9 օգոստոս, 2019 09:28 Նիկոլ Փաշինյանն աշխատանքային այցով Ղրղզստանում է Վարչապետ Նիկոլ Փաշինյանը, Եվրասիական միջկառավարական խորհրդի հերթական նիստին մասնակցելու նպատակով, օգոստոսի 8-ի երեկոյան աշխատանքային այցով ժամանել է Ղրղզստանի Հանրապետություն՝ Իսիկ Կուլի շրջանի Չոլպոն-Ատա քաղաք:

Հայաստանն այս տարի նախագահում է ԵԱՏՄ մարմիններում, և օգոստոսի 9-ին Հայաստանի վարչապետը՝ որպես ԵԱՏՄ մարմիններում նախագահող երկրի ղեկավար, կմասնակցի Եվրասիական միջկառավարական խորհրդի նիստի աշխատանքներին։
8 օգոստոս, 2019 16:36 Կառավարությունը կաջակցի անպտղություն ունեցող զույգերին Կառավարությունն այսօր ընդունել է անպտղության հաղթահարմանն ուղղված որոշում, որով նախատեսվում է բարելավել անպտղություն ունեցող զույգերի իրավունքների իրացումը՝ սահմանելով մեխանիզմներ բնակչության որոշ խմբերի անպտղության պատճառագիտության հետազոտման ու բուժման, ինչպես նաև վերարտադրողականության օժանդակ տեխնոլոգիաների տրամադրման ու իրականացման համար՝ ապահովելով վերարտադրողական առողջության ոլորտում առաջացող այլ հարաբերությունների համալիր կարգավորումը: 8 օգոստոս, 2019 10:15 Առաջին կիսամյակում ունենք զբոսաշրջության 12,8 տոկոս աճ․ Փաշինյան Վարչապետ Նիկոլ Փաշինյանը ֆեյսբուքյան գրառում է կատարել զբոսաշրջության ոլորտի վիճակագրության մասին։

«Այս տարվա առաջին 6 ամիսների ընթացքում մի շարք երկրներից Հայաստան ժամանած զբոսաշրջիկների թիվը տպավորիչ աճ է արձանագրել:

Ընդհանուր առմամբ, առաջին կիսամյակում ունենք զբոսաշրջության 12,8 տոկոս աճ: ԿԲ հաշվարկներով՝ այս տարի նախորդ տարվա համեմատ զբոսաշրջիկները Հայաստանում ծախսել են մոտ 120 միլիոն դոլար ավել գումար: ՀՀ յուրաքանչյուր քաղաքացի կարող է այս գումարից իր բաժինն ունենալու հայտ ներկայացնել»:
6 օգոստոս, 2019 09:47 Արցախը Հայաստան է և վերջ Վարչապետ Նիկոլ Փաշինյանն աշխատանքային այցով գտնվում է Արցախի Հանրապետությունում։ Օգոստոսի 5-ին Նիկոլ Փաշինյանը մասնակցել է Ստեփանակերտի Վերածննդի հրապարակում կազմակերպված հանրահավաքին և հանդես եկել ծրագրային ելույթով։

Ստորև՝ վարչապետի ելույթն ամբողջությամբ.

«Սիրելի ժողովուրդ,
Հայաստանի Հանրապետության, Արցախի հպարտ քաղաքացիներ, ողջունում եմ բոլորիդ, Սփյուռքի հպարտ հայության ներկայացուցիչներ, ողջունում եմ բոլորիդ։
5 օգոստոս, 2019 14:49 Հայրենադարձութիւն, ակտիւիզմ եւ պետական ծառայութիւն 1990-ին, աշնանային Հոկտեմբերի վերջերուն, երբ դեռ Հայաստան Խորհրդային Միութեան մաս կը կազմէր, երբ յայտնի չէր երկրի ապագան, երբ Հայաստանի անկախութեան մասին խօսիլը շատերու համար վտանգաւոր արկածախնդրութիւն կը համարուէր, երբ Արցախի Ազատագրական պայքարը թէժ փուլ մը կը մտնէր, երբ դեռ չկար Հայաստանի քաղաքացիութեան օրէնք, 8 տարեկան Սարհատ Պետրոսյանը իր եղբոր, երկու քոյրերուն, բժիշկ հայրիկին ու լրագրող մայրիկին հետ մնաք բարով կ'ըսէր Իրանի իր հարազատներուն եւ ընկերներուն, ու կու գար Հայաստան: 31 հուլիս, 2019 19:46 Հակահեղափոխության որևէ շանս չկա. Հակոբ Բադալյան Քաղաքական մեկնաբան Հակոբ Բադալյանը համոզված է, որ Հայաստանում հակահեղափոխության որևէ շանս չկա, անգամ եթե միավորվեն Ռոբերտ Քոչարյանը, Սերժ Սարգսյանը և Գագիգ Ծառուկյանը իրենց ֆինանսական ու քաղաքական կապիտալով՝ գումարած ՀՅԴ-ն: ՍիվիլՆեթի Թաթուլ Հակոբյանի հետ զրույցում Բադալյանը անդրադառնում է ներքաղաքական զարգացումներին, նախագահ Արմեն Սարգսյանի դերակատարությանը, Մարտի 1-ի և Քոչարյանի դատավարարության, դատական համակարգի և մասնավորապես՝ Սահմանադրական դատարանի շուրջ ստեղծված իրավիճակին:
9 հուլիս, 2019 15:39 Կառավարության ամենամեծ հաջողությունը՝ նվազեցված կոռուպցիան․ IRI հետազոտություն Հայաստանի բնակչության 33%-ը կարծում է, որ երկրի տնտեսությունը վերջին 6 ամիսների ընթացքում առաջընթաց է արձանագրել, 20%-ը նշել է, որ տնտեսությունը հետընթաց է արձանագրել, իսկ 45%-ը կարծում է՝ տնտեսության մեջ ոչ առաջընթաց կա, ոչ էլ՝ հետընթաց․ նման տվյալներ է բերում Միջազգային հանրապետական ինստիտուտը (IRI)՝ 2019-ի մայիսի 6-ից 31-ն անցկացված հարցման արդյունքում։ Ամենամեծ առաջընթացը մարդիկ նշել են խոսքի ազատության ոլորտում՝ 74%։ 25 հունիս, 2019 13:15 Անցյալի իներցիան Հայաստանի բուհերում․ ինչպես հասկանալ ներկան ու ծրագրել ապագան Հետհեղափոխական Հայաստանի կարևորագույն խնդիրներից մեկը բարձրագույն կրթական համակարգի դեռ չարված բարեփոխումն է, որը, ԿԳՆ-ի պարզաբանմամբ, կմեկնարկի նոր օրենքի ընդունումից հետո։ Բայց արդյոք մինչ օրենքի ընդունումն այլ կարևոր քայլեր չպե՞տք է արվեն, արդյոք այս մեկ տարվա ընթացքում մենք արե՞լ ենք հնարավորը կամ գոնե նվազագույնը, որպեսզի բարձրագույն կրթական համակարգը ավելի լավը դառնա։ 14 հունիս, 2019 18:27 Առանց տեսլականի հեղափոխությունը կարող է պարտվել․ Լիլիթ Գևորգյան Լոնդոնի IHS Markit հետազոտական կենտրոնի՝ Ռուսաստանի և ԱՊՀ-ի հարցերով գլխավոր վերլուծաբան Լիլիթ Գրիգորյանը ՍիվիլՆեթի Ստելլա ՄեհրաԲեկյանի հետ գնահատում է Հայաստանի ներքաղաքական և տարածաշրջանային իրավիճակը։ Զրույցի սղագրությունը որոշ խմբագրումներով ներկայացված են ստորև։ 6 հունիս, 2019 14:27 Հայաստանը՝ լույսի շող խավարում․ Freedom House-ի «Ազատություն և մեդիա» զեկույց Freedom House իրավապաշտպան կազմակերպության նոր՝ «Ազատություն և մեդիա․ զսպանակաձև անկում» զեկույցը փաստում է՝ աշխարհում մամուլի ազատության վիճակը վերջին տասնամյակում վատթարացել է։ Աշխարհի ամենաազդեցիկ ժողովրդավարություններում նպատակուղղված ջանքեր են գործադրվում մեդիա ոլորտի անկախության դեմ։ Այդուհանդերձ, ըստ զեկույցի, աշխարհում մամուլի ազատության պատկերն ամբողջապես մռայլ չէ․ կան երկրներ, որտեղ ժողովրդավարական առաջընթաց է գրանցվել, և այդ երկրների շարքում է Հայաստանը։
«Աշխարհում մամուլի ազատության պատկերը ամբողջապես մռայլ չէ։ Վերջին երկու տարիներին ժողովրդավարական առաջընթացի ոգեշնչող օրինակներ են Եթովպիան, Մալայզիան, Հայաստանը, Էկվադորը և Գամբիան՝ բոլորն էլ զուգահեռաբար նվաճումներ են գրանցել մեդիա միջավայրում։ Հինգ այս երկրներից միայն Հայաստանին չի հաջողվել նույն տարում արձանագրել մամուլի ազատության բարելավում, ինչպես քաղաքական փոփոխությունների դեպքում Այս կորելյացիան մեկ անգամ ևս ընդգծում է մամուլի ազատության և քաղաքական փոփոխությունների միջև սերտ կապը», նշում են հեղինակները ու հավելո
5 հունիս, 2019 12:04 Ազգային արժեքների համար մարդ են ծեծում, բայց թալանելիս` դրանց մասին ոչ մի խոսք․ Նիկոլ Փաշինյան Հայաստանում ստեղծվելու է հակակոռուպցիոն դատարան․ այս մասին հունիսի 5-ին լրագրողների հետ զրույցում հայտարարեց վարչապետ Նիկոլ Փաշինյանը։

Վերջինս նշեց՝ իրենց «մարիոնետային դատարան պետք չէ», այլապես դատական համակարգում փոփոխություններ չէին ձեռնարկի; Փաշինյանի խոսքով՝ իրենց պետք է այնպիսի դատական համակարգ, որի կայացրած վճիռներն ու որոշումները հանրության համար լինեն վստահելի։ Նիկոլ Փաշինյանը հայտարարեց՝ բյուջետային առումով կարող են դատավորների աշխատավարձերը բարձրացնելու նախաձեռնություն դրսևորել, որը սակայն չեն անի։

«Առանց դատավորների աշխատավարձի լրջորեն բարձրացման չենք կարող ունենալ անկախ դատական համակարգ։ Մենք այսօր բյուջետային առումով հնարավորություն ունենք դատավորների աշխատավարձը բարձրացնել, բայց եթե դա մենք անենք, հանրությունը մեզ չի հասկանա։ Կասի՝ էս սոցիալական վիճակում փոխանակ սա անեք, սա անեք, սա անեք, դատավորների աշխատավարձն եք բարձրացնում»,- ասաց վարչապետը։
3 հունիս, 2019 11:40 Դատարանների շրջափակումը հաջողված գործողություն չէր․ Էմիլ Սանամյան Վաշինգտոնում բնակվող լրագրող, Հարավային Կովկասի հարցերով փորձագետ Էմիլ Սանամյանը «Ամերիկայի ձայն» ռադիոկայանի հետ հարցացրույցում խոսում է Հայաստանում ընթացող վերջին զարգացումների, քաղաքական և դատաիրավական խնդիրների վերաբերյալ։ Հարցազրույցը թարգմանաբար՝ ստորև։