14 նոյեմբեր, 2019 12:44 Վարդան Սրմաքեշը հետաքրքրված է Երևանում մետրոյի նոր կայարանի կառուցմամբ  Աջափնյակում նոր մետրոյի կայարան կառուցելու և այնտեղ ներդրում կատարելու հեռանկարով հետաքրքրված է շվեյցարահայ գործարար, «Ֆրանկ Մյուլլեր» ընկերության նախագահ Վարդան Սրմաքեշը։

14 նոյեմբեր, 2019 12:15 Ովքեր և ինչպես են սպառում մեդիան Հայաստանում. սոցհարցման արդյունքներով Հետազոտությամբ պարզվել են ամենահամակրելի հանրային գործիչները (որոնք գերակշռապես գործող իշխանության մաս են կազմում՝ Նիկոլ Փաշինյանի գլխավորությամբ) և ամենահակակրելիները (որոնք հիմնականում նախկին իշխանություն մաս կազմած անձինք են՝ Սերժ Սարգսյանի և Արմեն Աշոտյանի գլխավորությամբ):

Ինստիտուտների նկատմամբ հանրային վստահության ցանկը գլխավորում են Զինված ուժերը (ամբողջությամբ և մասնակի վստահողների գումարային թիվը՝ 90,8%), որին հետևում են Վարչապետը (85,2%), ապա Նախագահը (83,1%): Վստահելիության և անվստահելիության հարաբերակցությամբ դրանց հետևում են ԱԱԾ-ն, Կառավարությունը, Ոստիկանությունը, իրավապաշտպան ՀԿ-ները, Ազգային ժողովը, ապա լրատվամիջոցները:

Ամենաանվստահելի ինստիտուտը դատական համակարգն է, որին հետևում են կուսակցությունները: Ընդ որում, այս երկու ինստիտուտները միակն են, որոնց չվստահող հայաստանցիները վստահողներից շատ են:
14 նոյեմբեր, 2019 10:59 Բացահայտվել են օտարերկրացիների կողմից երեխաների ապօրինի որդեգրման բազմաթիվ դեպքեր. ԱԱԾ ՀՀ ազգային անվտանգության ծառայությունը, ուշադրության կենտրոնում պահելով միջազգային պայմանագրերով և ՀՀ ներպետական օրենքներով ամրագրված երեխաների իրավունքները, ինչպես նաև՝ որդեգրման և ընտանիքի պահպանման բնագավառներում ծնողների և պետության օրինական շահերը պաշտպանելու հարցը, օրենքով իրեն վերապահված գործառույթների շրջանակներում ձեռնարկված լայնածավալ օպերատիվ-հետախուզական միջոցառումների և քննչական գործողությունների արդյունքում բացահայտել է օտարերկրացիների կողմից ՀՀ օրենսդրության կոպիտ խախտմամբ բազմաթիվ երեխաների որդեգրման դեպքեր:

14 նոյեմբեր, 2019 10:19 ԱՄՆ սենատոր Գրեհեմը արգելափակել է Հայոց ցեղասպանության բանաձևի ընդունումը ԱՄՆ սենատոր Լինդսի Գրեհեմը արգելափակել է Հայոց ցեղասպանության ճանաչման բանաձևը։ Դեմոկրատ Ռոբերտ Մենենդեսը խնդրել է համաձայնություն տալ բանաձևին, որը պաշտոնապես կճանաչի Հայոց ցեղասպանությունը։

«ԱՄՆ արտաքին քաղաքականությունը պետք է արտացոլի մարդու իրավունքների խախտումների, մարդկության դեմ հանցագործությունների, էթնիկ զտումների և ցեղասպանության ազնիվ հաշվետվությունը»,- ասել է Մենենդեսը։
13 նոյեմբեր, 2019 20:56 Հանրային խորհուրդ․ ինչ գիտեն քաղաքացիները դրա մասին Այսօր Հանրային խորհրդի նախագահ Վազգեն Մանուկյանը հրաժարական տվեց։ Հանրային խորհուրդը կառավարության խորհրդակցական մարմին է։ Գիտե՞ն քաղաքացիները, թե ինչ կառույց է այն և ինչով է զբաղվում։ ՍիվիլՆեթը փորձել է պարզել դա Երևանի փողոցներում։

13 նոյեմբեր, 2019 18:04 Կպառկեցնենք ասֆալտին ու կտանք պատերով․ Փաշինյանը՝ քրեականների մասին Ազգային ժողով - կառավարություն հարցուպատասխանի ժամանակ վարչապետ Նիկոլ Փաշինյանը խոսեց քրեական ենթամշակույթը արմատախիլ անելու վճռականության մասին։ 13 նոյեմբեր, 2019 17:50 Նիկոլ Փաշինյանը՝ Լավրովի հայտարարության մասին Ազգային ժողովում կառավարության հետ հարցուպատասխանի ժամանակ վարչապետ Նիկոլ Փաշինյանը մեկնաբանեց Արցախի՝ բանակցություններին մասնակցելու հնարավորության մասին Ռուսաստանի ԱԳ նախարար Սերգեյ Լավրովի հայտարարությունը։ 13 նոյեմբեր, 2019 17:31 ՌԴ-ում ՀՀ դեսպանությունը խստորեն դատապարտել է Կրասնոդարի հայկական եկեղեցում տեղի ունեցած միջադեպը Ռուսաստանում ՀՀ դեսպանությունը հայտարարություն է տարածել՝ վրդովմունք հայտնելով ՌԴ Արմավիր քաղաքում (Կրասնոդարի երկրամաս) տեղի ունեցած միջադեպի կապակցությամբ։ Մի շարք լրատվամիջոցներ լուրեր են տարածել, համաձայն որոնց՝ Արմավիրի քաղաքային Դումայի պատգամավոր Ալեքսեյ Վինոգրադովը մտել է հայկական եկեղեցու տարածք և սև ներկով ներկել Գարեգին Նժդեհին նվիրված հուշատախտակը։ 13 նոյեմբեր, 2019 17:30 Նպատակը բանակին օգնելն է. զրոյց Վիգէն Արապեանի հետ Գործարար եւ բարերար Վիգէն Արապեան «Զարկերակ»-ի հաղորդավար Արէն Քերթեշեանին հետ զրուցեց հայկական բանակին օժանդակելու իր նախաձեռնութեան մասին։

Նուիրատուութիւններ կատարելու համար գրել հետեւեալ ե-նամակին. [email protected]
13 նոյեմբեր, 2019 16:30 Արցախյան ընտրությունների հարցում Երևանի քայլերը հակասում են խոստումներին. Տիգրան Գրիգորյան Արցախում 2020թ․ ապրիլի նախագահական և խորհրդարանական ընտրությունների նախաշեմին քաղաքական ուժերի դասավորության, հնարավոր ֆավորիտների, Երևանի կողմից թեկնածու(ներ)ին աջակցության մասին ՍիվիլՆեթի Ստելլա Մեհրաբեկյանը զրուցում է Արցախի «Ազգային վերածնունդ» կուսակցության գործադիր մարմնի անդամ Տիգրան Գրիգորյանի հետ։ Վերջինիս խոսքով՝ Արցախում սպասվող ընտրությունները եթե անգամ մրցակցային են, արդար չեն քաղաքական ուժերի տիրապետության տակ գտնվող ռեսուրսների առումով։ Նա մատնանշում է փաստը, որ, օրինակ, «Ազատ հայրենիք» կուսակցության նախագահ, նախկին պետնախարար Արայիկ Հարությունյանի գլխավորած պատվիրակությանն ընդունել է ՀՀ վարչապետ Նիկոլ Փաշինյանը, նրան ձայն է տալիս Հայաստանի հանրային հեռուստաընկերությունը՝ այդ հնարավորությունից զրկելով մյուս՝ ընդդիմադիր ուժերին։ 13 նոյեմբեր, 2019 15:39 Վազգեն Մանուկյանը թողնում է Հանրային խորհրդի նախագահի պաշտոնը Հանրային խորհրդի նախագահ Վազգեն Մանուկյանը հրաժարական տվեց Հանրային խորհրդի նախագահի պաշտոնից։ «․․․․իմ հետագա գործունեությունը Հանրային խորհրդում համարում եմ անիմաստ և դուրս եմ գալիս խորհրդից, ինչի մասին արդեն գրավոր տեղեկացրել եմ կառավարությանը»,- ասել է Վազգեն Մանուկյանը։ Հայտարարությունն ամբողջությամբ՝ ստորև։

13 նոյեմբեր, 2019 15:31 Ծառապատելով Հայաստանն ու Արցախը․ «Էյ Թի Փի»-ն 25 տարեկան է «Հայաստան Ծառատունկ ծրագիր» հիմնադրամը՝ «Էյ Թի Փի»-ն, 25 տարեկան է։ Այս տարիների ընթացքում կազմակերպությունը տնկել է շուրջ 6 մլն ծառ Հայաստանում և Արցախում։ «Համայնքային ծառատունկ» ծրագրի շրջանակում կազմակերպության կամավորները Արագածոտնի մարզի Թալին համայնքում տեղացիների օգնությամբ տնկեցին ևս 200 ծառ։ Հիշատակի անտառը նվիրված է լինելու Ադրբեջանում հայկական կոտորածների զոհերին և վերապրած փախստականներին։