8 սեպտեմբեր, 2020 18:02 ԵՄ-ն և ԱՀԿ-ն Հայաստանին կտրամադրեն 10 000 ՊՇՌ թեստ, 100 թթվածնի խտացուցիչ Եվրոպական միությունը և ԱՀԿ-ն այսօր ՀՀ առողջապահության նախարարությանն են փոխանցել 100 թթվածնի խտացուցիչ, 20 էլեկտրասրտագրության սարք և 10 000 ՊՇՌ թեստ՝ COVID-19-ի ախտորոշման համար: 8 սեպտեմբեր, 2020 17:53 Մհեր Սեդրակյանին մեղադրանք է առաջադրվել՝ պաշտոնեական լիազորությունները չարաշահելու համար Քննչական կոմիտեն հաղորդագրություն է տարածել՝ տեղեկացնելով, որ պաշտոնեական լիազորությունները չարաշահելու համար մեղադրանք է առաջադրվել Էրեբունի համայնքի նախկին ղեկավար Մհեր Սեդրակյանին։ 8 սեպտեմբեր, 2020 16:46 Գուրգեն Մարգարյանի գործով ՄԻԵԴ-ի վճիռը բողոքարկվել է Մեծ Պալատին Մարդու իրավունքների եվրոպական դատարանում (ՄԻԵԴ) հայ սպա Գուրգեն Մարգարյանի իրավահաջորդների շահերի ներկայացուցիչ Սիրանուշ Սահակյանը հայտնել է, որ ՄԻԵԴ-ի մայիսի 26-ի վճիռը բողոքարկվել է ՄԻԵԴ Մեծ պալատին։ 8 սեպտեմբեր, 2020 15:23 Մարտի 1-ի զոհերին նվիրված հուշարձանը կտեղադրվի. Երևանի ավագանին համաձայնությունը տվեց  Երևանի ավագանին համնաձայնություն տվեց 2008-ի մարտի 1-ին Երևանում տեղի ունեցած իրադարձությունների ժամանակ զոհվածների հիշատակին նվիրված հուշարձանի տեղադրմանը։ Որոշումն ընդունվեց 34 կողմ, 2 դեմ և 2 ձեռնպահ ձայներով։

8 սեպտեմբեր, 2020 12:03 Սերգեյ Ներսեսյանը նշանակվեց Երևանի փոխքաղաքապետ Սերգեյ Ներսեսյանը մասնագիտությամբ տնտեսագետ է։ Նախկինում տարբեր ընկերություններում աշխատել է որպես ֆինանսական և հարկային խորհրդատու, գլխավոր ֆինանսիստ։ Աշխատել է նաև ԱԺ աշխատակազմում որպես պատգամավորի խորհրդական։

8 սեպտեմբեր, 2020 10:54 Հաստատվել է կորոնավիրուսի 108 դեպք, մահացել է 3 մարդ Սեպտեմբերի 8-ին՝ ժամը 11։00-ի դրությամբ, Հայաստանում հաստատվել է կորոնավիրուսի 108 դեպք, ապաքինվել է 471 մարդ, բացասական թեստերի քանակը՝ 1 756։ Մահացել է 3 մարդ։ Դրական է կատարված թեստերի մոտ 5,8 տոկոսը։

7 սեպտեմբեր, 2020 16:22 Երևանի ենթակայության մանկապարտեզները կվերաբացվեն սեպտեմբերի 15-ից Սեպտեմբերի 15-ից կբացվեն Երևանի ենթակայության մանկապարտեզների դռները, տեղեկացնում է քաղաքապետարանի խոսնակ Հակոբ Կարապետյանը։ 7 սեպտեմբեր, 2020 15:52 Բեռնատար էլեկտրամոբիլները ԱԱՀ-ից կազատվեն Կառավարությունը մշակել է օրենքի նախագիծ, որով առաջարկում է մինչև 5 տոննա քաշ ունեցող բեռնատար էլեկտրամոբիլների ներմուծումն ազատել ավելացված արժեքի հարկից։ Նախագիծը տեղադրված է իրավական ակտերի նախագծերի միասնական կայքում։
Ըստ շրջակա միջավայրի նախարարության՝ էլեկտրական շարժիչով բեռնատարների ներմուծման արդյունքում կնվազի օդի աղտոտվածությունը, կխթանվի հանրապետությունում գիշերային ժամերին էլեկտրաէներգիայի սպառումը, քանի որ էլեկտրական շարժիչով մեքենաների լիցքավորումը, որպես կանոն, իրականացվում է գիշերային ժամերին։ 
Անցյալ տարի հարկային օրենսգրքում փոփոխություն կատարելով՝ ԱԱՀից ազատվեցին ներմուծվող էլեկտրամոբիլները, մոտոցիկլներն ու մոպեդները։  
7 սեպտեմբեր, 2020 14:07 Ուկրաինան առաջին անգամ Հայաստանը դասել է «կանաչ» երկրների կատեգորիային Ուկրաինայի առողջապահության նախարարությունն առաջին անգամ Հայաստանը դասել է այսպես կոչված «կանաչ» երկրների կատեգորիային․ այս մասին ասված է Ուկրաինայում ՀՀ դեսպանության տարածած հաղորդագրությունում։ 7 սեպտեմբեր, 2020 11:11 Հաստատվել է կորոնավիրուսի 62 նոր դեպք, 3 մարդ մահացել է Հայաստանում սեպտեմբերի 7-ի դրությամբ հաստատվել է կորոնավիրուսի 62 նոր դեպք, 32 մարդ առողջացել է: Մահացել է 3 մարդ։ Բացասական թեստերի թիվը 976 է: Դրական է կատարված թեստերի մոտ 6 տոկոսը։
4 սեպտեմբեր, 2020 13:44 Մանե Թանդիլյանին ԱԺ-ում փոխարինեց Ստեփան Ստեփանյանը Ստեփան Ստեփանյանը ստանձնեց պատգամավորական մանդատը՝ խորհրդարանում փոխարինելով Ազգային ժողովի Լուսավոր Հայաստան խմբակցության անդամ, այդ կուսակցության կառավարման խորհրդի անդամ Մանե Թանդիլյանին։ 4 սեպտեմբեր, 2020 11:57 ԱԻՆ մի շարք աշխատակիցներ պարգևատրվել են՝ արտակարգ իրավիճակների աշխատողի օրվա առթիվ Սեպտեմբերի 4-ին Հայաստանում նշվում է արտակարգ իրավիճակների աշխատողի օրը։

ԱԻՆ մի շարք աշխատակիցներ պարգևատրվել են․ ասված է ՀՀ նախագահի պաշտնական կայքի տարածած հաղորդագրության մեջ։