11 հունիս, 2020 19:45 Եվրամիությունը 300 հազար եվրո աջակցություն է տրամադրում հայկական տուրիզմին «ԵՄ-ն՝ բիզնեսի համար» նախաձեռնությունն աջակցում է Հայաստանում զբոսաշրջության ոլորտի զարգացմանը՝ Covid-19-ի պայմաններում նորարարական տուրիզմին ուղղված նպատակային դրամաշնորհների մրցույթի» միջոցով: Հայաստանում Եվրոպական միության դեսպան Անդրեա Վիկտորինը նշում է, որ Եվրոպական միությունը պատրաստ է աջակցել ՀՀ կառավարությանը և քաղաքացիներին` կորոնավիրուսի համավարակի դեմ պայքարով պայմանավորված այս դժվարին շրջանում։
11 հունիս, 2020 19:04 Կանոնների պահպանումը բերելու է դեպքերի զրոյացման. Նիկոլ Փաշինյան Այսօրվա թվերն արտահայտումն են այն բանի, թե մենք 7-14 օր առաջ ինչպես ենք պահպանել հակահամաճարակային կանոնները Հայաստանի Հանրապետությունում. հունիսի 11-ին պարետատան նիստից հետո տեղի ունեցած ճեպազրույցում նշեց վարչապետ Նիկոլ Փաշինյանը: Ըստ նրա՝ սահմանված հակահամաճարակային կանոնների պահպանումը բերելու է դեպքերի զրոյացման:
11 հունիս, 2020 19:02 Հայաստանը կորոնավիրուսի դեմ պայքարում պարտվել է այնքան, որքան պարտվել է աշխարհը. Փաշինյան Հայաստանի Հանրապետությունը կորոնավիրուսի դեմ պայքարում պարտվել է այնքան, որքան պարտվել է աշխարհը. հունիսի 11-ին պարետատան նիստից հետո տեղի ունեցած ճեպազրույցում ասաց վարչապետ Նիկոլ Փաշինյանը՝ պատասխանելով իրեն ուղղված հարցին: Ըստ նրա՝ եթե Հայաստանի կառավարությունը պարտվել է կորոնավիրուսի դեմ պայքարում, ուրեմն այդ պայքարում պարտվել է մարդկությունը:
11 հունիս, 2020 17:55 Կոմպրոմատների պատերազմ է, որը սկսել է իշխանությունը. զրույց Մանե Թանդիլյանի հետ Հայաստանում կորոնավիրուսի համաճարակի ահագնացման դեմ պայքարին զուգահեռ ներքաղաքական ակտիվ գործընթացներ են սկսվել՝ համեմված կոշտ հայտարարություններով ու կոմպրոմատների պատերազմով: Վերջին շրջանում իշխանության նախկին ներկայացուցիչների կողմից կառավարության հրաժարականի պահանջով հայտարարություններին միացավ նաև «Բարգավաճ Հայաստան» կուսակցությունը: Գործադիրի 100 տոկոս կազմով հրաժարականի մասին ԲՀԿ նախագահ Գագիկ Ծառուկյանի հայտարարությանը հետևեց կառավարող ուժի ներկայացուցիչների կոշտ արձագանքը:
11 հունիս, 2020 16:54 Մեղադրանք է առաջադրվել Արմեն Գևորգյանի հորը. ՀՔԾ Մարտի 1-ի գործով մեղադրյալ, ՀՀ նախագահի աշխատակազմի նախկին ղեկավար Արմեն Գևորգյանի հորը՝ Անդրանիկ Գևորգյանին, մեղադրանք է առաջադրվել որդու կողմից ստացված շուրջ 1 մլն դոլար կաշառքի «օրինականացման համար»․ այդ մասին հայտնում է ՀՔԾ-ի մամուլի ծառայությունը: 11 հունիս, 2020 16:30 Կորոնավիրուսից բուժվածը՝ հիվանդության ընթացքի, բուժման ու ապաքինման մասին Մարինե Գասպարյանը կորոնավիրուսից բուժվել է 43 օրում: ՍիվիլՆեթի հետ զրույցում նա կիսվում է սեփական փորձով։ Մարինեն պատմում է հիվանդության սկզբնական փուլի, հիվանդանոցում բուժման ընթացքի և ապաքինումից հետո իր կյանքի մասին։
11 հունիս, 2020 14:46 Ատոմակայանի ապագան. ինչո՞ւ Հայաստանը հրաժարվեց ռուսական վարկից Հունիսի 8-ին տարածքային կառավարման և ենթակառուցվածքների նախարար Սուրեն Պապիկյանը հայտարարեց, որ կառավարությունը հրաժարվել է Մեծամորի ատոմակայանի երկրորդ էներգաբլոկի վերազինման նպատակով ռուսական վարկից՝ նշելով, որ կիսատ մնացած աշխատանքները կշարունակվեն պետական միջոցների հաշվին:
11 հունիս, 2020 12:35 Մեքենայի օտարում, եկամուտ` գրքի վաճառքից. ինչ ունեցվածք է հայտարարագրել Նիկոլ Փաշինյանը Նիկոլ Փաշինյանի՝ բանկային հաշիվների դրամական միջոցները 2019-ին կազմել են 3,3 միլիոն դրամ և 316 դոլար, բացի այդ՝ Փաշինյանը հայտարարագրել է 1 800 դոլար և 790 000 դրամ կանխիկ միջոցներ։ Փաշինյանի եկամուտները գոյացել են վարչապետի աշխատավարձից, որը կազմել է 11,6 միլիոն դրամ և «Անտարես» ՍՊԸ-ից ստացված միջոցներից՝ 2,4 միլիոն դրամ։ «Անտարես»-ը 2018-ին հրատարակել էր Փաշինյանի՝ «Երկրի հակառակ կողմը» գիրքը։ 11 հունիս, 2020 12:30 Ֆիրդուսի թաղամաս․ 19-րդ դարի աղյուսաշեն շենքը սպասում է մահվան դատավճռի կատարմանը ՍիվիլՆեթի նկարահանող խումբը Երևանի Ֆիրդուսի թաղամասում հանդիպել է օրեր առաջ 19-րդ դարի եզակի կառույցներից մեկը քանդած ընկերության ներկայացուցչին։ «Ուրմիա Քոնսթրաքշն» ՍՊԸ-ի աշխատակիցը նշում է, որ քանդված շենքի հարևանությամբ գտնվող աղյուսաշեն շենքը ևս քանդվելու է, սակայն քարերը պահպանվելու են՝ նախագծում օգտագործվելու համար։
11 հունիս, 2020 12:03 Մինչև այժմ գոյություն ունեցած վարկը հարմար չէ ատոմակայանի գործունեությունը կազմակերպելու համար Մինչև այժմ գոյություն ունեցած վարկը՝ իր չափերով և պայմաններով, այնքան էլ հարմար չէ ատոմակայանի հետագա գործունեությունը կազմակերպելու համար, և մենք հրաժարվում ենք վարկի մի մասից, դրա փոխարեն ներգրավում ներքին աղբյուրներից միջոցներ. կառավարության հունիսի 11-ի նիստում հայտարարեց վարչապետ Նիկոլ Փաշինյանը: Նրա խոսքով՝ դա ավելի է մեծացնելու այդ վարկի օգտագործման արդյունավետության մակարդակը բարձրացնելու կառավարության լծակները։
11 հունիս, 2020 12:01 Վրաստանը բժիշկների խումբ կգործուղի Հայաստան․ Գախարիա Վրաստանը բժիշկների խումբ կգործուղի Հայաստան․ ինչպես հաղորդում է Վրաստանում ՀՀ դեսպանությունը, այս մասին Վրաստանի կառավարության այսօրվա նիստին հայտարարել է այդ երկրի վարչապետ Գիորգի Գախարիան։ Նա նշել է, որ որևէ երկիր չի կարող միայնակ հաղթահարել կորոնավիրուսով պայմանավորված ճգնաժամը: 11 հունիս, 2020 11:46 Իրավիճակը շարունակում է մնալ լարված, սակայն այն կոմպենսացվում է մեր հնարավորությունների աճով․ Թորոսյան Երեկ արձանագրված նոր դեպքերի թիվը հասել է 566-ի՝ ի տարբերություն նախորդ օրվա 428-ի. կառավարության հունիսի 11-ի նիստում հայտարարեց առողջապահության նախարար Արսեն Թորոսյանը: Նա ուշադրություն հրավիրեց այն փաստին, որ արվել է 2 233 թեստ՝ նախորդ օրվա 1 751-ի փոխարեն: Նախարարը ցավով նշեց, որ ունենք 18 մահ: