4 դեկտեմբեր, 2020 11:52 Թուրքիայի և Իրանի նախագահները քննարկել են իրավիճակը Լեռնային Ղարաբաղում Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Հասան Ռոհանիի հետ։

4 դեկտեմբեր, 2020 00:10 ՌԴ ԱԳ նախարարը և ՄԱԿ-ի գլխավոր քարտուղարը քննարկել են ԼՂ-ում հումանիտար խնդիրները Դեկտեմբերի 3-ին ՌԴ արտաքին գործերի նախարար Սերգեյ Լավրովը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Քննարկվել են ակտուալ միջազգային հարցեր, այդ թվում ԼՂ հակամարտությունը։ Այս մասին հաղորդում է ՌԴ արտաքին գործերի նախարարության մամուլի ծառայութունը։

3 դեկտեմբեր, 2020 21:36 Ադրբեջանի օկուպացրած տարածքներում հայերը ենթարկվել են էթնիկ զտումների․ ԱԳ նախարար ՀՀ արտաքին գործերի նախարարությունը հրապարակել է նախարար Արա Այվազյանի ելույթը ԵԱՀԿ նախարարական խորհրդի 27րդ հանդիպմանը։ Ելույթի հիմնական մտքերը ներկայացնում ենք ստորև։
Նախարարը նշել է, որ Ադրբեջանի և իր դաշնակիցների գործողությունները նոր վտանգավոր նախադեպ են ստեղծել ԵԱՀԿ պատասխանատվության գոտում հակամարտային իրավիճակների հասցեագրման առումով
«Առաջինը Թուրքիայի կողմից Սիրիայից և Լիբիայից օտարերկրյա զինյալ ահաբեկիչների և ջիհադիստների հավաքագրումը, տեղափոխումը և տեղակայումն է Լեռնային Ղարաբաղի հակամարտության գոտում, ինչը օտարերկրյա զինյալ ահաբեկչության երևույթի դեմ պայքարի ԵԱՀԿ հանձնառությունների կոպիտ խախտում է։ Սա առաջին դեպքն է, երբ ԵԱՀԿ պատասխանատվության գոտում առկա հակամարտության համատեքստում ԵԱՀԿ երկու մասնակից պետություն իրենց զինված ուժերը համալրելու նպատակով տեղակայում են զինյալ ահաբեկիչներ և ջիհադիստներ փաստ, որն արձանագրվել է ոչ միայն ԵԱՀԿ մասնակից պետություններից շատերի, այլև ՄԱԿ համապատասխան կառույցի կողմից
Երկրորդ, Արցախի դեմ Ադրբեջանի ագրեսիան մեծապես հրահրվել և քաղաքական ու ռազմա
3 դեկտեմբեր, 2020 19:53 Ֆրանսիայի Ազգային ժողովը ԼՂ ճանաչման անհրաժեշտությունն ընդգծող բանաձև է ընդունել Ֆրանսիայի Ազգային ժողովն այսօր՝ Արցախի Հանրապետության ճանաչման վերաբերյալ Ֆրանսիայի Սենատի ընդունած պատմական որոշումից մեկ շաբաթ անց, 188 կողմ և 3 դեմ ձայնով ընդունել է բանաձև, որտեղ ընդգծվում է Լեռնային Ղարաբաղի ճանաչման հրատապ անհրաժեշտությունը։ 3 դեկտեմբեր, 2020 15:32 Էրդողանը մասնակցելու է Բաքվում կազմակերպվելիք ռազմական շքերթին․ լրատվամիջոցներ Թուրքիայի նախագահ Ռեջեփ Թայիփ Էրդողանը այցելելու է Ադրբեջան՝ մասնակցելու այդ երկրում կազմակերպվող շքերթին․ այս մասին հայտնում են ադրբեջանական և ռուսաստանյան լրատվամիջոցները՝ հղում անելով իրենց դիվանագիտական աղբյուրներին։ 3 դեկտեմբեր, 2020 14:24 Ավելի քան 900 վարձկան Ադրբեջանից վերադարձել է Սիրիա․ սիրիական դիտորդական կենտրոն Ավելի քան 900 սիրիացի վարձկան Ադրբեջանից վերադարձել է Սիրիա, քանի որ Ադրբեջանում նրանց պահելու Թուրքիայի բոլոր ջանքերը ձախողվել են։ Այս մասին հայտնում է Սիրիայի մարդու իրավունքների դիտորդական կենտրոնը (SOHR)՝ հղում անելով իր հավաստի աղբյուրներին։ 2 դեկտեմբեր, 2020 16:36 Ռուսաստանը Արցախում ռուսերեն լեզվի կարգավիճակի շուրջ չի բանակցում․ Պեսկով Ռուսաստանը ողջունում է ռուսերենի կիրառումը այլ երկրներում, բայց դրան պետական ​​լեզվի կարգավիճակ տալու որոշումը այդ երկրների ներքին գործն է․ այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը ՝ մեկնաբանելով ռուսերենը Արցախում պետակ ​​լեզու դարձնելու ծրագրերը: 2 դեկտեմբեր, 2020 16:19 Նիկոլ Փաշինյանը ՀԱՊԿ նիստում ընդգծել է Պուտինի «բացառիկ դերը» խաղաղության պահպանման հարցում Վարչապետ Նիկոլ Փաշինյանը մասնակցել է Հավաքական անվտանգության պայմանագրի կազմակերպության Հավաքական անվտանգության խորհրդի առցանց նիստին: Նիստին մասնակցել են նաև Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Տաջիկստանի նախագահ Էմոմալի Ռահմոնը, Ղազախստանի նախագահ Կասիմ Ժոմարտ Տոկաևը, Ղրղզստանի նախագահի պաշտոնակատար Թալանթ Մամիտովը և ՀԱՊԿ գլխավոր քարտուղար Ստանիսլավ Զասը: 2 դեկտեմբեր, 2020 16:04 Գերիների փոխանակման գործընթացում հայկական կողմն առաջարկում է կիրառել «բոլորը բոլորի դիմաց» սկզբունքը․ Ավինյան Հանդիպման ընթացքում հանգամանորեն քննարկվել են գերիների փոխանակման գործընթացին, անհետ կորած անձանց որոնողական աշխատանքներին ու զոհվածների դիերի հայտնաբերման գործողություններին վերաբերող հարցերը: Փոխվարչապետը նշել է, որ այս խնդիրները Հայաստանի կառավարության օրակարգում առաջնային ու հրատապ տեղ են գրավում և ամեն ինչ արվում է գործընթացը հնարավորինս արագացնելու համար: 2 դեկտեմբեր, 2020 16:03 Հայաստանի դիվանագիտությունը անխուսափելի դարձրեց պատերազմը. Արման Գրիգորյան Քաղաքագետ, ԱՄՆ Լիհայի (Lehigh) համալսարանի դասախոս Արման Գրիգորյանը կարծում է, որ Հայաստանի դիվանագիտությունը և Նիկոլ Փաշինյանի քաղաքականությունը անխուսափելի դարձրին պատերազմը, որին մենք պատրաստ չէինք և պարտվեցինք: Գրիգորյանը համոզված է, որ «ոչմիթիզհողականության» և Հայ դատի գաղափարը աշխատել է Հայաստանի դեմ: Քաղաքագետը նշում է, որ պատերազմի ընթացքում Ռուսաստանը չի արել որևէ քայլ, որը կարող էր ընկալվել ընդդեմ Հայաստանի շահերի:
2 դեկտեմբեր, 2020 13:08 Քննարկվում է Ստեփանակերտի օդանավակայանի վերաբացման հարցը Ստեփանակերտի օդանավակայանը վերաբացելու և Հայաստանի հետ ուղիղ թռիչքներ հաստատելու հարցով Լեռնային Ղարաբաղը մտադիր է դիմել Ռուսաստանի Դաշնությանը, գրում է ռուսաստանյան «Իզվեստիա» թերթը՝ նշելով, որ դեկտեմբերի 1-ից հետո Հայաստանի և Լեռնային Ղարաբաղի միջև կապի միակ ուղին Լաչինի միջանցքն է, որը ձյան առատ տեղումների հետևնքով փակվում է և դառնում դժվարանցանելի։ 2 դեկտեմբեր, 2020 11:16 Արցախի ՄԻՊ գրասենյակը տեսանյութերից առանձնացրել է մոտ 60 ռազմագերի Գիշեր-ցերեկ անընդհատ թարմացնում ենք գերիների վերաբերյալ մեր ցանկերը՝ հրապարակված տեսանյութերի և հարազատների ներկայացրած այլ ապացույցների հիման վրա: ԱՀ մարդու իրավունքների պաշտպանի աշխատակազմի գտած տեսանյութերից արդեն կարողացել ենք առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չենք կարողացել պարզել: Էլ չեմ նշում վկայությունների, զանգերի և այլ ապացույցների հիման վրա հավաքագրվող տվյալները: