1 հոկտեմբեր, 2019 09:33 Մի անհանգստացեք, որ մենք որևէ մեկի հետ բարեկամություն կանենք՝ ընդդեմ Հայաստանի․ Լուկաշենկո Այդպես է ստացվել, որ Դուք իմ շատ լավ ընկերն եք, և Ադրբեջանի նախագահը դեռ վաղ ժամանակներից լավ ընկեր է: Եվ ի՞նչ կարող եմ ես անել՝ ես շատ լավ եմ վերաբերվում և՛ Հայաստանին, և՛ Ադրբեջանին, և՛ Ադրբեջանի ղեկավարությանը դեռ այն ժամանակներից, երբ դեռ Հեյդար Ալիևն էր այնտեղ նախագահ, մենք նրա հետ ենք սկսել աշխատել: Ձեզ հետ նույնպես լավ հարաբերություններ ունենք: Դուք մի անհանգստացեք, որ մենք որևէ մեկի հետ բարեկամություն կանենք՝ ընդդեմ Հայաստանի: Բացարձակապես ոչ: Եկեք Բելառուս, ցույց տվեք՝ ինչ է ձեզ պետք, մենք պատրաստ ենք աշխատել՝ ի շահ Հայաստանի: Հավատացեք, դրանք այդպիսի հարաբերություններ են:
30 սեպտեմբեր, 2019 17:25 Քոչարյանը Իզմիրլյան կենտրոնում հետազոտվելուց հետո կրկին տեղափոխվել է քրեակատարողական հիմնարկ. ՀԺ Մարտի 1ի գործով ամբաստանյալ Ռոբերտ Քոչարյանը Իզմիրլյան բժշկական կենտրոնում հետազոտվելուց հետո կրկին տեղափոխվել է քրեակատարողական հիմնարկ։ Այս մասին «Հայկական ժամանակ»ի հետ զրույցում ասել է Քրեակատարողական վարչության հանրային կապերի բաժնի պետ Նոնա Նավիկյանը։
Ավելի վաղ հայտնի էր դարձել, որ Քոչարյանին այսօր առավոտյան տեղափոխել էին Իզմիրլյան բժշկական կենտրոն՝ հետազոտման։
30 սեպտեմբեր, 2019 17:16 Արցախի ընդդիմադիր պատգամավորը առաջարկում է ԱԺ խոսնակին նշանակել «կոռեկտոր-մոնտաժող» Արցախի ընդդիմադիր «Ազգային Վերածնունդ» կուսակցությունը դիմել է գործընկեր խորհրդարանական խմբակցությունների ղեկավարներին՝ խնդրելով նրանց միջնորդությունը Ազգային ժողովի նախագահ Աշոտ Ղուլյանին նշանակելու ԱԺ «կոռեկտոր-մոնտաժող»։ 30 սեպտեմբեր, 2019 12:31 Ռոբերտ Քոչարյանին տեղափոխել են Իզմիրլյան բժշկական կենտրոն. Iravaban.net Երկրորդ նախագահ Ռոբերտ Քոչարյանը տեղափոխվել է Իզմիրյան բժշկական կենտրոն․ այս մասին հայտնում է Iravabannetը՝ հղում անելով Քրեակատարողական ծառայության հանրային կապերի բաժնի պետ Նոնա Նավիկյանին։
Կայքի հետ զրույցում Նավիկյանը հրաժարվել է նշել պատճառը։
 
30 սեպտեմբեր, 2019 10:51 Գագիկ Խաչատրյանը կմնա կալանքի տակ. Վերաքննիչը մերժեց պաշտպանների բողոքը Վերաքննիչ դատարանը հրապարակել է Ֆինանսների նախկին նախարար, ՊԵԿ նախկին նախագահ Գագիկ Խաչատրյանի պաշտպանների ներկայացրած՝ խափանման միջոց կալանքը փոխելու միջնորդության վերաբերյալ որոշումը։ 
Պաշտպան Երեմ Սարգսյանը դուրս գալով դատարանից՝ լրագրողներին տեղեկացրեց, որ Գագիկ Խաչատրյանը կմնա կալանքի տակ․ դատարանը մերժել է պաշտպանների միջնորդությունը՝ խափանման միջոց կալանքը փոխելու վերաբերյալ։
Գագիկ Խաչատրյանը կալանավորվել էր օգոստոսի վերջին։ Խաչատրյանին կալանավորելու միջնորդություն էր ներկայացրել Ազգային անվտանգության ծառայությունը, որն էլ նրան ձերբակալել էր օգոստոսի 27ին։ Խաչատրյանը մեղադրվում է պաշտոնեական դիրքի չարաշահման և առանձնապես խոշոր չափերի վատնում կատարելու համար։ 
28 սեպտեմբեր, 2019 16:45 Սեպտեմբերի 29-ին և հոկտեմբերի 1-ին մի շարք փողոցներ փակ կլինեն Ճանապարհային ոստիկանությունը տեղեկացնում է, որ սեպտեմբերի 29-ին և հոկտեմբերի 1-ին մի շարք փողոցներ փակ կլինեն։ Փողոցներում երթևեկության սահմանափակումը կապված է Սինգապուրի Հանրապետության վարչապետի՝ Հայաստանի Հանրապետություն պաշտոնական այցի, ինչպես նաև ԵԱՏՄ բարձրագույն տնտեսական խորհրդի նիստի հանգամանքներով։ 27 սեպտեմբեր, 2019 14:35 Պաշտոնական այցով Հայաստան կժամանի Սինգապուրի վարչապետը Սեպտեմբերի 28ին վարչապետ Նիկոլ Փաշինյանի հրավերով պաշտոնական այցով Հայաստան կժամանի Սինգապուրի վարչապետ Լի Սյեն Լունի գլխավորած կառավարական պատվիրակությունը
Այցի շրջանակում տեղի կունենա երկու երկրների վարչապետերի հանդիպումը, որից հետո նրանք ԶԼՄ ներկայացուցիչների համար հանդես կգան բանակցությունների արդյունքներն ամփոփող հայտարարություններով
Նախատեսվում են նաև Սինգապուրի վարչապետի հանդիպումները ՀՀ նախագահ Արմեն Սարգսյանի, ՆՍՕՏՏ Գարեգին Բ Ամենայն Հայոց Կաթողիկոսի, Ազգային ժողովի նախագահ Արարատ Միրզոյանի հետ
Սինգապուրի վարչապետ Լի Սյեն Լունը կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին
Սինգապուրի վարչապետը հոկտեմբերի 1ին Երևանում կմասնակցի նաև Եվրասիական բարձրագույն խորհրդի ընդլայնված կազմով նիստին, որի ընթացքում նախատեսվում է ԵԱՏՄի և Սինգապուրի միջև Ազատ առևտրի գոտու ստեղծման համաձայնագրի ստորագրման արարողությունը
Այս տարվա հոլիսին տեղի է ունեցել վարչապետ Նիկոլ Փաշինյանի պաշտոնական այցը Սինգապուր։
 
Լուսանկարում՝ Նիկոլ Փաշինյանը Սինգ
26 սեպտեմբեր, 2019 16:11 Ծաղկաձորի «Գոլդեն Փելիս» հյուրանոցը որպես նվիրատվություն փոխանցվում է պետությանը Որոշմամբ՝ Տարածքային կառավարման և ենթակառուցվածքների նախարարություն պետական գույքի կառավարման կոմիտեի նախագահին հանձնարարվում է սույն որոշման 1-ին կետում նշված գույքն ընկերության գույքի կազմից առանձնացվելուց հետո մեկամսյա ժամկետում ընկերության հետ կնքել նվիրատվության պայմանագիր՝ դրանում սահմանելով, որ ընկերությունը պարտավորվում է իր միջոցների հաշվին վճարել սույն որոշումից բխող պայմանագրի նոտարական վավերացման և գույքային իրավունքների պետական գրանցման համար սահմանված գումարներն ու տուրքերը:

26 սեպտեմբեր, 2019 14:14 Մահացել է Ժակ Շիրակը 86 տարեկան հասակում մահացել է Ֆրանսիայի նախկին նախագահ Ժակ Շիրակը, հաղորդում է Ֆրանսպրեսը՝ վկայակոչելով Շիրակի ընտանիքի անդամներին։
26 սեպտեմբեր, 2019 12:47 Փրկարարների միջին ամսական աշխատավարձը կբարձրանա Կառավարության սեպտեմբերի 26-ի նիստում որոշում կայացվեց բարձրացնել փրկարարական ծառայողների միջին աշխատավարձը․ այն նախկին 85 000 դրամից կդառնա միջինը 130 000 դրամ։ 26 սեպտեմբեր, 2019 09:20 Նիկոլ Փաշինյանը և Աննա Հակոբյանը մասնակցել են Դոնալդ Թրամփի կողմից տրված ընդունելությանը Վարչապետ Նիկոլ Փաշինյանը և տիկին Աննա Հակոբյանը Նյու Յորքում մասնակցել են ԱՄՆ նախագահ Դոնալդ Թրամփի կողմից ի պատիվ ՄԱԿի Գլխավոր ասամբլեայի 74րդ նստաշրջանին մասնակցող երկրների պատվիրակությունների ղեկավարների տրված ընդունելությանը
Նիկոլ Փաշինյանը ՄԱԿի Գլխավոր վեհաժողովի 74րդ նստաշրջանին հանդես է եկել ելույթով։
25 սեպտեմբեր, 2019 20:45 Մարտի 1-ի գործով մեղադրանք է առաջադրվել նախկին ոստիկանապետ Ալիկ Սարգսյանին Մարտի 1-ի գործով մեղադրանք է առաջադրվել Հայաստանի նախկին ոստիկանապետ Ալիկ Սարգսյանին։ Սարգսյանը, ինչպես նաև այն ժամանակվա արդարադատության նախարարի տեղակալ Գևորգ Կոստանյանն ու փոխոստիկանապետ Գևորգ Մհերյանը, ըստ ՀՔԾ-ի, առանձնապես ծանր հանցագործությունը պարտակել են՝ իրենց հանձնարարություններով ու ցուցումներով պաշտոնատար անձանց դրդելով պաշտոնեական լիազորությունները չարաշահելուն, պաշտոնեական կեղծիքների կատարման և ապացույցները կեղծելուն: