30 հունվար, 2020 12:23 Հոգեբուժարանների խնդիրները՝ բանավեճի առարկա կառավարության նիստին Կառավարության հունվարի 30ի նիստին «Հոգեբուժության օգնության մասին» ՀՀ օրենքում փոփոխություններ կատարելու վերաբերյալ օրինագծի քննարկման ժամանակ Մարդու իրավունքների պաշտպան Արման Թաթոյանն ու Առողջապահության նախարար Արսեն Թորոսյանը բանավիճեցին Վերջինս հակադարձեց պաշտպանի՝ հոգեբուժական հաստատություններում առկա խնդրիների մասին դիտարկումներին
#ԿառավարությանՆիստ
29 հունվար, 2020 21:16 Ի՞նչն էր սխալ ոստիկանության գործողություններում Հունվարի 28-ին տեղի ունեցած միջադեպերը իրավապաշտպանների ուշադրության և սոցցանցերի քննարկումների կենտրոնում են։ ՍիվիլՆեթը խոսել է ոստիկանության, իրավապաշտպանների, քաղաքագետի հետ՝ պարզելու, թե ինչն էր անհանգստացնող ոստիկանության աշխատանքում այդ միջադեպի ժամանակ։
29 հունվար, 2020 15:35 Հակահեղափոխության փորձեր արվել են մի քանի անգամ. զրույց Արմեն Գրիգորյանի հետ Հայաստանում հակահեղափոխության փորձեր արվել են Սերժ Սարգսյանի հրաժարականից հետո, ընդ որում՝ մի քանի անգամ. ՍիվիլՆեթի Թաթուլ Հակոբյանի հետ զրույցում ասում է Անվտանգության խորհրդի քարտուղար Արմեն Գրիգորյանը։ Վերջինիս խոսքով՝ նախկին իշխանություններն այսօր Սահմանադրական դատարանի նախագահ Հրայր Թովմասյանին և ՍԴ-ն օգտագործում են հակահեղափոխության նպատակով։ Գրիգորյանի համոզմամբ՝ փորձեր կարվեն նաև օգտագործելու Արցախում կայանալիք ընտրությունները:

#CivilNet #ՍիվիլՆեթ #Հարցազրույց
27 հունվար, 2020 13:59 Նիկոլ Փաշինյանն ու Սերժ Սարգսյանի ղարաբաղյան ժառանգությունը․ զրույց Թաթուլ Հակոբյանի հետ Հունվարի 25ին Կապանում մամուլի ասուլիսի ժամանակ վարչապետ Նիկոլ Փաշինյանը խոսեց ղարաբաղյան հարցում Սերժ Սարգսյանի թողած ժառանգության մասին՝ մեջբերում անելով Սերժ Սարգսյանի ժամանակ բանակցային սեղանին դրված աշխատանքային փաստաթղթից։ Փաշինյանի խոսքով՝ իրեն առաջարկվել է շարունակել բանակցություններն այն կետից, որ կետի վրա գործընթացը թողել էր Սերժ Սարգսյանը։ Ի՞նչ փաստաթղթից էր մեջբերումը, ինչո՞վ է այն տարբերվում Մադրիդյան մայր փաստաթղթից, ինչպե՞ս արցախյան առաջիկա ընտրությունները կանդրադառնան բանակցային գործընթացի վրա․ այս հարցերի շուրջ Ստելլա Մեհրաբեկյանը զրուցում է Թաթուլ Հակոբյանի հետ։
#CivilNet #ՍիվիլՆեթ #Հարցազրույց
25 հունվար, 2020 15:17 Եթե «սորոսական» նշանակում է պետության դեմ գործած՝ դո՛ւք եք ամենամեծ «սորոսականները» Հունվարի 25ին Կապանում մամուլի ասուիլիսի ժամանակ «Իրավունք» թերթի լրագրողը վարչապետին հարց ուղղեց իշխանության օղակներում «սորոսականների» առկայության մասին և հետաքրքրվեց, թե «ինչո՞ւ վարչապետը չի զսպում նրանց ակտիվությունը, որը երբեմն ակնհայտ ապազգային է»։ Ի պատասխան՝ Նիկոլ Փաշինյանը նախ խնդրեց բացատրել՝ ինչ է նշանակում «սորոսական», ապա հայտարարեց, որ այդ թեման շահարկում են նախկին իշխանությունների ներկայացուցիչները, որոնց օրոք «Բաց հասարակության հիմանդրամներ» կազմակերպությունը սկսել է իր գործունեությունը Հայաստանում։ «Եթե սորոսական նշանակում է պետության դեմ գործած, ուրեմն դո՛ւք եք ամենամեծ սորոսականները», հայտարարեց Նիկոլ Փաշինյանը։
#CivilNet #ՍիվիլՆեթ #ՆիկոլՓաշինյանԱսուլիս
25 հունվար, 2020 15:08 Ամուլսարի հարցով իրավական խնդիրներ կարող են լինել՝ Լիդիանն արբիտրաժ կդիմի. Փաշինյան Վարչապետ Նիկոլ Փաշինյանը Կապանում հունվարի 25-ին անդրադարձավ Ամուլսարի խնդրին՝ նշելով, որ խնդիրը որևէ կերպ չի լուծվի, քանի դեռ դեպի հանքավայր տանող ճանապարհները փակ են: Նա ճանապարհ փակող քաղաքացների գործողությունները «ոչ տրամաբանական» է համարում:
25 հունվար, 2020 14:51 Հրայր Թովմասյանն ամենօրյա ռեժիմով ինձ առաջարկել է իր ծառայությունները. Փաշինյան Հայաստանի սահմանադրությամբ նախատեսված Սահմանադրական դատարան մենք այսօր չունենք․ այս մասին Կապանում հունվարի 25ին տեղի ունեցած ասուլիսի ժամանակ հայտարարեց ՀՀ վարչապետ Նիկոլ Փաշինյանը՝ նշելով, որ ՀՀ Սահմանադրությամբ ՍԴ նախագահ պետք է ընտրի ՍԴն իր կազմից
#CivilNet #ՍիվիլՆեթ #ՆիկոլՓաշինյանԱսուլիս
25 հունվար, 2020 13:52 Մենք կոտրել ենք հիբրիդային հեղաշրջման գործընթաց անողների ողնաշարը. Փաշինյան Հայաստանում ոչ թե հեղաշրջման, այլ հիբրիդային հեղաշրջման գործընթաց է տեղի ունեցել․ այս մասին այսօր՝ հունվարի 25-ին, Կապանում մամուլի ասուլիսին հայտարարեց ՀՀ վարչապետ Նիկոլ Փաշինյանը՝ մեկնաբանելով Անվտանգության խորհրդի քարտուղար Արմեն Գրիգորյանի՝ պետական հեղաշրջման վերաբերյալ հայտարարությունը: 25 հունվար, 2020 13:52 Նիկոլ Փաշինյանը մինչև հիմա կարծո՞ւմ է, թե Ապրիլյան պատերազմը եղել է ՌԴ գիտությամբ և համաձայնությամբ Հունվարի 25ին Կապանի ասուլիսի ընթացքում Նիկոլ Փաշինյանին հարց ուղղվեց, թե արդյոք մինչև հիմա կարծում է՝ Ապրիլյան քառօրյա պատերազմը տեղի է ունեցել Ռուսաստանի «գիտությամբ և համաձայնությամբ»։ «Ինչ ասել եմ 2016ին, դա կա մինչև հիմա իմ ֆեյսբուքյան էջում։ Ավելին ասեմ՝ մեր հանրության շրջանում առկա մի շարք մտահոգությունների մասին քննարկում եմ ունեցել Ռուսաստանի գործընկերների հետ։ Շատ բարեկամական, դաշնակցային, եղբայրական մթնոլորտում մենք այդ հարցերը քննարկել ենք, խոսել ենք, վերլուծել ենք և փոխադարձաբար ստացել ենք մեզ անհրաժեշտ հարցերի պատասխանները»։
#CivilNet #ՍիվիլՆեթ #ՆիկոլՓաշինյանԱսուլիս
25 հունվար, 2020 13:28 Նիկոլ Փաշինյանը՝ ԼՂ հարցում Սերժ Սարգսյանի թողած ժառանգության մասին Երբ ես դարձա վարչապետ, ինձ առաջարկ է եղել, որ շարունակեմ բանակցությունները նույն կետից, որտեղ ընդհատվել են Սերժ Սարգսյանի օրոք։ Որևէ կառավարություն ԼՂ հարցում չի եղել այնքան թափանցիկ, որքան մեր կառավարությունը․ Կապանում այսօրվա ասուլիսին հայտարարեց վարչապետ Նիկոլ Փաշինյանը։ Նա կոչ արեց Արցախի նախագահի թեկնածուներին ասել՝ իրենց համար այս ժառանգությունը ընդունելի է, թե ոչ։ 23 January, 2020 19:55 Armenia Climbs 17 Places in Economist's 2019 Democracy Index According to the 2019 Democracy Index by The Economist, Armenia has jumped 17 places, from 103rd place to 86th place, surpassed neighboring Georgia. The report gives a special mention of the good conduct of the 2018 parliamentary elections in the country.

The Index gives a review of "the state of world democracy" for 165 independent states and two territories. It is based on five categories: electoral process and pluralism; civil liberties; the functioning of government; political participation; and political culture.

23 հունվար, 2020 12:30 Թռիչք 17 կետով․ Հայաստանը բարելավել է դիրքերը «Ժողովրդավարության համաթիվ 2019»-ում Բրիտանական «Էկոնոմիստ Ինթելիջենս Յունիթ» (Economist Intelligence Unit - EIU) հեղինակավոր հետազոտական և խորհրդատվական ընկերությունը հրապարակել է իր «Ժողովրդավարության համաթիվ 2019» զեկույցը, ըստ որի Հայաստանը թեև կրկին դասվել է «հիբրիդային ռեժիմ»-ների շարքին, սակայն նշանակալիորեն՝ 17 հորիզոնականով բարելավել է դիրքերը։ 2018-ին զբաղեցրած 103-րդ տեղից Հայաստանը բարձրացել է 86-րդ տեղ։