6 հունվար, 2020 01:05 Թրամփը խոստանում է անհամաչափ պատասխանել Իրանի հնարավոր հարվածներին «Այս գրառումները ծառայում են որպես ծանուցում ԱՄՆ Կոնգրեսին, որ եթե Իրանը հարված հասցնի որևէ ամերիկացու կամ ամերիկյան թիրախի, ԱՄՆ-ը արագ և ամբողջապես հետ կհարվածի, և հնարավոր է՝ անհամաչափ: Իրավական նման ծանուցում չի պահանջվում, բայցևայնպես տրված է»։ 6 հունվար, 2020 00:51 Իրանը հայտարարել է միջուկային գործարքի պարտավորությունների նոր կրճատման մասին Իրանը հայտարարել է, որ այլևս իրեն պարտավորված չի համարում լիովին հավատարիմ մնալու Գործողությունների համատեղ համապարփակ ծրագրին՝ 2015-ին համաշխարհային տերությունների հետ կնքված գործարքին: Սա միջուկային գործարքի պարտավորությունների հերթական կրճատումն է։ Իրանի կառավարության հայտարարությունն ընթերցվել է իրանական հեռուստատեսության եթերում, հաղորդում է Reuters-ը։

5 հունվար, 2020 23:14 Իրաքի խորհրդարանը քվեարկեց երկրից օտարերկրյա զորքերի դուրսբերման օգտին Իրաքի խորհրդարանը կողմ է քվեարկել «Իսլամական պետություն» ահաբեկչական խմբավորման դեմ պայքարի կոալիցիայի հետ համաձայնագրի դադարեցմանը և երկրից օտարերկրյա զորքերի դուրսբերմանը, հաղորդում է Reuters-ը:

Հունվարի 5-ին Իրաքի խորհրդարանի հատուկ նիստին մասնակցել է 170 պատգամավոր` 329-ից։ Սուննիական և քրդական խմբակցությունները բոյկոտել են նիստը, քանի որ օտարերկրյա ներկայության հարցում նրանց դիրքորոշումները տարբերվում են շիաների դիրքորոշումից:
5 հունվար, 2020 14:38 Իրանը բարեկամ երկիր է, ԱՄՆ-ը ևս բարեկամ երկիր է․ Նիկոլ Փաշինյան «Մեր ուղերձն այն է, որ Իրանի և ԱՄՆ-ի մեր գործընկերները զերծ մնան այնպիսի քայլերից, որոնք կվատթարացնեն առանց այն էլ լարված իրավիճակը տարածաշրջանում և միջազգային հարաբերություններում»,- ասել է Փաշինյանը։

Վարչապետի խոսքով՝ համապատասխան կառույցներին հանձնարարականներ են տրվել հետևելու իրավիճակին և «մատը զարկերակի վրա պահելու»:
5 հունվար, 2020 14:25 Հայաստանի և Իրանի ԱԳ նախարարները քննարկել են տարածաշրջանում ստեղծված իրավիճակը ԱԳ նախարարները քննարկեցին վերջին օրերին Բաղդադում մարդկային զոհերի հանգեցրած դեպքերի հետևանքով մերձավորարևելյան տարածաշրջանում ստեղծված իրավիճակը: ԱԳ նախարար Մնացականյանը ՀՀ կառավարության անունից ցավակցություն հայտնեց Իրանի կառավարությանը և ժողովրդին՝ Իրանի բարձրաստիճան պաշտոնյայի վախճանի կապակցությամբ: ՀՀ ԱԳ նախարարը կարևորեց հետագա լարվածության կանխումը և խաղաղ միջոցներով իրադրության լիցքաթափումը:

5 հունվար, 2020 11:44 Թրամփը թվիթերյան գրառումներ է անում, սպառնում հարվածել իրանական մշակութային օբյեկտների ԱՄՆ նախագահ Դոնալդ Թրամփը իրար հետևից գրառումներ է անում Թվիթերում՝ խոսելով ամերիկյան հզորության, իրանականա օբյեկտները, անգամ՝ մշակութային, թիրախում ունենալու մասին։

«Միացյալ Նահանգները արդեն երկու տրիլիոն դոլար է ծախսել ռազմական տեխնիկայի վրա։ Մենք ամենամեծն ու վստահաբար լավագույնն ենք աշխարհում։ Եթե Իրանը հարձակվի ամերիկյան բազայի կամ որևէ ամերիկացու վրա, մենք նրանց մոտ կուղարկենք այդ բոլորովին նոր գեղեցիկ սարքավորումների մի մասը .. և առանց վարանելու!»,- գրել է Թրամփը։
4 հունվար, 2020 22:27 Բաղդադում ԱՄՆ դեսպանատան մոտ հրթիռ է ընկել. Reuters Բաղդադի՝ ուժեղացված պաշտպանության տակ գտնվող Կանաչ գոտում՝ ԱՄՆ դեսպանատան մոտ, ընկել է «Կատյուշա» տեսակի հրթիռ:

Reuters գործակալությունը, հղում անելով ոստիկանությանը, հաղորդում է, որ զոհեր չկան:

Հրթիռն ընկել է Կանաչ գոտու տոնակատարությունների հրապարակում՝ ԱՄՆ դեսպանության մոտ: Այս գոտում են տեղակայված կառավարական շենքեր և օտարերկրյա առաքելություններ:

#Սիվիլնեթ #Լուրեր
4 հունվար, 2020 18:21 Վրիժառության կոչեր և զսպվածության հորդորներ. աշխարհն արձագանքում է Սոլեյմանիի սպանությանը 2020թ. հունվարի 3-ին Բաղդադում ԱՄՆ-ի նախագահ Դոնալդ Թրամփի հրամանով Իրանի իսլամական հեղափոխության պահապանների կորպուսի «Ղոդս» հատուկ ստորաբաժանման հրամանատար գեներալ Ղասեմ Սոլեյմանիի սպանությանն արձագանքել են աշխարհի առաջնորդներն ու միջազգային կառույցները՝ զսպվածության ու լարվածության թուլացման կոչեր հնչեցնելով: Ստորև՝ հայտարարություններից մի քանիսը: 4 հունվար, 2020 15:25 Գեներալի սպանությունը նախադեպային երկարաժամկետ հետևանքներ կարող է ունենալ  ԱՄՆ-ի կողմից Իրաքի տարածքում գեներալ Սոլեյմանիի սպանությունը որպես միջազգային իրավունքի շրջանակում տեղավորվող գործողություն ներկայացնելու փորձերը կարող են նաև Ադրբեջանում որոշակի ընկալումներ ձևավորել երրորդ պետությունների տարածքում ՀՀ բարձրաստիճան ներկայացուցիչների դեմ գործողությունների իրականացման հնարավորության վերաբերյալ։ 4 հունվար, 2020 13:22 ԱՄՆ-ը լեգիտիմ իրավունք ունի պաշտպանելու իր քաղաքացիներին․ Վրաստանի ԱԳ նախարար «Մենք դատապարտում ենք վերջին բռնությունը, Բաղդադում ԱՄՆ դեսպանատան դեմ սադրիչ հարձակումը։ ԱՄՆ-ը լեգիտիմ իրավունք ունի պաշտպանելու իր քաղաքացիներին։ Այժմ դիավանագիտության և լարվածությունը թուլացնելու ժամանակն է»,- Թվիթերում գրել է Վրաստանի արտաքին գործերի նախարար Դավիդ Զալքալիանին։

4 հունվար, 2020 11:42 Մնացականյանը տարածաշրջանի իրավիճակը քննարկել է դեսպանների հետ Հայաստանի արտգործնախարար Զոհրաբ Մնացականյանը մերձավորարևելյան տարածաշրջանում ծավալվող իրադարձությունների կապացությամբ խորհրդակցություն է հրավիրել, որին մասնակցում էին նաև տարածաշրջանում հավատարմագրված ՀՀ դեսպանները: Այս մասին Ֆեյսբուքում գրառում է արել ԱԳՆ խոսնակ Աննա Նաղդալյանը։

3 հունվար, 2020 22:00 Բաղդադի իրադարձությունները կարող են առավել վտանգել տարածաշրջանային խաղաղությունը. ՀՀ ԱԳՆ «Խորապես մտահոգված ենք վերջին շրջանում Բաղդադում տեղի ունեցած իրադարձություններով, որոնք հանգեցրել են նաև մարդկային զոհերի: Դրանք կարող են առավել վտանգել տարածաշրջանային խաղաղությունը և ապակայունացնել իրավիճակը Մերձավոր Արևելքում և դրանից դուրս: Հայաստանը հանդես է գալիս բացառապես խաղաղ միջոցներով իրադրության լիցքաթափման դիրքերից:

Հայաստանը կշարունակի սերտորեն համագործակցել իր բոլոր գործընկերների հետ՝ ի շահ տարածաշրջանային կայունության և անվտանգության»,- ասված է հաղորդագրությունում: