22 սեպտեմբեր, 2020 11:55 Կպատվաստվե՞ք, եթե կորոնավիրուսի դեմ պատվաստանյութը պատրաստ լինի Եթե կորոնավիրուսի դեմ պատվաստանյութը պատրաստ լիներ, աշխարհում բնակչության մեծամասնությունը՝ 74%-ը, կպատվաստվեր, իսկ 26%-ը՝ ոչ։ Այս անգամ թվերը խոսում են չպատվաստվելու պատճառների և կորոնավիրուսի դեմ պատվաստվելու ամենից շատ ցանկություն ունեցող երկրների մասին։
13 սեպտեմբեր, 2020 14:02 Ինչ հարված է հասցրել կորոնավիրուսը աշխատողներին Հայաստանում․ թվերով Հայաստանում հարցվածների կեսը նշել է, որ համավարակի պատճառով իր ֆինանսական վիճակը վատթարացել է։ Ինչպե՞ս են «յոլա գնացել» և ի՞նչ աջակցություն էին ակնկալում կորոնավիրուսի տնտեսական հետևանքները մեղմելու համար հարցերն հետազոտվել են Համաշխարհային բանկի կողմից ֆինանսավորված «Նոր կորոնավիրուսի համավարակի վերաբերյալ հանրային կարծիքի ուսումնասիրության» շրջանակում։
5 սեպտեմբեր, 2020 16:12 Հարցում. որքանո՞վ ենք պատրաստ գումար նվիրաբերել Վերջին վեց ամսվա ընթացքում Հայաստանում բնակչության միայն 6%-ն է ասել, որ դրամական նվիրատվություն է արել վստահելի որևէ կազմակերպության։
28 օգոստոս, 2020 14:46 Ի՞նչն է կարևոր բիզնես սկսելու համար Բիզնես հիմնելու համար կարևոր է, որ ճանաչես ինչ-որ մեկին, որն արդեն հիմնել է իր սեփական գործը։ Բիզնես հիմնելու համար կարևոր է նաև նկատել համապատասխան հնարավորությունները և դրանք վերածել բիզնես ծրագրի։ Այս անգամ վերլուծել ենք «Գործարարության գլոբալ դիտարկում 2019/2020» զեկույցում ուսումնասիրված 54 երկրների արդյունքներն ու դրանք համեմատել Հայաստանի ցուցանիշների հետ։ Եթե դուք գործարար եք և նկատել եք, որ մենք ինչ-որ բան բաց ենք թողել, ապա խնդրում ենք մեկնաբանությունում ներկայացնել նաև ձեր փորձը։
20 օգոստոս, 2020 14:16 13,5 ժամ, որից վարձատրվում է միայն 8-ը․ ուզո՞ւմ եք այդպիսի աշխատանք Հայաստանում լրիվ դրույքով աշխատող կանայք օրական 13,5 ժամ աշխատում են՝ վճարվելով միայն 8 ժամի համար, այն էլ՝ 28%-ով պակաս վարձատրվելով տղամարդկանց համեմատ։ Հենց այդքան է Հայաստանում ժամային վարձատրության ճշգրտված գենդերային խզվածքը՝ ըստ Ազգային վիճակագրական կոմիտեի նոր հրապարակած հետազոտության։ Ի՞նչ եք կարծում՝ տղամարդիկ օրական քանի ժամ են ծախսում տնային աշխատանքների վրա։ Թվերն այս անգամ խոսում են կանանց և տղամարդկանց աշխատանքային տարբեր ժամերի և տարբեր վարձատրությունների մասին։
7 օգոստոս, 2020 15:00 Հարցում. երեխայի սեռը էական չէ Երեխայի սեռը էական չէ, ասել է Հայաստանի բնակչության կեսից ավելին՝ 55%-ը։ Հայաստանցիների 34%-ը նախապատվությունը տվել է տղա երեխային և միայն 9%-ը՝ աղջիկ երեխային։ Թվերը խոսում են տղա երեխայի ավանդական նախապատվության կամ աղջիկ երեխա չնախընտրելու մասին։ Տվյալները Հետազոտական ռեսուրսների կովկասյան կենտրոն Հայաստանի (CRRC) 2019 թ․ Կովկասյան բարոմետրից են։
29 հուլիս, 2020 16:42 Ինչ են մտածում հայաստանցիները Ամուլսարի մասին Բնակչության 53%-ը հավանություն չի տալիս Ամուլսարում հանքարդյունաբերության իրականացմանը։ Ովքեր են ավելի շատ դեմ այս ծրագրին, և որն է մեր բնակչության համար ավելի կարևոր` ներդրումնե՞րը, թե՞ բնության պահպանումը՝ խոսում են թվերը։
22 հուլիս, 2020 15:04 Կորոնավիրուսը փոխել է տուրիստի ուղին Կորոնավիրուսի պատճառով աշխարհում զբոսաշրջիկների ժամանումները նվազել են՝ ապրիլին՝ 97%-ով, մարտին 55%-ով, իսկ մայիսին՝ 44%-ով, ինչի պատճառով ոլորտին հասցվել է 195 միլիարդ դոլարի վնաս։

Հունիսի 15-ի տվյալներով՝ աշխարհում արդեն 48 երկիր խստացումները թեթևացրել է, այսինքն՝ ընդհանուր ուղղությունների 22%-ն արդեն քիչ թե շատ բացվել է։
1 հուլիս, 2020 16:00 Համացանցը, որ խլում է ձեր կյանքի կեսը 2020ի հունվարի դրությամբ՝ համացանցի յուրաքանչյուր օգտատեր օրական միջինը 6 ժամ և 40 րոպե է անցկացնում առցանց։ Եթե օրական քնելու ութ ժամը հանենք, ստացվում է մեր արթուն կյանքի 40%ը համացանցում է անցնում։ Նյութում կարող եք դիտել, թե ինչ անհանգստություններ ունեն համացանցի օգտատերերն այսօր։ Աղբյուրը՝  Digital 2020 Global Overview Report։ 18 հունիս, 2020 13:57 Որոնք են աշխարհի երջանիկ երկրները, ուր է այնտեղ Հայաստանը Երջանկության 2020թ․ զեկույցի համաձայն՝ աշխարհում ավելի են շատացել բացասական էմոցիաները։ Մարդիկ դարձել են ավելի անհանգիստ, տխուր և ջղային։ Ցավոք, վերջին ինը տարվա ընթացքում դրական էմոցիաները այդչափ չեն ավելացել։ Փորձել ենք հասկանալ, թե ինչն է նպաստում երկրների երջանկությանը, ասել է թե՝ գտնել երջանկության գաղտնիքը։ Դիտե՛ք՝ խոսուն թվեր են։

Աղբյուրը՝ https://happiness-report.s3.amazonaws.com/2020/WHR20.pdf
31 մայիս, 2020 13:44 Ինչի՞ց են մարդիկ ամենաշատը մեռնում․ 10 պատճառ Ըստ Առողջապահության համաշխարհային կազմակերպության տվյալների՝ աշխարհում տարեկան 57 մլն մարդ է մահանում։ Ներկայացնում ենք մահերի տասը ամենամեծ պատճառների խմբերը։
22 մարտ, 2020 12:33 Ամուսնանում եք, ամուսնալուծվում, իսկ թվերը հետևում են ձեզ Հայաստանում 2019ին գրանցվել է 15 561 ամուսնություն և 3 879 ամուսնալուծություն։ Տասը տարի առաջվա՝ 2009ի համեմատ ամուսնությունները նվազել են 17%ով, իսկ ամուսնալուծությունները՝ աճել 37%ով։ Այլ երկրների համեմատ՝ Հայաստանում ամուսնալուծությունները շա՞տ են, թե՞ քիչ․ դիտե՛ք տեսանյութում։ Այս անգամ թվերը խոսում են ամուսնությունների և ամուսնալուծությունների մասին։ 21 փետրվար, 2020 15:30 Չիփս ուտող մեր երեխաները 1115 տարեկան յուրաքանչյուր հինգերորդ դեռահաս ամեն օր չիփս է ուտում։ Յուրաքանչյուր երկրորդ դեռահաս կամ դեռահասների կեսը օրական մի քանի անգամ քաղցրավենիք է օգտագործում։ Փոխարենը, մեր երեխաները քիչ միրգ ու բանջարեղեն են ուտում։ Խնդիրը հրատապ լուծում է պահանջում։ Տվյալները «Հայաստանի դպրոցահասակ երեխաների առողջության վարքագծի 2019թ հրապարակված հետազոտությունից» են, որն իրականացրել է «Արաբկիր» բժշկական կենտրոնը։
#ԹվերըԽոսումեն