15 հուլիս, 2020 21:47 «1 000 դրամների» հիմնադրամը հատուցումներ կկատարի վերջին օրերին զոհվածների ընտանիքներին Զոհված կամ առաջին կարգի հաշմանդամություն ձեռք բերած սպաներ՝ 82 միլիոն դրամ (շուրջ $170,000), որից 10 միլիոն դրամը (շուրջ $20,000) միանվագ, իսկ մնացածը՝ ամսական հավասար վճարներով՝ 20 տարվա ընթացքում:

- Զոհված կամ առաջին կարգի հաշմանդամություն ձեռք բերած ենթասպաներ՝ 70 միլիոն (շուրջ $145,000) դրամ, որից 10 միլիոն դրամը միանվագ, իսկ մնացածը՝ ամսական հավասար վճարներով՝ 20 տարվա ընթացքում:

- Զոհված կամ առաջին կարգի հաշմանդամություն ձեռք բերած կրտսեր ենթասպայական կազմի և ժամկետային ծառայության զինծառայողներ՝ 58 միլիոն (շուրջ $120,000), որից 10 միլիոն դրամը միանվագ, իսկ մնացածը՝ ամսական հավասար վճարներով՝ 20 տարվա ընթացքում:
15 հուլիս, 2020 18:49 ՁայնաZoom. Ադրբեջանը կորցրեց 30-40 մլն դոլար արժողությամբ իսրայելական անօդաչու թռչող սարք Հուլիսի 15-ի հիմնական իրադարձությունները՝ ամփոփ․

✓Հայ-ադրբեջանական պետական սահմանագոտու հյուսիսարևելյան հատվածում գիշերը հարաբերական անդորր է եղել։
✓Ադրբեջանական կողմը հայտնել է 12 զոհի մասին։
✓Հայաստանի պետական սահմանի Տավուշի հատվածի պաշտպանության ժամանակ զոհված զինծառայողներին հետմահու կպարգևատրեն։
✓Ռուսաստանը կոչ է անում Բաքվին և Երևանին լուծել տարաձայնությունները բանակցությունների միջոցով։
✓Կորոնավիրուսային իրավիճակը Հայաստանում։
15 հուլիս, 2020 17:56 Հայաստանը չի դիմի ՌԴ-ին սպառազինությունների հավելյալ մատակարարումների հարցով. դեսպան Երևանը մտադիր չէ դիմել Ռուսաստանին սպառազինությունների հավելյալ մատակարարումների հարցով․ առկա սպառազինությունները բավարար են երկրի անվտանգության ապահովման համար: Այդ մասին «Ռիա նովոստի» գործակալության հետ զրույցում հայտնել է Ռուսաստանում Հայաստանի դեսպան Վարդան Տողանյանը: 15 հուլիս, 2020 16:36 Հայ-ադրբեջանական բախումը սպառնում է տարածաշրջանային կայունությանը․ պաշտոնական Թեհրան Հայ-ադրբեջանական սահմանային բախումը սպառնում է երկու երկրների շահերին, ինչպես նաև տարածաշրջանային կայունությանն ու անդորրին՝ մտահոգություն հարուցելով․ այս մասին հայտարարել է Իրանի նախագահի աշխատակազմի ղեկավար Մահմուդ Վաեզին։ 15 հուլիս, 2020 15:55 Մատվիենկոն բանակցությունների կոչ է արել Հայաստանին և Ադրբեջանին «Ես, որպես ԱՊՀ ՄԽՎ նախագահ, դիմումներ եմ ստացել Հայաստանի և Ադրբեջանի խորհրդարանների նախագահների կողմից»,- ասել է սենատորը: 14 հուլիս, 2020 22:51 Վարչապետ Փաշինյանը հանդիպել է ՊՆ և ԶՈՒ ղեկավար կազմին Վարչապետ Նիկոլ Փաշինյանը հանդիպում է ունեցել Պաշտպանության նախարարության և Զինված ուժերի ղեկավար կազմի հետ՝ նախարար Դավիթ Տոնոյանի և ԶՈՒ գլխավոր շտաբի պետ, գեներալ-լեյտենանտ Օնիկ Գասպարյանի գլխավորությամբ: 14 հուլիս, 2020 20:12 ՀՀ ԶՈՒ-ն ոչնչացրել է Ադրբեջանի «Elbit Hermes 900» անօդաչու թռչող սարք ՀՀ պաշտպանության նախարարությունը հրապարակել է հայ-ադրբեջանական սահմանին Ադրբեջանի «Elbit Hermes 900» անօդաչու թռչող սարքի խոցման տեսանյութը: «Արմենպրես»-ի հետ զրույցում Վազգեն Սարգսյանի անվան ռազմական համալսարանի հրամանատարաշտաբային ֆակուլտետի պետ, ՊՆ նախկին խոսնակ Արծրուն Հովհաննիսյանը նշել է, որ այն Ադրբեջանի զինված ուժերին պատկանող ամենաթանկարժեք ու կարևոր անօդաչու թռչող սարքերից մեկն է: 14 հուլիս, 2020 18:02 ՀԱՊԿ նիստում Հայաստանը կոչ է արել դաշնակիցներին դրսևորել «համերաշխություն և փոխաջակցություն» Հուլիսի 14-ին տեղի է ունեցել ՀԱՊԿ Մշտական խորհրդի նիստը, որի ժամանակ ելույթով հանդես է եկել ՀԱՊԿ-ում ՀՀ մշտական և լիազոր ներկայացուցիչ Վիկտոր Բիյագովը: Այդ մասին հայտնում են ԱԳՆ-ի մամուլի ծառայությունից: 14 հուլիս, 2020 17:01 ԿԽՄԿ-ն պատրաստ է հանդես գալ որպես չեզոք միջնորդ Կարմիր խաչի միջազգային կոմիտեն (ԿԽՄԿ) մտահոգություն է հայտնում հուլիսի 12-ից հայ-ադրբեջանական սահմանին ուժգնացած մարտական գործողությունների մարդասիրական ազդեցության առնչությամբ․ ասված է կոմիտեի հաղորդագրությունում։ 14 հուլիս, 2020 15:24 ՀԱՊԿ-ը կոչ է անում անհապաղ դադարեցնել կրակը ՀԱՊԿ քարտուղարությունը լուրջ մտահոգություն է հայտնում հայ-ադրբեջանական սահմանին իրավիճակի սրման կապակցությամբ, որը սկսվել է Հայաստանի և Ադրբեջանի զինված ուժերի ստորաբաժանումների միջև հուլիսի 12-ի զինված բախումից հետո, այդ թվում՝ ծանր սպառազինությունների կիրառմամբ, ինչի արդյունքում կան զոհեր և վիրավորներ։ Ստեծված իրավիճակը չի նպաստում իրադրության կարգավորմանը երկու հարևան պետությունների սահմանին, որոնցից մեկը՝ Հայաստանի Հանրապետությունը, ՀԱՊԿ անդամ-պետություն է․ իրավիճակը վկայում է հրադադարի պահպանման վերաբերյալ պայմանավորվածությունների խախտման մասին, որոնք կայացվել են Հայաստանի ու Ադրբեջանի ղեկավարությունների մակարդակով։ 14 հուլիս, 2020 15:13 Ռուսաստանը պատրաստ է միջնորդական քայլեր ձեռնարկել․ Դմիտրի Պեսկով Ռուսաստանի նախագահ Վլադիմիր Պուտինի մամուլի քարտուղարն անդրադարձել է հայադրբեջանական սահմանի իրավիճակին։
Դմիտրի Պեսկովը «խորապես անհանգստացնող» է որակել փոխհրաձգությունները։ 
«Կողմերին կոչ ենք անում ցուցաբերել զսպվածություն և հետևել հրադադարի ռեժիմի պահպանմանը։ Որպես ԵԱՀԿ Մինսկի խմբի համանախագահ, Ռուսաստանը բազմիցս հայտարարել է, որ պատրաստ է միջնորդական քայլեր ձեռնարկել կարգավորման ուղղությամբ», ասել է նա։ 
14 հուլիս, 2020 11:11 Մայր Աթոռը դատապարտում է Սուրբ Սոֆիայի տաճար-թանգարանը մզկիթի վերածելու որոշումը Մայր Աթոռ Սուրբ Էջմիածինը հաղորդագրություն է տարածել․ Գարեգին Երկրորդ Ամենայն Հայոց կաթողիկոսի անդրադարձը Սուրբ Սոֆիայի տաճարթանգարանը մզկիթի վերածելու Թուրքիայի իշխանությունների որոշման առիթով։ 
Հաղորդագրությունում նշված է, որ Մայր Աթոռ Սուրբ Էջմիածնում ցավով են արձանագրել հուլիսի 10ին, Թուրքիայի Հանրապետության նախագահ Ռեջեփ Թայիփ Էրդողանի կողմից Օրթոդոքս Եկեղեցիների և քրիստոնեական աշխարհի համար կարևոր նշանակություն ունեցող Սուրբ Սոֆիայի տաճարը թանգարանից մզկիթի վերածելու որոշումը։
Ըստ կաթողիկոսի՝ թուրքական կառավարությունն ընդունել է միակողմանի ու դատապարտելի որոշում՝ դրանով խախտելով Թուրքիայում ազգային կրոնական փոքրամասնությունների իրավունքները։ 
Միլիոնավոր քրիստոնյաների կոչերն ու անհանգստություններն անտեսվել են, հաշվի չի առնվել նաև նույնիսկ ՅՈՒՆԵՍԿՕի կողմից Սուրբ Սոֆիայի տաճարը համաշխարհային մշակութային գանձարանում ներառնված լինելու փաստը։ 
Գարեգին Բն նշել է, որ Հայ Առաքելական Եկեղեցին ու հայ ժողովուրդը, որպես Օսմանյան Թուրքիայում Ցեղասպանություն վերապրած ժողովուրդ, կիսում է օրթոդոքս