30 մայիս, 2019 17:35 Քոչարյանի գործով բողոքները մակագրվել են Վերաքննիչ դատարանի դատավոր Արմեն Դանիելյանին Հայաստանի երկրորդ նախագահ Ռոբերտ Քոչարյանի գործով բողոքները մակագրվել են Վերաքննիչ քրեական դատարանի դատավոր Արմեն Դանիելյանին: Այս մասին տեղեկությունը «Հետքի» հետ զրույցում հաստատել են դատավորի աշխատակազմից:

Խոսքը Քոչարյանի խափանման միջոց կալանավորումն անձնական երաշխավորությամբ փոխելու և նրա գործի վարույթը կասեցնելու և Սահմանադրական դատարան դիմելու առաջին ատյանի դատարանի որոշումների դեմ դատախազության ներկայացրած բողոքների մասին է:
30 մայիս, 2019 16:53 Արցախի ՊՆ-ը հերքում է, որ հայկական կողմի դիպուկահարի կրակոցից ադրբեջանցի զինծառայող է սպանվել Արցախի պաշտպանության նախարարությունը հաղորդագրություն է տարածել՝ հերքելով Ադրբեջանի պաշտպանական գերատեսչության հաղորդագրությունն այն մասին, որ Ակնայի Աղդամ հատվածում հայկական կողմից արձակված դիպուկահար կրակոցից սպանվել է ադրբեջանցի զինծառայող Ագիլ Ակիֆ օղլու Օմարովը։
«Մայիսի 30ին Ադրբեջանի պաշտպանության նախարարության մամլո ծառայության կողմից տարածված տեղեկատվությունն առ այն, թե իբր Ակնայի հատվածում հայկական կողմից արձակված դիպուկահար կրակոցից սպանվել է ադրբեջանցի զինծառայող Ագիլ Ակիֆ օղլու Օմարովը, իրականությանը չի համապատասխանում
Արցախի Հանրապետության պաշտպանության նախարարությունը հայտարարում է, որ շփման գծի ողջ երկայնքով ՊԲ առաջապահ ուժերը շարունակում են խստորեն հետևել հրադադարի պահպանման ռեժիմին և, միաժամանակ, ադրբեջանական կողմին հորդորում ձեռնպահ մնալ սադրիչ ապատեղեկատվություններով իրադրությունն արհեստականորեն սրելու անհեռանկար քայլերից», ասված է հաղորդագրությունում
 
30 մայիս, 2019 14:16 Ալիևն ընդունել է Մինսկի խմբի համանախագահներին Ադրբեջանի նախագահ Իլհամ Ալիևն այսօր ընդունել է ԵԱՀԿ Մինսկի խմբի համանախագահներ Էնդրյու Շոֆերին ԱՄՆ, Իգոր Պոպովին Ռուսաստան, Ստեֆան Վիսկոնտիին Ֆրանսիա, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպշիկին։
Հանդիպմանը, ինչպես հաղորդում են ադրբեջանական լրատվամիջոցները, քննարկվել են ղարաբաղյան կարգավորմանն առնչվող հարցեր։ Այլ մանրամասներ չեն հաղորդվում։
Ադրբեջան այցելելուց առաջ միջնորդները Երևանում էին, որտեղ հանդիպումներ են ունեցել արտգործնախարար Զոհրաբ Մնացականյանի, վարչապետ Նիկոլ Փաշինյանի հետ։
Ըստ ՀՀ վարչապետի պաշտոնական կայքի՝ զրուցակիցները քննարկել են Լեռնային Ղարաբաղի հակամարտության կարգավորման գործընթացը, այդ թվում՝ խաղաղությանը նպաստող մթնոլորտի ձևավորմանը վերաբերող հարցեր «Այս համատեքստում կարևորվել է Վիեննայի գագաթաժողովին ձեռք բերված պայմանավորվածությունների իրականացումը Այս տեսակետից ընդգծվել է հրադադարի ռեժիմի ամրապնդման և լարվածություն առաջացնող գործողություններից խուսափելու անհրաժեշտությունը», ասված է հաղորդագրությունում Վարչապետ
30 մայիս, 2019 12:40 Կառավարությունն ընդունեց սնանկության ոլորտի բարեփոխման օրենսդրական փաթեթը Կառավարության այսօրվա նիստում հավանության արժանացավ սնանկության ոլորտի բարեփոխմանն ուղղված օրենսդրական փաթեթը Ինչպես նշում է արդարադատության նախարարության տեղեկատվության և հասարակայնության հետ կապերի վարչությունը, արդյունքում կբարելավվի Հայաստանի դիրքը Doing business վարկանշային ցանկում, կբարձրացվի սնանկության ոլորտի կարգավորման արդյունավետությունն ու սնանկության կառավարիչների հաշվետվողականությունը,  կապահովվի սնանկության վարույթի թափանցիկությունը, սնանկության վարույթում կներդրվեն էլեկտրոնային կառավարման մեխանիզմներ և այլն
Արդարադատության նախարար Արտակ Զեյնալյանի տեղեկացմամբ, «Գործարարությամբ զբաղվելը» վարկանշային ցանկում Հայաստանի ցածր դիրքը պայմանավորված է մի շարք ցուցիչներով գրանցված բացասական արդյունքներով Այդ ցուցիչների շարքին է դասվում նաև «Սնանկության» ցուցիչը՝ սնանկության ոլորտը կարգավորող օրենսդրությունում և պրակտիկայում առկա հրատապ լուծում պահանջող բազմաթիվ խնդիրների առկայության պատճառով, որոնց լուծման նպատակով սահմանվել են հետևյալ կարգավորումները
&m
29 մայիս, 2019 14:24 Հայաստանի վարչապետը կմասնակցի Պետերբուրգի միջազգային տնտեսական համաժողովին․ Կրեմլի խոսնակ  
Վարչապետ Նիկոլ Փաշինյանը, ինչպես ակնկալվում է, կմասնակցի Պետերբուրգի միջազգային տնտեսական համաժողովին, այս մասին լրագրողներին ասել է Կրեմլի խոսնակ Դմիտրի Պեսկովը։
«Մենք սպասում ենք Հայաստանի վարչապետին», ասել է Պեսկովը՝ պատասխանելով հարցին, թե օտարերկրյա առաջնորդներից էլ ով է ներկա լինելու, բացի Չինաստանի ղեկավար Սի Ձինպինից։
«Մյուս առաջնորդների մասին այժմ չեմ բարձրաձայնելու, որովհետև դեռ չկան վերջնական հաստատումներ», ասել է խոսնակը։
Պետերբուրգի միջազգային տնտեսական ամենամյա համաժողովն այս տարի անցկացվում է հունիսի 68ը՝ «Ձևավորելով կայուն զարգացման օրակարգը» կարգախոսի տակ։
 
27 մայիս, 2019 17:18 Զոհրաբ Մնացականյանն ընդունել է ԵԱՀԿ Մինսկի խմբի համանախագահներին Հայաստանի արտաքին գործերի նախարար Զոհրաբ Մնացականյանն ընդունել է ԵԱՀԿ Մինսկի խմբի համանախագահներ Էնդրյու Շոֆերին ԱՄՆ, Իգոր Պոպովին Ռուսաստան, Ստեֆան Վիսկոնտիին Ֆրանսիա, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպշիկին այս մասին «Թվիթեր»ի իր միկրոբլոգում գրառում է կատարել ՀՀ ԱԳՆ մամուլի խոսնակ Աննա Նաղդալյանը

#Armenia Foreign Minister Zohrab Mnatsakanyan received #OSCE Minsk Group CoChairs Igor Popov #Russia, Stéphane Visconti #France, Andrew Schofer #US and Andrzej Kasprzyk, the Personal Representative of the OSCE ChairmaninOffice#NagornoKarabakh pictwittercom/lHDgPtFYVH
— Anna A Naghdalyan @naghdalyan May 27, 2019
27 մայիս, 2019 15:38 Մեր խնդիրն է ցույց տալ, որ Հայաստանում ապրում են տաղանդավոր մարդիկ․ Նիկոլ Փաշինյան Հայաստանի տնտեսական զարգացումը պետք է հենվի անհատական ջանքի վրա․ այսօր Սյունիքի մարզում տեղի ունեցած «Իմ քայլը հանուն Սյունիքի մարզի» ներդրումային բիզնես ծրագրերի համաժողովին հայտարարեց վարչապետ Նիկոլ Փաշինյանը։ Նրա խոսքով՝ իրենց քաղաքական խնդիրն է Հայաստանը դարձնել այնպիսի մարդկանց երկիր, որոնք հավատում են իրենց ուժերին և գիտեն ինչպես իրականացնել իրենց գաղափարները ՀՀում։
«Տնտեսական զարգացումը պետք է հենվի անհատական ջանքի վրա՝ կապ չունի, թե ինչ մակարդակի ջանք է դա, որովհետև այն, ինչ մենք ունենք իրականում, նախ ունենում ենք որպես գաղափար «Տաթևեր»ը, որը Հայաստանի ամենագեղատեսիլ վայրերից մեկն է, մի խումբ մարդկանց գաղափար է Եվ մեր մեծագույն խնդիրը Հայաստանի Հանրապետությունում հնարավորինս շատ մարդու ստեղծագործելու, մտածելու, երազելու և այն իրագործելու համարձակությամբ օժտելն է», հայտարարեց վարչապետը։
Նիկոլ Փաշինյանը նշեց, որ այս տնտեսական մարզային ֆորումները ծառայում են հենց այն նպատակին, որ այս ուղերձը Հայաստանի ամեն մարզ հասնի։
Նիկոլ Փաշինյանի համոզմամբ և վերլուծությամբ՝
26 մայիս, 2019 13:25 Փաշինյանի շնորհավորական ուղերձը Վրաստանի վարչապետին՝ ազգային տոնի առթիվ Վարչապետ Նիկոլ Փաշինյանը շնորհավորական ուղերձ է հղել Վրաստանի վարչապետ Մամուկա Բախտաձեին՝ երկրի ազգային տոնի առթիվ, տեղեկանում ենք վարչապետի կայքից։
Ուղերձում, մասնավորապես, նշված է
«Ջերմորեն շնորհավորում եմ Ձեզ և Վրաստանի բարեկամ ժողովրդին Վրաստանի ազգային տոնի՝ Պետական անկախության վերականգնման օրվա կապակցությամբ։
Դարերի խորքից եկող հայվրացական բարեկամական կապերը մշտապես աչքի են ընկել փոխադարձ հարգանքով և վստահությամբ, ինչն այսօր ամուր հիմք է մեր բազմաոլորտ օրակարգն առավել զարգացնելու և ընդլայնելու համար
Այդ առիթով բարձր եմ գնահատում մեր միջև պարբերաբար տեղի ունեցող հանդիպումներն ու քննարկումները, որոնք իրապես նոր որակ և բովանդակություն են հաղորդում մեր փոխգործակցությանը։ Վստահ եմ, որ հայվրացական ներկայիս բարձր մակարդակի հարաբերությունները կշարունակեն ծառայել ի շահ մեր ժողովուրդների
Մաղթում եմ Ձեզ ամենայն բարիք և նորանոր հաջողություններ, իսկ Վրաստանի եղբայր ժողովրդին՝ երջանկություն, բարօրություն և առաջընթաց»
24 մայիս, 2019 17:55 Կառավարության համար ռազմարդյունաբերության ոլորտը գերակայություն է․ վարչապետ Վարչապետ Նիկոլ Փաշինյանի գլխավորությամբ կառավարությունում այսօր տեղի է ունեցել Հայաստանի Հանրապետության ռազմարդյունաբերական հանձնաժողովի նիստ
Վարչապետը, բացելով նիստը, նշել է, որ կառավարության համար ռազմարդյունաբերության ոլորտը գերակայություն է, և այս ոլորտի հետ կապված լուրջ ծրագրեր ու նպատակներ կան Նիկոլ Փաշինյանն անդրադարձել է ՀՀ կառավարության կառուցվածքի փոփոխություններին, որոնց արդյունքում ստեղծվելու է Բարձր տեխնոլոգիական արդյունաբերության նախարարություն «Ռազմարդյունաբերական համալիրը, արտադրական ներուժը, արտադրական ձեռնարկությունները պետք է տեղափոխվեն և տեղավորվեն այս նախարարության կառուցվածքի մեջ Մենք այս թեմայով արդեն մի քանի աշխատանքային քննարկումներ ունեցել ենք և պետք է լուրջ խնդիրներ դնենք այս ոլորտի առաջ, որպեսզի այս ուղղությունը խթան հանդիսանա ոչ միայն մեր անվտանգության մակարդակի բարձրացման, այլև տնտեսության զարգացման համար, որի հետ կապված կարևորագույն խնդիրներից մեկը մեր երկիրը տեխնոլոգիապես զարգացած երկիր դարձնելն է»,  նշել է կառավարության ղեկավարը
Նիստի ընթացքում նե
24 մայիս, 2019 16:07 Բակո Սահակյանն ընդունել է Հրայր Թովմասյանին Արցախի նախագահ Բակո Սահակյանը մայիսի 24ին ընդունել է Հայաստանի Հանրապետության Սահմանադրական դատարանի նախագահ Հրայր Թովմասյանին և նրա գլխավորած պատվիրակությանը
Ինչպես հաղորդում է Արցախի նախագահական կայքը, հանդիպմանը քննարկվել են դատական ոլորտում հայկական երկու հանրապետությունների համագործակցությանն առնչվող հարցեր
 
24 մայիս, 2019 10:26 Կրթության և գիտության նախարարի ողջույնի խոսքը՝ շրջանավարտներին Կրթության և գիտության նախարար Արայիկ Հարությունյանը վերջին զանգի կապակցությամբ ողջույնի խոսքով դիմել է շրջանավարտներին։ 24 մայիս, 2019 09:59 ՀՀԿ-ն «վճռական է շարունակել պայքարը՝ օրենսդրությամբ սահմանված կարգով» Մայիսի 23-ին ՀՀԿ կենտրոնական գրասենյակում կուսակցության նախագահ Սերժ Սարգսյանի գլխավորությամբ տեղի է ունեցել կուսակցության Գործադիր մարմնի հերթական նիստը:

«Նիստին անդրադարձ է կատարվել երկրի ներքաղաքական վերջին զարգացումներին: Գործադիր մարմինը վերահաստատել է մայիսի 19-ին տրված քաղաքական և իրավական գնահատականները՝ վարչապետ Նիկոլ Փաշինյանի կողմից դատարանները շրջափակելու հակասահմանադրական կոչի հետ կապված: