23 հուլիս, 2020 10:05 Թուրքիայի Անվտանգության խորհուրդը կրկին աջակցություն է հայտնել Ադրբեջանին Հուլիսի 22-ին Թուրքիայի նախագահ Ռեջեփ Էրդողանի գլխավորությամբ կայացած նիստից հետո Ազգային անվտանգության խորհուրդը Հայաստանին կոչ է արել «դադարեցնել ագրեսիան, հեռանալ ադրբեջանական օկուպացված տարածքներից»։

22 հուլիս, 2020 17:13 Վեց պատճառ, թե ինչու էր Թուրքիայի արձագանքը սովորականից կոշտ հայ-ադրբեջանական վերջին բախումներում  2020թ․ հուլիսի 12-ին մեկնարկած Տավուշյան թեժացման օրերին Թուրքիան արձագանքեց բավական արագ և ինտենսիվ ձևով, ամենատարբեր մակարդակներով, ինչը, անգամ անկախ այդ հայտարարությունների բնույթից, ինքնին որոշակի ցուցիչ է ծառայում։ Տավուշյան թեժացմանն առաջինը (12 հուլիս) արձագանքեց «Անադոլու» պետական լրատվական գործակալությունը (դա շարունակվեց նաև հետագա օրերին), ապա սկսվեցին Թուրքիայի պաշտոնատար անձանց, քաղաքական գործիչների հայտարարությունները։

21 հուլիս, 2020 15:50 Ատոմակայանին ուղղված Ադրբեջանի սպառնալիքը ուղղված է սեփական ժողովրդի դեմ․ Զոհրաբ Մնացականյան ՀՀ արտաքին գործերի նախարար Զոհրաբ Մնացականյանը հարցազրույց է տվել «France 24» լրատվամիջոցին, որում անդրադարձել է հայ-ադրբեջանական սահմանում տիրող լարված իրավիճակին։
Զոհրաբյանը նշել է, որ այն ինչ տեղի ունեցավ, ըստ էության, վերջին շաբաթների և ամիսների ընթացքում Ադրբեջանում մեծ ինտենսիվություն ստացած ռազմատենչ և ատելության հռետորաբանության դրսևորում էր։ Ըստ երևույթին, նրանք փորձարկում էին Հայաստանի վճռականությունն ու կարողությունները Լեռնային Ղարաբաղի սահմաններից դուրս։ Եվ սա իրապես շատ վտանգավոր զարգացում էր:
20 հուլիս, 2020 11:41 «Նոր Զարթօնք»-ի պայքարը Թուրքիոյ ճզմուած ժողովուրդներուն իրաւունքներուն համար. զրոյց Նորայր Օլկարի հետ Պոլսահայ Նորայր Օլկար «Զարկերակ»-ի հաղորդավար Արէն Քերթեշեանի հետ զրուցեց «Նոր Զարթօնք»-ի ծնունդին, գաղափարներուն եւ գործունէութեան մասին։ Ան այս առիթով անդրադարձաւ յատկապէս «Կէզի» այգիի եւ «Քեմփ Արմէն»-ի բողոքներուն։
20 հուլիս, 2020 10:18 Թուրքիոյ քաղաքակրթութեան քննութիինը Ahvalnews.com կայքում հրապարակվել է թուրք հայտնի ցեղասպանագետ Թաներ Աքչամի հոդվածը՝ Սուրբ Սոֆիա տաճարը մզկիթի վերածելու մասին։ Այն թարգմանաբար ներկայացված է ստորև։ 18 հուլիս, 2020 12:06 Ողջ սահմանագոտու երկայնքով հիմնականում եղել է հանգիստ․ Արծրուն Հովհաննիսյան Ողջ սահմանագոտու երկայնքով հիմնականում եղել է հանգիստ, թեթևակի կրակոցներ են եղել հրաձգային զենքերից՝ ոչ կանոնավոր, ոչ մեծ քանակի․ այս մասին հայտնեց Ճգնաժամային տեղեկատվական կենտրոնի պաշտոնական ներկայացուցիչ Արծրուն Հովհաննիսյանը հուլիսի 18ին հրավիրած ասուլիսին։
«Բայց դրանից րոպեներ անց Պաշտպանության բանակը, ինչպես գիտեք, հայտարարեց, որ Արցախի ՊԲ ՀՕՊ ստորաբաժանումները խոցել են ադրբեջանական հերթական անօթաչու թռչող սարքը ԱԹՍ՝ «ORBITER3» տեսակի»։
Արծրուն Հովհաննիսյանը պարզաբանեց նաև, որ «ORBITER3» տեսակի ԱԹՍի բազային տեսակը որպես կանոն լինում է հետախուզական, բայց այն ունի ենթատեսակներ, որոնք ունեն նաև մարտական տեսակ։ Նրա կարծիքով՝ այս դեպքում խոսքը հետախուզական ենթատեսակի մասին է։
«Անզեն աչքով էլ երևում է, որ թե՛ ՀՀ զինված ուժերը և թե՛ Պաշտպանության բանակը ամբողջ աշխարհում բավականին մեծ գլխացավանք հանդիսացող ԱԹՍների դեմ շատ լավ պայքարում են, և մեր ՕԳԳն հաստատ բարձր է, իրենցը՝ չգիտեմ», նշեց նա։
Արծրուն Հովհաննիսյանը իրավիճակին տվեց, ինչպես ինքը նշեց, նախ
17 հուլիս, 2020 20:50 Թուրքիան և հայ-ադրբեջանական սահմանային մարտերը Հայ-ադրբեջանական սահմանագծին մարտերի սկզբից ի վեր Թուրքիայի բոլոր ռազմաքաղաքական կառույցները կոշտ հռետորաբանություն են օգտագործում Հայաստանի դեմ՝ անվերապահ աջակցելով Ադրբեջանին։
16 հուլիս, 2020 13:51 Թուրքիան Հայաստանին մեղադրում է իր դեմ «զրպարտող արշավ» տանելու մեջ, խորհուրդ տալիս «ուշքի գալ» Պաշտոնական Անկարան հերթական հայտարարությունն է տարածել՝ Հայաստանին մեղադրելով պատմությունը «միակողմանի մեկնաբանելու» և Թուրքիայի դեմ «երեսպաշտ, զրպարտող արշավ» տանելու մեջ։

14 հուլիս, 2020 11:11 Մայր Աթոռը դատապարտում է Սուրբ Սոֆիայի տաճար-թանգարանը մզկիթի վերածելու որոշումը Մայր Աթոռ Սուրբ Էջմիածինը հաղորդագրություն է տարածել․ Գարեգին Երկրորդ Ամենայն Հայոց կաթողիկոսի անդրադարձը Սուրբ Սոֆիայի տաճարթանգարանը մզկիթի վերածելու Թուրքիայի իշխանությունների որոշման առիթով։ 
Հաղորդագրությունում նշված է, որ Մայր Աթոռ Սուրբ Էջմիածնում ցավով են արձանագրել հուլիսի 10ին, Թուրքիայի Հանրապետության նախագահ Ռեջեփ Թայիփ Էրդողանի կողմից Օրթոդոքս Եկեղեցիների և քրիստոնեական աշխարհի համար կարևոր նշանակություն ունեցող Սուրբ Սոֆիայի տաճարը թանգարանից մզկիթի վերածելու որոշումը։
Ըստ կաթողիկոսի՝ թուրքական կառավարությունն ընդունել է միակողմանի ու դատապարտելի որոշում՝ դրանով խախտելով Թուրքիայում ազգային կրոնական փոքրամասնությունների իրավունքները։ 
Միլիոնավոր քրիստոնյաների կոչերն ու անհանգստություններն անտեսվել են, հաշվի չի առնվել նաև նույնիսկ ՅՈՒՆԵՍԿՕի կողմից Սուրբ Սոֆիայի տաճարը համաշխարհային մշակութային գանձարանում ներառնված լինելու փաստը։ 
Գարեգին Բն նշել է, որ Հայ Առաքելական Եկեղեցին ու հայ ժողովուրդը, որպես Օսմանյան Թուրքիայում Ցեղասպանություն վերապրած ժողովուրդ, կիսում է օրթոդոքս
13 հուլիս, 2020 16:47 Թուրքիան գործում է ոչ թե որպես ԵԱՀԿ Մինսկի խմբի անդամ, այլ ԼՂ հակամարտության մեջ ներգրավված կողմ․ ՀՀ ԱԳՆ Հուլիսի 13-ին Հայաստանի արտաքին գործերի նախարարությունը պատասխանել է Թուրքիայի արտաքին գերատեսչությանը՝ նշելով․ «Այդ երկիրը գործում է ոչ թե որպես ԵԱՀԿ Մինսկի խմբի անդամ, այլ ԼՂ հակամարտության մեջ ներգրավված կողմ»։ 13 հուլիս, 2020 11:54 Թուրքիան աջակցություն է հայտնել Ադրբեջանին՝ Հայաստանին հորդորելով «հրաժարվել վտանգավոր մարտավարությունից» Թուրքիայի ԱԳՆ-ն հայտարարություն է տարածել հայ-ադրբեջանական սահմանային լարվածության վերաբերյալ՝ աջակցություն հայտնելով Ադրբեջանին։ 10 հուլիս, 2020 20:12 Սուրբ Սոֆիան մզկիթի կվերածվի․ Թուրքիան այս շաբաթ ✓Թուրքերի կարծիքով՝ իրենց երկրին ամենամեծ սպառնալիքը ներկայացնում է Ամերիկայի Միացյալ Նահանգները (70%), ապա՝ Իսրայելը (66,7%), Սիրիան (65,4%), Իրանը (59%), Հունաստանը (58,9%) և Հայաստանը (58,6%)։
✓Հայոց ցեղասպանության հարցում Թուրքիան մեկուսացման մեջ է, կարծում է ցեղասպանագետ Թաներ Աքչամը
✓Սուրբ Սոֆիան թանգարանից կվերածվի մզկիթի
✓Թուրքիան շարունակում է ռազմական գործողությունները Հյուսիսային Իրաքում