հրաժարական ներկայացնել
Նյութն ամբողջությամբ՝ սկզբնաղբյուր կայքում։
6 հունիս, 2017 11:02 Համեստ միլիարդատերը. միջազգային մամուլը՝ Քըրքորյանի մասին Այսօր՝ հունիսի 6-ին, ամերիկահայ միլիարդատեր, բարերար, Հայաստանի ազգային հերոս Քըրք Քըրքորյանը կդառնար 100 տարեկան։ Նա կարևորագույն անձանցից մեկն էր, որը նպաստեց Լաս Վեգասը խաղատների քաղաք դարձնելու գործին Քըրք Քըրքորյան գործարարի կենսագրության հայտնի դրվագներից է այն, որ նա երեք անգամ գնել և վաճառել է MGM Studios ընկերությունը և ամեն անգամ՝ շահույթով Քըրքորյանի հայտնի գործարքներից է նաև տարբեր ժամանակահատվածներում Chrysler և General Motors ընկերությունների բաժնետոմսերի ձեռքբերումը 2015թ Forbesը Քըրք Քըրքորյանի ունեցվածքը գնահատել է 4,2 մլրդ դոլար ՍիվիլՆեթը վերահրապարակում է Քըրքորյանի մահից հետո՝ 2015թ․ հունիսին, նրա մասին պատրաստված հոդվածը, որը ներառում է միջազգային մամուլի արձագանքը գործարարի մահվանն ու տարբեր ժամանակներում նրա տված հարցազրույցներից հատվածներ
Քըրք Քըրքորյանը ծնվել է 1917թ հունիսի 6ին հայ ներգաղթյալների ընտանիքում Ինչպես գործարարը պատմել է Los Angeles Timesին 2005թ, նա անցանկալի երեխա է եղել երբ մայրը՝ Լիլի Քըրքորյանը, հայտնաբերել է, որ հղի է, հայ տարեց կան
5 հունիս, 2017 21:40 Հրանտ Դինքի դատավարությունից մինչև Ինջիրլիքի ռազմաբազան․ Թուրքիան շաբաթվա կտրվածքով «Ժողովուրդների դեմոկրատական կուսակցության» հայազգի պատգամավոր Կարո Փայլանը Հրանտ Դինքի դատավարության առնչությամբ հարցում է ուղղել Թուրքիայի ներքին գործերի նախարար Սուլեյման Սոյլուին՝ խնդրելով բացատրել, թե ինչպես է, որ Դինքի սպանության գործով մեղադրվող պաշտոնյաններից ոմանք շարունակում են պաշտոնավարել ու նույնիսկ առաջընթաց ունենալ։
Թուրքիան շարունակում է Գերմանիայի առաջ Ինջիրլիքի դռները փակ պահել։
5 հունիս, 2017 19:50 Վայք. խոշորացույցով տեսանելի խոշորացումը 2016թ․ հոկտեմբերից Վայոց ձորի մարզի Ազատեկ, Փոռ, Արին, Զեդեա գյուղերը խոշորացվել և միացել են Վայք համայնքին։ Չնայած խոստացված բարեփոխումներին՝ թե՛ Վայքում, թե՛ գյուղերում տեսանելի փոփոխություններ չկան, այնինչ չլուծված հարցերը շատ են։ Վայքեցիները ՍիվիլՆեթին պատմում են իրենց համայնքի խնդիրների մասին։ 5 հունիս, 2017 15:52 Արմավիր․ աղակալած հողեր և չմշակվող հեկտարներ Արմավիրի մարզում ավելի քան 9 հազ. հեկտար աղակալած հողատարածք կա: Զարթոնք համայնքի բնակիչները ևս հազարավոր հեկտար հող չեն կարողանում մշակել դրանց աղակալած լինելու պատճառով։ ՍիվիլՆեթն այցելել է Զարթոնք, փորձել հասկանալ՝ ինչպես է հնարավոր խնդիրը լուծել։
5 հունիս, 2017 15:32 Լապշինի ձերբակալությանն ու արտահանձնմանը միջազգային հանրության պատշաճ արձագանքի բացակայությունը ոգեշնչեց Բաքվին. Բալայան Բլոգեր Ալեքսանդր Լապշինի ձերբակալությանն ու արտահանձմանը միջազգային հանրության պատշաճ արձագանքի բացակայությունը ոգեշնչեց Բաքվին․ Թվիթերում այսպես է մեկնաբանել Թբիլիսիից առևանգված, Բաքու փոխանցված և կալանավորված ադրբեջանցի հետաքննող լրագրող Աֆղան Մուխթարլիի գործը ՀՀ արտաքին գործերի նախարարության խոսնակ Տիգրան Բալայանը։
  

The lack of proper reaction by international community on #Lapshins arrest & extradition to #Azerbaijan inspired #Baku @eueeas @coe @OSCE https//tco/VpXcwAFZO4
— Tigran Balayan @tbalayan June 4, 2017

Ռուսաստանի, Իսրայելի և Ուկրաինայի քաղաքացի, բլոգեր Ալեքսանդր Լապշինը ձերբակալվել էր Մինսկում 2016թ․ դեկտեմբերին։ Փետրվարի 7ի Բելառուսը Լապշինին արտահանձնել է Ադրբեջան։ Ներկայում Ալեքսանդր Լապշինը գտնվում է Բաքվի քննչական մեկուսարանում։ Ադրբեջանի Գլխավոր դատախազությունը բլոգերի դեմ հարուցել է քրեական գործ՝ 2812 պետության դեմ ուղղված բազմակի հրապարակային կոչեր և 3182 Ադրբեջանի պետական սահմանի ապօրինի հատում, որը կատարվել է անձանց խմբի կողմից նախն