Մանուէլ Քէշիշեան

news.author.news_title

18 core.base.month.02, 2018 20:14

Հալէպ – Իրողութիւններ

Տակաւին հայկական թաղ կը կոչենք Նոր Գիւղն ու Սուլէյմանիէն, սակայն ո՛ր ժամուն ալ քալենք այս փողոցներէն, պիտի տեսնենք որ այլազգիներու գոյութիւնը կը գերակշռէ մերը՝ խումբերով քալող երիտասարդներուն եւ կիներուն, առաւել եւս փոքր տարիքի տղոց մեծ մասը հայեր չեն: Փողոցը քալողները կրնան ուրի՞շ թաղերէ եկած ըլլալ, շատ լաւ. սակայն ճիշդ չէ՞ որ մենք մեր խանութները կը ծախենք, ովքե՞ր են գնողները, նոյնիսկ եթէ նկատի չունենանք տագնապի անցնող վեց տարիները, թուացեալ խաղաղութեան տիրումէն ետք, այսինքն վերջին մէկ տարին ոեւէ հայ որեւէ խանութ գնե՞ց. որեւէ տո՞ւն: Մեր շէնքերը որոնց բացարձակ մեծամասնութեան բնակիչները հայեր էին, այսօր ի՞նչ պատկեր կը ներկայացնեն. գրեթէ բոլոր շէնքերուն մէջ հիմա կան այլակրօն կամ այլազգի բնակիչներ՝ տանտէրեր կամ վարձուորներ:

29 core.base.month.01, 2018 08:54

Հալէպ՝ Դրախտ-Դժոխք

Եթէ Հալէպի ներկայ կեանքը դժոխքանման է, ապա կան բազմաթիւ փոքրիկ, աննշան թուացող երեւոյթներ որոնք քեզ այս դժոխքէն դրախտ կը փոխադրեն: Խօսքը ապագայի հանդէպ յոյս եւ հաւատք ներշնչող՝ գաղութի պահպանման առհաւատչեան հանդիսացող հայկական դպրոցի մը եօթանասուն ամեակի տօնակատարութեան կամ նոյնքան հին դպրոցի մը քանդուած շէնքին վերաբացման մասին չէ, ո՛չ ալ մարդը մարդ դարձնող, սուրբ կոչուելու արժանի, զաւակ կորսնցուցած մօր կամ այրի կնոջ աղօթքի մասին է, երբ անոնք Աստուծմէ կը խնդրեն, կը պահանջեն որ այլոց զաւակներուն ու ամուսիններուն կեանքերը չխլէ, զանոնք իրենց պէս դժբախտ չդարձնէ...

20 core.base.month.01, 2018 12:30

Հրանդ Տինքը, Հալէպահայերը եւ Միւս Հայերը

Սպաննուած պահուն կօշիկը, թէ՞ գուլպան ծակ եղող այս մարդուն մասին ստանալիք պատասխաններս Հալէպահայերու գիտցածէն շաս աւելին պիտի չըլլան. քիչեր պիտի ըսեն, որ ան «Ակօս» թերթին խմբագիր էր, ոմանք պիտի նշեն որ իր հիմնադրած թերթը հայերէն եւ թրքերէն էր (է)՝: Դարձեալ պիտի չզարմանամ, չէ՞ որ մենք բոլորս թէեւ ամենագէտ ենք. բայց մեր գիտցածը չգիտցածին չբաւեր ի՛նչ ընենք, ի՛նչ ընենք որ նոյնիսկ Իսրայէլ Օրիի անունը չենք լսած, ի՛նչ ընենք որ վաղը Սուրբ Յակոբն ու Յակոբ Մեղապարտը իրար հետ պիտի շփոթենք...

14 core.base.month.01, 2018 10:25

Հալէպ – անպաճոյճ իրականութիւն

1-Խաղաղութեան հետ գաղութին մէջ կարօտեալներուն թիւը պիտի նուազի, ասոր կողքին ոմանք հարստանալով պիտի օգնեն իրենց հայրենակիցներուն. չէ՞ որ հալէպահայը միշտ առատաձեռն եւ բարեգործ եղած է, այսօր իսկ Հալէպի մէջ, թէեւ քիչ, սակայն կան բարեսէր հայեր, որոնք վերջին վեց տարիներուն չեն դադրած իրենց հաայրենակիցներուն օգնելէ, աւելորդ չէ ըսել նաեւ որ կան հայեր, դարձեալ քիչ, որոնք տագնապի ամենադժնդակ պահերուն իսկ մերժած են նպաստ ստանալ՝ միշտ նկատի ունենալով որ կան իրենցմէ աւելի կարիքաւորները: 2-Համահայկական շարունակուող օգնութիւնները պիտի աւելնան ու նպաստեն անհատներու տուներու եւ գործատեղիներու վերանորոգման: Այս պարագան չեմ կարծեր որ իրականութիւն դառնայ. դուրսի հայերը ի վիճակի պիտի չըլլան աւելցնելու իրենց օգնութիւնները, անոնց համար միայն Հալէպը չէ օգնութեան կարիք ունեցողը:

10 core.base.month.01, 2018 15:07

Մեր փրկութիւնը մեր դաշտերն են, մեր արտերը

Մեղրի ենք, Իրանի սահմանին մօտիկ՝ հայկական շատ հետաքրքրական այս աւանը կ'այցելենք, որպէսզի արքայանարինջի (հոս յաճախ «կարալյոկ» կ'ըսեն, իսկ մենք Այնճար «մանկա» կ'ըսէինք այս մրգատեսակին) տնկիներ գնենք ու տանինք ազատագրուած Միջնաւան գիւղը։ Հինգ հեկտարի վրայ արքայանարինջի այգի պիտի հիմնենք տեղի գիւղացիներուն հետ։ Հինգ հեկտարի վրայ ալ փորձարկուծներ պիտի ընենք, նոր մրգատեսակներ և բոյսեր ցանելով։ Մեղրին և Միջնաւանը գրեթէ նոյնանման կլիմայական պայմաններ ունին, երկուքն ալ Արաքսի ափին են, համեմատաբար տաք շրջաններ են, ծովի ափէն 500 մեթրէն ալ ցած... Տնկի վաճառող գիւղատնտեսը իր փոքր այգիին մէջ ոչ միայն արքայանարինջ, այլ նաև քիվի, թուզ, նուռ և նոյնիսկ ձիթապտուղ ու նոր աշխարհ կ'աճեցնէ... Նկարները, որ տեղադրած եմ այստեղ, ցոյց կու տան քիվիի, նոր աշխարհի և ձիթապտուղի ծառերը։ Այս միրգերը, նոյնիսկ նուռն ու արքայանարինջը, մեծ քանակութեամբ կը ներմուծուին տարբեր երկիրներէ, ներառեալ՝ Թուրքիայէն։

5 core.base.month.01, 2018 09:00

Հալէպ․ Հայկական Ամանոր - 2

Տունէն դուրս չեմ եկած, սակայն մտովին պիտի շարունակեմ երէկուան հետիոտն պտոյտս եւ ինքզինքս պիտի գտնեմ Սուլէյմանիէ-ի ճիշդ կեդրոնը, պիտի դիտեմ գացող-եկողները եւ պիտի նշմարեմ եմ, որ անոնցմէ շատ-շատերը էշարփով կանայք են: Հիմա տակաւին այս թաղի բնակչութեան մեծամասնութիւնը հայեր կամ այլ քրիստոնեաներ են, սակայն հոս գաղթական իսլամ արաբներ շատ-շատ կան, կան նաեւ մշտական «զբօսաշրջիկներ» Հալէպի բոլոր շրջաններէն, չմոռնանք որ բոլոր պտղավաճառները, մսավաճառները, բազմաթիւ այլ խանութպանները, սեղանիկներու կամ զանազան ապրանքներ վաճառողները, շրջուն վաճառորդները՝ բոլորն ալ այս թաղեցիներ չեն:

2 core.base.month.01, 2018 13:05

Հալէպ․ Հայկական Ամանոր

Հանրակառքէն պիտի իջնեմ Ս. Գէորգ եկեղեցւոյ մօտ: Քէմբի Ս.Խաչ եկեղեցւոյ փոխարէն 1937-ին կառուցուած, երբեմնի այս շէն եկեղեցին, Հալէպ քաղաքի խաղաղութիւն վերագտնելէն մէկ տարի ետք, տակաւին լքուած վիճակ մը ունի, անոր կից Մեսրոպեան վարժարանը փակուած էր տագնապի տարիներէն առաջ, որովհետեւ արդէն անչափ նուազած էր աշակերտներուն թիւը, երբեմնի հայաշատ այս թաղամասը ամբողջութեամբ լքուած էր մեր հայրենակիցներուն կողմէ, մարաշցիներու (եւ զէյթունցիներու) կառուցած այս եկեղեցին աշխոյժ կը մնար, խունկ կը ծխէր եւ մոմ կը վառէր որովհետեւ այլ թաղամասերէ հոս աղօթելու գային, քանի որ Հալէպի միակ Էջմիածնական եկեղեցին էր: Փա՛ռք Աստուծոյ հիմա մեղմացած են Էջմիածնական-Անթիլիասական փոխ-յարաբերութիւնները եւ մառած են կիրքերը:

30 core.base.month.10, 2017 09:11

Հալէպ․ հայկական մշակոյթ ռումբերու ձայնին տակ

«Հալէպ եւս մասնակցեցաւ Հայ Գրերու Գիւտին 1500 ամեակի հանդէսներուն եւ կարելի է ըսել թէ Հալէպի հանդէսը գերազանցեց Պոլսոյ թաղերուն մէջ այս առթիւ սարքուած բոլոր հանդէսները: Ես իբր անցորդ մարդ, հիացումով դիտեցի որ Հալէպի հայը հակառակ կեդրոնէն այնքան հեռու մնալուն, կապուած մնացեր է իր եկեղեցական եւ ազգային աւանդութեանց»: Այս տողերը քաղուած են Պոլսոյ «Բիւզանդիոն»ի 2 Դեկտեմբեր 1913 թուականի համարին մէջ Անցորդ ստորագրուգեամբ լոյս տեսած «Դէպի սուրիական երկիրներ» յօդուածէն: Դեռ 14-րդ դարուն Դպրատուն ունեցող Հալէպը՝ հայկական Հալէպը մշակութային քաղաք է:

22 core.base.month.10, 2017 14:20

Զիս շունդ կը դարձնե՞ս

Արաբ մեծահարուստներ շատ կան, որոնք օգնութեան ձեռք կը մեկնեն իրենց բարեսիրական կազմակերպութիւններուն, հայերուն մէջ մեծահարուստներ չմնացին: -Արաբները ոսկի ունին, հինէն ի վեր ոսկի կը պահեն: Անոնց համար տարբերութիւն չ'ըներ՝ սուրիական դրամին արժեզրկուիլը կամ չարժեզրկուիլը: