21 օգոստոս, 2017 10:04 Իսպանիայում Թուրքիայի խնդրանքով ձերբակալված գրողը պայմանական ազատ է արձակվել Շաբաթ օրը իսպանական Գրանադայում Թուրքիայի հայցի հիման վրա ձերբակալված թուրք մտավորական Դողան Ախանլըն պայմանական ազատ է արձակվել, այս մասին տեղեկացրել է նրա փաստաբան Իլիաս Ույարը։ Նա տեղեկացրել է, որ իր պաշտպանյալն ազատ է արձակվել այն պայմանով, որ կմնա Մադրիդում։

Գերմանիայում ապրող թուրք գրողի ձերբակալությանն անդրադարձել է այդ երկրի կանցլեր Անգելա Մերկելը հեռուստաեթերում։ Նա քննադատել է փաստը, որ Թուրքիան օգտագործել է Ինտերպոլը Դողան Ախանլըին ազատազրկելու ու արտահանձնելու նպատակով՝ դա որակելով որպես միջազգային գործակալության չարաշահում։

19 օգոստոս, 2017 22:13 Իսպանիան Թուրքիայի խնդրանքով ձերբակալել է թուրք հայտնի մտավորական Դողան Ախանլըին Իսպանիայի իրավապահ մարմինները Թուրքիայի կողմից Ինտերպոլ ներկայացրած հայցի հիման վրա ձերբակալել են Գերմանիայի Քյոլն քաղաքում ապրող թուրք մտավորական, գրող Դողան Ախանլըին: Ինչպես գրում է գերմանական Deutsche Welle պարբերականը, Գերմանիայի քաղաքական շրջանակները Ախանլըի ձերբակալությունը որակում են քաղաքական պատվեր: Գրողը թուրք այն մտավորականներից է, որոնք ճանաչել են Հայոց ցեղասպանությունը և այդ թեմայով գրքեր հեղինակել: 19 օգոստոս, 2017 14:28 Ժողովուրդը պատրաստ չէ ժողովուրդը խոսում է Խոսրովի անտառ արգելոցի հրդեհի,
Էդուարդ Շարմազանովի ԵԱՏՄ մտնելու հետ կապված հայտարարության և Ռուսաստանի ԱԻՆ-ի հասցրած օգնության մասին։
18 օգոստոս, 2017 21:00 Կարծրատիպային կալանքի ու այլընտրանքային գրավի միջև Կալանքը որպես խափանման միջոց կիրառելու պրակտիկան շարունակում է մտահոգել արդարադատության ոլորտի ներկայացուցիչներին։ Այս խնդրով անհանգստացած են ինչպես փաստաբանները, այնպես էլ դատախազներն ու դատավորները։ 18 օգոստոս, 2017 20:54 Այրված անտառը Օգոստոսի 12-ին «Խոսրովի անտառ» պետական արգելոցում հրդեհ բռնկվեց, որը հաջողվեց մեկուսացնել օգոստոսի 16-ին` ռուսաստանյան ինքնաթիռի օգնությամբ: Օդանավը կատարել է մոտ 20 հրդեհաշիջման թռիչք և մինչ այժմ շարունակում է աշխատանքը։ Կառավարության նիստին արտակարգ իրավիճակների փոխնախարար Դավիթ Կարապետյանը զեկուցել է, որ նախնական հաշվարկներով՝ 680 հեկտար անտառ է այրվել: Կովկասյան կենսաբազմազանության ապաստարանի համակարգող Մանուկ Մանուկյանը, որն այդ օրերին ակտիվ աշխատել է, կարծում է, որ հրդեհի մասշտաբները հասել են 3000-5000 հեկտարի: Մանուկյանի խոսքով` հրդեհաշիջման աշխատանքներին մասնակցել են անհատներ, «Խոսրովի անտառ» պետական արգելոցի տեսուչները, Արարատի մարզպետարանը, բնապահպանության և արտակարգ իրավիճակների նախարարությունները, ինչպես նաև պաշտպանության նախարարության աշխատակիցներ։ 18 օգոստոս, 2017 19:00 Աբդուլլահ Գյուլը՝ նորից թուրքական մամուլի առաջին էջերին Թուրքական մամուլում վերջին օրերին շատ է շրջանառվում երկրի նախկին նախագահ Աբդուլլահ Գյուլի անունը։ Չնայած Էրդողանի հրավերին՝ նա չի մասնակցել իշխող «Արդարություն ու զարգացում» կուսակցության 16-ամյակի միջոցառումներին։ Գերմանիայի ու Թուրքիայի հարաբերություններում լարվածությունը չի թուլանում։ Կարո Փայլանը այցելել է այն վայրը, որտեղ հայկական գերեզմանոցի վրա հասարակական զուգարան է կառուցվել։ 18 օգոստոս, 2017 16:11 Կասյանից՝ արտագաղթ․ զրույց Հրանուշ Խառատյանի հետ Կարևոր, բայց ոչ հրատապ համարվող Երևանի որոշ փողոցների անվանափոխությունը դարձել է հասարակական-քաղաքական բուռն քննարկման թեմա, մինչդեռ արտագաղթի խնդիրը, որը Հայաստանի անվտանգության համար սպառնալիք է, չի քննարկվում ոչ քաղաքական, ոչ հասարական մակարդակներում։ ՍիվիլՆեթի Թաթուլ Հակոբյանը թեմաների շուրջ զրուցել է ազգագրագետ Հրանուշ Խառատյանի հետ։ 18 օգոստոս, 2017 13:38 Հայաստանի և Իրանի ազատ տնտեսական գոտիների միջև համագործակցությունն ամրագրվեց հուշագրով Ինչպես նշում է ՀՀ տնտեսական զարգացման և ներդրումների նախարարության մամուլի ծառայությունը, ի թիվս այս նպատակների՝ հուշագրի համաձայն՝ կհաստատվեն կապեր «Մեղրի» ազատ տնտեսական գոտու և «Արաս» հատուկ տնտեսական գոտու տարածքներում գործունեություն իրականացնող ընկերությունների, ինչպես նաև գոտիները կառավարող մարմինների և պետական գերտեսչությունների միջև։

Նախատեսվում է գործուն աջակցություն երկկողմ և բազմակողմ գործարար միջոցառումների և ցուցահանդեսների կազմակերպմանը «Մեղրի» ազատ տնտեսական գոտու և «Արաս» հատուկ տնտեսական գոտու տարածքներում։ Հատուկ աշխատանքային խումբը ընդլայնված կազմով կզբաղվի ազատ տնտեսական գոտիների գործակցության հարցերով, կմշակի համագործակցության ճանապարհային քարտեզը։
18 օգոստոս, 2017 11:54 Սերժ Սարգսյանը ցավակցական հեռագիր է հղել Իսպանիայի թագավորին «Վշտի ու կորստի այս ծանր պահին իմ անկեղծ ցավակցությունն ու զորակցությունն եմ հայտնում Ձեզ, Իսպանիայի բարեկամ ժողովրդին ու զոհվածների հարազատներին՝ մաղթելով ուժ ու ոգու արիություն, իսկ վիրավորներին՝ շուտափույթ ապաքինում:

Նման անմարդկային գործողությունները վերստին գալիս են հաստատելու մեր այն համոզմունքը, որ անհրաժեշտ է միասնականորեն և վճռականությամբ շարունակել միջազգային հանրության պայքարը ահաբեկչության չարիքի և բռնության բոլոր դրսևորումների դեմ»,- ասված է Սերժ Սարգսյանի ցավակցական հեռագրում:
18 օգոստոս, 2017 10:33 ԼՂ հարցը ՌԴ արտաքին քաղաքական առաջնահերթությունների թվում է․ ՌԴ ԱԳՆ ՌԴ ԱԳՆ պաշտոնական ներկայացուցիչը տեղեկացրել է, որ ներկայում համանախագահները աշխատում են հերթական գագաթաժողովի կազմակերպման ուղղությամբ և այդ նպատակով բանակցություններ են անցկացրել նախարարների հետ Բրյուսելում։

«Խորհրդակցությունները կշարունակվեն սեպտեմբերի երկրորդ կեսին Նյու Յորքում ՄԱԿ-ի Գլխավոր վեհաժողովի հերթական նստաշրջանի շրջանակում։ Դրանց արդյունքներով կարվի համապատասխան հայտարարությունը»,- նշել է խոսնակը։

Մարիա Զախարովան շեշտել է՝ Ռուսաստանը ղարաբաղյան հակամարտությանը «հատուկ ուշադրություն է հատկացնում»։ Հակամարտության կարգավորումը, նրա խոսքով, դասվում է ՌԴ «արտաքին քաղաքական առաջնահերթությունների շարքին» և հիշատակվում է ՌԴ արտաքին քաղաքական հայեցակարգում։
17 օգոստոս, 2017 22:13 Եթե չմտնեինք ԵՏՄ, Հայաստանի լոլիկն ու վարունգը Փարիզո՞ւմ պետք է վաճառեին․ Շարմազանով Հանրապետական կուսակցությունում կեղծ օրակարգ են համարում ԵԼՔ դաշինքի որոշ գործիչների կողմից Եվրասիական տնտեսական միությունից Հայաստանի դուրս գալու մասին կոչերը։

Այսօր ՀՀԿ գործադիր մարմնի նիստից հետո լրագրողների հետ հանդիպմանը կուսակցության խոսնակ, ԱԺ փոխնախագահ Էդուարդ Շարմազանովը լրագրողի հարցադրմանն արձագանքեց․

«Մենք գտնում ենք, որ Հայաստանի անդամակցությունը ԵՏՄ-ին արդարացված է, արդյունավետ է, և առաջարկում ենք մեր գործընկերներին խոսել ոչ թե էմոցիաների ու արտաքին քաղաքական ճաշակի առաջնահերթությամբ, այլ խոսել փաստերով։ Եթե մենք չմտնեինք ԵՏՄ, Հայաստանի բանջարեղենը՝ լոլիկն ու վարունգը, պետք է Փարիզո՞ւմ վաճառեին։ Եթե մենք չմտնեինք ԵՏՄ, Հայաստանի կոնյակը, որ Եվրոպայում բրենդի է կոչվում, պետք է Ֆրանսիայո՞ւմ կամ Մեծ Բրիտանիայո՞ւմ վաճառեին։ Ի վերջո, մենք միացել ենք 180 միլիոնանոց շուկայի, որը մեծ հնարավորություն է տալիս մեր զարգացմանը»։
17 օգոստոս, 2017 19:32 Պաշտպանը՝ սպառնալիքների թիրախ «Հելսինկյան ասոցիացիա»-ի փաստաբան Արայիկ Պապիկյանը իր և ընտանիքի հասցեին հնչեցրած սպառնալիքները կապում է իր իրավապաշտպան գործունեության հետ։ Նա հանցագործության մասին հաղորդում է ներկայացրել, սակայն իրավապահների հետ հույսեր չի կապում։ 17 օգոստոս, 2017 15:49 Վիճելի եկեղեցիներ, վիճելի Սահմանադրություն․ զրույց Արսեն Խառատյանի հետ Վրաստանում կրկին քննարկվում է Սահմանադրության բարեփոխումների անհրաժեշտությունը։ Այս թեման, ինչպես նաև ադրբեջանցի լրագրող Աֆղան Մուխթարլիի առևանգումն ու հայ-վրացական վիճելի համարվող եկեղեցիների հարցը ՍիվիլՆեթի Թաթուլ Հակոբյանը քննարկել է Վրաստանի «Ալիք մեդիա» հայալեզու տեղեկատվական հարթակի հիմնադիր և ղեկավար Արսեն Խառատյանի հետ։