11 հունիս, 2019 14:06 Թուրքիան կարող է պատժվել Պենտագոնի կողմից․ Foreign Policy   Ամերիկյան Foreign Policy հանդեսը գրում է, որ Ռուսաստանից զենիթահրթիռային S-400 համակարգերի ձեռքբերման արդյունքում Թուրքիան կարող է պատժվել Պենտագոնի կողմից։

Foreign Policy-ի հոդվածագիր Լարա Սելիգմանը նշում է, որ ԱՄՆ պաշտպանական գերատեսչությունն արդեն իսկ որոշում է կայացրել Թուրքիային աստիճանաբար հեռացնել F-35 կործանիչների մատակարարման ծրագրից, ինչը երկու երկրների միջև հարաբերությունների լարվածության ամենաթարմ նշանն է։
11 հունիս, 2019 10:28 Հայաստանից դուրս եկող և Հայաստան մտնող ճանապարհները Հայաստանն ու Ադրբեջանը խորհրդային տարիներին միմյանց հետ կապվում էին Երևան-Մեղրի-Բաքու և Իջևան-Բաքու երկաթուղագծերով: Առաջինը կառուցվել էր 1930-40-ական թվականներին, երկրորդը՝ խորհրդային վերջին տարիներին: Երևան-Կապան գնացքը ևս անցնում էր Ադրբեջանի տարածքով, այն է՝ Երևան-Սադարակ-Նախիջևան-Ջուլֆա-Մեղրի-Մինջևան-Զանգելան-Կապան: 10 հունիս, 2019 20:08 Երևան Վան թռիչք՝ պատմության մեջ առաջին անգամ Մայիսի 30-ին պատմության մեջ առաջին անգամ տեղի է ունեցել Երևան-Վան չվերթը: Այն կարող է շարունակական լինել: Երևան-Վան առաջին չվերթի ուղևորները ցամաքային ճանապարհով վերդառնալիս այցելել են Կարսի քաղաքապետարան: Կարսում ադրբեջանցի ուսանողները ի նշան բողոքի ցույց են արել: Ըստ թուրք պաշտոնյաների՝ կա՞ «Քրդստան», թե՞՝ ոչ:

Տեսանյութը պատրաստելիս օգտվել ենք յութուբյան հետևյալ ալիքներից Halk Ekranı, İYTİM Hareketi, Al Jazeera English, Kaos Tv, euronews (türkçe), Demirören Haber Ajansı, և Կիլիկիա տուրի (Kilikia Tour) ֆեյսբուքյան էջից:
7 հունիս, 2019 13:15 Թուրքիայում ապրող հայաստանցիներն անպաշտպան են. Սեւան Տէյիրմէնճեան Սեւան Տէյիրմէնճեանը, որ պոլսահայ մտավորական է, Կարո Փայլանի խորհրդականը, խոսում է Թուրքիայում տիրող մթնոլորտի ու հայաստանցի կնոջ դանակահարության մասին: Նա պատմում է, թե ինչ գաղափարներ է դավանում Թուրքիայի խորհրդարանի «Ժողովուրդների դեմոկրատական կուսակցությունը» (HDP), ինչքանով է այն քրդական, և ինչու են քաղաքականապես ակտիվ հայերը համակրում այդ կուսակցությանը: Տէյիրմէնճեանն ասում է նաև, որ վերջին շրջանում շատացել են Հայաստանի քաղաքացիություն ընդունող պոլսեցիները: 5 հունիս, 2019 14:06 Հայ փիլիսոփաները օսմանյան փիլիսոփայության ջահակիրներ. Ջան Էրզրումլուօղլու Պոլսահայ Ջան էրզրումլուօղլուն ՍիվիլՆեթի հետ զրույցում պատմում է 19-րդ դարի երկրորդ կեսին Օսմանյան կայսրություն ներթափանցող փիլիսոփայական հոսանքների մասին: Ըստ նրա՝ հայ փիլիսոփաները այն ջահակիրներն էին, որոնց միջոցով եվրոպական փիլիսոփայական միտքն ու մտավոր շարժումները ներթափանցում էին հայկական ու օսմանյան իրականություն:
3 հունիս, 2019 18:31 Սա Ստամբուլն է, Կոստանդնուպոլիսը չէ․ Էրդողան Սա Ստամբուլն է, Իսլամբոլը, Կոստանդնուպոլիսը չէ, ասում է Թուրքիայի նախագահ Ռեջեփ Թայիփ Էրդողանը քաղաքապետի սպասվող ընտրությունից առաջ։

Ստամբուլում հայաստանցի կնոջ են դանակահարել։

Ամենայն հավանականությամբ դեռևս ամենավատ ժամանակաշրջանը չի սկսվել․ Տարոն Աճեմօղլուն՝ Թուրքիայի տնտեսության մասին:

Իգդիրում Քրդստանի աշխատավորական կուսակցության (PKK) ու թուրքական բանակի միջև կռիվներ էին ընթանում։


Տեսանյությում օգտագործվել են կադրեր հետևյալ յութուբյան ալիքներից. Türkiye Gazetesi, Filmhouse 24, touropia, AP Archive։
27 մայիս, 2019 19:29 Օջալանը՝ կրկին խաղի մեջ Աբդուլլահ Օջալանի կոչով 3000 մարդ դադարեցնում է հացադուլը:

Օջալանը փորձում է իրադարձությունների թելն իր ձեռքում պահել:

Պատրիարքի ընտրությունների արգելքը հայ համայնքի խղճի ու կրոնական ազատության իրավունքի խախտում է, ըստ Թուրքիայի սահամանդրական դատարանի:

Optimar հետազոտական կենտրոնի տվյալներով՝ Թուրքիայում իրեն մահմեդական է համարում 89,5 տոկոսը, 2017-ին այս ցուցանիշը 96 տոկոս էր:
21 մայիս, 2019 20:16 Հայ տղայի կրոնափոխության հարցը քննարկվել է թուրք պաշտոնյաների հետ․ շաբաթվա ամփոփում Ստամբուլաբնակ հայաստանցի Արթուրի «իսլամացման» պատմության հետքերով;Պոլսի Հայոց պատրիարքի ընտրության հարցը դեռևս օդից կախված է;Գործազրկության պատճառով Թուրքիայի քաղաքացին ինքնահրկիզվել է։
Նյութը պատրաստելիս օգտվել ենք յութուբյան հետևյալ ալիքներից Türkiye Gazetesi, Son Dakika Tv, Nihat Hatipoğlu, Kahraman TV, Yurt Ajans TV, Financial Times
17 մայիս, 2019 13:39 Սևան Նշանյանը Հայաստանի անձնագիր է ստացել Պոլսահայ մտավորական, լեզվաբան Սևան Նիշանյանը, որը 2017 թվականի հուլիսի 14ին հայտարարել էր թուրքական բանտից փախչելու մասին, ՀՀ անձնագիր է ստացել Հունաստանում Հայաստանի դեսպանատանը․ այս մասին նա գրել է Ֆեյսբուքում։

«Հայաստանի Հանրապետության անձնագիրս այսօր Աթենքի դեսպանատանը կազմակերպված համեստ արարողությամբ ստացա հարգելի դեսպան պարոն Ֆադեյ Չարչօղլյանից։ Եվս մեկ անգամ հպարտություն զգացի աշխատասեր և խաղաղասեր ազգի մի մասնիկը լինելուս համար, որը պատմութեան ընթացքում կանգուն է մնացել լոկ իր աշխատանքի շնորհիվ
Շնորհակալություն եմ հայտնում նախ Հայաստանի վարչապետ Նիկոլ Փաշինյանին և ապա՝ բոլոր նրանց, ովքեր օգտակար են եղել ինձ այս պատվին արժանանացնելու գործում»,– գրել է նա
Կարդացե՛ք նաև՝
«Թռչունը թռավ»․ Սևան Նշանյանը փախել է թուրքական բանտից
Սևան Նշանյանի փախուստի շուրջ․ զրույց Սևան Տէյիրմենճեանի հետ
15 մայիս, 2019 17:42 Արթուրը չի հասկացել, թե ինչ է տեղի ունեցել․ Թուրքիայում «իսլամացած» 13-ամյա Արթուրի պատմության հետքերով Անցնող օրերին թե՛ հայկական, թե՛ թուրքական լրատվադաշտում մեծ արձագանք առաջացրեց Թուրքիայում ապրող 13-ամյա հայաստանցի Արթուրի «կրոնափոխության» պատմությունը։ Գազիանթեփի Իսլամագիտության և տեխնոլոգիայի համալսարանի ռեկտոր, աստվածաբան Նիհաթ Հաթիփօղլուն իր հեղինակային հաղորդման ժամանակ Ստամբուլի Սուլթանհամեթ հրապարակից ուղիղ եթերում հայտարարեց, որ 13 տարեկան հայ տղան ցանկանում է փոխել կրոնն ու իսլամ ընդունել։ 13 մայիս, 2019 21:26 13-ամյա Արթուրը թուրքական հեռուստաեթերում իսլամ է ընդունել Ութ տարվա դադարից հետո թուրքական իշխանությունները փաստաբաններին թույլատրել են հանդիպել քուրդ ժողովրդի առաջնորդ հռչակված Աբդուլլահ Օջալանի հետ։
Օջալանի մեկուսացումը վերացնելու նպատակով սկսված անժամկետ հացադուլներ հայտարարածներից յոթը մահացել է, հացադուլի ալիքը չի դադարում։
Էրդողանը խախտում է լռությունն ու խոսում նախկին նախագահ Աբդուլլահ Գյուլի մասին։
13-ամյա Արթուրը թուրքական հեռուստաեթերում իսլամ է ընդունել։
7 մայիս, 2019 15:59 «Քեսաբում խաղաղության խաթարումը չի կարող տեղի ունենալ առանց թուրքական գործոնի» Քեսաբը խաղաղ շրջան է, և այդ խաղաղության խաթարումը չի կարող տեղի ունենալ առանց թուրքական գործոնի ազդեցության․ սիրիական Քեսաբ բնակավայրի հրթիռակոծությունը ահաբեկչական խմբավորումների կողմից ՍիվիլՆեթի հետ զրույցում այսպես մեկնաբանեց Սիրիայի շտապ օգնության ու վերականգնման մարմնի անդամ Կարօ Մանճիկեանը։ 7 մայիս, 2019 11:38 Թուրքիան արձագանքել է Եռաբլուրում Գուրգեն Յանիկյանի մասունքների հուղարկավորությանը Թուրքիայի արտաքին գործերի նախարարությունը հայտարարություն է տարածել՝ դատապարտելով Եռաբլուրում պանթեոնի տարածքում գտնվող Հայաստանի ազատագրության հայ գաղտնի բանակի ԱՍԱԼԱ նահատակների հուշահամալիրում ԱՍԱԼԱի հիմնադիր Գուրգեն Յանիկյանի մասունքների հողին հանձնումը։
Գուրգեն Յանիկյանը պայքարել է Հայոց ցեղասպանության ճանաչման և արդարության վերականգնման համար, 1973ին 77 տարեկանում Կալիֆոռնիայում սպանել է Լոս Անջելեսում Թուրքիայի գլխավոր հյուպատոսին և նրա օգնականին, դատապարտվել ցմահ բանտարկության 1981ին Յանիկյանը տեղափոխվել է բանտային հիվանդանոց, որտեղ և մահացել է երկարատև հիվանդությունից հետո՝ 1984 թվականի մարտի 27ին։
Թուրքիայի ԱԳՆն Յանիկյանին անվանել է «ահաբեկիչ» և նրա հերոսացումը համարել «ահաբեկչության քարոզում», ինչն «անընդունելի է ցանկացած պարագայում»։