17 հոկտեմբեր, 2018 15:02 Ազատամարդ․ հոգեկան խնդիրներով զինվորը Ազգությամբ եզդի Մարինե Բրոյանը հիվանդանոցում է իմացել, որ հոգեկան խնդիրներով, ինքնավնասման հակում ունեցող իր որդուն զորակոչել են բանակ։ Ընդամենը տասն օր ծառայելով՝ նա հայտնվել է հոգեբուժարանում, որտեղ մինչև հիմա էլ պահվում է պատճառաբանությամբ, թե փորձում է խուսափել ծառայությունից: Կինը ներկայացնում է բոլոր փաստաթղթերը և նշում, որ Յուրա Բրոյանը հոգեկան հիվանդության պատճառով նույնիսկ դպրոց չի հաճախել: 11 հոկտեմբեր, 2018 16:47 Ազատամարդ․ Վանաձորի տնակի բնակիչն ընդդեմ քաղաքապետի Վանաձորի տնակային ավաններից մեկի բնակիչ Օվսաննա Սարյանը անզիջում պայքար է մղում քաղաքապետ Մամիկոն Ասլանյանի դեմ։ Կինը ձեռքի տակ ունի փաստեր, որ համայնքապատկան տները բաշխվում են առանց իրենց իմացության՝ անհասկանալի ձևով:

26 սեպտեմբեր, 2018 15:00 Ազատամարդ․ Երիկամի գրեթե անհնար փոխպատվաստումը Վանաձորցի Սյուզաննա Մարտիրոսյանը այն հազարավոր մարդկանցից է, ով նույնիսկ դոնոր ունենալով հանդերձ չի կարողանում կազմակերպել իր երիկամի փոխպատվաստումը վիրահատության թանկ լինելու պատճառով: 7.5 մլն դրամ ընդհանուր առժողությունից 5մլն գումարը ֆինանսավորվում է պետության և Արաբկիր ԲԿ-ի հովանավորների կողմից, սակայն մնացյալ 2.5մլն-ը միևնույն է անհասանելի է դարձնում առողջ ապրելու այս մարդկանց երազանքը:
19 սեպտեմբեր, 2018 17:18 Ազատամարդ․ Դատախազության կողմից հետապնդվողը Ազատ կալանք կրող Սոնյա Մալումյանը բազմաթիվ այն դատապարտյալներից է, որը չի հասկանում վաղաժամ ազատման մեխանիզմը: Կնոջ կարծիքով՝ դատախազությունը իրեն հետապնդում է, չնայած իր հոդվածը ծանր չէ, և ինքը մի քանի անգամ դատապարտված չէ, ինչպես ոմանք, որոնց վաղաժամ ազատում են: Մալումյանը բարձրաձայնում է ցավոտ հարց՝ ով և ինչպես է որոշում՝ ուղղվել է մարդը, թե ոչ:
11 սեպտեմբեր, 2018 14:48 Ազատամարդ․ նախկին սպան՝ արձակուրդային վճարին սպասելով Նախկին սպա Ցոլակ Խաչատրյանը հաշվարկել է, որ 1998-ից 352 արձակուրդային օրվա գումար ունի ստանալու, որը, ըստ Խաչատրյանի, կազմում է մոտ 13 մլն դրամ: Գործով առկա է Սահմանադրական դատարանի որոշում, որի համաձայն՝ պաշտպանության նախարարությունը պարտավոր է վճարել վերոհիշյալ գումարը։ Ցոլակ Խաչատրյանը պնդում է, որ գերատեսչությունը փոխհատուցում չի տրամադրում՝ հրաժարվելով նաև տույժ ու տուգանքների վճարից։
3 սեպտեմբեր, 2018 17:23 Ազատամարդ․ դժգոհ հետհեղափոխական ոստիկանությունից Երևանի Կողբացի 67 հասցեում գտնվող շենքից 2 մետր հեռավորության վրա կառոուցվել է մասնավոր հյուրանոց՝ քաղաքաշինական նորմերի խախտմամբ: Բնակիչներից Այծեմնիկ Առաքելյանը, հեղափոխությունից ոգեշնչված, դիմում է պատկան մարմիններին՝ պահանջելով շտկել ակնհայտ ապօրինությունները, սակայն ապարդյուն։
29 օգոստոս, 2018 13:01 Ազատամարդ․ Վճռաբեկն անհասանելի է դառնում Ազգային ժողովն ապրիլին ընդունել է օրինագիծ, որով քաղաքացիներն այլևս չեն կարող Վճռաբեկ դատարան դիմելու համար ինքնուրույն լրացնել հայցադիմումները և ստիպված են փաստաբան վարձել։ Դա զգալիորեն բարդացնում է դատարան դիմելու գործընթացը։ Իրավագետ Տիգրան Սարգսյանն ասում է՝ քաղաքացիների համար ստեղծվել են արհեստական խոչընդոտներ, որ նրանք չդիմեն Վճռաբեկ դատարան։
8 օգոստոս, 2018 14:07 Ազատամարդ․ Ցնդած բենզինի մեղադրյալ պահեստապետը Երկու տարի է, ինչ Արտաշատի ռուսական սահմանապահ զորքերի նախկին զինծառայող Արմեն Մարգարյանը բացահայտել է բենզինի յուրացումները զորամասում, սակայն ինքն է հայտնվել մեղադրյալի կարգավիճակում։ Գործը քննում է Ռուսաստանի Դաշնության դատարանը: Արմենը դիմել է Ռուսաստանի նախագահ Վլադիմիր Պուտինին։
Նա դիմել է նաև Հայաստանի վարչապետին և պնդում է, որ ռուսական սահմանապահ զորքերում ծառայող Հայաստանի քաղաքացիների շահերը պատշաճ պաշպանված չեն և կոչ է անում այդ մասով վերանայել հայ-ռուսական պայմանագիրը։
26 հուլիս, 2018 16:45 Ազատամարդ․ Վթարասեր լուսացույցը Ռոբերտ Հովհաննիսյանը ենթարկվել է վթարի Երևանի Դավիթ Բեկ և Ուլնեցի փողոցների խաչմերուկում։ Նրա կարծիքով՝ պատճառը սխալ աշխատող լուսացույցն է: Ըստ Ճանապարհային ոստիկանության փորձաքննության՝ սկզբից բոլոր կողմերը ճիշտ էին, հետո սխալ: 18 հուլիս, 2018 14:17 Ազատամարդ․ Սպանված ոստիկանի մայրը դիմում է վարչապետին 2016թ․ մայիսի 13-ին Երևանում անհասկանալի հանգամանքներում սպանվել է ոստիկան Հրաչյա Ֆալանջյանը: Տուժողի մայրը և իրավահաջորդը՝ Մարետա Անտոնյանը, հեղափոխությունից հետո նոր թափ է ակնկալում չբացահայտվող այս գործում։ Չնայած ոստիկանության ու դատախազության բարձրաստիճան այրերը տեղյակ են այս գործի մասին, այն ընթացք չի ստանում։ Մարետա Անտոնյանը ճարահատյալ դիմում է վարչապետին։
12 հուլիս, 2018 11:30 Ազատամարդ․ Մեկ ցուցմունքով կալանավորվածը 6 տարեկանում արտագաղթած և 16 տարի Հայաստանից բացակայած Հովիկ Մատինյանը 2017թ հոկտեմբերին գալիս է հայրենի Գյուլաքարաք հարսանիքի առիթով և հաջորդ իսկ օրը կալանավորվում է գողության մեղադրանքով ըևնդհամենը մեկ ցուցմունքի հիման վրա: 8 ամիս կալանավայրում գտնվող երիտասարդի բարեկամները բարձրաձայնում են ոստիկանների և այլ մարմինների ապօրինությունները: 28 հունիս, 2018 12:47 Ազատամարդ․ Գտե՛ք քննիչների քողարկած գողերին Երկու տարի առաջ Ալիյանների ընտանիքը ենթարկվել է կողոպուտի և բռնության, որի արդյունքում կորցրել է 22 000 եվրո և մի շարք թանկարժեք իրեր: Տեսախցիկները ֆիքսել են գողերին, իսկ տուժող Շիրին Ալիյանը ճանաչել է գողերից մեկին։ Կողոպուտի զոհ Թառլան Սայդոյանը պնդում է՝ քննչական մարմինները թաքցնում են գործի քննությունը և խոչընդոտում հանցագործության բացահայտմանը: Ալիյանները նշում են կոռումպացված քննիչներին և դատախազներին՝ նոր կառավարությունից պահանջելով անհապաղ պատժել նրանց:
20 հունիս, 2018 14:38 Ազատամարդ․ Վանաձորցի Լիլիթն ունի թուղթ՝ կորցրած տնակի փոխարեն Լիլիթ Ստեփանյանը հարյուրավոր այն վանաձորցիներից է, որին քաղաքային իշխանությունները 90-ականերին տեղափոխել են հանրակացարան՝ նրանցից վերցնելով տնակները։ Փոխարենը տրամադրվել է մի փաստաթուղթ, որը չի ապացուցում իրենց գույքի կորուստը: Լիլիթը նոր իշխանություններից պահանջում է քրեական գործ հարուցել և պարզել գործարքի շահառուներին: