18 օգոստոս, 2017 19:00 Աբդուլլահ Գյուլը՝ նորից թուրքական մամուլի առաջին էջերին Թուրքական մամուլում վերջին օրերին շատ է շրջանառվում երկրի նախկին նախագահ Աբդուլլահ Գյուլի անունը։ Չնայած Էրդողանի հրավերին՝ նա չի մասնակցել իշխող «Արդարություն ու զարգացում» կուսակցության 16-ամյակի միջոցառումներին։ Գերմանիայի ու Թուրքիայի հարաբերություններում լարվածությունը չի թուլանում։ Կարո Փայլանը այցելել է այն վայրը, որտեղ հայկական գերեզմանոցի վրա հասարակական զուգարան է կառուցվել։ 14 օգոստոս, 2017 13:13 Թուրքիայի այսօրվա հայության շերտերը՝ պոլսահայեր, հայաստանցիներ, մուսուլման հայեր Մարդաբանական գիտությունների թեկնածու (Օքսֆորդի համալսարան) Հրակ Փափազյանը ՍիվիլՆեթի Թաթուլ Հակոբյանի հետ զրույցում անդրադառնում է Թուրքիայի հայության հիմնական շերտերին, նրանց փոխհարաբերություններին և առանձին-առանձին հարաբերություններին Պոլսո պատրիարքության հետ։
11 օգոստոս, 2017 18:46 Թուրքիան այս շաբաթ․ իսլամի ու աշխարհիկության անդադար պայքարը Վանի նահանգի Արտամետ քաղաքի (Էդրեմիթ) նորաբաց հանրային լողափին կից զուգարանը, հանդերձարանն ու ավտոկայանը կառուցվել է հայկական գերեզմանոցի ու նախաքրիստոնեական հնավայրի վրա։ Թուրքիայի նախագահ Ռեջեփ Թայիփ Էրդողանը կարծում է, որ առաջնայնությունը ոչ թե քուրդ կամ թուրք լինելու մեջ է, այլ Ալլահին մոտ լինելու։
30 հուլիս, 2017 20:05 Թուրքական մամուլում հայկական թեմայով հրապարակումները քչացել են - Այն դեպքում, երբ մինչ ռազմական հեղաշրջման փորձը Թուրքիայում բանտարկված լրագրողների թիվը չէր անցնում 40-ից, ապա այս տարվա մայիսի 8-ի դրությամբ այն հասել է 162-ի: Վերջին մեկ տարում լրագրողների դեմ բազմաթիվ դատական գործեր են հարուցվել Թուրքիայում, և բազում լրատվամիջոցներ են փակվել: Դրանց մեջ պատկառելի տեղ են զբաղեցնում քրդական լրատվամիջոցները, որոնք առավել շատ էին անդրադառնում Հայոց ցեղասպանության թեմային: Նրանց շարքում հիշատակման են արժանի հատկապես «Դիջլե» լրատվական գործակալությունը, քրդերենով լույս տեսնող «Ազադիյե Վելաթ» պարբերականը և «Օզգյուր Գյունդեմ» օրաթերթը: Մեծ եղեռնին բավականին ուշագրավ հոդվածներով հաճախ էր անդրադառնում նաև թուրքական հեղինակավոր «Թարաֆ» օրաթերթը, որը ևս պատկանում է արտակարգ դրության հետևանքով փակված պարբերականների շարքին: «Թարաֆ»-ում պարբերաբար հրատարակվում էին Հայոց ցեղասպանության և ընդհանրապես Հայկական հարցի մասին այնպիսի հայտնի մտավորականների հոդվածներ, ինչպիսին է, օրինակ, Թաներ Աքչամը:
30 հուլիս, 2017 15:25 Արևմտյան Հայաստանը Ցեղասպանությունից հետո․ ի՞նչ փոխվեց Ուտրեխտի համալսարանի պրոֆեսոր, ծագումով Թուրքիայից Ուղուր Ումիթ Ունգյորը պատմում է Ցեղասպանությունից հետո տեղի ունեցած փոփոխությունների, հայկական ու քրդական շարժումների նմանության, Հայոց ցեղասպանության մասին քրդերի հիշողության ու Ցեղասպանության առերեսման հարցում Թուրքիայի դժվարությունների մասին։ Ուղուր Ումիթ Ունգյորը Երևանում էր մայիսի 23-24-ին և մասնակցում էր Հարավային Կալիֆոռնիայի համալսարանի Հայագիտության ինստիտուտի կազմակերպած գիտաժողովին, որը կրում էր «Անցումային շրջանի ավարտը։ Հայաստանը 25 տարի անց։ Հիմա՞ ինչ» խորագիրը։
29 հուլիս, 2017 14:01 Հայերի կերպարը Թուրքիայում Սիվիլնեթի նկարահանող խումբը Թուրքիայում փորձել է հասկանալ, թե ինչ փոփոխություն է կրել հայի ընկալումը Թուրքիայի Հանրապետությունում հիմնադրումից՝ 1923-ից մինչ օրս, և ինչի վրա է հիմնված հայերի մասին պատկերացումը։ ՍիվիլՆեթի խումբը հանդիպել է պոլսահայերի, զրուցել ակադեմիական շրջանակների հետ և հայերի մասին կարծիք հարցրել Ստամբուլի փողոցներում։ 28 հուլիս, 2017 20:14 Հայաստանը՝ Թուրքիա-Ռուսաստան համագործակցության հոլովույթում․ զրույց Բենիամին Պողոսյանի հետ Ռուսաստանի նախագահը վավերացրել է հայ-ռուսական միացյալ զորախմբի մասին համաձայնագրի օրենքը։ Թուրքիայի հանրային կարծիքը Հայաստանին և Ռուսաստանին դասում է հնարավոր սպառնալիք հինգ երկրենրի շարքում։ Այս և Ռուսաստան-Թուրքիա հարաբերությունների շուրջ Սիվիլնեթի Թաթուլ Հակոբյանը զրուցել է ՊՆ Պաշտպանական Ազգային հետազոտական համալսարանի գիտության գծով պետի տեղակալ Բենիամին Պողոսյանի հետ։ 26 հուլիս, 2017 14:12 «Նոստալջի»․ հայկական անկյուն Ստամբուլում «Նոստալջի» գրախանութ-սրճարանը վերջին ժամանակներում դարձել է պոլսահայության սիրելի վայրերից մեկը։ «Նոստալջին» առաջարկում է ոչ միայն հաճելի ու անկաշկադ մթնոլորտ, այլև հայկական միջավայր, որտեղ կարելի է ծանոթանալ հայերեն նորահրատ գրքերի։ ՍիվիլՆեթի խմբին Ստամբուլի հայաշատ Շիշլի շրջանում գտնվող սրճարան է ուղեկցել Պոլսի «Ժամանակ» օրաթերթի լուսանկարիչ Արի Թաշը։ 25 հուլիս, 2017 17:43 Ինչպես Դինքը մտքափոխեց 500 հոգանոց ազգայնական լսարանին․ զրույց Այդըն Էնգինի հետ Լրագրող Այդըն Էնգինը ՍիվիլՆեթին պատմում է Հրանտ Դինքի սպանության պատճառների ու ընթացող դատավարության մասին։ Էնգինը Դինքի ընկերն է, «Ներողություն ենք խնդրում» նախաձեռնության հեղինակներ և «Ջումհուրիյեթ» թերթի հոդվածագիր։ Ըստ Այդըն Էնգինի՝ Դինքը խոսում էր մարդկանց հասկանալի լեզվով և կարողանում փոխել նրանց։

25 հուլիս, 2017 09:19 Թուրքիայի շաբաթը․ կառավարությունը փոփոխվեց, մեջլիսում արգելվեց «Հայոց ցեղասպանություն» եզրը Թուրքիայի կառավարությունում փոփոխություններ են տեղի ունեցել; սկսվել է ընդդիմադիր «Ջումհուրիյեթ» թերթի աշխատակիցների դատավարությունը․ նրանք մեղադրվում են ահաբեկչական կառույցի անդամ լինելու մեջ; գերմանա-թուրքական հարաբերությունները վերջին շրջանում հակասությունների կծիկ են հիշեցնում; քեմալական Ժողովրդահանրապետական կուսակցության հայազգի պատգամավոր Սելինա Դողանը կարծում է՝ նոր կանոնակարգն արգելում է խորհրդարանում փոքրամասնությունների խոսքի ազատությունը։
24 հուլիս, 2017 18:22 Թուրքիան չի ուզում Սիրիայի քրդաբնակ կանտոնները միավորված տեսնել․ Սարգիս Գրիգորյան Արաբագետ Սարգիս Գրիգորյանը ՍիվիլՆեթին մեկնաբանում է թուրքական զինուժի կողմից սիրիական քրդերի դիրքերի հրետակոծությունը և առհասարակ Թուրքիայի ու Սիրիայի քրդերի հարաբերությունները։ Ըստ նրա՝ Թուրքիան չի ուզում Սիրիայի երեք քրդաբնակ կանտոնները միավորված տեսնել։

24 հուլիս, 2017 15:48 Հայի կերպարի փոփոխությունները Թուրքիայում․ Բյուլենթ Բիլմեզ Ստամբուլի Բիլգի համալսարանի Պատմության բաժնի վարիչ, Պատմության հիմնադրամի նախկին նախագահ Բյուլենթ Բիլմեզը ՍիվիլՆեթին պատմում է Թուրքիայում հայի կերպարի փոփոխությունների մասին։ 23 հուլիս, 2017 18:42 Օսմանյան բանակի հայ սպայի հուշերի շուրջ․ Այհան Աքթար Ստամբուլի Բիլգի համալսարանի պրոֆեսոր Այհան Աքթարը 2012 թվականին Թուրքիայում հրատարակել է Սարգիս Թորոսյանի հուշերը։ Սարգիս Թորոսյանը Օսմանյան կայսրության հայ սպա էր, որը կռվել է օսմանյան զորքերում, նաև՝ 1915-ի Դարդանելի մարտերում, թեպետ նույն ժամանակ նրա ընտանիքը Ցեղասպանության զոհ է դարձել։ Հուշերի հրատարակությունը մեծ իրարանցում առաջացրեց Թուրքիայում․ այն խարխլում էր թուրքական ավանդական պատումն այն մասին, թե Օսմանյան բանակում հայեր չեն եղել, թե «հայերն ապստամբել են ու հարվածել թիկունքից»։ Թուրքիայում հայի կերպարի, Սարգիս Թորոսյանի հուշագրության հրատարակության, դրա հարուցած փոփոխությունների մասին ՍիվիլՆեթի Գոռ Երանյանը զրուցել է Այհան Աքթարի հետ։
Թուրքիայի վերաբերյալ տեսանյութերը/հաղորդումները պատրաստվել են Եվրոպական Միության աջակցությամբ՝ «Աջակցություն Հայաստան-Թուրքիա կարգավորման գործընթացին» ծրագրի շրջանակում: Այդ տեսանյութերի/հաղորդումների բովանդակության ամբողջ պատասխանատվությունը կրում է միայն Սիվիլիթաս հիմնադրամը, և դրանք պարտադիր չէ, որ արտացոլեն Եվրոպական Միության կամ ծրագրի կոնսորցիումի որևէ գործընկեր կազմակերպության տեսակետները։