15 օգոստոս, 2017 09:54 Ժողովուրդը հրդեհ է հանգցնում ժողովուրդը խոսում է Խոսրովի անտառ արգելոցում բռնկված հրդեհի, բանան ներկրողի սառնարանների վրա հարձակման և Չինաստանի դեսպանության նոր շենքի հիմնարկեքի մասին։ 14 օգոստոս, 2017 18:41 «Կարմիր ծուղակ» վարորդների համար Վճարովի ավտոկայանատեղիների համար նախատեսված կարմիր գծանշանները Երևան քաղաքի մի շարք հատվածներում գծված են կանոնների խախտմամբ։ Փաստաբանները պնդում են, որ վարչական մարմինները ծուղակ են պատրաստել։ Վարորդները կայանում կամ կանգառ են կատարում այդ հատվածներում և տուգանվում։ 14 օգոստոս, 2017 13:13 Թուրքիայի այսօրվա հայության շերտերը՝ պոլսահայեր, հայաստանցիներ, մուսուլման հայեր Մարդաբանական գիտությունների թեկնածու (Օքսֆորդի համալսարան) Հրակ Փափազյանը ՍիվիլՆեթի Թաթուլ Հակոբյանի հետ զրույցում անդրադառնում է Թուրքիայի հայության հիմնական շերտերին, նրանց փոխհարաբերություններին և առանձին-առանձին հարաբերություններին Պոլսո պատրիարքության հետ։
14 օգոստոս, 2017 09:49 Օսմանյան բանկի գրավումը. 14 օգոստոս, 1896 1896 թվականի օգոստոսի 14-ին Օսմանյան կայսրության մայրաքաղաքում իրականացվեց զինված քաղաքական գործողություն, որը պատմության մեջ մտավ Բանկ Օտոման անունով: ՀՅԴ Դաշնակցության Պոլսի Կենտրոնական Կոմիտեի և կուսակցության Արևմտյան բյուրոյի որոշումով՝ շուրջ երեք տասնյակ հայեր գրոհեցին կայսրության կենտրոնական դրամատունը, որտեղ աշխատում էին հիմնականում եվրոպացիներ:

Զինված գործողությունը ղեկավարում էին երիտասարդ դաշնակցականներ, 23-ամյա Բաբկեն Սյունին (Պետրոս Փարյան), 24-ամյա Արմեն Գարոն (Գարեգին Փաստրմաջյանը) և 25-ամյա Հրաչ (Հայկ) Թիրաքյանը՝ առաջինը Ակն գավառի Բինկյան գյուղից, երկրորդը՝ Կարինից, երրորդը՝ Տրապիզոնից: Բանկ Օտոմանի հիմնական նպատակը եվրոպական երկրների ուշադրությունը Հայկական հարցի և հայկական բարեփոխումների վրա հրավիրելն էր:
13 օգոստոս, 2017 17:46 Խաղողօրհնեք Մայր Աթոռում․ ֆոտոշարք   Ս. Պատարագի ավարտին, հանդիսապետությամբ Գերաշնորհ Տ. Ոսկան արքեպիսկոպոս Գալփաքյանի, Ս. Տրդատի բաց խորանում կատարվեց «Խաղողօրհնեքի» հանդիսավոր արարողությունը, որի ժամանակ հոգեպարար շարականի երգեցողությունից հետո ընթերցվեց օրվա խորհուրդն ամփոփող ավետարանական հատվածը, այնուհետև Ս. Ներսես Շնորհալու «Խաղողի օրհնության» աղոթքը:

13 օգոստոս, 2017 13:50 Shaping a New Narrative for Armenia Born in the South of France, I am a third-generation French-Armenian, which makes me culturally European but ethnically Armenian.

I have lived in five different countries, thanks to international studies and global corporate roles, but never had the opportunity to visit Armenia before.

Last year, I was invited to the 110th Armenian General Benevolent Union (AGBU) General Assembly in New York, where I discovered the organization’s strategy to expand the reach of the global Armenian nation. Noubar Afeyan, a member of the AGBU Board of Directors, inspired me when he talked about “building the country awareness for Armenians as well as non-Armenians.”

I decided then to visit Armenia, not only for myself but for others, by backpacking the entire country, including Artsakh.
13 օգոստոս, 2017 08:50 Խոսրովի անտառում հրդեհը մարելուն մասնակցում է նաև ՊՆ-ն Օգոստոսի 12-ին Արարատի մարզի Ուրցաձոր գյուղից մոտ 20 կմ հյուսիս՝ Խոսրովի անտառում, հրդեհ է բռնկվել, հաղորդում է արտակարգ իրավիճակների նախարարությունը։

ԱԻՆ-ի կիրակի առավոտյան տարածած հաղորդագրությունում նշվում է, որ օգոստոսի 13-ին, ժամը 07:30-ի դրությամբ հրդեհաշիջման աշխատանքներին մասնակցել են 77 փրկարար, ՀՀ ՊՆ Արարատի զորամասից թվով 50 զինծառայող, ՀՀ ԿԱ ոստիկանության Արարատի մարզային վարչության թվով 60, անտառտնտեսության թվով 50 աշխատակից, Արարատի մարզի Ուրցաձոր համայնքի բնակիչներ:
12 օգոստոս, 2017 12:53 Երիտասարդների օրը՝ երիտասարդների խնդիրների շուրջ Օգոստոսի 12-ը Երիտասարդության միջազգային օրն է։ 1999-ի դեկտեմբերի 17-ին ՄԱԿ-ի Գլխավոր ասամբլեան ընդունեց օգոստոսի 12-ը որպես երիտասարդության միջազգային օր։ Երիտասարդների խնդիրները տարբեր երկրներում տարբեր են։ «Ֆրիդրիխ Էբերտ» հիմնադրամի հայաստանյան մասնաճյուղի անցկացրած հետազոտության համաձայն՝ Հայաստանում 2016թ․ 5 երիտասարդից 1-ն է նշել, որ ունի սեփական եկամուտ։ Հայաստանում 15-34 տարեկանները կազմում են բնակչության 32%-ը։

«Աշխարհը երբեք այսքան երիտասարդ չի եղել և այն օրեցօր երիտասարդանում է։ Յուրաքանչյուր հասարակության զարգացում կախված է նրանից, թե որքան լավ են դաստիարակվում երիտասարդ տղաներն ու աղջիկները, որքան լավ են նրանց աջակցում»,- ասում է ՅՈՒՆԵՍԿՕ-ի գլխավոր տնօրեն Իրինա Բոկովան։
11 օգոստոս, 2017 17:55 Ողջաբերդ․ հոսող գյուղը Կոտայքի մարզի Ողջաբերդ գյուղը, որ գտնվում է Գառնի-Գեղարդ զբոսաշրջային ճանապարհին, սողանքային գոտում է։ Գյուղի տների մեծ մասը փլուզման վտանգի տակ է։ Բնակիչները, սակայն, հրաժարվում են լքել գյուղը։
10 օգոստոս, 2017 21:14 Բոլշևիկները Երևանի փողոցներում․ ԵԼՔ-ի նախաձեռնությունը քննարկումների տեղիք է տվել Երևանի ավագանու «Ելք» խմբակցությունը հայտարարել է, որ հանդես է գալու առաջարկությամբ՝ փոխելու Երևանի այն փողոցների ու դպրոցների անունները, որոնք կրում են բոլշևիկ գործիչների անուններ։ «Ելք» խմբակցության անդամ Դավիթ Խաժակյանը ՍիվիլՆեթին բացատրում է նախաձեռնության շարժառիթները։ Պատմաբան Կարպիս Փաշոյանն էլ կարծում է, որ փորձ է արվում ջնջել պատմության մի ամբողջական հատված։ 10 օգոստոս, 2017 16:52 Թուրքիայում ցանկանում են մուֆթիներին քաղաքացիական ամուսնություն կատարելու իրավունք տալ Թուրքիայի խորհրդարանին ներկայացվել է օրինագիծ, որը թույլ կտա մուֆթիներին կատարել քաղաքացիական ամուսնություններ։ Օրինագիծը բուռն քննարկման առարկա է դարձել։ Թեմային Al Monitor կայքում անդրադարձել է թուրք լրագրող Մահմութ Բոզարսլանը։

Հուլիսի 25-ին թուրքական խորհրդարան է ներկայացվել օրենքի մի նախագիծ, որով մուֆթիները ստանում են քաղաքացիական ամուսնություններ գրանցելու իրավունք։ Նախագիծը մեծ քննարկումների տեղիք է տվել աշխարհիկության, անչափահասների ամուսնության և մուֆթիներին նոր լիազորություններ տալու կառավարության շարժառիթների շուրջ։ Մուֆթիները սուննի քաղծառայողներ են, որոնք աշխատում են Թուրքիայի կրոնական գործերի վարչության հովանու ներքո և ներկայում իրավունք չունեն կատարել քաղաքացիական ամուսնություններ: Այնուամենայնիվ, նրանք կարող են զույգի կողմից պահանջվող կրոնական ամուսնություն գրանցել, սակայն կրոնական ամուսնությունը չի ճանաչվում թուրքական պետության կողմից և իրավունքներ չի տալիս ամուսիններին:
10 օգոստոս, 2017 14:32 Մանկապարտեզից դուրս մնացած երեխաները Հայաստանում 3-6 տարեկան յորաքանչյուր 3-րդ երեխա դուրս է մնում նախադպրոցական կրթությունից: Ի դեպ, գյուղաբնակ երեխաներն ավելի հաճախ են դուրս մնում: Երեխաներին մանկապարտեզ չտանելու հիմնական պատճառներն են համայնքում/մոտակայքում գործող մանկապարտեզ չկա, գործող մանկապարտեզները չեն բավարարում իրենց պահանջներին, իրենց նախընտրած մանկապարտեզում երեխային չեն ընդունել: