20 հոկտեմբեր, 2017 12:03 Թեղուտում դադարեցվում է դանիական ֆինանսավորումը՝ ՍիվիլՆեթի հետաքննության շարունակության արդյունքում 2014թ․ հոկտեմբերին ՍիվիլՆեթի հրավիրյալ լրագրող Բենեդիկտ վան դեն Բումը հետաքննական հոդված էր հրապարակել Թեղուտի պղնձամոլիբդենային հանքավայրի մասին։ «Թեղուտ. դանիական խնդրահարույց ներդրումը Հայաստանում» վերնագրված հոդվածում ներկայացված էր, թե ինչպես է դանիական PensionDanmark-ը մասնավոր կենսաթոշակային հիմնադրամը բազմամիլիոնանոց վարկ տրամադրում «Վալլեքս» խմբին՝ Թեղուտի հանքավայրը շահագործելու համար։ Դանիական հիմնադրամը Թեղուտի հանքավայրի համար վարկը տրամադրել էր՝ խախտելով սեփական կանոնադրությունն ու բնապահպանական նորմերը։ Թեման շարունակել է հետաքննել դանիացի լրագրող Յենսա Մալինգը։ Ի վերջո, դանիական հիմնադրամը որոշել է դադարեցնել Թեղուտի հանքի շահագործման ֆինանսավորումը։ Խնդրի վերաբերյալ Հայկական բնապահպանական ճակատի կայքում հրապարակված հոդվածը ՝ «Թեղուտի էկոլոգիական աղետն այլևս անհնար էր պարտակել․ Դանիան վաղաժամկետ դադարեցնում է հանքին տրված վարկը» ներկայացված է ստորև։ 5 հոկտեմբեր, 2017 16:42 Շենավանի գյուղապետը՝ անգղերի հետ լուսանկարների մասին Շենավանի համայնքապետ Արթուր Մկրտչյանը ՍիվիլՆեթին ասում է, որ ինքը չի որսացել սպիտակագլուխ անգղերին, պարզապես տեսել է ճանապարհին և լուսանկարվել: Նրա խոսքով` լուսանկարը տասը տարվա պատմություն ունի:
Համացանցում տարածվել է լուսանկար, որտեղ երեք տղամարդ անկենդան սպիտակագլուխ անգղերի հետ լուսանկարվել էին: Նշված թռչունը գրանցված է Կարմիր գրքում, համարվում է վերացող տեսակ, և նրանց որսն արգելվում է: Լուսանկարում պատկերված տղամարդկանցից մեկը Արմավիրի մարզի Շենավան համայնքի ղեկավարն էր: Փաստի առթիվ ոստիկանությունում նյութեր են նախապատրաստվում:
5 հոկտեմբեր, 2017 12:14 Անգղերի որսի գործով ոստիկանությունում նյութեր են նախապատրաստվում Անգղերի որսի գործով Ոստիկանության Արմավիրի բաժնում նախապատրաստվում են նյութեր, տեղեկացնում է Ոստիկանության լրատվական վարչության պետ Աշոտ Ահարոնյանը։ 5 հոկտեմբեր, 2017 10:07 Որսացել են Կարմիր գրքում գրանցված սպիտակագլուխ անգղեր Econews.am կայքը հաղորդում է, որ համացանցում հայտնվել են սպանված կենդանիների լուսանկարներ, որոնք կարելի է համարել հանցագործության ապացույցներ: Լուսանկարներում սպանված հսկայական թռչունները, ամենայն հավանականությամբ, սպիտակագլուխ անգղեր են:

Սպիտակագլուխ անգղը վտանգված տեսակ է: Գրանցված է նախկին ԽՍՀՄ և Ռուսաստանի Կարմիր գրքերում: Տեսակն ընդգրկված է ԲՊՄՄ Կարմիր ցուցակում «Least Concern» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Խոցելի»: Ընդգրկված է նաև Հայաստանի Կարմիր գրքում:
2 հոկտեմբեր, 2017 20:08 Դելֆինները՝ Հայաստանի սարերում Դիլիջանի Best Western Paradise հյուրանոցում երկու դելֆին կա` դելֆինաթերապիայի համար: Բնապահպանները մտահոգություն են հայտնում, որ դելֆինների համար պայմանները վտանգավոր են, նրանք երկար չեն կարող ապրել։ Դելֆինները Հայաստան են բերվել Սոչիից։
11 սեպտեմբեր, 2017 19:44 Բյուրական․ անտառի վերացումը լուրջ խնդիր է բնակիչների համար Սեպտեմբերի 3-ին Բյուրականի հարակից անտառում հրդեհ բռնկվեց։ Այն շարունակվեց վեց օր և վերջնականապես մարվեց սեպտեմբեի 9-ին։ Ընդհանուր այրվել է մոտ 100 հա տարածք։ Անտառի վերացումը բյուրականցիների համար ոչ միայն բնապահպանական, այլև սոցիալական խնդիրներ է առաջացրել։ 21 օգոստոս, 2017 15:22 Կրակի դեմ՝ «մերկ ձեռքերով» «Խոսրովի անտառ» պետական արգելոցի հրդեհաշիջման աշխատանքներում որպես կամավոր ներգրավված Անի Խաչատրյանն ասում է, որ մարդկային ռեսուրսը բավարար չի եղել, որպեսզի հրդեհն ավելի շուտ մարվեր։
18 օգոստոս, 2017 20:54 Այրված անտառը Օգոստոսի 12-ին «Խոսրովի անտառ» պետական արգելոցում հրդեհ բռնկվեց, որը հաջողվեց մեկուսացնել օգոստոսի 16-ին` ռուսաստանյան ինքնաթիռի օգնությամբ: Օդանավը կատարել է մոտ 20 հրդեհաշիջման թռիչք և մինչ այժմ շարունակում է աշխատանքը։ Կառավարության նիստին արտակարգ իրավիճակների փոխնախարար Դավիթ Կարապետյանը զեկուցել է, որ նախնական հաշվարկներով՝ 680 հեկտար անտառ է այրվել: Կովկասյան կենսաբազմազանության ապաստարանի համակարգող Մանուկ Մանուկյանը, որն այդ օրերին ակտիվ աշխատել է, կարծում է, որ հրդեհի մասշտաբները հասել են 3000-5000 հեկտարի: Մանուկյանի խոսքով` հրդեհաշիջման աշխատանքներին մասնակցել են անհատներ, «Խոսրովի անտառ» պետական արգելոցի տեսուչները, Արարատի մարզպետարանը, բնապահպանության և արտակարգ իրավիճակների նախարարությունները, ինչպես նաև պաշտպանության նախարարության աշխատակիցներ։ 3 օգոստոս, 2017 10:32 Fish Supporting Greenhouse Production In Apaga village of Armavir, there is a greenhouse that differs from traditional greenhouses and is based on Aquaponics. Aquaponics represents the immediate interconnection between the water, fish and plants. 31 հուլիս, 2017 16:56 Ներքին Գետաշեն․ գետը՝ առանց ջրի Գեղարքունիքի մարզի Ներքին Գետաշեն գյուղում այս տարի ոռոգման ջուրը պակասում է, ինչի պատճառով գյուղացիների մշակաբույսերը չորանում են։ Պատճառը Արգիճի գետի վրա կառուցված ՀԷԿ-ն է։
4 հուլիս, 2017 23:31 Կառավարությունն ու բնապահպանները Սևանը կիսել չեն կարողանում Կառավարությունը նախատեսում է Սևանա լճից ջրառը 170 մլն խմ-ից հասցնել 270 մլն խմ-ի՝ Արարատյան դաշտավայրի հողերի ոռոգման, ինչպես նաև Սևան-Հրազդան կասկադի ՀԷԿ-երում էլեկտրաէներգիայի արտադրության համար։ Ազգային ժողովն այսօր առաջին ընթերցմամբ ընդունեց կառավարության ներկայացրած նախագիծը։ Մինչ խորհրդարանի ներսում ընթանում էր նախագծի քննարկումը, բնապահպանները բողոքի ցույց էին կազմակերպել Ազգային ժողովի մոտ՝ ահազանգելով, որ Սևանից լրացուցիչ ջրառը բնապահպանական լուրջ վտանգ է։ 26 հունիս, 2017 18:58 Երևանյան լիճ․ ջրի աղտոտումը տարածվում է քաղաքից դուրս Երևանյան լճի ջրի աղտոտվածությունը խնդիր է ոչ միայն երևանցիների, այլև Արարատյան դաշտի մի շարք գյուղերի համար։ Մինչև 90ական թվականները Արմավիրի մարզի ԹաիրովՓարաքար համայնք ոռոգման ջուր հասնում էր Երևանյան լճից, սակայն հիմա պատկերն այլ է Ջուրը հասնում է փոքր չափաքանակով, իսկ ջրանցքում աղտոտումներ ու խցանումներ լինելու պատճառով` գյուղացիներին ջուր չի հասնում, հասածն էլ պիտանի չէ ոռոգման համար 20 հունիս, 2017 12:35 Կապան. հանքարդյունաբերական քաղաքի բնապահպանները Սյունիքի մարզում տնտեսության գերակա ճյուղը՝ հանքարդյունաբերությունը, ուղիղ համեմատական է այստեղի բնապահպանական խնդիրների աճին։ ՍիվիլՆեթը զրուցել է կապանցի բնապահպանների հետ, որոնք լուծումներ են առաջարկում իրենց քաղաքի բնապահպանական խնդիրներին։