15 հունվար, 2020 11:14 Նախկինները չհիշեցին Քաջազնունուն, իսկ ներկանե՞րը Հայաստանի առաջին վարչապետ և հանրապետության հիմնադիրներից Հովհաննես Քաջազնունին մահացել է 1938 թվականի այս օրը՝ հունվարի 15-ին, Երևանի բանտային հիվանդանոցում՝ գրիպից ու թոքաբորբից։

Քաջազնունին պետք է գնդակահարվեր 1937-ի դեկտեմբերի 5-ին Խորհրդային Հայաստանի ՆԳԺԿ Եռյակի կողմից կայացված որոշման համաձայն, որը ժամանակավորապես կանխել էր բանտային բժիշկը։ Քաջազնունին հիվանդ էր և անկարող էր քայլել մինչև գնդակահարություն:
13 հունվար, 2020 12:49 Արևմտյան Հայաստանի, Համշենի և Կիլիկիայի նկատմամբ հայերի հետաքրքրությունը մեծանում է. Գևորգ Պետրոսյան Թուրքագետ Գևորգ Պետրոսյանը փաստում է, որ հայաստանցիների ուշադրությունը Արևմտյան Հայաստանի, Համշենի և Կիլիկիայի նկատմամբ մեծանում է: Անցնող տարի մոտ 50 հազար հայաստանցի է այցելել Թուրքիա, իսկ Թուրքիայի 10 հազար քաղաքացի՝ Հայաստան: ՍիվիլՆեթի Թաթուլ Հակոբյանի հետ զրույցում Պետրոսյանը անդրադառնում է Պոլսի նոր պատրիարք Սահակ Մաշալյանից ակնկալիքներին, Արևմտյան Հայաստանի տարածքում եկեղեցիների և վանքերի վերականգնողական աշխատանքներին, գանձագողերի կողմից հասցվող վնասներին, Հայաստան-Թուրքիա հարաբերությունների ներկա վիճակին: 7 հունվար, 2020 21:31 Գործարկվում է Թուրքական հոսքը. ինչ կստանան Ռուսաստանն ու Թուրքիան և մյուսները Հունվարի 8-ին Թուրքիայում տեղի կունենա Սև ծովի հատակով անցնող և Ռուսաստանն ու Թուրքիան կապող ավելի քան 900 կմ երկարություն ունեցող Թուրքական հոսք գազատարի բացման արարողությունը, որին կմասնակցի նաև Ռուսաստանի նախագահ Վլադիմիր Պւոտինը։ 2003 թ. գործարկված Կապույտ հոսքից հետո սա Սև ծովի հատակով Ռուսաստանից Թուրքիա բնական գազի մատակարարումներ իրականացնող երկրորդ գազատարն է։ Երկու խողովակաշարից բաղկացած Թուրքական հոսքն ունի ընդհանուր առմամբ տարեկան 31,5 մլրդ խմ թողունակություն։ Նախատեսված ծավալի կեսը՝ 15,75 մլրդ խմ, սպառվելու է Թուրքիայում, իսկ մնացածը նախատեսվում է արտահանել Բուլղարիա, Սերբիա, Հունգարիա և Ավստրիա։

4 հունվար, 2020 18:21 Վրիժառության կոչեր և զսպվածության հորդորներ. աշխարհն արձագանքում է Սոլեյմանիի սպանությանը 2020թ. հունվարի 3-ին Բաղդադում ԱՄՆ-ի նախագահ Դոնալդ Թրամփի հրամանով Իրանի իսլամական հեղափոխության պահապանների կորպուսի «Ղոդս» հատուկ ստորաբաժանման հրամանատար գեներալ Ղասեմ Սոլեյմանիի սպանությանն արձագանքել են աշխարհի առաջնորդներն ու միջազգային կառույցները՝ զսպվածության ու լարվածության թուլացման կոչեր հնչեցնելով: Ստորև՝ հայտարարություններից մի քանիսը: 2 հունվար, 2020 22:52 Թուրքիայի խորհրդարանն արտոնել է Լիբիայում թուրքական զորքերի տեղակայումը Հունվարի 2-ին Թուրքիայի խորհրդարանը արտահերթ նիստում հավանություն է տվել օրինագծին, որը թույլ է տալիս թուրքական զորքեր ուղարկել Լիբիա. հաղորդում են թուրքական լրատվամիջոցները:

Օրինագծի օգտին քվեարկել է 325 պատգամավոր, դեմ՝ 184: Կողմ քվեարկել են իշխող «Արդարություն և զարգացում», «Ազգայնական շարժում» կուսակցությունները: Օրինագծին ընդդիմացել են գլխավոր ընդդիմության՝ Ժողովրդահանրապետական կուսակցության, «Երջանկություն կուսակցության», Ժողովուրդների դեմոկրատական կուսակցության պատգամավորները:
27 դեկտեմբեր, 2019 19:36 Էրդողանը մտորում է Լիբիա մտնելու մասին․ Թուրքիան այս շաբաթ «Մեջլիսի բացվելուն պես մեր առաջին գործը կլինի Լիբիա զորք ուղարկելու թույլտվություն ստանալը», ասել է Էրդողանը՝ հաստատելով, որ պատրաստ է զորք ուղարկել Հյուսիսային Աֆրիկա;
«Քո պես չմտածողին չպիտի ասես դավաճան ես, փորձում ես ինձ տապալել», հայտարարել է Էրդողանի նախկին դաշնակից Ալի Բաբաջանը, որը պատրաստվում է կուսակցություն հիմնել;
2017ի ապրիլի 29ից Թուրքիայում Վիքիպեդիան արգելված է․ Թուրքիայի Սահամանդրական դատարանը արգելքը չեղյալ է հայտարարել
26 դեկտեմբեր, 2019 11:41 Գյումրեցիները թուրքերին աղ ու հացով չեն դիմավորել, երբե՛ք Հայ ժողովրդի պատմությունը ունի գրքերից գրքեր, սերունդներից սերունդներ անցնող գրավոր ու բանավոր, բայց հորինված ու կեղծ պատումներ։

Դրանցից մեկը 1920 թվականի աշնանը Կարսը գրաված և Ալեքսանդրապոլ (այսօր՝ Գյումրի) ներխուժած թուրք-քեմալականներին իբր աղ ու հացով դիմավորած գյումրեցիների պատմությունն է։

Իրականությունը հետևյալն է։
25 դեկտեմբեր, 2019 12:06 Թուրքական դատարանն անտեսեց ՄԻԵԴ վճիռը․ Քավալան կմնա ճաղերի հետևում Դեկտեմբերի 24-ին թուրքական դատարանը վճռել է, որ թուրք իրավապաշտպան և հասարակական գործիչ Օսման Քավալան պետք է մնա ազատազրկման մեջ։ Այդ վճռով անտեսվել է Մարդու իրավունքների եվրոպական դատարանի՝ ավելի վաղ կայացրած որոշումը, որը պարտավորեցրել է Թուրքիային անհապաղ ազատ արձակել Քավալային։ 24 դեկտեմբեր, 2019 13:52 Ադրբեջան – Վրաստան – Թուրքիա եռակողմ համագործակցություն․ շոշափելի արդյունքնե՞ր, թե՞ փիառ Դեկտեմբերի 23-ին Թբիլիսիում կայացավ Ադրբեջանի, Վրաստանի և Թուրքիայի արտգործնախարարների ութերորդ գագաթնաժողովը։ Ինչպես նախկին հանդիպումներում, կողմերը այս անգամ ևս վերահաստատել են տարածաշրջանային հակամարտությունների՝ Աբխազիա, Ղարաբաղ, Հարավային Օսիա, կարգավորման գործում պետությունների տարածքային ամբողջականության սկզբունքի գերակայությունը և հանդես եկել եռակողմ տնտեսական գործակցության խորացման օգտին։ Թերևս, նորույթ է էլեկտրաէներգիայի ոլորտում հարաբերությունները սերտացնելու մասին հայտարարությունը։

18 դեկտեմբեր, 2019 11:16 ԱՄՆ վարչակազմի դիրքորոշումը Հայոց ցեղասպանության հարցում չի փոխվել, ըստ Պետդեպի ԱՄՆ Պետքարտուղարությունը դեկտեմբերի 17-ին անդրադառնալով Սենատի՝ Հայոց ցեղասպանությունը ճանաչող բանաձևևին՝ հայտարարել է, որ շարունակում է այդ իրադարձությունները դիտարկել որպես «ամենասարսափելի զանգվածային կոտորածներից մեկը»։

«Վարչակազմի դիրքորոշումը չի փոխվել,- ասել է Պետքարտուղարության խոսնակ Մորգան Օրտագուսը։ - Մեր տեսակետերն արտացոլված են նախագահի՝ այս հարցով ապրիլի 24-ին հնչած հստակ հայտարարությունում»։
16 December, 2019 17:47 From a Turkish Prison to Greek Islands: Sevan Nişanyan Talks to CivilNet in Yerevan In 2013, the day before Nişanyan began his scheduled incarceration, he talked to CivilNet about the reasons for his sentence, attitudes of the Turkish government towards minorities, especially Armenians, and his persistent efforts to push the Turkish government towards more democratic and tolerant policies That interview is available here 16 դեկտեմբեր, 2019 09:11 Էրդողանը սպառնում է փակել «Ինջիրլիք» ավիաբազան Թուրքիան կարող է փակել «Ինջիրլիք» ավիաբազան, որտեղ տեղակայված են ամերիկյան միջուկային մարտագլխիկներ․ այս մասին հայտարարել է Թուրքիայի նախագահ Ռեջեփ Թայիփ Էրդողանը:

Ինչպես հաղորդում է Reuters-ը, Էրդողանն այս քայլին կարող է գնալ՝ ի պատասխան Թուրքիայի նկատմամբ ԱՄՆ-ի պատժամիջոցների սպառնալիքի և ԱՄՆ-ի Սենատի՝ կողմից Հայոց ցեղասպանությունը ճանաչող բանաձևի ընդունման։

«Եթե մեզ անհրաժեշտ է նման քայլ անել, ապա, իհարկե, մենք լիազորություններ ունենք։ Եթե անհրաժեշտ լինի, մեր պատվիրակությունների հետ մենք կփակենք Ինջիրլիքը»,- ասել Է Էրդողանը Haber հեռուստաալիքի եթերում։