10 օգոստոս, 2017 13:39 Հարձակում բանան ներկրող գործարարի սառնարանների վրա Բանան ներկրող գործարար Վահրամ Միրաքյանը հայտարարել է, որ այս գիշեր իրենց սառնարանների վրա հարձակում են գործել և ծծմբաթթու լցրել կոմպրեսորների վրա։ Միրաքյանն իր ֆեսյբուքյան էջում գրառում է արել և տեղադրել վնասված սարքերի նկարները․

10 օգոստոս, 2017 11:18 Հայ-ռուսական առաջին համաձայնագիրը. օգոստոսի 10, 1920թ․ Յուրաքանչյուր օգոստոսի 10-ին հայ պատմաբանները, ուսումնասիրողները հիշում ու հիշեցնում են, որ 1920 թվականի այդ օրը հայկական պատվիրակությունը Ավետիս Ահարոնյանի գլխավորությամբ ստորագրել է Սևրի դաշնագիրը, որի իրագործման դեպքում Հայաստանը կունենար 160 հազար քառակուսի կիլոմետր տարածքով հանրապետություն:

Դիվանագիտական հաղթանակ համարվող Սևրից շաբաթներ անց թուրք քեմալականները ներխուժեցին Հայաստան, գրավեցին Կարսի մարզն ու Սուրմալուն, Ալեքսանդրապոլը և Շիրակի դաշտավայրը: Դեկտեմբերի 2-ին Սիմոն Վրացյանի կառավարությունը առանց դիմադրության իշխանությունը փոխանցեց Բաքվում ձևավորված և Երևան հասած բոլշևիկյան Հայհեղկոմին՝ Սարգիս Կասյանի գլխավորությամբ:
10 օգոստոս, 2017 11:00 Սևր՝ դիվանագիտություն և իրականություն․ ներկայացնում է Արա Պապյանը 1920 թվականի այս օրը՝ օգոստոսի 10-ին, Փարիզի մերձակա Սևրում ստորագրվեց պայմանագիր, որը Վիլսոնյան Իրավարարա վճռի հետ միասին հնարավորություն էր ստեղծում Հայաստանի Հանրապետության ընդարձակում 160 հազար քառակուսի կիլոմետրի տարածքի վրա։ Այդ ամենը, սակայն, մնաց որպես դիվանագիտական փաստաթուղթ, իսկ իրականում Հայաստանը կարճ ժամանակ անց բոլշևիկացվեց և ապա կորցրեց իր անկախությունը։ Սևրի և Վիլսոնյան Իրավարար վճռի մասին ԿԱՃԱՌ հաղորդաշարի բանախոսը արտակարգ և լիազոր դեսպան, պատմաբան-արևելագետ Արա Պապյանն է։
9 օգոստոս, 2017 17:14 Արծվաշեն․ հնարավո՞ր էր արդյոք պահել այն 1992թ․ օգոստոսի 8-ին ընկավ Արծվաշենը՝ Հայաստանի միակ անկլավը, որը գտնվում էր Ադրբեջանի տարածքում։ Արծվաշենի, ինչպես նաև Հայաստանի տարածքում ադրբեջանական անկլավների մասին ՍիվիլՆեթի պատրաստած ֆիլմը բուռն արձագանքի է արժանացել։ Շատերը պնդում են, որ Արծվաշենը հնարավոր էր պահել, և այն հանձնվել է դավադրաբար։ ՍիվիլՆեթի Թաթուլ Հակոբյանն ու Կարեն Հարությունյանը քննարկում են այդ հարցը։
9 օգոստոս, 2017 15:41 Չինաստանը Երևանում դեսպանության նոր շենք է կառուցում Հայաստանի արտգործնախարար Էդվարդ Նալբանդյանն ընդունել է Չինաստանի արտգործնախարարի օգնական Լի Հաուիլային։ Հանդիպումից հետո Երևանի Ծովակալ Իսակովի պողոտայում տեղի է ունեցել Չինաստանի դեսպանության նոր շենքի հիմնարկեքի արարողությունը:
Օգոստոսի 8-ին Հայաստանի արտաքին գործերի նախարար Էդվարդ Նալբանդյանն ընդունել է Չինաստանի արտաքին գործերի նախարարի՝ Եվրոպայի և Կենտրոնական Ասիայի հարցերով օգնական Լի Հաուիլայի գլխավորած պատվիրակությանը, որ Երևանում է գտնվում երկու երկրների ԱԳՆ-ների միջև խորհրդակցություններին մասնակցելու նպատակով:
Նախարար Նալբանդյանը նշել է, որ Հայաստանում Չինաստանի հետ հարաբերությունները դիտարկում են որպես արտաքին քաղաքականության առաջնահերթ ուղղություններից մեկը, հաղորդում է ԱԳՆ մամուլի ծառայությունը։
9 օգոստոս, 2017 14:38 Ազատամարդ․ Սեփական բնակարանում արևից այրվողները Երևանի Կողբացի 67 շենքից 2 մետր հեռավորության վրա կառոուցվել է մասնավոր հյուրանոց: Խախտվել են քաղաքաշինական նորմերը, ինչի արդյունքում այդ հյուրանոցի տանիքից արտացոլվող արևը տաքացնում է Այծեմնիկ Առաքելյանի բնակարանը հավելյալ մի քանի աստիճանով: Կինը անզիջում պայքար է մղում ապօրինի շինության և դրա թույլտվությունը տվողների դեմ: 9 օգոստոս, 2017 12:22 Պուտինն Աբխազիայում․ ի՞նչ օրակարգով էր նա ժամանել Սուխումի Օգոստոսի 8-ը նաև նշանավորում է ռուս-վրացական պատերազմի իններորդ տարեդարձը մեկ այլ անջատված հանրապետության՝ Հարավային Օսիայի շուրջ: Հնգօրյա այդ պատերազմից անմիջապես հետո Ռուսաստանը ճանաչեց Աբխազիայի և Հարավային Օսիայի անկախ պետությունները: Միայն մի քանի երկրներ հետևեցին նրա օրինակին, իսկ աշխարհի երկրների մեծամասնությունը շարունակում է այդ երկու օբյեկտները Վրաստանի մաս համարել:

«Հարավային Օսիայում և Աբխազիայում օգոստոսի 8-ը սգո օր է»,- հայտարարեց Աբխազիայի դե ֆակտո նախագահ Ռաուլ Խաջիմբան Պուտինի հետ հանդիպմանը: «Այս օրը սկսվեց վրացական բանակի լայնածավալ գործողությունը և Ռուսաստանի ձեռնարկած վճռական գործողությունները, որոնք հնարավորություն տվեցին պահպանել Հարավային Օսիան և, իհարկե, հետագայում ճանաչել մեր պետությունները, որի համար մենք երախտապարտ ենք»:
8 օգոստոս, 2017 19:03 Արծվաշեն․ Հայաստան-Ադրբեջան անկլավների պատմությունից | Forgotten Territories? The Story of Armenia-Azerbaijan Enclaves 25 տարի առաջ այս օրը՝ 1992-ի օգոստոսի 8-ին, ադրբեջանական ուժերը գրավեցին Արծվաշենը։ Դա Հայաստանի Հանրապետության միակ բնակավայրն է, որ անցել է Ադրբեջանի վերահսկողության տակ։ ՍիվիլՆեթի լրագրող Թաթուլ Հակոբյանը և օպերատորներ Արմեն Մկրյանն ու Սարգիս Բուլղադարյանը այցելել են Ճամբարակ և Դրախտիկ, որտեղ հաստատվել են արծվաշենցիները, ինչպես նաև նախկին ադրբեջանական երեք անկլավներ, որոնք Հայաստանի վերահսկողության տակ են։ 8 օգոստոս, 2017 16:12 Զննո՞ւմ, թե՞ խուզարկում. փաստաբանները տարակարծիք են «Սասնա ծռեր» խմբի և Ժիրայր Սեֆիլյանի գործով դատական նիստերին փաստաբանները բարձրաձայնում են, որ իրենց դատարան մտնելիս փորձում են խուզարկել։ Փաստաբանների պալատը և Դատական դեպարտամենտը համաձայնության են եկել փաստաբանների զննությունը կազմակերպել այնպես, որպեսզի անհարմարություններ չպատճառվեն։ Այս հարցի շուրջ ևս տարակարծություններ կան։ 8 օգոստոս, 2017 09:30 ՀԱՊԿ-ում խորանում են հակասությունները Ռուսաստանի և Ղազախստանի միջև   Ազատություն ռադիոկայանի ղազախական ծառայության կայքում հոդված է հրապարակվել Հավաքական անվտանգության պայմանագրի կազմակերպության (ՀԱՊԿ) երկու անդամների՝ Ռուսաստանի և Ղազախստանի խորացող հակասությունների մասին։ Հոդվածի հեղինակ, Օքսֆորդի համալսարանի հետազոտող Սամուել Ռամանին վերլուծում է, թե ինչ գործոններ են ընկած Ռուսաստանի և Ղազախստանի միջև հարաբերություններում։

7 օգոստոս, 2017 18:26 Նավթի գնի անկումը իջեցրել է Ադրբեջանի արժեքը․ Արմեն Մանվելյան ԳԱԱ Արևելագիտության ինստիտուտի ավագ գիտաշխատող, էներգետիկ հարցերով փորձագետ Արմեն Մանվելյանը ՍիվիլՆեթի Թաթուլ Հակոբյանի հետ զրույցում նշում է, որ միջազգային շուկայում էներգակիրների անկման պատճառով ընկել է նաև Ադրբեջանի կարևորությունը։ Մանվելյանը բացատրում է, թե ինչու Ադրբեջանը չի կարողանում կատարել գազի արտահանման իր պարտավորությունները, ինչպես նաև անդրադառնում Իրանի էներգետիկ խնդիրներին։ 7 օգոստոս, 2017 14:15 Ժողովուրդն իր իրավունքների մասին լավ գիտի Ժողովուրդը խոսում է իրավական դաշտում առկա խնդիրների, Կարեն Կարապետյանի Արմավիրի մարզում արված հայտարարության և Քննչական կոմիտեում ՍԱՍ-ի ձայնագրության մասով գործ չհարուցելու մասին։