Լուրեր Հայաստանից | Armenian News | CivilNet
-
Ռուսաստանը փլուզման եզրին է, Հայաստանը պետք է այլընտրանք որոնի. Վարդան
Լուրեր Հայաստանից | Armenian News | CivilNet Ուկրաինայում պատերազմ սանձազերծելով՝ Ռուսական կայսրությունը հերթական փլուզման եզրին է հայտնվել: Այս մասին ասում է իրավապաշտպան, ԽՍՀՄ տարիներին այլախոհ Վարդան Հարությունյանը ՍիվիլՆեթի Արշալույս Մղդեսյանի հետ զրույցում: Նրա խոսքով՝ եթե անգամ Ռուսաստանի փլուզման մեկ տոկոս հավանականություն կա, Հայաստանը պետք է այլընտրանքներ որոնի` իր շահերը համադրելով այլ գերտերությունների շահերի հետ:
-
Գործընկերության արդյունքը՝ ընտանիքի և երեխայի կյանքի որակի փոփոխություն
Լուրեր Հայաստանից | Armenian News | CivilNet Մայրաքաղաք-մարզեր համեմատության տիրույթում, դեռևս զգալի տարբերություն կա բնակչին տրվող հնարավորությունների հարցում: Դրանում համոզվել է սահմանապահ Բերդավանում բնակվող Աիդան: Չորս անչափահասի երիտասարդ մայրը, հանգամանքների բերումով՝ հրաժարվել է հիմնական մասնագիտությունից: Նա ամբողջ ուշադրությունը կենտրոնացրել է զավակներից մեկի՝ Սմբատի խնդրին: Մանկական ուղեղային կաթվածով երեխան ունի անհրաժեշտ գիտելիք և հմտություն պահանջող անհատական օգնականի աջակցության կարիք: Ընտանիքի և երեխայի կյանքի որակն զգալիորեն փոխվել է՝ Վիվա-ՄՏՍ-ի և «ՍՈՐՍ» հիմնադրամի գործընկերությամբ իրականացվող ծրագրի արդյունքում: Անհատական օգնականի հոգատար և արհեստավարժ աշխատանքի շնորհիվ՝ Աիդան փորձում է կյանքի նոր ռիթմով ապրել. ավելի շատ ժամանակ հատկացնել մյուս երեխաներին և ամուսնուն, մասնակցել դասընթացների՝ նախասիրությունը կայուն աշխատանք […]
-
Սեռական ոտնձգությունը՝ աշխատավայրը լքելու պատճա՞ռ
Լուրեր Հայաստանից | Armenian News | CivilNet «Աշխատանքի և սոցիալական հարցերի նախարարությանը պետք է մտահոգի, որ սեռական ոտնձգության ենթարկված կանանց 55 տոկոսը փոխում է աշխատավայրը»,- ասում է իրավապաշտպան Զարուհի Հովհաննիսյանը։ Հայաստանում սեռական ոտնձգությունը քրեորեն պատժելի է միայն այն դեպքում, երբ կատարվում է 16-ից ցածր տարիքի անձի նկատմամբ։ Սիվիլնեթի հետ զրույցում Զարուհի Հովհաննիսյանը խոսում է աշխատավայրում սեռական ոտնձգությունների խնդրի, դրանց վերհանման բարդությունների և օրենսդրական բացերի մասին։
-
Ճնշում եմ գործադրում Բաքվի վրա՝ վերաբացելու Լաչինի միջանցքը․ Բլինքեն
Լուրեր Հայաստանից | Armenian News | CivilNet «Կարծում եմ, որ կա խաղաղության համաձայնագիրը ավարտին հասցնելու հնարավորություն»․ մարտի 22-ին ելույթ ունենալով Սենատում լսումների ժամանակ՝ հայտարարել է ԱՄՆ պետքարտուղար Էնթոնի Բլինքենը։ «Ես հանդիպել եմ Փաշինյանի և Ալիևի հետ Մյունխենում անվտանգության համաժողովի ժամանակ։ Արտգործնախարարները վերջերս Վաշինգտոնում էին։ Ես ակնկալում եմ, որ նրանք կվերադառնան։ Աշխատել ենք (խմբ. – համաձայնագրի) տեքստի վրա», – ասել է Բլինքենը։ Վերջինիս խոսքով՝ Վաշինգտոնը որևէ բան չի պարտադրում Հայաստանին, այլ արձագանքում է Հայաստանի մեծ ցանկությանը՝ փորձելով օգնել հասնելու համաձայնագրի, որը վերջ կդնի 30 տարվա հակամարտությանը։ «Միևնույն ժամանակ, դուք ճիշտ եք մատնանշում Լաչինի միջանցքի իրական խնդիրները,- ասել է Բլինքենը։ – Ես […]
-
Աշխատողները կպահպանեն իրենց աշխատավարձը վարժական հավաքների դեպքում. կառավարության նախագիծ
Լուրեր Հայաստանից | Armenian News | CivilNet Կառավարությունը մարտի 23-ի նիստում հավանություն տվեց նախագծին, որով աշխատողները մինչև 30 օր ժամկետով վարժական հավաքներին մասնակցելու դեպքում շարունակելու են վճարվել հիմնական աշխատավարձի և վարժական հավաքներին մասնակցելու օրերի համար աշխատողին որպես զինծառայող հաշվարկված դրամական ապահովության առնվազն դրական տարբերությունը։ 30 օրը գերազանցող ժամկետով հավաքներին ներգրավելու դեպքում աշխատողի աշխատավարձը որոշվում է գործատուի և աշխատողի համաձայնությամբ կամ կոլեկտիվ կամ աշխատանքային պայմանագրով նախատեսված կարգով: Ներկայիս կարգավորմամբ՝ գործատուն չունի աշխատողին նման դեպքում վճարելու պարտավորություն, այլ միայն նրա աշխատատեղը պահելու պարտավորություն։
-
Ֆրանսիայի ԱԳ նախարարը ապրիլի վերջին կայցելի Բաքու և Երևան
Լուրեր Հայաստանից | Armenian News | CivilNet Ֆրանսիայի արտաքին գործերի նախարար Քեթրին Քոլոննան ապրիլի վերջին կայցելի Բաքու և Երևան․ այդ մասին նա հայտարարել է Սենատում՝ պատասխանելով սենատոր Ֆիլիպ Պեմեզեկի հարցին, թե արդյոք Ֆրանսիան պատրա՞ստ է Հայաստանի համար ուղղել նույնքան դիվանագիտական և ռազմական միջոցներ, որքան համախմբել է Ուկրաինայի համար, որպեսզի պաշտպանի մահացող բարեկամ ժողովրդին։ «Առաջին օրվանից Ֆրանսիան քննադատում է Ադրբեջանի կողմից Լաչինի միջանցքի արգելափակումը։ Այն խորացնում է լարվածություն։ Ծրագրում եմ այցելել Բաքու և Երևան ապրիլի վերջին՝ այդ ուղերձը հղելու նպատակով։ Ֆրանսիան գործում է»,- պատասխանել է Քոլոնանն։
-
Հայաստանում վարժական հավաք կանցկացվի
Լուրեր Հայաստանից | Armenian News | CivilNet Հայաստանում 2023թ. ապրիլի 15-ից մինչև հունիսի 15-ը նախատեսվում է անցկացնել պահեստազորայինների վարժական հավաքներ։ Համապատասխան նախագիծը ներառված է կառավարության մարտի 23-ի նիստի օրակարգում։ «Վարժական հավաքների անցկացումը պլանավորված է ՀՀ կառավարության 2022 թվականի համապատասխան որոշմամբ, դրանց նպատակն է զորքերի համալրումն ավելի պատրաստված և անհրաժեշտ զինվորական հաշվառման մասնագիտություն ունեցող պահեստազորայիններով, ինչպես նաև պահեստազորում հաշվառված քաղաքացիների մասնագիտական պատրաստվածության որակի բարձրացումը` պահեստազորում կուտակելով համապատասխան զինվորական հաշվառման մասնագիտություն ունեցող պահեստազորայիններ»,- նշված է որոշման հիմնավորումներում։
Հեղինակային
Մեր գործընկերները
