27 հունիս, 2017 13:58 Եվրահանձնաժողովը ռեկորդային՝ 2,42 մլրդ եվրո տուգանք է նշանակել Google-ի նկատմամբ Եվրոպական հանձնաժողովը ռեկորդային՝ 2․42 մլրդ եվրո տուգանք է նշանակել Alphabet ընկերության (ապրանքանիշը՝ Google) նկատմամբ, հաղորդում է AFP-ն։
Կարգավորող մարմինը եզրահանգել է, որ Google-ը չարաշահել է գերիշխող դիրքը որոնողական համակարգերի շուկայում և հարցումների արդյունքների առաջին հորիզոնականներ է բերել իր գործընկեր կազմակերպությունների տվյալները։

Financial Times պարբերականը գրել է, որ Եվրահանձնաժողովի նշանակած տուգանքը հակամենաշնորհային գործերի շարքում ռեկորդային է։ Նախորդ ամենամեծ տուգանքը՝ 1․06 մլրդ եվրո, Եվրահանձնաժողովը նշանակել էր Intel ընկերության նկատմամբ 2009թ․։
26 հունիս, 2017 13:28 Հայկական հնդկացորենն ընդդեմ ռուսական գրեչկայի Շիրակի մարզի Բավրա գյուղում սկսել է գործել հնդկացորենի (գրեչկա) մշակման փոքր գործարան։ Գործարանը հնարավորություն է տալիս, որ հարակից գյուղերը զբաղվեն հնդկացորենի մշակմամբ, որը պահանջարկ ունի ներքին շուկայում, սակայն գրեթե ամբողջությամբ ներկրվում է Ռուսաստանից։

Գեղարքունիքի մարզի Վարդենիկ համայնքում էլ «Սարերի բարիք» սոցիալական ձեռնարկությունը ավանդական կարտոֆիլից բացի՝ գյուղացիներին հնարավորություն է տալիս մշակել այլ մշակաբույսեր և աշխատանք չորոնել խոպանում։

Ծրագրերին աջակցում է ԵՄ Եվրոպական հարևանության գյուղատնտեսության և գյուղական զարգացման ծրագիրը (European Neighbourhood Programme for Agriculture and Rural Development)։ Այս տարի Եվրոպական Միության համաֆինանսավորմամբ Հայաստանի 7 մարզերում 10 ծրագիր է իրագործվել, որոնցից մի քանիսը տեղական ապրանքատեսակներով շուկան ապահովող սոցիալական ձեռնարկատիրություններ են։
24 հունիս, 2017 11:15 Ժողովուրդը ո՛չ ծրագիր է ուզում, ո՛չ հայր Ժողովուրդը խոսում է կառավարության ծրագրի, ԵՄ դեսպանի hորդորի և դրան ի պատասխան հնչած ՀՀԿ-ի վրդովմունքի մասին։
23 հունիս, 2017 21:27 A Taste of Aleppo in Yerevan Since the start of the Syrian Civil War in 2011, approximately 22,000 Syrian-Armenian refugees have settled in Armenia. Aleppo Market, a marketplace in Yerevan's Republic Square metro station, has created a community for Syrian-Armenians adjusting to life in their new home. 23 հունիս, 2017 18:15 Ձորաղբյուր․ ջուրը դարձել է տարաձայնությունների աղբյուր Երևանամերձ Ձորաղբյուր համայնքում ջրի շուրջ կրքեր են հասունանում։ Գյուղում ջուրը ստանում են պոմպերով՝ օրական երկու անգամ։ Պոմպերին մոտ տները ավելի շատ ջուր են ստանում, քան հեռու գտնվողները, որոնք ամսական վճարում են նույն գումարը՝ 3000 դրամ։ Խնդրի լուծումը կարող է լինել հաշվիչների տեղադրումը, սակայն բնակիչները չեն շտապում գնալ այդ քայլին, քանի որ այդ դեպքում ստիպված կլինեն ավելի շատ վճարել։ 23 հունիս, 2017 16:11 Հողակտորներ՝ «Սպայկա»-ին, արտոնություններ՝ «Լիդիան Արմենիա»-ին․ կառավարության որոշումը Կառավարությունը հավանություն է տվել «Սպայկա» և «Արմսանպրոդակտ» ՍՊԸ-ների կողմից ներկայացված Նորագավիթ թաղամասին հարող տարածքում 110 հա կիսափակ ջերմոցային համալիրի և բորբոսով պանրի գործարանի կառուցման ներդրումային ծրագրերին: Ընկերությունների խնդրանքով այդ ծրագրի իրականացման համար անհատույց սեփականության իրավունքով Նորագավիթ թաղամասին հարող տարածքում առկա համայնքային սեփականություն հանդիսացող մոտ 163.2 հա հողամասը կօտարվի:

Կառավարությունը որոշել է բավարարել «Լիդիան Արմենիա» ՓԲԸ-ի կողմից ներկայացված հայտը ՝ գերակա ոլորտում իրականացվող ներդրումային ծրագրի շրջանակում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար:
22 հունիս, 2017 17:48 Ինչ է խոստանում կառավարության ծրագիրը․ մաս 3 Խորհրդարանը հունիսի 22-ին հավանության արժանացրեց կառավարության նոր ծրագիրը։ ՍիվիլՆեթը շարունակում է ներկայացնել ծրագրի ամենահետաքրքիր դրույթները։ 22 հունիս, 2017 12:49 ԱԺ-ն հավանություն տվեց կառավարության ծրագրին   Ազգային ժողովն այսօրվա արտահերթ նիստում ընդունեց կառավարության 2017-22 թթ․ գործունեության ծրագիրը։ Կողմ քվեարկեց 64 պատգամավոր, դեմ՝ 31-ը, ձեռնպահ՝ ոչ ոք։ Դեմ քվեարկեցին ԵԼՔ և «Ծառուկյան դաշինք» խմբակցության պատգամավորները։
ԵԼՔ խմբակցության ղեկավար Նիկոլ Փաշինյանն ասաց, որ եթե կառավարության ծրագիրը իրականում լիներ ծրագիր կառավարության համար, գուցե և քննարկեին, թե ինչպես քվեարկեին․ «Սակայն քանի որ ծրագիրը վստահաբար ՀՀԿ-ի և Սերժ Սարգսյանի ծրագիրն է, իրենք միանշանակ դեմ են քվեարկելու»։
«Ծառուկյան դաշինք» խմբակցության պատգամավոր, ԱԺ փոխխոսնակ Միքայել Մելքումյանն էլ իրենց դեմ քվեարկելը պայմանավորեց կառավարության աշխատանքով՝ ասելով, որ մի շարք ոլորտներում կառավարությունը ձախողել է և չի ենթարկվել քաղաքական պատասխանատվության․ «Ծրագիրը, որը ներկայացրել եք, հետընթաց ծրագիր է, և մենք չենք կարող կիսել ձեր ծրագրի իրականացման պատասխանատվությունը։ Շատ տրամաբանական է, որ մենք դեմ ենք քվեարկելու ծրագրին»։
21 հունիս, 2017 19:52 Ինչ է խոստանում կառավարության ծրագիրը․ մաս 2 ՍիվիլՆեթը շարունակում է ներկայացնել նոր կառավարության ծրագրի հիմնական դրույթները։ Հերթական տեսանյութն անդրադառնում է տեղական ինքնակառավարման, գյուղատնտեսության և տրանսպորտի ոլորտներին։
21 հունիս, 2017 11:32 Պատրաստ եմ լինել վարչապետ 2018-ին․ Կարեն Կարապետյան Վարչապետ Կարեն Կարապետյանն ասում է, որ պատրաստ է լինել վարչապետ նաև 2018-ին, սակայն չի հստակեցնում, թե արդյոք հենց ինքն է զբաղեցնելու վարչապետի պաշտոնը, երբ 2018թ․ ապրիլին Հայաստանը լիովին անցում կատարի կառավարման խորհրդարանական համակարգին։

Հունիսի 21-ին խորհրդարանը արտահերթ նիստում քննարկում է նոր կառավարության ծրագիրը, որը ներկայացնում է վարչապետ Կարեն Կարապետյանը։

Վարչապետին հարց ուղղեց «Ելք» խմբակցության պատգամավոր Էդմոն Մարուքյանը՝ կապված 2018-ին վերջինիս պաշտոնավարման հնարավորության մասին։

«Ընտրություններն ավարտվեցին, երկիրն էլի սպասումների մեջ է, որովհետև չունի մի շատ կարևոր հարցի պատասխան՝ ո՞վ է լինելու 2018թ․ վարչապետ։ Եթե դուք եք լինելու, այս բարձր ամբիոնից ասեք, որ ե՛ս եմ լինելու, մենք իմանանք, թե ում հետ ենք խոսում»,- դիմելով Կարեն Կարապետյանին՝ ասաց Մարուքյանը։
20 հունիս, 2017 21:29 5 տարին՝ 2,5 րոպեում․ ի՞նչ է խոստանում կառավարության ծրագիրը Կառավարությունը հունիսի 19-ին հաստատեց իր նոր ծրագիրը, որը կներկայացնի խորհրդարանին հավանությանը։ ՍիվիլՆեթն առանձնացրել է ծրագրի՝ տնտեսությանը վերաբերող կարևոր դրույթներից մի քանիսը։ 20 հունիս, 2017 17:21 Ադրբեջանն ուզում է ոչ թե պատերազմ, այլ հաղթանակ․ Մանվել Սարգսյան Ռազմավարական և ազգային հետազոտությունների հայկական կենտրոնի տնօրեն, քաղաքագետ Մանվել Սարգսյանը ՍիվիլՆեթի հետ քննարկում է ԵԱՀԿ Մինսկի խմբի համանախագահների՝ հրադադարի խախտման վերաբերյալ Բաքվում արած հայտարարություը և ղարաբաղյան հակամարտության կարգավորումը։
20 հունիս, 2017 14:00 Հայաստանի արտագաղթը զգացվում է Գլենդելում․ զրույց Զարեհ Սինանյանի հետ Զարեհ Սինանյանը Գլենդելի քաղաքային խորհրդի անդամ է, Գլենդելի նախկին քաղաքապետը։ ՍիվիլՆեթի Թաթուլ Հակոբյանի հետ զրույցում նա խոսում է քաղաքում Հայաստանի պատմության թանգարան ստեղծելու օրենսդրական նախաձեռնության, Հայաստանից շարունակվող արտագաղթի մասին, որը զգալի է նաև Կալիֆոռնիայում։