20 մայիս, 2019 13:05 Սահմանադրական կարգի խախտում և արդարադատության իրականացման խոչընդոտում «Լուսավոր Հայաստան» խմբակցության պատգամավոր Տարոն Սիմոնյանը ՍիվիլՆեթի տաղավարում հարց է բարձրացնում՝ ինչո՞ւ դատավորների հարցը չի լուծվում գործադիր և օրենսդիր իշխանությունների մակարդակում և կարիք է առաջացել գնալ նման ծայրահեղ քայլի։ Սիմոնյանը կարծում է, որ դատարանի մուտքերն ու ելքերը շրջափակելը արդարադատության իրականացմանը խոչընդոտելու գործողություններ են։ 20 մայիս, 2019 12:59 Դատական համակարգի «վիրահատության» հինգ կետերը, ըստ Փաշինյանի Բայց Հայաստանի ժողովուրդը դատական իշխանությունն ընկալում է որպես նախկին կոռումպացված համակարգի մնացուկ, որտեղ անընդհատ դավադրություններ են նախագծվում եւ իրագործվում ժողովրդի դեմ: Որքանո՞վ է իրական այս կանխավարկածը, որքանո՞վ է հիմնավորված, բոլորովին ուրիշ խնդիր է:

Բայց այն, որ դատական իշխանությունը չունի ժողովրդի վստահությունը, նշանակում է չունի նաեւ գործելու բավարար լեգիտիմություն, ինչն այսօր արդեն ուղղակի սպառնալիք է մեր երկրի բնականոն կյանքին, կայունությանն ու ազգային անվտանգությանը:
20 մայիս, 2019 12:55 The Five Points of Surgical Intervention of the Judiciary System. Nikol Pashinyan “The judicial power in the country does not enjoy the trust of the people,” Prime Minister Nikol Pashinyan announced today at 12.00 p.m. He spoke about the fact that the people of Armenia perceive the judicial system as a remnant of the former corrupt government. 20 մայիս, 2019 12:46 Եկել է դատական համակարգում վիրահատական միջամտությունների ժամանակը․ Փաշինյան Երկրում չկա ժողորդի վստահությունը վայելող դատական իշխանություն․ այսօր ժամը 12։00-ին հայտարարեց վարչապետ Նիկոլ Փաշինյանը։ Նա խոսեց այն մասին, որ Հայաստանի ժողովուրդը ընկալում է դատական համակարգը որպես նախկին կոռումպացված իշխանության մնացուկ։

«Եկել է դատական համակարգում վիրահատական միջամտություններ իրականացնելու ժամանակը։ Բոլոր դատավորները պետք է ենթարկվեն վեթինգի։ Անցումային արդարադատության մեխանիզմների ներդրումն ունի կենսական նշանակություն։ Չի կարող գոյություն ունենալ դատական համակարգ, որի իշխանությունը չի բխում ժողովրդից»,- հայտարարեց Փաշինյանը։
20 մայիս, 2019 12:37 Վերջ տալ «զանգովի» արդարադատությանը․ Վահան Կոստանյան Թաթուլ Հակոբյանը «Քաղաքացիական պայմանագիր» կուսակցության մամուլի խոսնակ Վահան Կոստանյանի հետ զրուցում է դատարաններն արգելափակելու այսօրվա ակցիայի, վարչապետի կոչի մասին։ Նա ասում է՝ պետք է վերջ տալ «զանգովի արդարադատությանը»։ 20 մայիս, 2019 12:28 Դատական համակարգը պատկանում է ժողովրդին. Հելսինկյան ասոցիացիայի իրավապաշտպան Սիվիլնեթը Շենգավիթի դատարանի մոտ խոսել է Հելսինկյան ասոցիացիայի իրավապաշտպան Արման Վեզիրյանի հետ։ Նա չի կարծում, որ այս ակցիան միայն Ռոբերտ Քոչարյանի և Մարտի մեկի գործի հետ է կապված։ Վեզիրյանը նշեց, որ ՀՀ-ում 20 տարի շարունակ դատարան չի գործել, և ժողովրդի համբերության բաժակը լցվել է։ Դատական համակարգը ևս պատկանում է ժողովրդին և ամբողջովին պիտի փոխվի։ 20 մայիս, 2019 12:08 Սահմանադրական դատարանի մուտքը՝ արգելափակված Սահմանադրական դատարանի մուտքը շարունակում է փակ մնալ։ Դատարանի աշխատակիցներից մեկը փորձում էր ներս մտնել, սակայն ցուցացարները թույլ չտվեցին։ Միջադեպ տեղի ունեցավ ակցիայի մասնակիցների և փաստաբան Գեղամ Սիմոնյանի միջև։ Լրագրողների հետ զրույցից հետո, քաղաքացիների կոչերով, ոստիկանները փասըաբանին հեռացրին տարածքից։ 20 մայիս, 2019 11:51 Ակնկալում եմ, որ մեր այս ակցիան վերջապես թմբիրից կարթնացնի դատավորներին․ Լենա Նազարյան Ազգային ժողովի փոխնախագահ Լենա Նազարյանը գրատում է արել․
«Հեղափոխությունից հետո այս մեկ տարին Հայաստանում դատական համակարգն առանց կառավարության միջամտության և ազդեցության է գործել։ Այս մեկ տարին այն ժամանակն էր, որի ընթացքում դատական մարմինները պետք է արձագանքեին Հայաստանում տեղի ունեցող ժողովրդավարացման գործընթացին։ Պետք է ինքնամաքրվեին, սեփական համակարգի արատները վեր հանեին, հրաժարվեին հին սովորություններից ու պրակտիկաներից։ Պետք է ազատվեին կոռումպացված և հին համակարգի հետ մասնավոր շահերով կապված դատավորներից։ Եվ պետք է գնային ՀՀում իրապես անկախ դատական իշխանություն ձևավորելուն։ Սակայն դա տեղի չունեցավ։ Դատական համակարգը մնաց անհաղորդ ժողովրդի պահանջներին և հեղափոխության բերած ժողովրդավարության և մարդու իրավունքների գերակայության սկզբունքներին։ Դատարանները մնում են անվստահելի առանց բացառության ԲՈԼՈՐ կողմերի համար, այդ անվստահությունը ճգնաժամեր է առաջացնում։Այսօրվա ժողովրդական ակցիայով մենք ցանկանում ենք, որ դատարանները և դատական ողջ համակարգը առերեսվի
Հայաստանում ժողովրդավարության անշրջելիության փա
20 մայիս, 2019 11:33 Հեղափոխությունը մտնում է դատարաններ ՍիվիլՆեթի Ստելլա Մեհրաբեկյանը Թաթուլ Հակոբյանի հետ զրուցում է այսօրվա «Հանուն արդար դատարանի» ակցիայի, արձագանքների, քաղաքական իրավիճակի շուրջ։ 20 մայիս, 2019 11:30 I hope today will mark the beginning of a new process of transformation in Armenia. Vahe Grigoryan Attorney Vahe Grigoryan wrote on Facebook, referring to today's action of blocking the entrances and exits of all the courts in the country, as announced by Prime Minister Nikol Pashinyan. 20 մայիս, 2019 11:19 Սահմանադրական կարգ չի խախտվում, իրավական քաոս չկա. ԲԴԽ անդամ Հանրային վստահություն դատական համակարգի նկատմամբ չկա և եթե դատարանների դռների առաջ անհնազանդության գործողություններ իրականացնելով հնարավոր կլինի այդ վստահությունը ստեղծել, ուրեմն կարելի է և դիմել նման գործողությունների։ Այս մասին Հանրային հեռուստաընկերության եթերում հայտարարեց Բարձրագույն դատական խորհրդի անդամ Հայկ Հովհաննիսյանը։
Նրա խոսքով՝ անհնազանդության գործողությունները հակասահմանադրական չեն «Քանի որ եթե մի բան չի աշխատում այնպես, ինչպես պետք է աշխատի, միգուցե կա կարիք կանգ առնել, հասկանալ ու լուծումներ գտնել»։
«Իրավական քաոս չկա, կա գերագույն արժեք՝ դա մարդու արժանապատիվ ապրելու իրավունքն է և մենք իրավունք ունենք դատավորներից պահանջել աշխատել ավելի արդյունավետ», ասել է Հովհաննիսյանը։
20 մայիս, 2019 11:10 ԲՀԿ-ն կոչ է անում Փաշինյանին ուղիղ եթերի ընթացքում չեղարկել նախկինում արված իր կոչը «Բարգավաճ Հայաստան» կուսակցությունը կողմ լինելով մեր երկրում օրինականության և սահմանադրական կարգի պահպանմանը, պատրաստ լինելով օրենքի շրջանակներում քննարկել դատական համակարգում առկա իրապես լուրջ խնդիրները, գտնել համատեղ իրավական լուծումներ, կոչ է անում ձեռնպահ մնալ բոլոր տեսակի հակասահմանադրական քայլերից և գործողություններից: