13 մարտ, 2017 16:02 Սերժ Սարգսյանը Մոսկվայում Պուտինի հետ կքննարկի ղարաբաղյան հարցը ՀՀ նախագահ Սերժ Սարգսյանը մարտի 14ին երկօրյա պաշտոնական այցով կմեկնի Ռուսաստանի Դաշնություն
Սերժ Սարգսյանը հանդիպումներ կունենա երկրի բարձրագույն ղեկավարության հետ Բարձր մակարդակի բանակցությունների ընթացքում կքննարկվեն ռազմավարական գործընկեր երկու պետությունների միջև մի շարք ոլորտներում՝ քաղաքական, առևտրատնտեսական, հումանիտար, մշակութային երկկողմ փոխգործակցության օրակարգի առանցքային հարցեր, ինչպես նաև եվրասիական տարածքում ինտեգրացիոն գործընթացներին վերաբերող հարցեր
Սերժ Սարգսյանը և Վլադիմիր Պուտինը մտքեր կփոխանակեն նաև միջազգային և տարածաշրջանային մի շարք արդիական խնդիրների շուրջ, կքննարկեն ԼՂ հիմնախնդրի կարգավորման գործընթացը
Սերժ Սարգսյանի առաջիկա մոսկովյան այցի մասին ավելի վաղ գրել էր Իզվեստիա թերթը։
Ադրբեջանի նախագահ Իլհամ Ալիևը զուգահեռաբար այցելում է ԵԱՀԿ Մինսկի խմբի մեկ այլ համանախագահ երկիր՝ Ֆրանսիա, որտեղ ժամանել է երեկ։ Վաղը նախատեսված է նրա հանդիպումը Ֆրանսիայի նախագահ Ֆրանսուա Օլանդի հետ։
 
6 մարտ, 2017 12:48 Ադրբեջանի հետ հարաբերությունները ընկերական են, եղբայրական և ռազմավարական․ Ռոհանի Ադրբեջանի հետ հարաբերությունները ընկերական են, եղբայրական և ռազմավարական․ մարտի 5-ին Թեհրանում Ադրբեջանի նախագահ Իլհամ Ալիևի հետ համատեղ մամուլի ասուլիսին հայտարարել է Իրանի նախագահ Հասան Ռոհանին։ Կիրակի օրը Ալիևը մեկօրյա այցով ժամանել էր Իրան։

Իրանական Press TV-ի փոխանցմամբ՝ Ռոհանին նշել է, որ բոլոր տարածաշրջանային խնդիրները, այդ թվում՝ ղարաբաղյան հակամարտությունը, պետք է լուծվեն երկխոսության միջոցով։
28 փետրվար, 2017 17:46 Հայաստանը մասնակից է Կոսովոյի ճանաչման գործընթացին․ Սերժ Սարգսյան Հայաստանը, թեև չի ճանաչել Կոսովոյի անկախությունը, այնուամենայնիվ ԵԱՀԿ-ի բյուջեն ֆինանսավորելու միջոցով մասնակից է այդ գործընթացին: Վստահ եմ, որ միջազգային հանրությունը պետք է աստիճանաբար սկսի նպաստել Արցախի ժողովրդավարական գործընթացներին՝ անկախ Լեռնային Ղարաբաղի Հանրապետության կարգավիճակից:
Այստեղ հավաքվածներդ, ես տեսնում եմ ես տեսնում եմ, հայտնի փորձագետներ եք: Եթե կա կառավարման, ինքնակազմակերպման այլընտրանքային մեխանիզմ չճանաչված միավորների համար, շնորհակալ կլինեմ, եթե հուշեք: Դժվար է բացատրել արցախցի գործընկերներին, թե ինչու ՄԱԿ-ի անդամ չհանդիսացող Կոսովոն կարող է համագործակցել ԵԱՀԿ/ԺՀՄԻԳ-ի հետ և այդ կերպ ձևավորել իր կառավարման ինստիտուտները, իսկ իրենք դա անել չեն կարող:
27 փետրվար, 2017 11:26 Իրանը Հայաստանին և Ադրբեջանին «զսպվածության» կոչ է անում Իրանի արտաքին գործերի նախարարության մամուլի խոսնակ Բահրամ Քասեմին հանդես է եկել հայտարարությամբ, որում Հայաստանին և Ադրբեջանին «զսպվածության» կոչ է արել՝ նշելով, որ «երկխոսությունն ու բանակցությունները վեճերի կարգավորման խաղաղ ուղիներ են»։ Ի տարբերություն Անկարայից հնչած հայտարարության՝ Թեհրանի կոչը հավասարակշռված է և ուղղված երկու կողմերին էլ։

Ինչպես փոխանցում է իրանական IRNA գործակալությունը, նոր բախումների և բռնության ֆոնին Իրանը կոչ է անում «հյուսիսային իր երկու հարևաններին անել առավելագույնը տեղում իրավիճակը կայունացնելու համար՝ երկխոսության և բանակցությունների ճանապարհով»։
Թեհրանը լիահույս է, որ իրավասու միջազգային կառույցները «պատասխանատվություն կդրսևորեն հակամարտությունը կարգավորելու հարցում»։

Իրանը նաև պատրաստակամություն է հայտնել «երկու կողմերի օգնությամբ» տարածաշրջանում խաղաղություն և անվտանգություն հաստատելու հարցում։

Փետրվարի 25ին՝ ժամը 0300ի և 0400ի սահմաններում, շփման գծի միանգամից երկու` հարավարևելյան Մարտունի և ար
23 փետրվար, 2017 16:35 Հայաստան-Իրան երկաթուղու թնջուկը․ անհայտ ներդրողներ, փոշիացած փողեր և խաբված հանրություն 2008թ․ հոկտեմբերին Սերժ Սարգսյանը հայտարարեց, թե «առաջիկա ամիսներին սկսվելու է Հայաստան-Իրան երկաթուղու կառուցումը»։ Ինը տարի անց Հայաստան-Իրան երկաթուղու ծրագրում որևէ առաջընթաց չկա։ Սակայն Հայաստանի կառավարությունն այս տարիների ընթացքում «Ռասիա ՖԶԷ» անունով կասկածելի օֆշորային ընկերություն էր գտել, 2009թ․ էլ ստեղծել էր «Երկաթուղու շինարարության տնօրինություն» ՓԲԸ, որին (լուծարվեց 2017թ․ հունվարին) հատկացվել է 253 միլիոն դրամ։

Հայաստան-Իրան երկաթուղու ծրագրի շուրջ եղել են նաև ակնհայտորեն իրականությանը չհամապատասխանող պնդումներ։ Նախկին վարչապետ Տիգրան Սարգսյանը հայտարարում էր, թե Ասիական զարգացման բանկը 1.5 միլիոն դոլար է հատկացրել երկաթգծի նախագծման աշխատանքներն իրականացնելու համար, մինչդեռ Բանկը նշում է, որ երբևէ որևէ մասնակցություն չի ունեցել այս ծրագրին։ ՍիվիլՆեթը փորձել է հասկանալ Հայաստան-Իրան երկաթուղու թնջուկը։
21 փետրվար, 2017 13:05 Բելառուսը նավթ է գնում Իրանից Իրանի ազգային նավթային ընկերությունը նավթի վաճառքի գործարք է կնքել BelOil Polska ընկերության հետ, որը «Բելառուսնեֆտ»-ի դուստր ձեռնարկությունն է։

«Բելառուսը գնել է 600 հազ․ բարել իրանական թեթև և ծանր հում նավթ Իրանի Ազգային նավթային ընկերությունից»,- ասված է ընկերության մամուլի հաղորդագրությունում։ Նշվում է, որ սա Բելառուսի՝ իրանական նավթի առաջին գնումն է Թեհրանից միջազգային պատժամիջոցների վերացումից ի վեր։

Ինչպես հաղորդում է Reuters գործակալությունը, ակնկալվում է, որ իրանական նավթով բեռնված նավերը պետք է ժամանեն կա՛մ ուկրաինական Օդեսայի սևծովյան նավահանգիստ, կա՛մ լատվիկան Վենթսպիլսի բալթյան նավահանգիստ, որից հետո նավթը փոխադրվելու է երկաթուղով։ Նշվում է, որ լոգիստիկ մանրամասները դեռ պետք է հստակեցվեն։
20 փետրվար, 2017 14:31 Իրանը Թուրքիային զգուշացնում է, որ «իր համբերությունն անսահման չէ» Պաշտոնական Թեհրանը հակադարձել է Թուրքայի արտաքին գործերի նախարար Մևլութ Չավուշօղլուին, որը Մյունխենի անվտանգության համաժողովում քննադատել էր Իրանին։

Tehran Times-ի հաղորդմամբ՝ Իրանի արտգործնախարարության խոսնակ Բարհամ Քասեմին լրագրողներին ասել է, որ «Թուրքիան չպետք է փորձարկի Իրանի համբերությունը»։
«Թուրքիան մեր հզոր հարևանն է, բայց Իրանի համբերությունն անսահման չէ»,- ասել է Քասեմին։
20 փետրվար, 2017 12:57 Ֆինլանդիան հետաքրքրված է դեպի Իրան երկաթուղու ծրագրով Իրանում Ֆինլանդիայի դեսպանը հայտարարել է, որ իր երկիրը հետաքրքրված է Թեհրանի և Հելսինկիի միջև երկաթուղային հաղորդակցություն հաստատելու ծրագրով։

Tehran Times թերթին տված հարցազրույցում Ֆինլանդիայի դեսպան Հարրի Քամարաինենը (Harri Kämäräinen) հայտարարել է, որ Հյուսիս-հարավ միջազգային տրանսպորտային միջանցքի ծրագրի իրագործումը Իրանը կվերածի տրանսպորտային առանցքի, ինչպիսին որ եղել է դարեր առաջ։ «Ես միշտ ասել եմ, որ Իրանից չեմ հեռանա, քանի դեռ գնացքով չկարողանամ տուն գնալ»,- կատակել է դեսպանը։

Հարցազրույցում դեսպանն ուղղակիորեն չի նշել Ադրբեջանի կամ Հայաստանի անունը, սակայն պարզ է, որ ծրագիրը վերաբերում է Ադրբեջանի տարածքով երկաթուղային հաղորդակցության հաստատմանը՝ Իրանի և Ադրբեջանի սահմանային Աստարա գետի վրայով։
16 փետրվար, 2017 15:20 Ադրբեջանական վարչակարգն իր ազգայնական քաղաքականության հետևանքով կտապալվի, կարծում է թալիշ քաղաքական գործիչը Դա նախևառաջ քաղաքական նշանակալի իրադարձություն է, որը մեծ արձագանք է գտել Ադրբեջանի թալիշական հանրության շրջանում․ ՍիվիլՆեթի հետ զրույցում այսպես մեկնաբանեց Թալիշի ազատագրական շարժման անդամ, Ադրբեջանի քաղաքացի Շահին Միրզալիի կողմից ապաստանի հայցումը Հայաստանում թալիշ քաղաքական և հասարակական գործիչ Զահիրադդին Իբրահիմին։ Նրա գնահատմամբ՝ «դա շատ խիզախ քայլ է»։

«Շատերն ունեն նման ցանկություն, սակայն վախը հետ է պահում նրանց»,- կարծում է Իբրահիմին։

Վերջինս պատմում է, որ ադրբեջանական բոլոր լրատվամիջոցները ցնցված են․ ոչ ոք նման բան չէր ակնկալում, չնայած՝ իրավիճակը վաղուց էր հասունանում՝ պայմանավորված «ադրբեջանական պետության ազգայնական քաղաքականությամբ»։

Իբրահիմին համոզված է՝ ամբողջ թալիշ ժողովուրդը, չհաշված մարգինալացված որոշ հատվածներ, «ատում է այս պետությունն ու իշխանությունների ցեղապաշտական քաղաքականությունը»։
14 փետրվար, 2017 15:43 Իրանը 30 մլրդ բարել նավթի նոր պաշարներ է հայտնաբերել Ինչպես փոխանցում է իրանական Press TVն, Իրանում հայտնաբերվել են նավթի նոր պաշարներ, որոնք հասնում են 30 մլրդ բարելի։ Հայտնաբերվել են նաև 128 տրլն խորանարդ ֆուտի գազի պաշարներ։
Իրանի Ազգային նավթագազային ընկերության բարձրաստիճան պաշտոնյաներից մեկի խոսքով՝ նավթի հայտնաբերված պաշարներից մոտ 4,7 մլրդը վերականգնվող են։
Պաշտոնյան տեղեկացրել է, որ վերջին չորս տարիներին տեղի ունեցած նոր բացահայտումները վկայում են, որ ավելի մեծ է գազի և ոչ թե նավթի նոր պաշարների բացման հավանականությունը։
Իրանն առաջատար է աշխարհում գազի ապացուցված պաշարներով՝ ավելի քան 30 տրլն խմ։ Իրանի նավթի ապացուցված պաշարներն աշխարհում երրորդն են՝ 157 տրլն բարել։ Ընդհանուր առմամբ Իրանն աշխարհում ունի ածխաջրածինների ամենամեծ պաշարները։
13 փետրվար, 2017 11:37 Թալիշական թերթի խմբագիրը մեկնաբանել է Միրզոևի՝ Հայաստանից ապաստանի հայցումը «Թոլիշի Սադո» թերթը երբեք չի ունեցել Շահին Միրզոև անունով թղթակից․ այս մասին ադրբեջանական Turan գործակալությանն ասել է պարբերականի գլխավոր խմբագիր Հիլալ Մամեդովը։ Վերջինս պնդել է, որ «ընդհանրապես չի ճանաչում Շահին Միրզոև անունով մարդու»։

Իր հերթին «Թոլիշի Սադո» թերթի գլխավոր խմբագիր Ռաֆիգ Ջալիլովը Turan-ին ասել է, որ Միրզոևը պարբերականի թղթակից էր «հասարակական հիմունքներով» 2015թ․, սակայն նրա հետ համագործակցությունը դադարեցվել է այն բանից հետո, երբ 2016-ին հրաժարվել է «Թոլիշի Սադո»-ի բաժանորդագրությունից։

«Ես՝ որպես Թալիշական հանրապետական մշակութային կենտրոնի նախագահ, հայտարարում եմ, որ 2016թ․ մայիսի 1-ին Միրզոևն ընտրվել էր կենտրոնի անդամ։ Ներկայում նա կենտրոնի վարչության անդամ է, սակայն նրա կողմից այլ երկրում ապաստանի ստացումը կենտրոնի և մեր թերթի հետ կապ չունի»,- ասել է Ջալիլովը։
12 փետրվար, 2017 11:12 Հայաստանը քաղաքական ապաստան է տվել թալիշ գործիչ Շահին Միրզոևին և ընտանիքին Հայաստանի ԱԳՆ տարածած հաղորդագրությունում նշվում է, որ Հայաստանի իշխանություններին է դիմել Շահին Միրզոևը՝ խնդրելով իրեն տրամադրել ժամանակավոր ապաստան, քանի որ հանդիսանալով Թալիշական մշակույթի խորհրդի անդամ, Թալիշական ազատագրական շարժման մասնակից, «Թոլիշի Սադո» թերթի թղթակից ստիպված է եղել փախչել Ադրբեջանից՝ ազգային և կրոնական փոքրամասնությունների հանդեպ բռնաճնշումների ու նրանց իրավունքների կոպտագույն ոտնահարումների պատճառով, և ընտանիքով ժամանել Հայաստան։

Հայաստանի իշխանությունները դրական են արձագանքել Շահին Միրզոևի խնդրանքին։