11 ապրիլ, 2017 18:18 Արևը ձեր գրպանում․ այլընտրանքային էներգիան՝ մատչելի Շատերը ցանկանում են ձեռք բերել արևային խնայող համակարգեր, սակայն մտավախություններ են ունենում գնի, որակի և այլ խնդիրների հետ կապված։ «Արփի սոլար» արևային էներգիայի իրազեկման կենտրոնի տնօրեն Արայիկ Չոբանյանը ՍիվիլՆեթի հետ զրույցում տալիս է այն հարցերի պատասխանները, որոնք հուզում են արևային համակարգի ձեռքբերման հարցում տատանվող մարդկանց:
11 ապրիլ, 2017 15:16 Ժողովրդի ձայնը չմասնատելու նպատակով Ժառանգությունը հայտ չներկայացրեց Երևանի ավագանու ընտրություններին Ժառանգություն կուսակցության վարչության նախագահ Րաֆֆի Հովհաննիսյանը հայտարարություն է տարածել, որում մեկնաբանում է առաջիկա Երևանի ավագանու ընտրություններին չմասնակցելու կուսակցության դրդապատճառները։ Հայտարարությունը՝ ստորև։
Նախընտրական շրջանում բռնություններով և քաղաքական բանտարկություններով, իսկ ընտրությունների օրը՝ համատարած կաշառքներով և այլ զանգվածային ընտրակեղծիքներով մթագնած խորհրդարանական ընտրությունները հերթական անգամ ի ցույց դրեցին գործող իշխանության՝ ՀՀԿի մոտ ազատ, արդար և օրինական ընտրությունների կազմակերպման քաղաքական կամքի բացակայությունը
Ամեն դեպքում՝ մեր ժողովրդի ձայնը չմասնատելու նպատակով հերթական անգամ Ժառանգությունը հայտ չներկայացրեց Երևանի ավագանու ընտրական մրցապայքարի մեջ մտնելու՝ փոխարենը հաջողություն և օրինական մրցակցություն մաղթելով բոլոր թեկնածուներին և իր զորակցությունը՝ ընտրություններին մասնակցող ընդդիմությանը և Հայաստանի քաղաքացու ազատ և անկաշառ կամարտահայտությանը
Հանուն մայրաքաղաքի և համայն հանրապետության, իրականում հարկավոր է, որ պարոն Մարգարյանը և իր կուսակցությունը իրե
11 ապրիլ, 2017 15:03 Պատշաճ կերպով հիշատակել Հայոց ցեղասպանությունը․ կոնգրեսականների կոչը Թրամփին ԱՄՆ-ի Կոնգրեսի Ներկայացուցիչների պալատի արտաքին հարաբերությունների և հետախուզության հարցերով հանձնաժողովների նախագահներն ու անդամները և ավելի քան ութ տասնյակ կոնգրեսականներ նամակ են հղել նախագահ Դոնալդ Թրամփին՝ կոչ անելով պատշաճ կերպով ոգեկոչել Հայոց ցեղասպանությունը իր ապրիլքսանչորսյան ուղերձում․ այս մասին հաղորդում է ԱՄՆ Հայ դատի գրասենյակը։ Թրամփին ուղղված երկկուսակցական նամակում, մասնավորապես, ասված է, որ ոգեկոչելով Հայոց ցեղասպանությունը՝ ԱՄՆ-ը վերահաստատում է ապագա վայրագությունների կանխարգարգելմանն իր հանձնառությունը։ 11 ապրիլ, 2017 12:36 Ադրբեջանական բեռնատարները հարձակման են ենթարկվում Ռուսաստանում Ադրբեջանական բեռնատարների վարորդները հարձակման են ենթարկվում Ռուսաստանում, հաղորդում է ադրբեջանական Meydant.tv կայքը։

Ըսս կայքի՝ ադրբեջանական բեռնատարների վարորդները Դաղստանում, Յարագ-Կազմալյար - Սամուր անցակետն անցնելուց հետո, հարձակումների են ենթարկվում ռուս բեռնատարների վարորդների կողմից։ Անհայտ անձինք քարեր են շպրտում, ծակում ադրբեջանական բեռնատարների անիվները, երբեմն ֆիզիկապես հարձակվում Դաղստան մուտք գործել փորձող վարորդների վրա։
11 ապրիլ, 2017 11:35 Համոզե՛ք ինձ, որ ընտրությունները չեն կեղծվել․ Հրայր Ավանեսյան Հրայր Ավանեսյանը ՍիվիլՆեթի հետ քննարկում է Կենտրոնական ընտրական հանձնաժողովի նախագահ Տիգրան Մուկուչյանի՝ ընտրության ընթացքում էլեկտրոնային գրանցման սարքերի միջոցով հավաքագրված մատնահետքերի խաչաձև ստուգման վերաբերյալ մերժումը։ Ավանեսյանը ապրիլի 2-ի խորհրդարանական ընտրություններում Երևանի 2/36 ընտրատեղամասի հանձնաժողովում ներկայացրել է «Օհանյան-Րաֆֆի-Օսկանյան» դաշինքը։ 11 ապրիլ, 2017 10:34 Զարգացման միակ ճանապարհը ներքևից վերև է․ Տարոն Աճեմօղլու «Վերջին երկու տարիներին ես հույսս գրեթե ամբողջությամբ կորցրել եմ Հայաստանի համար, որովհետև կոռուպցիայի մակարդակը, քաղաքական վերահսկողության և քաղաքական այրերի կողմից համակարգը փակ պահելու, քան բացելու հակումը միանգամայն համակարգային բնույթ են ունեցել, իսկ քաղաքացիական հասարակության կառույցները, որոնք սկզբում և ընթացքում շատ ակտիվ էին, կարծում եմ՝ ձանձրացել են պետության կողմից իրենց նկատմամբ չափազանց մեծ ընդդիմացման պատճառով»․ այսպիսի կարծիք է հայտնել Տարոն Աճեմօղլուն՝ ապրիլի 9-ին Հարավային Կալիֆոռնիայի համալսարանի Հայագիտության ինստիտուտի կազմակերպած գիտաժողովին, որը կրում էր «Անցումային շրջանի ավարտը։ Հայաստանը 25 տարի անց։ Հիմա՞ ինչ» խորագիրը։

Մասաչուսեթսի տեխնոլոգիական համալսարանի պրոֆեսոր, «Ինչու են պետությունները ձախողում» (Why Nations Fail) հիմնարար աշխատության հեղինակ Աճեմօղլուն զուգահեռներ է անցկացրել և նշել, որ Խորհրդային Միության անկումից հետո պետությունները անցումային երկու ուղղությամբ են ընթացել։
10 ապրիլ, 2017 21:47 In Photos: Tankian, Egoyan, Khanjian, and Nazarian visit Karabakh / Թանկյանը, Էգոյանը, Խանջյանը և Նազարյանը՝ Արցախում․ ֆոտոշարք Peak into CivilNet's photo series from Serj Tankian, Atom Egoyan, Arsinee Khanjian, and Eric Nazarian's visit to Karabakh on April 2-5.
Մշակույթի սփյուռքահայ գործիչներ Սերժ Թանկյանը, Ատոմ Էգոյանը, Արսինե Խանջյանը և Էրիկ Նազարյանը ապրիլի 2-5-ը Արցախում էին։ ՍիվիլՆեթը ուղեկցում էր նրանց և լուսանկարել է արցախյան այցի հետաքրքիր դրվագները։

10 ապրիլ, 2017 20:27 Կացնահարված ընտանիքի առաջին դատը Շենգավիթի ընդհանուր իրավասության դատարանում ապրիլի 10-ին կայացավ 2016թ․ հուլիսի 7-ին կացնահարության աղմկահարույց դեպքի վերաբերյալ առաջին դատական նիստը։ Ըստ մեղադրող կողմի՝ Թագուհի Մանսուրյանի նախկին ամուսին Վլադիկ Մարտիրոսյանը կացնով հարվածներ է հասցրել Թագուհուն և նրա ծնողներին. Թագուհու մայրը սպանվել է։ Նախկին ամուսինների միջև լարվածության պատճառը երեխային տեսակցելու խնդիրն էր։
10 ապրիլ, 2017 20:22 Թուրքիան՝ ադրբեջանացման ճանապարհին Թուրքիայում կիրակի կայանալիք հանրաքվեից առաջ շատերը Էրդողանին մեղադրում են ժողովրդավարացման ուղուց շեղվելու և երկիրը «ադրբեջանացման» ճանապարհով տանելու համար։ Քրդամետ «Ժողովուրդների դեմոկրատական կուսակցության» պատգամավոր Դենգիր Միր Մեհմեթ Ֆըրաթը զգուշացնում է, որ Թուրքիայում բռնապետությունը տեղ չունի, և չպետք է նմանվել Ադրբեջանին։ Այդ պատճառով նա առաջարկում է ոչ ասել սահմանադրական հանրաքվեին։ 10 ապրիլ, 2017 10:19 ԼՂ խնդրի ավելի լավ լուծում, քան ներկայում սեղանին դրվածը, չի լինելու․ Լևոն Տեր-Պետրոսյան Քաղաքական գործիչների, վերլուծաբանների ու լրագրողների կողմից այս օրերին արտահայտվում են որոշ անզգույշ դատողություններ, որոնցից մի քանիսն, իրենց վտանգավորության ու անարդարացիության պատճառով, արժանի են առանձնահատուկ ուշադրության։ Այլապես, խորանալու պարագայում, դրանք ընդունակ են վերջնականապես պառակտելու և հուսալքելու մեր հասարակությանը։ 10 ապրիլ, 2017 10:09 Երևանի ավագանու ընտրություններին կմասնակցի ընդամենը երեք ուժ Մայիսի 14-ին կայանալիք Երևանի ավագանու ընտրություններին մասնակցելու հայտ ներկայացրել է ընդամենը երեք ուժ՝ իշխող Հանրապետական կուսակցությունը, ԵԼՔ դաշինքը և Զարուհի Փոստանջյանի նորաստեղծ «Երկիր ծիրանի» կուսակցությունը։

Ապրիլի 2-ի խորհրդարանական ընտրություններից հետո «Հայկական վերածնունդ» և Ազատ դեմոկրատներ կուսակցությունները և «Օհանյան-Րաֆֆի-Օսկանյան» դաշինքը, որոնք չեն հաղթահարել Ազգային ժողով մտնելու շեմը, հայտարարել են, որ չեն մասնակցելու Երևանի ավագանու ընտրություններին։ Երևանյան ընտրություններին չեն մասնակցելու նաև խորհրդարանում 2-րդ և 4-րդ տեղերը զբաղեցրած ուժերը՝ «Ծառուկյան» դաշինքը և ՀՅԴ-ն։
8 ապրիլ, 2017 19:01 Հայկական իմպրեսիոնիզմը՝ Մոսկվայում Մարտի 24-ից հունիսի 4-ը Մոսկվայում՝ Ռուսական իմպրեսիոնիզմի թանգարանում, ցուցադրվում են հայ գեղանկարիչների աշխատանքները։ «Հայկական իմպրեսիոնիզմ. Մոսկվայից Փարիզ» խորագրով ցուցադրությունը լրատվամիջոցները կոչել են տարվա ցուցադրություն։ Մարինա Հակոբյանն ու Մարինե Մկրտչյանը ՍիվիլՆեթին պատմում են այդ նախաձեռնության մասին։