28 հուլիս, 2017 20:14 Հայաստանը՝ Թուրքիա-Ռուսաստան համագործակցության հոլովույթում․ զրույց Բենիամին Պողոսյանի հետ Ռուսաստանի նախագահը վավերացրել է հայ-ռուսական միացյալ զորախմբի մասին համաձայնագրի օրենքը։ Թուրքիայի հանրային կարծիքը Հայաստանին և Ռուսաստանին դասում է հնարավոր սպառնալիք հինգ երկրենրի շարքում։ Այս և Ռուսաստան-Թուրքիա հարաբերությունների շուրջ Սիվիլնեթի Թաթուլ Հակոբյանը զրուցել է ՊՆ Պաշտպանական Ազգային հետազոտական համալսարանի գիտության գծով պետի տեղակալ Բենիամին Պողոսյանի հետ։ 28 հուլիս, 2017 14:44 Եվրասիական բանկն առաջարկում է միասնական հաշվարկային միավոր ներդնել ԵՏՄ երկրներում Եվրասիական զարգացման բանկը (ԵԶԲ) Եվրասիական տնտեսական միության անդամ երկրների կենտրոնական բանկերին առաջարկել է ստեղծել միասնական արժույթ։ Ըստ ԵԶԲի՝ դա կնպաստի փոխադարձ հաշվարկների համակարգին: Ըստ Vestifinance.ru կայքի՝ Ռուսաստանը առաջարկել է, որ ռուբլին դառնա դրամական այդ միավորը:

«Կան երկարաժամկետ օգտագործման համար նախատեսված մի քանի գործիքներ, որոնք մենք առաջարկում ենք դրամավարկային կարգավորող մարմինների քննարկմանը»,- ասել է Եվրասիական զարգացման բանկի ինտեգրացիոն հետազոտությունների կենտրոնի տնօրեն Եվգենի Վինոկուրովը:
28 հուլիս, 2017 14:19 Բիթլիսցի Դերդո մայրիկը՝ թուրք ռեժիսորի ֆիլմում Թուրք ռեժիսոր Սերդար Օնալի «Դերդո մայրիկն ու ընկուզենին» վավերագրական ֆիլմը նվիրված է Բիթլիսում ծնված մի հայ կնոջ՝ Դերդոյի տառապանքներին, ինքնության համար մղած պայքարին, սեփական գյուղին ու տան հետ կապվածությանը։ Դերդոն կարողանում է հայկական ինքնությունը պահպանել նույնիսկ այն բանից հետո, երբ հայրն ու եղբայրը մահմեդական են դառնում։ 1975-ին՝ ամուսնու սպանությունից հետո, Դերդոն ութ երեխաների հետ փախչում ու հաստատվում է Ստամբուլում՝ շարունակելով ամեն ամառ Բիթլիս գնալ։ Ռեժիսորին զարմացրել է Դերդոյի ուրախ ու կենսախինդ կերպարը։ Ֆիլմը ցուցադրվել է «Ոսկե ծիրան 2017» կինոփառատոնին և արժանացել «արծաթե ծիրան» մրցանակի։ 28 հուլիս, 2017 11:08 Լապշինը խնդրում է իրեն արտահանձնել Իսրայելին Բաքվում հուլիսի 20-ին երեք տարվա ազատազրկման դատապարտված բլոգեր, Ռուսաստանի և Իսրայելի քաղաքացի Ալեքսանդր Լապշինը չի բողոքարկի դատավճիռը։ Նա խնդրել է արտահանձնել իրեն Իսրայելին: Այս մասին հայտնել է բլոգերի իրավաբան Էդուարդ Չերնինը, հաղորդում է Meydan.tv-ն։
Չերնինի խոսքով՝ հուլիսի 26-ին Լապշինը հանդիպել է Բաքվում Իսրայելի հյուպատոսի հետ, աշխատանք է տարվում նրա՝ Իսրայել արտահանձնման ուղղությամբ։
Իր հերթին, Ադրբեջանի արդարադատության նախարարության Մարդու իրավունքների գրասենյակի ներկայացուցիչ Ֆաիգ Գուրբանովն ասել է, որ արտահանձնման հարցը կարող է դիտարկվել միայն դատարանի վճռի ուժի մեջ մտնելուց հետո։
27 հուլիս, 2017 16:29 Կանադայի հայերը վարչապետ Տրուդոյից պահանջում են բեկանել Ադրբեջանի հետ գործարքը Կանադահայերը բողոքի նամակ են հղել երկրի վարչապետ Ջասթին Տրուդոյին՝ պահանջելով դադարեցնել կանադական ընկերության կողմից զրահամեքենաների մատակարարումը Ադրբեջանին։
Հուլիսի 26-ին Կանադայի Հայկական բարեգործական ընդհանուր միության (ՀԲԸՄ) քաղաքական հարցերի հանձնաժողովը նամակ է հղել վարչապետ Ջաստին Տրուդոյին` բողոք արտահայտելով կանադական INKAS ընկերության կողմից Ադրբեջանին զրահամեքենաների մատակարարման գործարքի դեմ։
Տորոնտոյում գտնվող զրահապատ մեքենաներ արտադրող INKAS ընկերությունը գործարք է կնքել Ադրբեջանի ներքին գործերի նախարարության հետ, որի համաձայն ընկերությունը արդեն մատակարարել է կանադական արտադրության զրահապատ մեքենաներ (APC):
27 հուլիս, 2017 13:24 Սփյուռքը՝ փոփոխվող երևույթ և իրականություն․ Ասպետ Գոչիկեան Բենթլիի համալսարանի (ԱՄՆ) քաղաքագիտության դասախոս Ասպետ Գոչիկեանը կարծում է, որ Սփյուռքը փոփոխվող երևույթ և իրականություն է։ ՍիվիլՆեթի Թաթուլ Հակոբյանի հետ զրույցում նա անդրադառնում է նաև Հայաստանի Հանրապետության հիմնադրման 100-ամյակին։ 27 հուլիս, 2017 12:50 Թուրքերի միակ բարեկամը մնացել է Ադրբեջա՞նը Eurasianet.org կայքի հոդվածագիր Ջոշուա Քուչերան (Joshua Kucera) «Թուրքերի միակ բարեկամը մնացել է Ադրբեջա՞նը» վերնագրով հովդած է հրապարակել Ստամբուլի Քադիր Հաս համալսարանի անցկացրած հետազոտության վերաբերյալ։ Հետազոտությունը պարզել է, որ թուրքերի ընկալման մեջ բարեկամների թիվը գնալով նվազում է, և միակ բարեկամը թերևս մնացել է Ադրբեջանը։
Վերջին մի քանի տարիների ընթացքում Թուրքիան անցել է արտաքին քաղաքականության խիստ բարդ ուղով, տարբեր կերպ թշնամանալով ԱՄՆ-ի, Եվրոպայի, Ռուսաստանի և արաբական աշխարհի հետ: Այսպիսով, նրա միակ բարեկամը մնում է Ադրբեջա՞նը: Ստամբուլի Քադիր Հաս համալսարանի կողմից Թուրքիայի արտաքին քաղաքականության վերաբերյալ ամենամյա հանրային ընկալումների վերաբերյալ անցկացրած հարցման արդյունքները կարծես դա են ցույց տալիս։
27 հուլիս, 2017 09:34 Փորձում են ինձ փախստական դարձնել․ Միխեիլ Սաակաշվիլի Միխեիլ Սաակաշվիլին տեսաուղերձ է հրապարակել իրեն Ուկրաինայի քաղաքացիությունից զրկելուց հետո։ Նախօրեին Ուկրաինայի նախագահ Պետրո Պորոշենկոն Օդեսայի նախկին նահանգապետ, Վրաստանի նախկին նախագահ Միխեիլ Սաակաշվիլիին զրկել է Ուկրաինայի քաղաքացիությունից։ Ավելի վաղ՝ 2015թ․, Սաակաշվիլին զրկվել էր Վրաստանի քաղաքացիությունից։

Իր հրապարակած տեսաուղերձում Սաակաշվիլին քննադատում է Ուկրաինայի նախագահ Պետրո Պորոշենկոյին և օլիգարխիկ վարչակարգին։

«Ես հասարակ ուկրաինացի եմ։ Այսօր ես ենթարկվում եմ նույն մոտեցումներին, որոնք Ուկրաինայի դատախազներն ու բյուրոկրատները կիրառում են սովորական ուկրաինացիների դեմ, որոնց իրավունքների վրա թքած ունեն։
26 հուլիս, 2017 18:51 Սաակաշվիլիին զրկեցին Ուկրաինայի քաղաքացիությունից Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին զրկվել է Ուկրաինայի քաղաքացիությունից։ Ավելի վաղ նա զրկվել էր Վրաստանի քաղաքացիությունից։

Ուկրաինայի պետական միգրացիոն գործակալությունը հայտարարել է, որ Սաակաշվիլին զրկվել է քաղաքացիությունից, քանի որ նա անձնագիր ստանալիս սխալ տեղեկություններ է հաղորդած եղել։

2015թ․ Սաակաշվիլիի՝ Ուկրաինայի քաղաքացիություն ստանալու հայտադիմումում նշված է եղել, որ Ուկրաինայում կամ այլուր նա չի հետախուզվում։ Մինչդեռ Վրաստանի իշխանությունները Սաակաշվիլին «հեռակա ձերբակալել» էին։
26 հուլիս, 2017 17:18 Հայաստանի հետ հարաբերություններում ԱՄՆ-ը օգնությունից ցանկանում է անցնել համագործակցության․ Ջոն Հեֆերն Միացյալ Նահանգների և Հայաստանի միջև տնտեսական համագործակցության մեծ ներուժ կա, հայտարարել է Կոնգրեսում ԱՄՆ-ի Պետքարտուղարության ներկայացուցիչ, Հայաստանում ԱՄՆ նախկին դեսպան Ջոն Հեֆերնը, հաղորդում է «Ամերիկայի ձայնը»: Հեֆերնն ասել է, որ մարդասիրական օգնության տրամադրման փոխարեն Միացյալ Նահանգները ցանկանում է Հայաստանի հետ առևտրատնտեսական հարաբերություններ զարգացնել:

Միացյալ Նահանգների պետքարտուղարի օգնականի պաշտոնակատար Ջոն Հեֆերնը հայ-ամերիկյան գործընկերության մասին ամենատեղեկացված մարդկանցից մեկն է: 2011-ից մինչև 2014 թվականը, որպես Հայաստանում ԱՄՆ-ի դեսպան, նա նպաստել է երկկողմ քաղաքական և առևտրատնտեսական հարաբերությունների զարգացմանը: Կոնգրեսում անցած լսումների ընթացքում, պատասխանելով կոնգրեսական Բրեդ Շերմանի հարցին, Ջոն Հեֆերնը հայտարարել է, որ հայ-ամերիկյան տնտեսական հարաբերություններն ունեն կարևորագույն ներուժ.
26 հուլիս, 2017 16:04 ԵՄ-ի հետ վիզայի ազատականացումով Վրաստանի 3000 քաղաքացի մեկնել և չի վերադարձել երկիր Մարտի 28-ից՝ Եվրոպական Միության հետ առանց վիզայի ռեժիմի գործարկման օրվանից, Վրաստանի 55 հազար քաղաքացի է օգտվել վիզայի ազատականացումից, իսկ նրանցից 3 հազարը մինչ օրս չի վերադարձել, հաղորդում է Jamnews.net-ը։

«Արդյո՞ք այդ 3 հազար մարդը խախտել է առանց վիզային ռեժիմի 90 օրվա նախապայմանը, տվյալ փուլում հայտնի չէ, քանի որ, հնարավոր է, նրանց մի մասը տեղափոխվել է այնպիսի երկիր, որի հետ Վրաստանն առանց վիզայի ռեժիմի մասին համաձայնագիր չունի»,- ասում է ներքին գործերի փոխնախարար Շալվա Խուցիշվիլին:

Նրա խոսքով՝ այդ 3000 հոգին, որոնք առանց վիզայի ռեժիմի նախատեսած 90 օրվանից հետո Վրաստան չեն վերադարձել, նույնականացվել են ներքին գործերի նախարարության կողմից:
26 հուլիս, 2017 14:18 «Արմենպրեսը» առցանց հասանելի է դարձրել լուսանկարների մեկդարյա արխիվը «Արմենպրես» լրատվական գործակալությունը, Beelineը և Տեխնոլոգիական զարգացման կենտրոն հիմնադրամը ազդարարել են «Արմենպրես Պատմություն» նախագծի շրջանակում historyarmenpressam կայքի գործարկման մասին։
«Արմենպրես» լրատվական գործակալության տնօրեն Արամ Անանյանն ասել է, որ «Արմենպրես Պատմություն» նախագիծը հնարավորություն է տալիս թերթել պատմության էջերը, տեսնել, թե ինչ զարգացումներ են տեղի ունեցել
«Ներկայում 10 հազար լուսանկար հրապարակելով, իսկ հետագայում դրանց թիվն ավելացնելով` մենք ցույց ենք տալիս, որ գործակալությունը եղել և մնում է ժամանակակից Հայաստանի կարևոր իրադարձությունների լուսաբանողը», ասել է Անանյանը
Կայքը նաև հնարավորություն է տալիս լուսանկարները տարածել սոցիալական կայքերում և այլ հարթակներում։ Այն հասանելի է համակարգիչների և բջջային սարքերի միջոցով։
Թվայնացման և կայքի ստեղծման աշխատանքներն իրականացրել է Տեխնոլոգիական զարգացման կենտրոն հիմնադրամը։ Արդեն իրականացվել է մոտ 6500 լուսանկարի թվայնացում, որոնցից մոտ 2500ն արդեն իսկ հրապարակված