10 հոկտեմբեր, 2017 17:22 Կարեն Կարապետյանը հանդիպել է Իրանի նախագահին ԻԻՀ նախագահն ընդգծել է, որ պատրաստակամ է օժանդակել երկու երկրների կառավարությունների նախաձեռնություններին, ինչպես նաև համատեղ ծրագրերի իրականացմանը:

Զրուցակիցները կարևորել են մի շարք ոլորտներում, մասնավորապես, էներգետիկ բնագավառի, գյուղատնտեսության, տեղեկատվական տեխնոլոգիաների, զբոսաշրջության, «Սյունիք» և «Արաս» ազատ տնտեսական գոտիների համագործակցության խորացումն ու ընդլայնումը, երկու երկրների միջև առևտրաշրջանառության ծավալների ավելացումը:

ՀՀ կառավարության ղեկավարն ընդգծել է հայ-իրանական քաղաքական երկխոսության բարձր մակարդակը: Կողմերն անդրադարձել են Լեռնային Ղարաբաղի հակամարտության կարգավորմանն ու տարածաշրջանային խնդիրներին առնչվող հարցերի:
10 հոկտեմբեր, 2017 10:38 Պարսից ծոցից Սև ծով անցնող տրանսպորտային միջանցքներից մեկը կարող է լինել Հայաստանը․ Ջահանգիրի Պարսից ծոցից Սև ծով անցնող տրանսպորտային միջանցքներից մեկը կարող է լինել Հայաստանը․ երեկ Թեհրանում ՀՀ վարչապետ Կարեն Կարապետյանի հետ հանդիպումից հետո հայտարարել է Իրանի Իսլամական Հանրապետության առաջին փոխնախագահ Էսհաղ Ջահանգիրին։ Նրա խոսքով՝ Իրանի հարևանների հետ վարվող արտաքին քաղաքականության օրակարգում Հայաստանի Հանրապետությունն ունի իր հատուկ տեղը
«Քանի որ Հայաստանի Հանրապետությունը Եվրասիական տնտեսական միության անդամ է և լավ հարաբերություններ ունի Եվրոպական միության հետ, ապա այս հարթակը երկու երկրների հարաբերությունների զարգացման համար կարող է դրական լինել Այն ընկերությունների համար, որոնք զբաղված են տրանսպորտի կապալառու գործունեության, շինարարության և տնտեսության տարբեր բնագավառներում, պայմանավորվածություն է ձեռք բերվել, որ համապատասխան պայմաններ կստեղծվեն՝ նրանց ակտիվության ընդլայնման նպատակով Պարսից ծոցից Սև ծով անցնող տրանսպորտային միջանցքներից մեկը կարող է լինել Հայաստանը Էլեկտրաէներգիայի և գազի փոխանակման ծրագրի շրջանակում ունենք երրորդ բարձրավոլտ գծի շինարարությունը, ինչպես նաև այսօր
9 հոկտեմբեր, 2017 14:05 ՀՀ վարչապետը «շատ կառուցողական» բանակցություններ է վարել Իրանի նախագահի առաջին տեղակալի հետ ՀՀ վարչապետ Կարեն Կարապետյանն Իրանի Իսլամական Հանրապետության նախագահի առաջին տեղակալ Էսհաղ Ջահանգիրիի հրավերով հոկտեմբերի 9-ին երկօրյա պաշտոնական այցով Իրանի Իսլամական Հանրապետությունում է։

Նախատեսված են Հայաստանի կառավարության ղեկավարի հանդիպումներ ԻԻՀ նախագահ Հասան Ռոհանիի, նախագահի առաջին տեղակալ Էսհաղ Ջահանգիրիի, Մեջլիսի նախագահ Ալի Լարիջանիի հետ:
Կարեն Կարապետյանն այցելելու է նաև «Արարատ» մարզական ակումբ, որտեղ նախատեսված է նրա հանդիպումը տեղի հայ համայնքի, այդ թվում՝ գործարար հատվածի ներկայացուցիչների հետ:

Իրանական Press TV-ի փոխանցմամբ՝ Էսհաղ Ջահանգիրիի և Կարեն Կարապետյանի համատեղ ասուլիսին վարչապետը բանակցությունները անվանել է «շատ կառուցողական»։
5 հոկտեմբեր, 2017 12:46 «Դարակազմիկ իրադարձություն»․ Սաուդյան թագավորը առաջին անգամ այցելում է Մոսկվա «Ռիա-նովոստի»-ն հաղորդում է, որ Սալմանի պատվիրակությունը բաղկացած է մոտ հազար հոգուց։ Թագավորի շքախումբը կզբաղեցնի Մոսկվայի Մանեժնի հրապարակի մերձակայքում հինգ-աստղանի հյուրանոցների գրեթե բոլոր համարները։ Աղբյուրների տեղեկացմամբ՝ հատուկ հյուրերի համար որոշ համարներում փոխում են ներքին հարդարանքը՝ այն դարձնելով արևելյան ոճի, պատվիրակությունն իր հետ բերել է գորգեր և կահույք։

«Կոմերսանտի» տվյալներով՝ բանակցությունների արդյունքից կախված է ավելի քան 3 մլրդ դոլարի ռազմական գործարքների կնքումը, որոնցով ենթադրվում է Ռիադին մատակարարել «Տրիումֆ» С-400 զենիթա-հրթիռային համալիրներ։

ՌԴ արտաքին գործերի նախարար Սերգեյ Լավրովը սաուդյան թագավորի այցը որակել է «իսկապես դարակազմիկ իրադարձություն», ՌԴ Դաշնության խորհրդի նախագահ Վալենտինա Մատվիենկոն «հսկայական հույսեր» է կապել թագավորի մոսկովյան այցի հետ, իսկ Չեչնիայի առաջնորդ Ռամզան Կադիրովը սոցցանցում գրել է, որ «Ռուսաստանի և Սաուդյան Արաբիայի երկխոսությունը կարող է օգնել խոշոր հակամարտությունների կարգավորմանը»։
4 հոկտեմբեր, 2017 14:42 Ինչպես Ղարաբաղը կարող է մերձեցնել Ռուսաստանին և Արևմուտքին․ Մարկեդոնով Ղարաբաղյան հակամարտությունը հետխորհրդային տարածքում միակն է, որտեղ Ռուսաստանն ու Արևմուտքը կարող են համատեղ գործել։ Դա համագործակցության բացառիկ փորձ է՝ վեր ավելի ու ավելի խորացող հակասություններից․ այսպիսի կարծիք է հայտնում ռուսաստանցի քաղաքագետ Սերգեյ Մարկեդոնովը Քարնեգիի մոսկովյան կենտրոնի կայքում հրապարակված՝ «Հետխորհրդային էքսկլյուզիվ․ ինչպես Ղարաբաղը կարող է մերձեցնել Ռուսաստանն ու Արևմուտքը» խորագրով հոդվածում: Իհարկե, Ղարաբաղում փոխգործակցությունը չի կարող ինքնըստինքյան կանգնեցնել Ռուսաստանի և Արևմուտքի հարաբերություններում առկա բացասական միտումները, սակայն համագործակցությունը հանուն ընդհանուր՝ թեկուզև մարտավարական խնդիրների անխուսափելիորեն կբերի թարմ օդի ոչ մեծ չափաբաժին,- գրում է քաղաքագետը։ 3 հոկտեմբեր, 2017 16:28 Ռուսաստանն ամրանում է Կասպիցում, դեմ է ծովով անցնող գազատարերի ծրագրերին Eurasianet.org կայքի հոդվածագիր Ջոշուա Քուչերան (Joshua Kucera) «Ռուսաստանն իր Կասպիցի նավատորմի համար նոր ռազմածովային բազա է կառուցում» վերնագրով հոդված է հրապարակել, որում քննարկում է Մոսկվայի այս նախաձեռնության պատճառները: Հոդվածում, ի թիվս մի շարք պատճառների, նշվում է նաև, որ Մոսկվան դեմ է Կասպիցով անցնող գազատարների ծրագրերին։

Ռուսաստանը մտադիր է իր Կասպիական նավատորմի համար ստեղծել նոր ռազմածովային բազա՝ նպատակ ունենալով մինչև 2020 թ. այն տեղափոխել Աստրախանից Դաղստան: Նոր բազան կլինի Ռուսաստանի տեխնիկապես ամենազարգացած ռազմակայաններից մեկը, հայտարարել է պաշտպանության նախարարությունը:
3 հոկտեմբեր, 2017 09:15 Ինչու են քրդերն անհանգիստ Իրանում․ The Economist-ի անդրադարձը The Economist հանդեսն անդրադարձել է Իրանի քրդերի շրջանում անկախության ձգտումներին, որոնք ակտիվացել են սեպտեմբերի 25-ին Իրաքյան Քրդստանում անկախության հանրաքվեից հետո։ «Իրանի քրդերը նույնպես անհանգիստ են դառնում» (Iran’s Kurds are growing restless, too) խորագրով հոդվածը թարգմանաբար՝ ստորև։
Իրանի քրդերը անկախության կոչեր են անում նույն խանդավառությամբ, ինչ Իրաքի նրանց ազգակիցները, թերևս նույնիսկ ավելի: Չնայած Իրաքի քրդական քաղաքների փողոցներում տրամադրությունը, ընդհանուր առմամբ, սեպտեմբերի 25-ի անկախության հանրաքվեից հետո զուսպ էր և նյարդային, իրանական Քրդստանի սահմանին այն ավելի ակտիվ տոնվեց: Քրդական Բանե, Սանանդաջ և Մահաբադ քաղաքներում տեղի ունեցան երկօրյա ցույցեր, նույնիսկ այն ժամանակ, երբ զրահամեքենաներ հայտնվեցին փողոցներում՝ ազդարարելով ձերբակալությունների ալիքը։ Ժողովուրդը երգում էր 1946 թ. հյուսիս-արևմտյան Իրանում կարճատև գոյություն ունեցած քրդական պետության՝ Մահաբադի օրհներգը: Լապտերներից կախված էին քրդական դրոշներ։
25 սեպտեմբեր, 2017 11:36 Այսօր Իրաքյան Քրդստանում անկախության հանրաքվե է Այսօր Իրաքյան Քրդստանում անկախության հանրաքվե է, որն անցկացվելու է Դուհոք, Էրբիլ, Սուլեյմանիե և Հալաբջա շրջաններում։ Ընդհանուր առմամբ քվեարկությանը մասնակցելու իրավունք ունի մոտ 3 մլն 300 հազ․ մարդ․ այսպիսի տվյալներ է բերում Rudaw քրդական լրատվական ցանցը։ Հարցը ձևակերպված է քրդերեն, թուրքեմեներեն, արաբերեն և ասորերեն և հնչում է հետևյալ կերպ՝ «Արդյոք ցանկանո՞ւմ եք, որ Քրդստանի շրջանը և շրջանից դուրս գտնվող քրդական տարածքները դառնան անկախ պետություն»։ Ընտրողները պետք է պատասխանեն «Այո» կամ «Ոչ»։ 20 սեպտեմբեր, 2017 11:07 ՄԱԿ-ի Գլխավոր ասամբլեայի նստաշրջանին Ալիևը մասնակցում է ընտանյոք հանդերձ ԱՄՆ-ի նախագահ Դոնալդ Թրամփը երեկ հանդես է եկել ՄԱԿ-ի ամբիոնից իր առաջին ելույթով։ Նա նախազգուշացրել է «վտարանդի ռեժիմների» և ահաբեկիչների ներկայացրած վտանգի մասին, սպառնացել է «ոչնչացնել» Հյուսիսային Կորեան և խոսել Ուկրաինայի ինքնիշխանությանը սպառնալիքների անթույլատրելիության մասին։ Թրամփը քննադատել է Իրանի, Սիրիայի, Կուբայի, Վենեսուելայի ղեկավարություններին։ Իրանի մասով ԱՄՆ-ի նախագահն ասել է, որ այդ երկրի ղեկավարությունը «երբեմնի ծաղկող երկիրը հասցրել է քաոսի»։ Թրամփը դատապարտել է նաև Թեհրանի հետ միջուկային համաձայնագիրը՝ ասելով, որ այն թույլ է տալիս Իրանին ապագայում միջուկային զենք ստանալ։ 11 սեպտեմբեր, 2017 16:18 Իսրայելի ՊՆ-ն առանձնացնում է «երեք գլխավոր խնդիր»՝ «Իրան, Իրան և նորից Իրան» Իսրայելի պաշտպանության նախարարի առաջ ծառացած ամենագլխավոր խնդիրների մասին խոսելիս ես կնշեի երեքը՝ Իրան, Իրան և նորից Իրան․ newsrucoil իսրայելական ռուսալեզու կայքին տված հարցազրույցում այսպիսի հայտարարություն է Իսրայելի ՊՆ ղեկավար Ավիգդոր Լիբերմանը։
Խնդիրների ամբողջ համալիրում դժվար է առանձնացնել մեկ, սակայն եթե առանձնացնելու լինեմ, կնշեմ երեքը՝ Իրան, Իրան և նորից Իրան։ Անհրաժեշտ է հասկանալ, որ սիրիական վարչակարգը չէր վերապրի առանց Իրանի, Հեզբոլլահը չի կարող գոյատևել առանց Իրանի, Համասն ու Իսլամական ջիհադը չեն կարող գոյատևել առանց Իրանի, ասել է Լիբերմանը՝ հավելելով, որ անգամ հյուսիսկորեական միջուկային ծրագիրը չէր կարող լինել այսօրվա մակարդակի վրա առանց Թեհրանից շոշափելի օգնության։ 
Իրանը գլխավոր խնդիրն է, և, դատելով նրանից, թե որքան ուշադրություն է դարձվում դրան Սպիտակ տանը, այնտեղ դա լավ են հասկանում։
Լիբերմանի այս հայտարարության համատեքստում ուշագրավ է պաշտոնական Թեհրանի՝ ի դեմս ԱԳՆի խոսնակ Բահրամ Քասեմիի արած հայտարարությունը, որը հասցեագրված է Սաուդյան Արաբիայի արտաքին գործերի նախարար
10 սեպտեմբեր, 2017 16:18 Փշալարից այս կողմ․ Հայաստան-Իրան | The Other Side of the Barbed Wire: Armenia and Iran Տասնամյակներ փշալարերով ձգվող հայ-իրանական սահմանը Երկաթե վարագույրի ու Սառը պատերազմի հարավային մի հատվածն էր։ Փշալարը և Արաքս գետը միմյանցից բաժանում էին Խորհրդային Միությունը և Իրանը։ Թեև 1991-ին Խորհրդային Միությունը մոլորակի քարտեզից վերացել է, սակայն ավելի քան քառորդ դար անց փշալարը հիշեցնում է Սառը պատերազմը։ 24 օգոստոս, 2017 13:40 Կատարը վերադարձնում է Իրանում իր դեսպանին Կատարը հայտարարել է, որ Թեհրան է վերադարձնում իր դեսպանին, որը ավելի քան 20 ամիս առաջ հետ էր կանչվել՝ ի նշան Իրանում Սաուդյան Արաբիայի դիվանագիտական առաքելությունների վրա հարաձկումների դեմ բողոքի։
Al Jazeeraն վկայակոչում է Կատարի ԱԳՆի այսօրվա հայտարարությունը, ըստ որի՝ Իրանում երկրի դեսպանը վերստանձնում է իր լիազորությունները, քանի որ Դոհան ցանկանում է ամրապնդել կապերը Իրանի հետ բոլոր ոլորտներում։
 
Դեսպանի վերադարձի ժամկետը չի հստակեցվում։
Կատարի և Իրանի հարաբերությունների կարգավորումը տեղի է ունենում Դոհայի և մի շարք արաբական երկրների միջև ճգնաժամի պայմաններում, որոնց թվում՝ Սաուդյան Արաբիան է, Արաբական Միացյալ Էմիրությունները, Բահրեյնն ու Եգիպտոսը։ Նրանք Կատարին մեղադրում են ահաբեկչությունը հովանավորելում մյուս երկրների գործերին միջամտելու մեջ, ինչը Կատարը հերքում է։
Ծոցի ճգնաժամի մասին ավելին՝ Արաբական երկրները 13 պահանջ են ներկայացրել Կատարին։
 
Լուսանկարում՝ Կատարի և Իրանի ԱԳ նախարարներ Խալիդ բին Մուհամեդն ու Ջավադ Զարիֆը