20 ապրիլ, 2017 23:12 Ապրիլի 16-ից հետո․ ի՞նչ ուղղությամբ է գնում Թուրքիան ՍիվիլՆեթի նկարահանող խումբը սահմանադրական փոփոխությունների օրերին Թուրքիայում էր, փորձում էր շոշափել հանրային տրամադրությունները, հասկանալ, թե ինչ ուղղությամբ է գնալու Թուրքիան։ 18 ապրիլ, 2017 20:31 Հայաստան-Թուրքիա հարաբերությունները Էրդողանի հանրաքվեից հետո ՀՀ ԳԱԱ Արևելագիտության ինստիտուտի Թուրքիայի բաժնի վարիչ Վահրամ Տեր-Մաթևոսյանը ՍիվիլՆեթի Թաթուլ Հակոբյանի հետ զրույցում անդրադառնում է Հայաստան-Թուրքիա հարաբերությունների հեռանկարներին։ Տեր-Մաթևոսյանը անդրադառնում է նաև ֆուտբոլային դիվանագիտության ընթացքում նախագահ Գյուլի, վարչապետ Էրդողանի և արտգործնախարար Դավութօղլուի դերակատարությանը։ 10 ապրիլ, 2017 20:22 Թուրքիան՝ ադրբեջանացման ճանապարհին Թուրքիայում կիրակի կայանալիք հանրաքվեից առաջ շատերը Էրդողանին մեղադրում են ժողովրդավարացման ուղուց շեղվելու և երկիրը «ադրբեջանացման» ճանապարհով տանելու համար։ Քրդամետ «Ժողովուրդների դեմոկրատական կուսակցության» պատգամավոր Դենգիր Միր Մեհմեթ Ֆըրաթը զգուշացնում է, որ Թուրքիայում բռնապետությունը տեղ չունի, և չպետք է նմանվել Ադրբեջանին։ Այդ պատճառով նա առաջարկում է ոչ ասել սահմանադրական հանրաքվեին։ 4 ապրիլ, 2017 20:05 Հայաստանի ընտրությունները թուրքերին քիչ են հետաքրքրում Թուրքիայում հետաքրքրությունը մեծ չէր ապրիլի 2-ին Հայաստանում անցկացված խորհրդարանական ընտրությունների նկատմամբ։ Էրդողանը դժգոհ է եղել սահմանադրական հանրաքվեի շրջանակում իր Դիարբեքիր կատարած այցից։ 27 մարտ, 2017 19:56 Թուրքիայում ամենամեծ գաղթը քրդաբնակ շրջաններից է․ Թուրքիան այս շաբաթ Ամերիկայի Միացյալ Նահանգների պետքարտուղար Ռեքս Թիլերսոնը կայցելի Թուրքիա։ Ըստ «Ջումհուրիյեթի»՝ կքննարկվի նաև հայկական հարցը։ Թուրքիայում ամենաշատը գաղթում են քրդաբնակ շրջաններից։ Թուրքիայի նախագահ Էրդողանը կարծում է, որ իր երկրում չկան ձերբակալված լրագրողներ։ Ըստ Էրդողանի՝ նրանք բոլորը գողեր ու ահաբեկիչներ են։
24 մարտ, 2017 15:48 Էրդողանը հոգնեցրել է Եվրոպային. Հայկ Գաբրիելյան «Միջազգային և անվտանգության հարցերի հայկական ինստիտուտի» փորձագետ Հայկ Գաբրիելյանի կարծիքով՝ թուրք-եվրոպական լարված հարաբերություններն ունեն խորքային պատճառներ։ ՍիվիլՆեթի հետ զրույցում նա նշում է, որ Եվրոպային դուր չի գալիս Թուրքիայի նախագահ Ռեջեփ Թայիփ Էրդողանի հակաժողովրդավարական կեցվածքը։ 21 մարտ, 2017 22:07 Գյուլն ու Դավութօղլուն «խռոված» են Էրդողանից․ Թուրքիան այս շաբաթ Թուրքիայի նախագահ Ռեջեփ Թայիփ Էրդողանը կոչ է արել Եվրոպայի թուրքերին հինգ երեխա ունենալ։ Թուրքիայի նախկին նախագահ Աբդուլլահ Գյուլն ու նախկին վարչապետ, արտգործնախարար Ահմեդ Դավութօղլուն կարծես «խռոված» են Էրդողանից։ Թուրքիայում քրդերը նշում են Նովրուզը։ 17 մարտ, 2017 18:04 Աթեշյանը «հերոսաբար» դիմադրում է Մարտի 15-ին Պոլսի պատրիաքի տեղապահ էր ընտրվել Գերմանիայի հայոց թեմի առաջնորդ Գարեգին արք․ Բեկչյանը՝ առաջ անցնելով պատրիարքի ընդհանուր փոխանորդ Արամ արք․ Աթեշյանից։ Ընտրությունից անմիջապես հետո Արամ արք. Աթեշյանը ներկաներին ցույց է տվել Ստամբուլի նահանգապետարանի գրությունն առ այն, որ ընտրության գործընթացը վավերական չէ։ «Ակօս» թերթի հայերեն էջերի խմբագիր Բագրատ Էստուկյանը (Բագրատ Էսդուգեան) մեկնաբանում է Պոլսում ծավալվող իրադարձությունները։ 15 մարտ, 2017 18:20 Թուրքիայի խորհրդարանի հայ պատգամավորները․ հարմարվե՞լ, թե՞ պայքարել Ո՞վքեր են Թուրքիայի խորհրդարանի հայ պատգամավորները, ի՞նչ գործունեություն են ծավալում, ի՞նչ դժվարությունների են հանդիպում, ինչպե՞ս են նրանց վերաբերվում պոլսահայերը, ո՞ր կուսակցությանն են ձայն տալիս։ ՍիվիլՆեթի նկարահանող խումբն Անկարայում ու Ստամբուլում հանդիպել է հայ պատգամավորներ Կարո Փայլանի և Սելինա Դողանի, ինչպես նաև պոլսահայ համայնքի ներկայացուցիչների հետ՝ փորձելով գտնել այս հարցերի պատասխանները։ 14 մարտ, 2017 17:26 «Գերմանացիներից բացի ֆաշիստ են նաև հոլանդացիները»․ Թուրքիան այս շաբաթ Հոլանդիան արգելել է թուրք նախարարներին մուտք գործել իր երկիր, սրվել են թուրք-հոլանդական հարաբերությունները։ Թուրքիայի նախագահ Ռեջեփ Թայիփ Էրդողանը Նիդեռլանդներին կոչել է «նացիստների մնացորդներ», իսկ արտգործնախարար Մևլութ Չավուշօղլուն՝ «ֆաշիզմի մայրաքաղաք»։ Էրդողանը կարծում է, որ ռասիստական տրամադրությունների աճը սպառնում է Եվրոպայի ապագային։
9 մարտ, 2017 16:25 Ինչու Թուրքիայում չեն թարգմանվում հայ հեղինակների գործերը․ Արքմենիկ Նիկողոսյան Թուրքիայում շահագրգռվա՞ծ են ժամանակակից հայ հեղինակների թարգմանությամբ, ունե՞ն որակյալ մասնագետներ, ի՞նչ հեռանկար ունի հայ և թուրք հրատարակիչների համագործակցությունը։ Այս և մի շարք այլ հարցերի շուրջ ՍիվիլՆեթը զրուցել է «Անտարես» հրատարակչության խմբագիր, գրականագետ Արքմենիկ Նիկողոսյանի հետ։ Արքմենիկ Նիկողոսյանը Ստամբուլում մասնակցել է Թուրքիայի հրատարակիչների ասոցիացիայի կազմակերպած հայ և թուրք հրատարակիչների կոնֆերանսին։ Ծրագրին աջակցել է «Հրանտ Դինք» հիմնադրամը։ 6 մարտ, 2017 20:41 Գերմանիան որևէ կապ չունի ժողովրդավարության հետ․ Էրդողան Թուրքիայի նախագահ Էրդողանը Գերմանիայի ղեկավարությանը համեմատել է նացիստների հետ։ Թուրքական մեկ լիրայի վրայից հանվել է Աթաթուրքի պատկերը։ Թուրքիայի խորհրդարանի հայազգի պատգամավոր Կարո Փայլանը դիմելու է Մարդու իրավունքների եվրոպական դատարան։
Թուրքիայի վերաբերյալ տեսանյութերը/հաղորդումները պատրաստվել են Եվրոպական Միության աջակցությամբ՝ «Աջակցություն Հայաստան-Թուրքիա կարգավորման գործընթացին» ծրագրի շրջանակում: Այդ տեսանյութերի/հաղորդումների բովանդակության ամբողջ պատասխանատվությունը կրում է միայն Սիվիլիթաս հիմնադրամը, և դրանք պարտադիր չէ, որ արտացոլեն Եվրոպական Միության կամ ծրագրի կոնսորցիումի որևէ գործընկեր կազմակերպության տեսակետները։