5 սեպտեմբեր, 2019 17:38 40 արվեստագետ՝ «Ստվերներից դուրս» Նորարար փորձառական արվեստի կենտրոնում բացվեց «Ստվերներից դուրս» արվեստի գործերի ցուցադրությունը։ Մոտ քառասուն արվեստագետներ մեկ հարկի տակ ներկայացրին իրենց նոր ստեղծագործությունները։
4 սեպտեմբեր, 2019 21:55 «Մեկ մարզ, մեկ երգ»․ երաժշտությամբ կամրջել Հայաստանը, Սփյուռքն ու Արցախը Արգենտինահայ երգչուհի, երգահան Ալին Դեմիրճյանը Հայաստանում իրականացնում է «Մեկ մարզ, մեկ երգ» նախագիծը։ Ստեղծագործական թիմի հետ Ալինը շրջում է Հայաստանի մարզերով, Արցախի շրջաններով և յուրաքանչյուր մարզում տեղացի երաժիշտների կամ խմբերի հետ ձայնագրում մեկ համատեղ երգ, նկարահանում տեսահոլովակ՝ ցուցադրելով այդ մարզի կամ շրջանի դիտարժան վայրերը։ Նախագծի նպատակն է փոխել սփյուռքում Հայաստանի ու հայկական երաժշտության մասին պատկերացումները, ինչպես նաև երաժշտական կամուրջ ստեղծել Սփյուռքի, Հայաստանի ու Արցախի միջև։
3 սեպտեմբեր, 2019 15:52 Գյումրի․ Ասլամազյան քույրերի գունապնակը Քսաներորդ դարի հայազգի նշանավոր արվեստագետ քույրերը՝ Մարիամ և Երանուհի Ասլամազյանները, կարող էին իրենց պատկերասրահն ունենալ աշխարհի ամենահայտնի քաղաքներում։ Ասլամազյան քույրերը, սակայն, իրենց հարազատ Գյումրիում են որոշում պահել ստեղծագործությունների ամենամեծ հավաքածուն և 1987 թվականին հիմնադրում են պատկերասրահը։
Տարեցտարի պատկերասրահի այցելուների թիվը մեծանում է։ Քույրերը դեռ կենդանության օրոք մեծ փառք և ճանաչում են ձեռք բերում։ Պատկերասրահի տնօրեն Վահագն Ղուկասյանը փաստում է, որ Ասլամազյան քույրերին Հայաստանից դուրս ավելի շատ են ճանաչում, քան հայրենիքում։ Պատկերասրահի այցելուները ևս մեծամասամբ հայեր չեն։

2 սեպտեմբեր, 2019 17:33 Ինչպես է բարեփոխվում կրթությունը հեղափոխությունից հետո․ զրույց Արևիկ Անափիոսյանի հետ Արդյոք հեղափոխությունը մտե՞լ է դպրոց, ինչի՞ համար վերապատրաստել ուսուցիչներին, դասագրքերը փոխվելո՞ւ են, թե՞ ոչ, ինչպե՞ս փոխել արժեհամակարգն ու կարծրատիպերը դպրոցում, արյդոք համազգեստը կարո՞ղ է լինել պարտադիր, կրթությունը հասանելի չէ բոլորին՝ ի՞նչ անել․ այս և շատ այլ հարցերի շուրջ ՍիվիլՆեթի Ստելլա Մեհրաբեկյանը զրուցում է Կրթության, գիտության, մշակույթի և սպորտի նախարարի տեղակալ Արևիկ Անափիոսյանի հետ։ 31 օգոստոս, 2019 16:34 Գողականների և քյառթուների Հայաստանը․ զրույց գրականագետ Արքմենիկ Նիկողոսյանի հետ Հայաստանի կառավարությունը Քրեական օրենսգրքում փոփոխություններ է անում՝ գողականների դեմ պայքարելու նպատակով։ Այսպես, 7-ից 10 տարի բանտարկություն է նախատեսվում նրանց համար, ովքեր «օրենով գողի» կարգավիճակ կստանան կամ կպահպանեն այն։ Վարչապետ Նիկոլ Փաշինյանը Ֆեյսբուքում գրել է՝ «Գողը պետք է նստի բանտում»։ ՍիվիլՆեթի Թաթուլ Հակոբյանը զրուցել է գրականագետ Արքմենիկ Նիկողոսյանի հետ։ Նա համահեղինակել է «Քյառթուի կերպարը որպես անհանդուրժողականության ներկայացման միջոց արդի հայ արձակում» խորագրով հոդվածը, որը տպագրվել է Եվրասիա համագործակցություն հիմնադրամի «Հանդուրժողականության և անհանդուրժողականության դրսևորումները հայ գրականության մեջ» հետազոտությունների ժողովածուում։ Զրույցի ընթացքում անդրադարձ է կատարվում գողական և քյառթուական ենթամշակույթին, Երևանի և Հայաստանի այլ քաղաքների փողոցային բարքերին, հարաբերություններին, կենցաղին, ընտանիքին։ 29 օգոստոս, 2019 18:53 Հայրենիքին մի քանի քայլ մոտ Ավարտվեց սփյուռքի հայ երիտասարդների ու պատանիների համար կազմակերպված «Քայլ դեպի տուն» ծրագիրը։ Նախկինում Սփյուռքի նախարարության հովանու ներքո իրականացվող ծրագիրը նախարարության լուծարումից հետո իրականացնում է Սփյուռքի գործերի գլխավոր հանձնակատարի գրասենյակը։ Շուրջ 400 հայ երիտասարդ 28 երկրից մասնակցեց ծրագրին։
29 օգոստոս, 2019 18:49 Դավթաշենի կամրջի տակ՝ ինչպես տիեզերքում Դավթաշենի կամրջի տակով հնարավոր է թռչել զիփլայնով և «հայտնվել տիեզերքում»։ Համարձակների համար «Երևան Զիփլայնը» նորություն ունի` վիրտուալ իրականության ակնոց։ VR տեխնոլոգիաների կիրառմամբ հնարավոր է մարդկանց օգնել հաղթահարելու վախերը: Նրանք, ովքեր դեռ չեն կողմնորոշվել՝ թռչել, թե ոչ, ակնոցի միջոցով կհաղթահարեն վախերը և կիմանան՝ իրենց ինչ է սպասվում օդում։
29 օգոստոս, 2019 15:02 1000 դրամով՝ բնակարաններ Գյումրիի երկու ընտանիքի համար Սուրեն Ղարագյոզյանը, որ սեփական մաշկի վրա է զգացել երկրաշարժի արհավիրքը, մեկ կտոր է ավելացնում Գյումրիի քաղաքապետարանի պատին հավաքվող նկարին՝ այդ կերպ օգնելով երկրաշարժից տուժած անօթևան երկու ընտանիքի տանիք ունենալ։ Գյումրին առանց տնակների հիմնադրամի նոր նախաձեռնությամբ օգոստոսի 1-ից Գյումրիի քաղաքապետարանի պատին հավաքվում է գյումրեցի արվեստագետ Սուսաննա Մկրտչյանի նկարը-խճապատկերը։ Նկարը վերջնականացնելու համար հավաքվում են խճապատկերի 15 հազար մասնիկները։ Յուրաքանչյուր մասնիկի արժեքը 1000 դրամ է։ Հավաքված գումարով տնակներում բնակվող երկու ընտանիք բնակարան կստանա։
28 օգոստոս, 2019 18:18 Մոդեռնից մինչև ավանդական. Գյումրիի հյուրատները Գունտա Նուսբաման Ավստրիայից է, Հայաստան ժամանելու հիմնական նպատակը լեռնագնացությունն էր, սակայն նրան անսպասելիորեն զարմացրել է երկրաշարժից հետո վերականգնվող Գյումրին։ Երեք օր անցկացնելով Գյումրիում՝ Գունտային տպավորել ոն մարդկանց հյուրասիրությունն ու հյուրանոցային ծառայությունների մատչելիությունն ու որակը։
Զբոսաշրջիկները Գյումրիում հյուրանոցային լայն ընտրության հնարավորություն ունեն. մոդեռն հյուրատներից մինչև ավանդական։
27 օգոստոս, 2019 16:11 Տանձավեր՝ հրաշալիքի միտումով․ ֆոտոշարք Սյունիքի մարզի Տանձավեր գյուղում բացվել է առաջին թանգարան-անտառը Հայաստանում։ «Կախարդական անտառում» կարելի է հանդիպել բացառապես բնական միջոցներով պատրաստված քանդակների, որոնք պատրաստել են ոչ միայն Հայաստանից ու արտերկրից հրավիրված արվեստագետները, այլև գյուղի բնակիչները։ Գաղափարը «Pegasus» նախաձեռնությանն է, որը Տանձավերում իրականացնում է մի շարք այլ ծրագրեր՝ գյուղի զարգացման և զբոսաշրջության խթանման համար։
27 August, 2019 15:35 Building Drones from USC to Armenia Isaac Mcsherry is a 19-year-old junior at the University of Southern California. He spent his summer in Armenia, teaching students how to build drones at the TUMO Center for Creative Technologies. He lived in both Gyumri and Yerevan. He talks to Civilnet's Sareen Habeshian about how volunteering in a foreign country provided him with new opportunities, perspectives and skills.
26 օգոստոս, 2019 18:19 Կախարդական անտառը նոր շունչ է տալիս Տանձավերին Սյունիքի մարզի Տանձավեր գյուղում բացվել է առաջին թանգարան-անտառը Հայաստանում։ «Կախարդական անտառի» (Magic Forest) գաղափարի հեղինակները Իսպանիայից Տանձավեր տեղափոխված Միքայելն ու Պալոման են, որոնք համայնքի աջակցությամբ իրականացնում են մի շարք ծրագրեր գյուղի զարգացման և զբոսաշրջության խթանման համար։