20 մայիս, 2019 19:16 Ես չունեմ որևէ՝ ընդունելի բառապաշարով արտահայտման ենթակա մեկնաբանություն․ Վահե Գրիգորյանը՝ Քոչարյանի գործը կասեցնելու մասին Մարտի 1-ի 9 զոհերի իրավահաջորդների ներկայացուցիչ Վահե Գրիգորյանը ֆեյսբուքյան գրառում է կատարել Մարտի 1-ի գործի կասեցման մասին։ 20 մայիս, 2019 18:14 Բաժակը լցված էր, Քոչարյանի գործը վերջին կաթիլն էր. Նիկոլայ Բաղդասարյան Ազգային ժողովի «Իմ քայլը» խմբակցության պատգամավոր, իրավաբան Նիկոլայ Բաղդասարյանը ՍիվիլՆեթի Գևորգ Թոսունյանի հետ զրուցում է մայիսի 20-ի «Հանուն արդար դատարանի» ակցիայի և վարչապետ Նիկոլ Փաշինյանի ուղերձի մասին։

20 մայիս, 2019 16:35 Նպատակին հնարավոր էր հասնել առանց շրջափակման․ «Հանրապետություն» Դատական համակարգին հեղափոխական ուղերձ հղելու նույն նպատակին հնարավոր էր հասնել առանց շրջափակման ակցիայի. այս մասին ասվում է «Հանրապետություն» կուսակցության քաղաքական խորհրդի հայտարարության մեջ: 20 մայիս, 2019 16:15 Տարակուսելի խանդավառություն և գործիքների ուշացած կիրառում. Միքայել Նահապետյան «Քաղաքացու որոշում» կուսակցության գործադիր մարմնի անդամ Միքայել Նահապետյանը Սիվիլնեթի հետ խոսում է դատարանների մուտքերն ու ելքերը շրջափակելու վարչապետ Նիկոլ Փաշինյանի կոչի մասին։ Նահապետյանն ասում է՝ իրեն խորթ է այն վիճակը, երբ կարող է փողոց փակվել, հետո ավելի ուշ պարզաբանվել դրա իմաստն ու նպատակները։ 20 մայիս, 2019 13:05 Սահմանադրական կարգի խախտում և արդարադատության իրականացման խոչընդոտում «Լուսավոր Հայաստան» խմբակցության պատգամավոր Տարոն Սիմոնյանը ՍիվիլՆեթի տաղավարում հարց է բարձրացնում՝ ինչո՞ւ դատավորների հարցը չի լուծվում գործադիր և օրենսդիր իշխանությունների մակարդակում և կարիք է առաջացել գնալ նման ծայրահեղ քայլի։ Սիմոնյանը կարծում է, որ դատարանի մուտքերն ու ելքերը շրջափակելը արդարադատության իրականացմանը խոչընդոտելու գործողություններ են։ 20 մայիս, 2019 12:59 Դատական համակարգի «վիրահատության» հինգ կետերը, ըստ Փաշինյանի Բայց Հայաստանի ժողովուրդը դատական իշխանությունն ընկալում է որպես նախկին կոռումպացված համակարգի մնացուկ, որտեղ անընդհատ դավադրություններ են նախագծվում եւ իրագործվում ժողովրդի դեմ: Որքանո՞վ է իրական այս կանխավարկածը, որքանո՞վ է հիմնավորված, բոլորովին ուրիշ խնդիր է:

Բայց այն, որ դատական իշխանությունը չունի ժողովրդի վստահությունը, նշանակում է չունի նաեւ գործելու բավարար լեգիտիմություն, ինչն այսօր արդեն ուղղակի սպառնալիք է մեր երկրի բնականոն կյանքին, կայունությանն ու ազգային անվտանգությանը:
20 մայիս, 2019 12:55 The Five Points of Surgical Intervention of the Judiciary System. Nikol Pashinyan “The judicial power in the country does not enjoy the trust of the people,” Prime Minister Nikol Pashinyan announced today at 12.00 p.m. He spoke about the fact that the people of Armenia perceive the judicial system as a remnant of the former corrupt government. 20 մայիս, 2019 12:46 Եկել է դատական համակարգում վիրահատական միջամտությունների ժամանակը․ Փաշինյան Երկրում չկա ժողորդի վստահությունը վայելող դատական իշխանություն․ այսօր ժամը 12։00-ին հայտարարեց վարչապետ Նիկոլ Փաշինյանը։ Նա խոսեց այն մասին, որ Հայաստանի ժողովուրդը ընկալում է դատական համակարգը որպես նախկին կոռումպացված իշխանության մնացուկ։

«Եկել է դատական համակարգում վիրահատական միջամտություններ իրականացնելու ժամանակը։ Բոլոր դատավորները պետք է ենթարկվեն վեթինգի։ Անցումային արդարադատության մեխանիզմների ներդրումն ունի կենսական նշանակություն։ Չի կարող գոյություն ունենալ դատական համակարգ, որի իշխանությունը չի բխում ժողովրդից»,- հայտարարեց Փաշինյանը։
20 մայիս, 2019 12:37 Վերջ տալ «զանգովի» արդարադատությանը․ Վահան Կոստանյան Թաթուլ Հակոբյանը «Քաղաքացիական պայմանագիր» կուսակցության մամուլի խոսնակ Վահան Կոստանյանի հետ զրուցում է դատարաններն արգելափակելու այսօրվա ակցիայի, վարչապետի կոչի մասին։ Նա ասում է՝ պետք է վերջ տալ «զանգովի արդարադատությանը»։ 20 մայիս, 2019 12:28 Դատական համակարգը պատկանում է ժողովրդին. Հելսինկյան ասոցիացիայի իրավապաշտպան Սիվիլնեթը Շենգավիթի դատարանի մոտ խոսել է Հելսինկյան ասոցիացիայի իրավապաշտպան Արման Վեզիրյանի հետ։ Նա չի կարծում, որ այս ակցիան միայն Ռոբերտ Քոչարյանի և Մարտի մեկի գործի հետ է կապված։ Վեզիրյանը նշեց, որ ՀՀ-ում 20 տարի շարունակ դատարան չի գործել, և ժողովրդի համբերության բաժակը լցվել է։ Դատական համակարգը ևս պատկանում է ժողովրդին և ամբողջովին պիտի փոխվի։ 20 մայիս, 2019 12:08 Սահմանադրական դատարանի մուտքը՝ արգելափակված Սահմանադրական դատարանի մուտքը շարունակում է փակ մնալ։ Դատարանի աշխատակիցներից մեկը փորձում էր ներս մտնել, սակայն ցուցացարները թույլ չտվեցին։ Միջադեպ տեղի ունեցավ ակցիայի մասնակիցների և փաստաբան Գեղամ Սիմոնյանի միջև։ Լրագրողների հետ զրույցից հետո, քաղաքացիների կոչերով, ոստիկանները փասըաբանին հեռացրին տարածքից։ 20 մայիս, 2019 11:51 Ակնկալում եմ, որ մեր այս ակցիան վերջապես թմբիրից կարթնացնի դատավորներին․ Լենա Նազարյան Ազգային ժողովի փոխնախագահ Լենա Նազարյանը գրատում է արել․
«Հեղափոխությունից հետո այս մեկ տարին Հայաստանում դատական համակարգն առանց կառավարության միջամտության և ազդեցության է գործել։ Այս մեկ տարին այն ժամանակն էր, որի ընթացքում դատական մարմինները պետք է արձագանքեին Հայաստանում տեղի ունեցող ժողովրդավարացման գործընթացին։ Պետք է ինքնամաքրվեին, սեփական համակարգի արատները վեր հանեին, հրաժարվեին հին սովորություններից ու պրակտիկաներից։ Պետք է ազատվեին կոռումպացված և հին համակարգի հետ մասնավոր շահերով կապված դատավորներից։ Եվ պետք է գնային ՀՀում իրապես անկախ դատական իշխանություն ձևավորելուն։ Սակայն դա տեղի չունեցավ։ Դատական համակարգը մնաց անհաղորդ ժողովրդի պահանջներին և հեղափոխության բերած ժողովրդավարության և մարդու իրավունքների գերակայության սկզբունքներին։ Դատարանները մնում են անվստահելի առանց բացառության ԲՈԼՈՐ կողմերի համար, այդ անվստահությունը ճգնաժամեր է առաջացնում։Այսօրվա ժողովրդական ակցիայով մենք ցանկանում ենք, որ դատարանները և դատական ողջ համակարգը առերեսվի
Հայաստանում ժողովրդավարության անշրջելիության փա