23 հուլիս, 2020 14:42 Սերգեյ Բագրատյանը դուրս է գալիս ԲՀԿ խմբակցությունից Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանը ԱԺ նախագահին ուղղված գրությամբ հայտնել է, որ ցանկանում է դուրս գալ ԲՀԿ խմբակցությունից։ Այդ մասին հայտնում է ՀՀ Ազգային ժողովի ֆեյսբուքյան էջը։

Սերգեյ Բագրատյանը ԲՀԿ խմբակցության պատգամավոր է 2017-ից։ Նա եղել է նաև Վայոց ձորի մարզպետ։ Դիմումը հետ չվերցնելու դեպքում ԲՀԿ-ում կմնա 30 պատգամավոր։
23 հուլիս, 2020 13:58 Քաղաքացիները՝ Հայաստանում կորոնավիրուսի իրավիճակի մասին Վաշինգտոնում գտնվող Միջազգային հանրապետական ինստիտուտը (IRI) հունիսին Հայաստանում հարցում է անցկացրել կորոնավիրուսի իրավիճակի վերաբերյալ։ Օրինակ, հարցվածների 62%-ն ասել է, որ ճանաչում է մեկին, որը վարակվել է կորոնավիրուսով, 64%-ն անհանգստանում է, որ ինքը կամ հարազատները կվարակվեն, 9%-ն ամենևին չի անհանգստանում, 48%-ը լիովին գոհ է կառավարության աշխատանքից համավարակի դեմ պայքարում, 15%-ը ամենևին գոհ չէ և այլն։ ՍիվիլՆեթը շրջել է Երևանի փողոցներում և այս հարցերից մի քանիսն ուղղել քաղաքացիներին։
23 հուլիս, 2020 13:50 Փաշինյանը ներկայացրեց հուլիսյան մարտերից հետո Հայաստանի դիրքորոշման 7 կետերը Հուլիսի 23-ին կառավարության նիստի ընթացքում ՀՀ վարչապետ Նիկոլ Փաշինյանը ներկայացրեց հայ-ադրբեջանական սահմանին վերջին լարվածության և Լեռնային Ղարաբաղի խաղաղ գործընթացի վերաբերյալ ՀՀ դիրքորոշումը։ 23 հուլիս, 2020 13:03 Ճգնաժամը չպետք է հանգեցնի առաջընթացի նահանջին, որին հաջողվել էր հասնել հսկայական ջանքերի արդյունքում․ ՌԴ ԱԳՆ Լեռնային Ղարաբաղի հակամարտության կարգավորումը բխում է տարածաշրջանի բոլոր պետությունների և բանակցային գործընթացին մասնակցող երկրների շահերից․ այս մասին հայտարարել է Ռուսաստանի արտաքին գործերի փոխնախարար Ալեքսանդր Գրուշկոն։ 23 հուլիս, 2020 11:30 Այս փորձությունից մենք դուրս ենք գալիս հաղթանակած. Նիկոլ Փաշինյան Վարչապետ Նիկոլ Փաշինյանը հուլիսի 23-ին կառավարության նիստի մեկնարկին անդրադարձավ հայ-ադրբեջանական սահմանային ռազմական գործողություններին։ Վարչապետը հայտարարեց՝ Ադրբեջանի բոլոր հարձակումները վճռականորեն հետ են մղվել, և ՀՀ ԶՈՒ-երը «ավելի քան ամրապնդել են դիրքերը սահմանում»։ Փաշինյանը նշեց՝ հուլիսյան հաղթական մարտերը երկրի դիմացկունությունն ու համախմբվածությունը նոր մակարդակի են հասցրել, նա նաև հայտարարեց՝ միակ երկիրը, որ ռազմական գործողությունների ժամանակ ոչ թե լարվածության թուլացման, այլ նոր բռնությունների հրահրմամբ էր զբաղվում, Թուրքիան էր։
23 հուլիս, 2020 11:06 Կառավարությունը ՍԴ անդամի թեկնածու է առաջադրել Կառավարությունը սահմանադրական դատարանի դատավորի պաշտոնում առաջադրել է իրավաբան Վահրամ Ավետիսյանի թեկնածությունը։ Այս հարցն ընդգրկված է հուլիսի 23-ի կառավարության նիստի օրակարգում։ 23 հուլիս, 2020 10:50 Աղդամ. 1993-ի հուլիսի 23 Փաշաեւների ընտանիքը 1993-ի ամռանը մեկնել էր Բաքու` բարեկամներին այցի: Երբ նրանք վերադառնում էին տուն` Աղդամի շրջանի իրենց գյուղը, ղարաբաղյան ուժերն արդեն հաստատվել էին այնտեղ: Վեց հոգանոց ընտանիքն ընկնում է կրակի տակ, գերվում: Ընտանիքի մայրը «Հյումըն ռայթս ուոչի»-ին հետագայում պատմել է, որ հայրը կրակոցներից սպանվել է վայրկենապես, ամուսինը` գերվել, ինքը եւ երկու որդիները՝ վիրավորվել: 23 հուլիս, 2020 10:27 Ինչպե՞ս է լուծվելու հայկական գյուղմթերքի հարցը Ռուսաստանում. զրույց փոխնախարարի հետ ՍիվիլՆեթի Արշալույս Մղդեսյանի հետ զրույցում էկոնոմիկայի փոխնախարար Արման Խոջոյանը նշում է, որ Ռուսաստանում դեռևս մնում է չլուծված հայկական գյուղմթերքի վաճառքի խնդիրը: Հայաստանի իշխանությունները պաշտոնապես դիմել են Ռուսաստանի իրենց գործընկերներին՝ «Ֆուդ Սիթի» սննդամթերքի մեծածախ և մանրածախ կենտրոնի ղեկավարության կողմից Հայաստանից արտահանված մրգերի իրացումն արգելելու հարցի վերաբերյալ: Խնդիրը բարձրաձայնվել է նաև ԵԱՏՄ շրջանակում: Փոխնախարարը նշում է, որ վերոնշյալ գործողությունները չունեն տնտեսական հիմնավորում, խոչընդոտում են ԵԱՏՄ անդամ-երկրների միջև ապրանքների ազատ իրացմանը և խտրական վերաբերմունքի դրսևորում են:
22 July, 2020 22:49 Armenia Accuses Azerbaijan of Launching Fresh Attack ✓Armenia has accused Azerbaijani forces of launching a fresh attack.
✓As new constitutional amendments come into effect, three new high court judges are set to be elected.
✓439 new cases of COVID-19 have been confirmed.
✓Buildings submerged in Lake Sevan are due to be demolished.
22 հուլիս, 2020 20:53 Ընդունելության քննությունների նոր կարգը «տապալե՞ց քննությունը» Ընդունելության կարգի փոփոխության արդյունքում 2020-ին մի քանի հարյուր դիմորդներ բուհեր չեն ընդունվել։ Հուլիսի 22-ին նրանք հավաքվել են Ազգային ժողովի մոտ, որտեղ ստեղծված իրավիճակի շուրջ քննարկում էր ընթանում։
22 հուլիս, 2020 20:24 ՁայնաZOOM․ Ադրբեջանը կրկին գրոհել է «Անվախ» դիրքի վրա ՍիվիլՆեթը ներկայացնում է հուլիսի 22-ի դրությամբ Հայաստանում տեղի ունեցած կարևորագույն իրադարձությունները։

Թողարկման գլխավոր թեմաներն են՝

✓Հակառակորդը հարձակվել է «Անվախ» դիրքի ուղղությամբ
✓Սահմանադրական դատարանի 3 նոր դատավորներ կընտրվեն
✓Մարդու իրավունքների եվրոպական դատարանը բավարարել է Գագիկ Խաչատրյանի դիմումը
✓Սևանի ափամերձ տարածքներում գույքագրվել են ապամոնտաժման ենթակա շինություններ
✓Երևանի կենտրոնում գործարկել է Հանրային ծառայությունների միասնական գրասենյակ
22 հուլիս, 2020 16:43 Ինեկոբանկը շարունակում է ընդլայնվել Այս անգամ իր նորարարական մասնաճյուղի կոնցեպտը ներկայացնում է Էրեբունի համայնքի բնակիչներին և այցելուներին։ Բանկը՝ հավատարիմ մնալով իր սկզբունքներին, շարունակում է գործունեության ընդլայնումը մի քանի ուղղություններով․հակահամաճարակային կանոններին համապատասխան գործող մասնաճյուղի բացում և հաճախորդների համար 24/7 սպասարկման ապահովում։