2 ապրիլ, 2020 22:17 Ինֆեկցիոն հիվանդանոցում գրանցվել է մեկ օրվա մեջ մահվան երրորդ դեպքը «Նորք» ինֆեկցիոն կլինիկական հիվանդանոցում արձանագրվել է մահվան դեպք։ 78ամյա պացիենտն ունեցել է կորոնավիրուսային հիվանդություն, հաստատված երկկողմանի պոլիսեգմենտար թոքաբորբ, վերջինիս մոտ զարգացել է արյան մակարդելիության խանգարումներ, որն իր հերթին դժվարացրել է բուժման ընթացքը։
Բացի այդ, կինն ունեցել է ուղեկցող խրոնիկ հիվանդություններ, այդ թվում՝ շաքարային դիաբետ, զարկերակային հիպերտոնիա։ Վերջինս Հայաստանի Հանրապետության քաղաքացի չէ։
Ապրիլի 2ին Ինֆեկցիոնում գրանցվել է մահվան 3 դեպք։ Կորոնավիրուսից մահերի ընդհանուր թիվը 6 է։ 2 ապրիլ, 2020 21:41 ԵՄ-ն Հայաստանին 51 մլն եվրո կտրամադրի կորոնավիրուսի դեմ պայքարում Օգնությունը ներառում է 18 մլն եվրո նոր ֆոնդեր և ընթացիկ ֆոնդերից 33 մլն եվրո վերաբաշխում՝ բժշկական սարքավորումների մատակարարման, բժշկական և լաբորատորիաների անձնակազմի համար դասընթացների կազմակերպման, ՓՄՁ-ներին և բիզնես հանրությանը ցուցաբերվող աջակցության, ինչպես նաև կորոնավիրուսային վարակի բռնկման հետևանքով տուժած անձանց սոցիալական և հումանիտար օգնության տրամադրման նպատակով:

2 ապրիլ, 2020 15:16 Ինֆեկցիոն հիվանդանոցում մահվան դեպք է գրանցվել «Նորք» ինֆեկցիոն կլինիկական հիվանդանոցում արձանագրվել է մահվան դեպք հայտնում է առողջապահության նախարարի մամուլի խոսնակ Ալինա Նիկողոսյանը։
«68ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, քաղաքացին ունեցել է ուղեկցող խրոնիկ հիվանդություններ, այդ թվում՝ սրտի իշեմիկ հիվանդություն, թոքերի քրոնիկ օբստրուկտիվ հիվանդություն», գրել է Նիկողոսյանը։

  2 ապրիլ, 2020 14:08 «Վարդաշեն» ՔԿՀ-ի հինգ աշխատակցի մոտ կորոնավիրուս է ախտորոշվել ՀՀ արդարադատության նախարարության «Վարդաշեն» քրեակատարողական հիմնարկում կորոնավիրուսի թեստավորման համար նմուշառում է իրականացվել, ինչի արդյունքում «Վարդաշեն» ՔԿՀ-ի Պահպանության բաժնի աշխատակիցներից մեկի մոտ ախտորոշվել է COVID-19։ 2 ապրիլ, 2020 11:08 Հայաստանում կորոնավիրուսի հաստատված դեպքերի թիվը՝ 663 Ապրիլի 2ին ժամը 11։00ի դրությամբ Հայաստանում հաստատվել է կորոնավիրուսի 663 դեպք․ հաղորդում է Հիվանդությունների վերահսկման և կանխարգելման ազգային կենտրոնը։
Հաստատված դեպքերի ընդհանուր քանակը 663Բուժվածներ 33Փաստացի բուժվողներ 626Բացասական թեստեր 2940Մահվան ելքեր 4 2 ապրիլ, 2020 10:36 Վարչապետը հարգանքի տուրք է մատուցել ապրիլյան քառօրյա պատերազմի հերոսների հիշատակին Վարչապետ Նիկոլ Փաշինյանը Պաշտպանության նախարար Դավիթ Տոնոյանի ուղեկցությամբ այցելել է «Եռաբլուր» զինվորական պանթեոն, հարգանքի տուրք մատուցել 2016թ Ապրիլյան քառօրյա պատերազմի և Արցախյան ազատամարտում իրենց կյանքը զոհաբերած հերոսների հիշատակին
Վարչապետը ծաղիկներ է խոնարհել ապրիլյան պատերազմի զոհերի, զորավար Անդրանիկ Օզանյանի և սպարապետ Վազգեն Սարգսյանի շիրիմներին Նիկոլ Փաշինյանը ծաղկեպսակ է դրել զոհված ազատամարտիկների հիշատակը հավերժացնող հուշահամալիրին 1 ապրիլ, 2020 20:08 «Նորք» ինֆեկցիոն կլինիկական հիվանդանոցում արձանագրվել է մահվան դեպք «Նորք» ինֆեկցիոն կլինիկական հիվանդանոցում արձանագրվել է մահվան դեպք․ այս մասին հայտնում է առողջապահության նախարարի մամուլի խոսնակ Ալինա Նիկողոսյանը։

«89-ամյա պացիենտն ունեցել է կորոնավիրուսային հիվանդություն, հաստատված երկկողմանի ինֆիլտրատիվ թոքաբորբ։ Բացի այդ, քաղաքացին ունեցել է ուղեկցող խրոնիկ հիվանդություններ, այդ թվում՝զարկերակային հիպերտոնիա, շաքարային դիաբետ։ Ցավոք, վերջինիս տարիքի և ուղեկցող հիվանդությունների պատճառով հնարավոր չի եղել փրկել նրա կյանքը»,- գրել է խոսնակը։ 1 ապրիլ, 2020 15:17 Վրաստանի կառավարությունը կհատուցի բնակչության մի մասի կոմունալ ծախսերը Վրաստանի կառավարության որոշմամբ՝ ամսական մինչև 200 կՎտ էլեկտրաէներգիա, ինչպես նաև 200 խմ-ից պակաս բնական գազ սպառող բնակիչների մարտ, ապրիլ և մայիս ամիսների կոմունալ վճարներն ամբողջությամբ ֆինանսավորել․ ինչպես հաղորդում է Aliqge կայքը, այս մասին կորոնավիրուսի հարցով միջգերատեսչական խորհրդի նիստին ասել է Վրաստանի վարչապետ Գիորգի Գախարիան
Կառավարության ղեկավարի խոսքով՝ ֆինանսավորումը ներառում է նաև աղբի և ջրի կոմունալ վճարումները
«Այս օգնությունն ուղղակիորեն ուղղված է յուրաքանչյուր քաղաքացուն, թեև մենք հասկանում ենք, որ սա բավական չէ Մենք պետք է գտնենք բոլոր քաղաքացիներին որոնք կորցրել են իրենց աշխատանքն այս ամենի հետևանքով, որից հետո մենք կունենանք հստակ պայմանավորվածություններ նրանց անմիջական օգնության համար», ասել է Վրաստանի վարչապետը 1 ապրիլ, 2020 11:45 Նախագահի որևէ թեկնածու չի հավաքել ձայների 50 տոկոսը, լինելու է 2-րդ փուլ․ Իոաննիսյան «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը գրառում է արել Ֆեյսբուքում՝ նշելով, որ Արցախում ամենայն հավանականությամբ լինելու է երկրորդ փուլ։ ՀԿն դիտորդություն է իրականացնում արցախյան ընտրություններում։
«Արցախի բոլոր 8 տարածքային ընտրական հանձնաժողովների մեր դիտորդներից ստացված աղյուսակավորումներն ու մեր հաշվարկները գալիս են վկայելու, որ նախագահի որևէ թեկնածու չի հավաքել ձայների 50 տոկոսը և ապրիլի 14ին լինելու է երկրորդ փուլ չեմ խոսում դրա էպիդեմիոլոգիկ հետևանքներից։
Հարկ է նկատել, որ այս թվերը կարող են փոփոխվել վերահաշվարկի ժամանակ, իսկ թեկնածուներից Հարությունյան Արայիկին, մեր հաշվարկով, չնչին քանակությամբ ձայներ են պակասել 50 տոկոս հավաքելու համար։
Տարածքային հանձնաժողովներում դիտորդները մնացել են միջև վերջին տեղամասի արձանագրության ժամանումը, իսկ ես ժամը 5ն անց եմ ԿԸՀից դուրս եկել։ Կարող եմ հավաստել, որ պաշտոնական տվյալների ուշացումը օբյեկտիվ է», գրել է Իոաննիսյանը։ 31 մարտ, 2020 23:53 Բոլորիս խնդիրն է այնպես անել, որ այդ տեմպը գնալով դանդաղի․ Արսեն Թորոսյան Կից նկարներում մեր և տարբեր երկրների կորերն են, որոնք ցույց են տալիս կորոնավիրուսով վարակի դեպքերի կրկնապատկման արագությունը: Երկրները այս ընթացքում տարբեր արագություններ են ունեցել 2-ից մինչև 10 օր: Մենք այս պահին գտնվում ենք 7-օրյա տեմպի տակ: Այսինքն մեր դեպքերը կրկնապատկվում են յուրաքանչյուր 7 օրը մեկ անգամ: Այդպիսի տեմպ որպես օրինակ ունի նաև Ճապոնիան:

31 մարտ, 2020 23:18 Պարետատունը հաստատեց՝ Մարզահամերգայինի նախասրահը վերածվել է «մեծ հիվանդասենյակի» Կարեն Դեմիրճյանի անվան Մարզահամերգային համալիրի նախասրահը վերածվել է «մեծ հիվանդասենյակի»․ տեղեկատվությունը ՍիվիլՆեթի հետ զրույցում հաստատեց պարետատան մամուլի հարցերի պատասխանատու Մանե Գևորգյանը
Նրա խոսքով՝ պարետատունը կորոնավիրուսի համաճարակի տարածման դեմ պաքարի շրջանակում տարբեր սցենարներ է քննարկում, և ըստ այդմ՝ Մարզահամերգային համալիրում, և ոչ միայն այնտեղ, նախապատրաստական աշխատանքներ են տարվում
«Նպատակն է, որ անհրաժեշտության պարագայում պատրաստ լինեն ընդունելու մեր համաքաղաքացիներին», ասաց նա՝ նկատելով, որ հնարավոր է՝ դրա կարիքը չլինի
Տարածվող լուսանկարներում Մարզահամերգային համալիրի նախասրահում տեղադրված են հարյուրավոր մահճակալներ
Հայաստանում մարտի 31ին՝ ժամը 1100ի դրությամբ նոր կորոնավիրուսով վարակվելու 50 նոր դեպք է գրանցվել Ընդհանուր առմամբ հանրապետությունում հաստատվել է կորոնավիրուսի 532 դեպք
Վարչապետ Նիկոլ Փաշինյանը մարտի 31ին հայտարարեց, որ կառավարությունը ստիպված է առնվազն 10 օրով երկարացնել խստացված սահմանափակումները։ Նրա խոսքով՝ իրավիճակը բավականին լուրջ է 31 մարտ, 2020 17:46 Արցախում ընտրողների կողմից քվեաթերթիկները լուսանկարելու դեպքեր են գրանցվում Մարտի 31-ին Արցախում ընթացող համապետական ընտրությունների ընթացքում ընտրախախտումներ են գրանցվում, որոնց մասին վկայում են ինչպես համացանցում հայտնված տեսանյութերը, այնպես էլ դիտորդներն ու թեկնածուները։

ՍիվիլՆեթի տեղեկություններով մի շարք ընտրատեղամասերում ընտրողները քվեարկելուց հետո լուսանկարում են իրենց քվեաթերթիկները՝ թերևս որպես փաստ և ապացույց հետագայում ներկայացնելու նպատակով։