Տիգրան Գրիգորյան | Tigran Grigoryan

Տիգրան Գրիգորյանը քաղաքագետ է, Արցախի «Ազգային վերածնունդ» կուսակցության գործադիր մարմնի անդամ։

Հեղինակի նյութերը

3 հունիս, 2020 17:51

Կադրային քաղաքականության տրամաբանությունը հետընտրական Արցախում

Վերջին օրերի ընթացքում Արցախի նախագահ Արայիկ Հարությունյանը ակտիվորեն զբաղված էր կառավարության նոր կազմի ձևավորմամբ: Հարությունյանը նշանակումների մասին հանրությանը հիմնականում տեղեկացնում էր ֆեյսբուքյան ուղիղ եթերների միջոցով, որոնց ընթացքում փորձում էր նաև հիմնավորել իր կադրային որոշումները: Նոր կառավարության կազմի գրեթե բոլոր առանցքային նախարարների և այլ գերատեսչությունների ղեկավարների անունները արդեն հայտնի են:

26 մայիս, 2020 10:31

Արայիկ Հարությունյանի և Սամվել Բաբայանի բարդ ճամփան դեպի համագործակցություն

Մայիսի 25-ին Արցախի նախագահ Արայիկ Հարությունյանի գլխավորած «Ազատ հայրենիք – ՔՄԴ» կուսակցությունների դաշինքի և Սամվել Բաբայանի գլխավորած «Միասնական հայրենիք» կուսակցության միջև ստորագրվեց համագործակցության հուշագիր: Թե՛ Հարությունյանը, թե՛ Բաբայանը այս որոշման գլխավոր դրդապատճառներ են անվանում Արցախում համերաշխության մթնոլորտի հաստատումն ու ծրագրերի համատեղումը սոցիալական քաղաքականության և անվտանգության հարցերում: Սա կարևորագույն իրադարձություն է Արցախի ներքաղաքական կյանքում, որը փոխելու է երկրում մեկ տասնամյակից ավել գոյություն ունեցած քաղաքական լանդշաֆտն ու ուժերի դասավորվածությունը:

14 մայիս, 2020 12:43

Parts of a Circle: History of the Karabakh Conflict: A Film Review

On May 12, British peacebuilding organization Conciliation Resources published its ''Parts of a Circle: History of the Karabakh Conflict'' documentary which was made in collaboration with Yerevan-based Media Initiatives Centre NGO and Baku-based Internews NGO. Production of the film started in 2011. It consists of three parts which tell the story of the conflict outbreak in the late 1980s, the war, and the negotiation process. The published film is a shorter, summarized version of the three parts and lasts a little over an hour.

13 մայիս, 2020 11:26

«Շրջանի մասերը: Ղարաբաղյան հակամարտության պատմությունը». գրախոսություն

Բրիտանական «Հաշտության պաշարներ» (Conciliation Resources) կազմակերպությունը հրապարակել է «Շրջանի մասերը: Ղարաբաղյան հակամարտության պատմությունը» փաստավավերագրական ֆիլմը, որը նկարահանվում էր 2011 թվականից: Ֆիլմը հայ և ադրբեջանցի լրագրողների համատեղ աշխատանքի արդյունք է և բաղկացած է երեք մասերից, որոնցում պատմվում է 1980-ական թվականների վերջերին Ղարաբաղյան հակամարտության բռնկման, պատերազմական շրջանի և բանակցային գործընթացի մասին: Հրապարակված նյութը այդ երեք մասերի կրճատված տարբերակն է և մեկ ժամից մի քիչ ավել է տևում:

6 մայիս, 2020 16:35

Քաղաքական առևտրով զբաղվող ընդդիմադիր գործիչները պետք է մերժվեն հասարակության կողմից

Վերջին տասնամյակների ընթացքում Արցախում տեղի ունեցած հակաժողովրդավարական գործընթացների և հասարակության աստիճանական թուլացման համար ընդունված է ողջ պատասխանատվությունը դնել իշխող էլիտաների վրա: Վերջիններս, անշուշտ, որոշիչ դերակատարություն են ունեցել երկրում քաղաքական լճացման և այլակարծության ճնշման հարցում: Իշխանություններն են իրենց քաղաքական հակառակորդների համար ստեղծել այնպիսի պայմաններ, որոնք խոչընդոտում էին նրանց բնականոն գործունեությանը:

22 ապրիլ, 2020 16:34

Լավրովի հայտարարության հետքերով․ չկա ավելի հեշտ միջոց, քան իշխանություններին Ղարաբաղը ծախելու մեջ մեղադրելը

Ղարաբաղյան հակամարտության բանակցային գործընթացի քննարկումը Հայաստանում գրեթե միշտ հիշեցնում է ամերիկյան «Արջամկան օրը» (Groundhog day) հայտնի ֆիլմը: Ֆիլմի մեջ գլխավոր հերոսի համար ժամանակը կանգ է առնում և նա ստիպված է լինում երկարատև ժամանակահատված ամեն առավոտ արթնանալ և վերապրել նույն օրը` իր բոլոր կրկնվող մանրուքներով: Այդպիսի «Արջամկան օր» է տեղի ունենում նաև հայաստանյան լրատվական դաշտում և սոցիալական մեդիայի եզերքներում ամեն անգամ, երբ որևէ օտարերկյա դիվանագետ հնչեցնում է բանակցային ողջ գործընթացի ընթացքում լուծման բոլոր տարբերակների հիմք հանդիսացած կարգավորման բաղադրիչները: Հայկական հասարակությունը հերթական անգամ բացահայտում է, որ միջնորդ երկրների առաջարկները չեն համընկնում հարցի լուծման մեր պատկերացումների հետ և սկսում բոլոր մահացու մեղքերի մեջ մեղադրել օրվա իշխանություններին:

21 ապրիլ, 2020 12:14

Կորոնավիրուսն Արցախում․ բացակայում է համաճարակի դեմ պայքարի գլխավոր գործոններից մեկը

Ռեյչլ Կլայնֆելդի «Ավտորիտա՞ր, թե՞ ժողովրդավարական երկրներն են ավելի արդյունավետ պայքարում համաճարակի դեմ» հոդվածը Միջազգային խաղաղության Քարնեգի հիմնադրամի կայքում նվիրված է հենց այդ թեմային: Հեղինակը նշում է, որ չնայած տարբեր առաջնորդներ համաճարակի դեմ պայքարի համատեքստում փորձում են քարոզչություն իրականացնել իրենց երկրների օգտին, մինչ այսօր քաղաքական ռեժիմների և համաճարակի դեմ պայքարի արդյունավետության միջև ուժեղ կորելյացիա չի նկատվում: Կան ավտորիտար ռեժիմներ (Սինգապուր), որոնք օրինակելի կերպով են պայքարում համաճարակի դեմ, և կան բռնապետություններ (Իրան), որտեղ իրավիճակը պարզապես աղետալի է:

15 ապրիլ, 2020 11:34

Ով է Արցախի ապագա ղեկավարը. հինգ հանգամանք, որ պետք է իմանալ

Ապրիլի 14-ին Արցախում համաճարակի պայմաններում տեղի ունեցավ նախագահական ընտրությունների երկրորդ փուլը: Այն ի սկզբանե զրկված էր որևէ ինտրիգից, քանի որ առաջին փուլում երկրորդ հորիզոնականը զբաղեցրած թեկնածուն` Մասիս Մայիլյանը, կոչ էր արել իր կողմնակիցներին բոյկոտել քվեարկությունը` հիմնավորելով այդ որոշումը համաճարակի տարածման վտանգով: Իսկ Մայիլյանին առաջին փուլում սատարած Սամվել Բաբայանն իր աջակիցներին ազատ ընտրության հնարավորություն էր թողել:

10 ապրիլ, 2020 11:30

Արցախն ապրիլի 14-ից հետո․ արտախորհրդարանական ուժերի ու քաղաքացիական հասարակության դերը

Մարտի 31-ին Արցախում տեղի ունեցած համապետական ընտրություններում գրանցվեցին արդյունքներ, որոնք երկրում քաղաքական զարգացում ակնկալող քաղաքացիների համար չեն կարող մտահոգիչ չլինել: («Քաղաքական զարգացում» եզրույթը վերջին տարիներին մասսայականացրել է Ֆրենսիս Ֆուկույաման: Քաղաքական զարգացման երեք բաղադրիչներն են՝ արդյունավետ պետական համակարգը, օրենքի գերիշխանությունը և ժողովրդավարական հաշվետվությունը)։