Մհեր Արշակյան

Մհեր Արշակյանը լրագրող է, գրող և հրապարակախոս, աշխատել է հայաստանյան մի շարք լրատվամիջոցներում։

Հեղինակի նյութերը

14 սեպտեմբեր, 2018 23:47

Հայկ Մարության. «Գժերին» ընդդիմացողը

Իսկ ի՞նչ է «գժանոցը»: Այն հոգեբուժարանի այլընտրանքը չէ, այլ՝ մտածողություն: Էդ բառն ասողն արդեն իր «ձեռքի» տակ ունի մարդկանց մի խումբ, որոնք իր ողորմածության դաշտից դուրս են: Ինքը նրանց համար ոչինչ չունի անելու: Ինքը կանգնած է էդ մարդկանց գոյության իրավունքը վիճարկելու շեմին, որովհետեւ ասելով, որ «Նուբարաշենը միայն գժանոցը չէ», ցույց է տալիս, որ, համենայնդեպս, այդ հիմնարկը խելքը գլխին մարդկանց անունն արատավորող, բնակավայրի վրա ստվեր գցող հիմնարկ է: Էս տղան դեռ պետք է սովորի ի գիտություն ընդունել մարդկանց ողբերգությունները, որոնք կարող են հանգեցնել հոգեկան խնդիրների: Կարծեմ այդպիսի խնդիրներ ունեցողների դերեր է խաղացել, «կոկորդիլոս է քշել» լոգարանից:

18 հունիս, 2018 14:43

«Մանվել Գրիգորյանն անմեղ է»

Գեներալ Մանվել Գրիգորյանն անմեղ է: Նա անմեղ է ոչ անմեղության կանխավարկածի շրջանակներում, այլև նույնիսկ այն դեպքում, երբ նրա բոլոր մեղքերը կապացուցվեն, և նա կդատապարտվի․ նա անմեղ է, ինչպես նորածինը: Բայց ոչ որպես նորածին:

17 ապրիլ, 2018 10:23

Ու՞ր է Արմեն Սարգսյանը

Այսինքն, մարդը գիտի, որ հասարակության և իշխանության միջև մի այնպիսի անհամաձայնություն կա, որ ոչ թե հաշտության կարիք կա, այլ երկխոսության՝ եզրեր կգտնեն՝ կգտնեն, չեն գտնի, ինքը գոնե երկխոսությունը կարևորեց։ Այսօր այս մարդու նստավայրի քթի տակ իսկական բախում է հասունանում ժողովրդի և իշխանության միջև։ Երեկ ոստիկանները մի քանի տասնյակ հոգու են վիրավորել, շուտով կհարձակվեն Նիկոլ Փաշինյանի կողմնակիցների վրա, որոնք գոնե երեկվա դրությամբ մի քանի տասնյակ հազար էին։

13 ապրիլ, 2018 17:53

Գալուստ Սահակյանին տեր է պետք

Ու՞մ անունից է Տիրոջ կարիք զգում Գալուստ Սահակյանը։ Պարզ է, որ ՀՀԿ-ում Սերժ Սարգսյանը Տեր է, այնտեղ մտածողների աննախադեպ քչություն է զգացվում։ Տերը մարդ է, որն ունի ողորմած լինելու իշխանություն։ Բայց Սահմանադրության մեջ մեր հանդեպ Սերժ Սարգսյանի ողորմածության իրավունքի մասին ոչինչ գրված չէ։ Ինչպե՞ս կարող է պետությունը ունենալ խորհրդարան, ՍԴ, դատարաններ և Տեր։ Տերը բոլոր ինստիտուտներից անդին է։ Տերը ունենում է թշնամիներ և ոչ թե ընդդիմություն։ Թե՞ պարոն Սահակյանն ուզում է ասել, որ մենք այլևս ընդդիմություն չունենք, և Սերժ Սարգսյանի դեմ խոսող մարդիկ Հայաստանի թշնամին են։

20 մարտ, 2018 15:58

Հերոսը և դահիճը

Ժիրայր Սեֆիլյանը դատապարտվեց տասը տարի հինգ ամսվա ազատազրկման։ Ոչինչ չանելու համար։ Կարծեմ ինչ-որ մեկն իր ունեցած զենքը կապել է այս մարդու անվան հետ։ Տասը տարի հինգ ամիս։ Հանրապետականներից ոչ մեկի բարեկամը չէ Սեֆիլյանը, արածն էլ ի՞նչ է՝ կռվել է Ղարաբաղում, հողեր է ազատագրել և նպաստել է Արցախի անվտանգության ամրապնդմանը։ Հիմա ո՞վ է հիշում նրա սխրանքները։ Նույնիսկ ահաբեկչության մեղադրանք չկա այս մարդու վրա, որ գոնե ժամկետի կեսի հետ հաշտվես։

12 մարտ, 2018 17:13

Հ1-ի «ղժժոցը» կանանց վրա

«Լավ երեկոյի» «ազատ լրագրողը» չի պեղել ընկածներին, նրան մատուցել են և նա սկսում է ղժժալ։ Իր հերոսուհիներն իհարկե ունեն խոսքի իրավունք և ունեն ամեն դեպքում։ Լրագրողը վիրավորական ոչինչ չի ասում, լրագողը թույլ է տալիս, որ այդ կանայք վիրավորեն իրենք իրենց։ Նրանք արդեն իսկ իրենց հանդեպ գործել են բոլոր հնարավոր անարդարությունները, նրանք արդեն իսկ պատժվում են արածների համար։ Երբ «Լավ երեկոյի» լրագրողը նրանց դարձնում է ծիծաղի թեմա, ղժժալը դարձնում է պատժի մաս։ Այսինքն, փաստում է, որ դատավճիռը գոնե չի արգելում ի տես բոլորի ցույց տալ այդ կանանց ծիծաղելի կողմերը, որոնք այսպես թե այնպես նրանց հասցրել են բանտ կամ ձեռք են բերել բանտում։

25 փետրվար, 2018 12:44

Վրիպած եպիսկոպոսը

Շիրակի թեմի առաջնորդը փորձել է արգելել հոգեհանգստի արարողության համար զոհված զինվորի դին տեղափոխել եկեղեցի: Պաշտոնական պատճառաբանությունն է՝ մկրտված չէ: Հետո, իհարկե, պարզել են, որ մկրտված է: Չնայած դրան, թեմի առաջնորդը, ըստ Գալա TV-ի, պնդել է իր մերժումը:

21 փետրվար, 2018 09:34

Սատանայից կրեատիվները

Աստվածիկը հիմա Գողգոթայի բարձունքներից էլ վեր մի տեղ հաստատ եղունգներն է կրծում, որովհետև Նավասարդ արքեպիսկոպոս Կճոյանն ապրել գիտի, իսկ Իրեն, ահա, խաչեցին: Էսպես էլ բա՞ն կլինի:

17 հունվար, 2018 16:58

Քաղաքականությունը նոր նախագահի խելքի բանը չէ

Յուրաքանչյուրը քաղաքականության մասնիկ է, առանց նրա քաղաքականություն չի լինում: Քաղաքականությամբ չի զբաղվում մողեսը, երբ ինչ-որ մեկի տան դեկորատիվ կենդանի է, բայց անապատում նա քաղաքականության մասնիկ է: Նրանով ինչ-որ համակարգ է գործում, ինչ-որ վերադասավորումներ են լինում: Որսն առանց քաղաքականության չի արվում, առանց քաղաքականության մողեսն իր աչքը չի բացի ավազների տակ: Այնպես որ մարդամեկը վրիպել է: Եվ ուղղակի վատ է, որ վրիպել է մտավոր գործունեությամբ զբաղվող մարդկանց մոտ: Որովհետև դա և ուղերձ է, որ այսուհետև էլ մի զբաղվեք քաղաքականությամբ և գլուխ շոյել է, որ լավ եք անում: Նաև հասկացնել է, որ դա ձեր խելքի բանը չէ: Հենց այստեղ ենք հասնում էդ մտքից՝ նախագահ պետք է լինի մի մարդ, որի խելքի բանը չէ քաղաքականությունը: Նման մի բան նախկին վարչապետ Հովիկ Աբրահամյանն էր ասել: Նման մի բան ասել էր խորհրդարանի նախկին նախագահ Գալուստ Սահակյանը՝ ԱԺ ամբիոնը մի քաղաքականացրեք: