18 սեպտեմբեր, 2020 11:56 Հարավային Արցախ․ «Կատարո»-ի ծննդավայրում Սեպտեմբերը խաղողաքաղի ժամանակն է Արցախի Տող գյուղում։ Արցախյան հայտնի «Կատարո» գինու արտադրողները՝ Ավետիսյանների ընտանիքը, սկսել է զբաղվել գինեգործությամբ 2000-ականներին։ Սկզբնական շրջանում փոքր ծավալների էր արտադրությունը, սակայն ժամանակի ընթացքում ընտանիքը հասկացավ, որ գինեգործությունն Արցախում ավելի մեծ ներուժ ունի։ Տասը տարի առաջ Կատարոյի առաջին շշալցումն էր։ ՍիվիլՆեթի թիմն այցելել է այգի և ծանոթացել խաղողաքաղի ընթացքին։ «Կատարո» գինին հենց այստեղ է սկիզբ առնում։
14 սեպտեմբեր, 2020 11:10 Արտասովոր սեպտեմբեր․ առաջին դասարանցիները գնացին դպրոց Կարանտինային պայմաններում` պահպանելով հակահամաճարակային կանոնները՝ սեպտեմբերի 14-ին առաջին դասարանցիները գնացին դպրոց:
2 սեպտեմբեր, 2020 14:54 Ստեփանակերտի թատրոն-ուրվականը․ ֆոտոշարք Ստեփանակերտի Վահրամ Փափազյանի անվան պետական դրամատիկական թատրոնի շենքը կառուցվել է 1952-ին։ Թատրոնը շատ կարևոր գործառույթ էր իրականացնում խորհրդային տարիներին որպես հայապահպանման կենտրոն ոչ միայն Արցախում, այլև Ադրբեջանում ապրող հայերի համար։

2012-ին թատրոնի ոչ բարվոք վիճակի պատճառով անձնակազմը ստիպված եղավ լքել այն։ Վերջին տարիներին տարբեր նախաձեռնություններ կային թատրոնի վերականգնման գործընթացը սկսելու համար։ Արցախի կառավարությունը վերջերս հայտարարեց, որ թատրոնի շենքը կվերանորոգվի պետական բյուջեի միջոցներով։
26 օգոստոս, 2020 12:35 Սիրիահայերի սրճարանը Ստեփանակերտի կենտրոնում Էսմերյանների ընտանիքը Սիրիայից Արցախ է տեղափոխվել 2012 թվականին։ 2018-ին բացվել է նրանց «Սամրա» սրճարանը՝ Թումանյան փողոցի վրայի իրենց առանձնատանը կից։ Այստեղ կարելի է համտեսել մերձավորարևելյան ուտեստներ՝ ֆալաֆել, սուջուխ և այլն։ Սրճարանով հիմնականում զբաղվում է տանտիկինը՝ Իզաբել Դանգուրյանը։ Նա նշում է, որ սկզբում տեղացիները սովոր չէին այս ուտեստներին, սակայն ժամանակի ընթացքում խոհանոցը շատ սիրվեց, և հիմա սրճարանը իր մշտական հաճախորդներն ունի։
24 օգոստոս, 2020 13:13 Այգեպարը՝ կարմիր տանիքներով Այգեպարը նոր գույն է ստանում: Հուլիսին՝ տավուշյան մարտերի ընթացքում, ադրբեջանական կողմից մի քանի տասնյակ տների տանիքներ շարքից դուրս էին բերվել:

Կիրակի օրը կարճ ժամանակով եղա Այգեպարում: Շինարարությունը եռում է: Մեկը մյուսի հետևից ադրբեջանական կրակից վնասված տանիքները վերանորոգվում են: Նախկին շիֆերին, որը գորշ ու տխուր տպավորություն էր թողնում, փոխարինում են կարմիր տանիքները:
20 օգոստոս, 2020 15:48 Պատարա․ մի կտոր Արցախ, ֆոտոշարք Արցախի Ասկերանի շրջանի Պատարա գյուղը ծվարել է գեղատեսիլ անտառների ու դաշտերի մեջտեղում։ Գյուղի երիտասարդներից մեկը՝ Ստեփան Գրիգորյանը, փոքր հյուրատուն է բացել և ընդլայնվելու մեծ ծրագրեր ունի։
14 օգոստոս, 2020 11:26 Երևան․ բարեկարգվում է Օղակաձև զբոսայգին (ֆոտոշարք) Երևանի քաղաքապետարանը սկսել է Օղակաձև զբոսայգու բարեկարգման աշխատանքները։ ՍիվիլՆեթի Արմեն Մկրյանի ֆոտոշարքը։
10 օգոստոս, 2020 17:08 Ջիվան Ավետիսյանը ֆիլմ կնկարահանի Արցախում Կինոռեժիսոր Ջիվան Ավետիսյանը 2018-ից աշխատում է «Վերածնվածը» ֆիլմի վրա, որի մի մասը պատրաստվում է նկարահանել Արցախում։ Այժմ ֆիլմը զարգացման փուլում է, և ռեժիսորը Արցախ է եկել նախապատրաստական աշխատանքները սկսելու համար։ Օգոստոսի 9-ին հանդիպում տեղի ունեցավ կամավորների հետ, որոնք կստեղծեն տեղեկատվական պահոց՝ տեղանքների, ռեկվիզիտների, հագուստի հարցերում։ Այս փուլում հիմնական աշխատանքը տեղանքների փնտրտուքն ու որոշումն է։
10 օգոստոս, 2020 10:31 Բեյրութ․ Աղետի պատկերները Բեյրութ․ Աղետի պատկերները

Լուսանկարները՝ Հակոբ Մանուկյանի
4 օգոստոս, 2020 12:35 Մաշտոցի պուրակը՝ «սիրուն չի»-ին սպասելիս Մաշտոցի պուրակը՝ «սիրուն չի»ին սպասելիս 3 օգոստոս, 2020 12:00 Արցախ․ զրույց հողի հետ, ֆոտոշարք 83-ամյա Յուրի Արամյանն ինքնուս ագրոնոմ է Արցախի Ասկերանի շրջանում։ Երկար տարիներ տարբեր համայնքների ղեկավար է եղել։ Թոշակի անցնելուց հետո սկսել է ակտիվ զբաղվել գյուղատնտեսությամբ։ Ամեն ինչ աճեցնում է իր ձեռքով՝ ընտանիքի հետ։ «Բույսերի հետ պետք է շփվել, հոգ տանել նրանց մասին, սիրել, եթե պետք է՝ զրուցել նրանց հետ»,- ասում է Յուրի Արամյանը։
28 հուլիս, 2020 15:27 Սահմանամերձ Խարկովի միակ բնակիչը Շիրակի մարզի Խարկով գյուղը գտնվում է հայթուրքական սահմանին՝ Ախուրյան գետի ափին։ Թեև գյուղը վերանվանվել է Նորշեն՝ այն ունի միայն մեկ շեն տուն ու մի բնակիչ։ ՍիվիլՆեթն այցելել է Խարկով գյուղ և զրուցել նրա հետ։ 
Տեսանյութը՝ շուտով։
25 հուլիս, 2020 18:26 Գեղարքունիքի «հարբած» պանիրները․ ֆոտոշարք Գավառի Արծվաքար թաղամասում Միքայելյանների ընտանիքը զբաղվում է պանրի արտադրությամբ։ Այն գրավել է արտասահմանցիների և տեղացիների ուշադրությունը իր յուրահատուկ և բացառիկ լինելու շնորհիվ․ պանիրները հասունանում են գինու և կոնյակի մեջ։ Պանրի արտադրությամբ զբաղվում են ամուսիններ Արմանն ու Մարինեն, որոնք աշխատում են մեծ նվիրումով։ Ամեն պանիր ունի իր անունը, յուրահատկությունը և հնեցվածությունը։ Ընտանիքն այս գործով զբաղվում է 2012 թվականից։ Նրանք փաստում են, որ եկամտաբեր գործ է, սակայն կորոնավիրուսի պատճառով մեծ կորուստներ են կրել, քանի որ հաճախորդների թիրախային խումբը զբոսաշրջիկներն են։ Սակայն նրանք չեն հանձնվում և նոր ուղիներ են ստեղծում վաճառքը Հայաստանում իրականացնելու համար։