6 հոկտեմբեր, 2017 16:39 Պեդրո Ագրամունտը հեռացավ ԵԽԽՎ նախագահի պաշտոնից «Այսօր անձնական պատճառներով ես որոշել եմ այլևս չնախագահել Եվրոպայի խորհրդի խորհրդարանական վեհաժողովում»,- Թվիթերում գրառում է արել Պեդրո Ագրամունտը։

Today, for personal reasons, I have decided to no longer chair the Parliamentary Assembly of the Council of Europe. pic.twitter.com/e17zwo2xsh

— Pedro Agramunt (@pagramunt) October 6, 2017
ԵԽԽՎ-ն տեղեկացնում է, որ Ագրամունտի պաշտոնաթողությունից հետո Վեհաժողովի ամենաավագ փոխնախագահ Ռոջեր Գեյլը դառնում է նախագահի պաշտոնակատար։

ԵԽԽՎ-ի կայքը տեղեկացնում է, որ նրա հրաժարականի պահանջը պետք է քննարկվեր հոկտեմբերի 9-ին մեկնարկող լիագումար նիստին։ Քննարկումն այլևս տեղի չի ունենա։


6 հոկտեմբեր, 2017 12:33 Եվրասիական տնտեսական միությունը բազմապատկել է մեր երկրների ստեղծարար ներուժը. Սերժ Սարգսյան ՀՀ նախագահ Սերժ Սարգսյանը Հայռուսական միջտարածաշրջանային վեցերորդ և Եվրասիական գործընկերության երկրորդ միջազգային համաժողովների մասնակիցներին ուղերձ է հղել, որում խոսել է Հայաստանի և Ռուսաստանի միջև «բազմաշերտ առևտրատնտեսական հարաբերությունների զարգացման» մասին։
 
«Հայաստանն առաջնահերթ ուշադրություն է հատկացնում Ռուսաստանի հետ բազմաշերտ առևտրատնտեսական հարաբերությունների զարգացմանը Մեր երկրների տնտեսությունները սերտորեն փոխկապակցված են Մենք միասին իրականացնում ենք մասշտաբային նախագծեր առևտրատնտեսական, գիտատեխնիկական, մշակութայինհումանիտար և երկկողմ փոխգործակցության այլ ոլորտներում 
Համագործակցության ընդլայնման գործում ակտիվ դեր են խաղում մեր երկրների տարածաշրջանները, որոնց համար հայռուսական համաժողովը դարձել է տարածաշրջանների տեղական իշխանությունների, գործարար և փորձագիտական համայնքների ներկայացուցիչների անմիջական շփման հարթակ Ուրախալի է, որ հայռուսական միջտարածաշրջանային նախորդ համաժողովների ընթացքում մշակված առաջարկները կյանքի են կոչվում համատեղ նախաձ
6 հոկտեմբեր, 2017 11:37 Եթե Ադրբեջանը դուրս գա Եվրոպայի խորհրդից, ոչինչ չի կորցնի, ասում է Ալիևը Եթե Ադրբեջանը դուրս գա Եվրոպայի խորհրդից, ոչինչ չի կորցնի․ հայտարարել է Ադրբեջանի նախագահ Իլհամ Ալիևը՝ կազմակերպության գլխավոր քարտուղարին մեղադրելով «Ադրբեջանի դեմ հարձակումներ գործելու մեջ»։
«Ադրբեջանը տոտալիտար երկիր ներկայացնելու և երկիրը սևացնելու փորձերը գալիս են որոշակի շրջանակներից, որոնք շահագրգռված չեն զարգացմամբ և իշխանության են ձգտում Ադրբեջանում», հայտարարել է Իլհամ Ալիևը ԵՄ Խորհրդի Քաղաքական և անվտանգության հարցերով կոմիտեի պատվիրակության հետ հանդիպմանը։ Ալիևի պնդմամբ՝ այդ միտումը շարունակվում է նախագահի պաշտոնում իր ընտրության օրվանից։
Ադրբեջանի նախագահի խոսքով՝ Ադրբեջանում «ապահովվում են բոլոր ազատությունները․ մամուլի կամ հավաքների ազատության սահմանափակման մասին անգամ խոսք չի կարող լինել․ ընդդիմությունը պարբերաբար հավաքներ է անցկացնում»։
Եվրոպայի խորհրդից դուրս գալուն անդրադառնալով՝ Ալիևն ասել է, որ «հասարակական կարծիքը այդ հարցում այնքան էլ դրական չէ, և Ադրբեջանում ի սկզբանե այդ կառույցի հանդեպ շատ բացասական վերաբերմունք է եղել, իսկ Հայաստանին հով
6 հոկտեմբեր, 2017 10:56 Վիրահայոց թեմը Գումբուրդոյի վանքը վրացական է համարում․ հայտարարություն Թյուրըմբռնում է առաջացրել նաև վանքի ծագման հետ կապված տարածված ապատեղեկատվությունը: Հայ առաքելական եկեղեցու Վրաստանի թեմը հաստատում է, որ վանքի հետ կապված հավակնություններ չունի, և վանքը վրացական է համարում:

Նախնիների գերեզմանները հարգելը վիճելի չէ, սակայն պետք է հաշվի առնել, որ հարյուրամյակների ընթացքում վանքի բակում թե վրացիներ, թե հայեր և թե այլ ազգությունների ներկայացուցիչներ են հուղարկավորվել, և նրանց հարգելը մեր բոլորի պարտքն է:

Նշված հարցի վերաբերյալ ս.թ. հոկտեմբերի 5-ին Վրաստանի պատրիարքարանում տեղի է ունեցել հանդիպում Վրաստանի համապատասխան հաստատությունների, Վրաստանի առաքելական-ուղղափառ եկեղեցու և հայ առաքելական եկեղեցու Վրաստանի թեմի ներկայացուցիչների միջեւ:
5 հոկտեմբեր, 2017 12:46 «Դարակազմիկ իրադարձություն»․ Սաուդյան թագավորը առաջին անգամ այցելում է Մոսկվա «Ռիա-նովոստի»-ն հաղորդում է, որ Սալմանի պատվիրակությունը բաղկացած է մոտ հազար հոգուց։ Թագավորի շքախումբը կզբաղեցնի Մոսկվայի Մանեժնի հրապարակի մերձակայքում հինգ-աստղանի հյուրանոցների գրեթե բոլոր համարները։ Աղբյուրների տեղեկացմամբ՝ հատուկ հյուրերի համար որոշ համարներում փոխում են ներքին հարդարանքը՝ այն դարձնելով արևելյան ոճի, պատվիրակությունն իր հետ բերել է գորգեր և կահույք։

«Կոմերսանտի» տվյալներով՝ բանակցությունների արդյունքից կախված է ավելի քան 3 մլրդ դոլարի ռազմական գործարքների կնքումը, որոնցով ենթադրվում է Ռիադին մատակարարել «Տրիումֆ» С-400 զենիթա-հրթիռային համալիրներ։

ՌԴ արտաքին գործերի նախարար Սերգեյ Լավրովը սաուդյան թագավորի այցը որակել է «իսկապես դարակազմիկ իրադարձություն», ՌԴ Դաշնության խորհրդի նախագահ Վալենտինա Մատվիենկոն «հսկայական հույսեր» է կապել թագավորի մոսկովյան այցի հետ, իսկ Չեչնիայի առաջնորդ Ռամզան Կադիրովը սոցցանցում գրել է, որ «Ռուսաստանի և Սաուդյան Արաբիայի երկխոսությունը կարող է օգնել խոշոր հակամարտությունների կարգավորմանը»։
5 հոկտեմբեր, 2017 11:48 Մոսկվան ՅՈՒՆԵՍԿՕ-ի տնօրենի պաշտոնում սատարում է Ադրբեջանի թեկնածուին Դեսպան Փոլադ Բյուլ բյուլ օղլին, որն առաջադրվել է Միավորված ազգերի Կրթության, գիտության և մշակույթի կազմակերպության՝ ՅՈՒՆԵՍԿՕ-ի ղեկավարի պաշտոնում, հայտնի է իր ռազմատենչ հայտարարություններով։

2016թ․ ապրիլին ռուսաստանյան «Говорит Москва» ռադիոկայանի եթերում հայտարարել էր, որ «Ադրբեջանը պատրաստ է հակամարտության դիվանագիտական կարգավորումից անցնել ռազմական լուծման»։

«22 տարի ընթանում են այս հակամարտության խաղաղ կարգավորման փորձեր։ Որքա՞ն կարելի է։ Մենք պատրաստ ենք խնդրի խաղաղ լուծման, սակայն եթե այն չկարգավորվի խաղաղ միջոցներով, կլուծենք այն ռազմական ճանապարհով»,- ասել էր դիվանագետը։

Ներկայացնելով իր թեկնածությունը ՅՈՒՆԵՍԿՕ-ում՝ Բյուլբյուլ օղլին խոստացել է աշխատել կառուցողական և թափանցիկ բոլոր կողմերի հետ՝ անդամ պետությունների, ազգային հանձնաժողովների, մասնավոր սեկտորի, քաղաքացիական հասարակության անդամների հետ։
4 հոկտեմբեր, 2017 14:42 Ինչպես Ղարաբաղը կարող է մերձեցնել Ռուսաստանին և Արևմուտքին․ Մարկեդոնով Ղարաբաղյան հակամարտությունը հետխորհրդային տարածքում միակն է, որտեղ Ռուսաստանն ու Արևմուտքը կարող են համատեղ գործել։ Դա համագործակցության բացառիկ փորձ է՝ վեր ավելի ու ավելի խորացող հակասություններից․ այսպիսի կարծիք է հայտնում ռուսաստանցի քաղաքագետ Սերգեյ Մարկեդոնովը Քարնեգիի մոսկովյան կենտրոնի կայքում հրապարակված՝ «Հետխորհրդային էքսկլյուզիվ․ ինչպես Ղարաբաղը կարող է մերձեցնել Ռուսաստանն ու Արևմուտքը» խորագրով հոդվածում: Իհարկե, Ղարաբաղում փոխգործակցությունը չի կարող ինքնըստինքյան կանգնեցնել Ռուսաստանի և Արևմուտքի հարաբերություններում առկա բացասական միտումները, սակայն համագործակցությունը հանուն ընդհանուր՝ թեկուզև մարտավարական խնդիրների անխուսափելիորեն կբերի թարմ օդի ոչ մեծ չափաբաժին,- գրում է քաղաքագետը։ 4 հոկտեմբեր, 2017 11:45 Ինչ տեղի ունեցավ Ջավախքի Գումբուրդո գյուղում․ JNEWS-ի անդրադարձը Գյուղացիները առավոտից հավաքվել էին՝ խաչքար (քարե խաչ) կանգնեցնելու վերաթաղված ոսկորների գերեզմանին, որը գտնվում է եկեղեցու տարածքում: Ոստիկանությունը՝ մոտ 30 հոգի, նրանց թույլ չտվեց մտնել եկեղեցու բակ: Բնակիչները շարունակում էին պնդել, արդյունքում վեճը վերածվեց բախման: Դեպքի վայր ժամանեց հատուկ նշանակության զորք: Բախումների հետևանքով գրանցվեցին տուժածներ՝ 4 ոստիկանության աշխատակից և գյուղացիներ (թիվն անհայտ է): Ներքին գործերի նախարարությունն իրականացնում է հետաքննություն Վրաստանի քրեական օրենսգրքի երեք հոդվածներով։ 3 հոկտեմբեր, 2017 15:36 «Մենք մեր ընկերներին հասկանում ենք բոլորից լավ»․ Ուկրաինայի ԱԳ նախարարը Բաքվում խոսել է «օկուպացիայի» մասին Պաշտոնական Կիևը բազմիցս է հանդես եկել Ադրբեջանի օգտին ԼՂ հակամարտության համատեքստում։ Կլիմկինի հայտարարությունը, սակայն, բաց մեղադրանք է Հայաստանի հասցեին։

2016թ․ հուլիսին Բաքու կատարած այցի ժամանակ Ուկրաինայի նախագահ Պետրո Պորոշենկոն «անընդունելի» էր համարել Լեռնային Ղարաբաղում ստատուս քվոյի պահպանումը։

Այս տարվա փետրվարին Ուկրաինան և Ադրբեջանը պայմանավորվել էին թույլ չտալ այն ապրանքների մուտքը, որոնք արտադրված են Բաքվի և Կիևի վերահսկողությունից դուրս գտնվող տարածքներում։

Ադրբեջանում Ուկրաինայի դեսպան Ալեքսանդր Միշչենկոն պարզաբանել էր, որ Լեռնային Ղարաբաղում արտադրվող ապրանքները կարող են Ուկրաինայի սահմանը հատել միայն Բաքվի հավանությամբ։ Նմանատիպ սխեմա է կիրառում նաև Ադրբեջանը Դոնբասից եկող ապրանքների համար։
3 հոկտեմբեր, 2017 13:34 Թուրքիան չի շտապում արտահանձնել Ղարաբաղ այցելած իր քաղաքացիներին․ Eurasianet Թուրք մտավորականների այցից հետո Ադրբեջանի գլխավոր դատախազ Զաքիր Գարալովը հայտարարել է, որ Թուրքիայի քաղաքացիների դեմ քրեական գործեր են հարուցվել։

Ջարդինը շեշտում է, որ Թուրքիան արտահանձման դիմումին «խուսափողական» է արձագանքել։
«Թուրքիան շարունակելու է սատարել Ադրբեջանի արդար դիրքորոշմանը՝ Լեռնային Ղարաբաղի հակամարտության կարգավորման հարցում,- ասել է Թուրքիայի ԱԳՆ-ի խոսնակ Հուսեյն Մուֆթուօղլուն սեպտեմբերի 30-ին՝ առանց հիշատակելու արտահանձնման հայցը։ Դատախազը ընդգծել է՝ Թուրքիայի քաղաքացիների գործողությունները «չեն արտացոլում Անկարայի պաշտոնական դիրքորոշումը»։
3 հոկտեմբեր, 2017 09:15 Ինչու են քրդերն անհանգիստ Իրանում․ The Economist-ի անդրադարձը The Economist հանդեսն անդրադարձել է Իրանի քրդերի շրջանում անկախության ձգտումներին, որոնք ակտիվացել են սեպտեմբերի 25-ին Իրաքյան Քրդստանում անկախության հանրաքվեից հետո։ «Իրանի քրդերը նույնպես անհանգիստ են դառնում» (Iran’s Kurds are growing restless, too) խորագրով հոդվածը թարգմանաբար՝ ստորև։
Իրանի քրդերը անկախության կոչեր են անում նույն խանդավառությամբ, ինչ Իրաքի նրանց ազգակիցները, թերևս նույնիսկ ավելի: Չնայած Իրաքի քրդական քաղաքների փողոցներում տրամադրությունը, ընդհանուր առմամբ, սեպտեմբերի 25-ի անկախության հանրաքվեից հետո զուսպ էր և նյարդային, իրանական Քրդստանի սահմանին այն ավելի ակտիվ տոնվեց: Քրդական Բանե, Սանանդաջ և Մահաբադ քաղաքներում տեղի ունեցան երկօրյա ցույցեր, նույնիսկ այն ժամանակ, երբ զրահամեքենաներ հայտնվեցին փողոցներում՝ ազդարարելով ձերբակալությունների ալիքը։ Ժողովուրդը երգում էր 1946 թ. հյուսիս-արևմտյան Իրանում կարճատև գոյություն ունեցած քրդական պետության՝ Մահաբադի օրհներգը: Լապտերներից կախված էին քրդական դրոշներ։
2 հոկտեմբեր, 2017 17:48 Սերժ Սարգսյանը ցավակցել է Դոնալդ Թրամփին «Խոր ցավով տեղեկացա Լաս Վեգաս քաղաքում տեղի ունեցած բռնության այս ահասարսուռ դրսևորման մասին, որը տասնյակ անմեղ զոհերի և հարյուրավոր վիրավորների պատճառ դարձավ:

Վշտի ու կորստի այս ծանր պահին իմ խորին ցավակցությունն ու զորակցությունն եմ հայտնում Ձեզ, Միացյալ Նահանգների բարեկամ ժողովրդին ու զոհվածների հարազատներին՝ մաղթելով ուժ ու ոգու արիություն, իսկ վիրավորներին՝ շուտափույթ ապաքինում:

Մենք աղոթում ենք ԱՄՆ ժողովրդի հետ միասին զոհվածների հոգիների խաղաղության և տուժածների լիարժեք ապաքինման համար»,- ասված է Սերժ Սարգսյանի ցավակցական հեռագրում:

Լաս Վեգասի Mandalay Bay խաղատան մոտ անհայտ անձը կրակ է բացել քանթրի փառատոնի այցելուների վրա, ինչի արդյունքում զոհվել է ավելի քան 50 մարդ, 400-ը հոսպիտալացվել են։