15 հունիս, 2017 15:43

Չարենցավանում երկրաշարժ է գրանցվել

Չարենցավան քաղաքում 3 բալ ուժգնությամբ երկրաշարժ է գրանցվել, այս մասին տեղեկացնում է արտակարգ իրավիճակների նախարարությունը: 

«Հունիսի 15-ին, տեղական ժամանակով ժամը 13:34-ին (Գրինվիչի ժամանակով` 09:34-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 40.470 և արևելյան երկայնության 44.720 աշխարհագրական կոորդինատներով (Հայաստան, Չարենցավան քաղաքից 9 կմ հյուսիս-արևելք), օջախի 10 կմ խորությամբ, 2.6 մագնիտուդով երկրաշարժ: 

Ստորգետնյա ցնցման ուժգնությունը էպիկենտրոնում կազմել է 3 բալ:

Երկրաշարժը զգացվել է Չարենցավան քաղաքում 3 բալ ուժգնությամբ»,- ասվում է հաղորդագրությունում: