10 դեկտեմբեր, 2019 21:10 Հայաստանը նախատեսում է ՀԱԷԿ-ի շահագործման ժամկետը երկարաձգել մինչև 2036թ․ Ռուսաստանի տրամադրած 270 մլն դոլար արտոնյալ վարկի և 30 մլն դոլար դրմաշնորահային միջոցներով վերազինումից հետո Հայաստանի կառավարությունը քննարկում է Մեծամորի ատոմակայանի շահագործման ժամկետը մինչև 2036 թվականը երկարաձգելու տարբերակը: Այս մասին դեկտեմբերի 10-ին ՀԱԷԿ-ի տարածքում լրագրողների հետ հանդիպմանը հայտարարեց Հայաստանի տարածքային կառավարման ու ենթակառուցվածքների նախարար Սուրեն Պապիկյանը:

10 դեկտեմբեր, 2019 19:45 Պոլսահայոց խնդրայարոյց պատրիարքական ընտրութիւններ. զրոյց Հրակ Փափազեանին հետ Ընկերամշակութային մարդաբան Հրակ Փափազեան «Զարկերակ»ի հաղորդավար Արէն Քերթեշեանին հետ զրուցեց Պոլսոյ Հայոց 85րդ պատրիարքի ընտրութեան մասին։ Ան այս առիթով անդրադարձաւ նաեւ թրքահայ կեանքէն ներս պատրիարքարանի դերակատարութեան, ինչպէս նաեւ անոր ունեցած յարաբերութիւններուն Թուրքիոյ մէջ ապրող իսլամ հայերուն եւ Հայաստանի քաղաքացիներուն հետ։ 
#Զարկերակ
10 դեկտեմբեր, 2019 17:49 Մարդիկ՝ մարդու իրավունքների մասին 1948-ի դեկտեմբերի 10-ին ՄԱԿ-ի Գլխավոր ասամբլեան ընդունեց Մարդու իրավունքների համընդհանուր հռչակագիրը։ Այս օրը նշվում է որպես Մարդու իրավունքների պաշտպանության միջազգային օր։ ՍիվիլՆեթը եղել է Երևանի փողոցներում՝ պարզելու, թե քաղաքացիներն ինչ են մտածում մարդու իրավունքների մասին ու որքանով են պաշտպանված նրանց իրավունքները։ 10 դեկտեմբեր, 2019 16:22 Թավշյա ազդեցություն՝ Արցախի ներքաղաքական համակարգի վրա․ զրույց Աշոտ Ղուլյանի հետ Արցախի Ազգային ժողովի նախագահ Աշոտ Ղուլյանը մասնակցելու 2020թ․ գարնանը Արցախում կայանալիք նախագահական ընտրույթուններին։ Նրան առաջադրել է իր ղեկավարած Արցախի ժողովրդավարական կուսակցությունը, որը քաղաքական համակարգի մաս է կազմում Արցախի անկախության հռչակումից ի վեր։ ՍիվիլՆեթի Թաթուլ Հակոբյանի հետ զրույցում Ղուլյանը անդրադառնում է վերջերս ՀՀ վարչապետ Նիկոլ Փաշինյանի և Արցախի իշխանական ուժերի հանդիպմանը, ինչպես է Թավշյա հեղափոխությունը ազդել Արցախի ներքաղաքական զարգացումների վրա, ինչու են իր կուսակցության անդամները հրապարակավ և հետևողականորեն պաշտպանում Ռոբերտ Քոչարյանին։ 10 դեկտեմբեր, 2019 15:06 Արսեն Թորոսյանի ներկայացրած փաթեթը վնասելու է բիզնեսին, անհատներին, տնտեսությանը․ Նաիրի Սարգսյան Աուդիտորների պալատի նախագահ, տնտեսագետ Նաիրի Սարգսյանը կարծում է, որ առողջապահության նախարար Արսեն Թորոսյանի ներկայացրած Առողջության համապարփակ ապահովագրության հայեցակարգը վնասելու է և՛ բիզնեսին, և՛ անհատներին, և տնտեսությանը։ ՍիվիլՆեթի Թաթուլ Հակոբյանի հետ զրույցում Սարգսյանն ասում է, որ Հայաստանի համար, ինչպես յուրաքանչյուր քաղաքակիրթ պետության, առողջության համապարփակ ապահովագրությունն անհրաժեշտություն է, սակայն ոչ այսօր և ոչ այն տեսքով, ինչ ներկայացրել է առողջապահության նախարարը։ 10 դեկտեմբեր, 2019 14:06 Թուրքական բանտից «թռած թռչունը»՝ Սիվիլնեթի տաղավարում. զրույց Սեւան Նիշանեանի հետ Թուրքական բանտում մի քանի տարի անցկացնելուց հետո՝ թուրքահայ մտավորական, լեզվաբան ու գրքերի հեղինակ Սեւան Նիշանեանը կարողացավ փախուստ տալ և հաստատվել Եգեյանի հունական կղզիներից մեկում: Ճողոպրելուց հետո նա Թվիթերի իր էջում թուրքերենով գրեց՝ «Թռչունը թռավ. տարոսը մնացած ութսուն միլիոնին» (Kuş uçtu. Darısı geride kalan seksen milyonun başına): ՍիվիլՆեթի Թաթուլ Հակոբյանի հետ զրույցում Սեւան Նիշանեանն անդրադառնում է, թե ինչպես է հայտնվել թուրքական բանտում, ինչու է գրել «Սխալ հանրապետություն» գիրքը, ինչ հարաբերություններ է ունեցել Հրանտ Դինքի հետ: 10 դեկտեմբեր, 2019 13:06 Բաքուն Ղարաբաղյան կարգավորման նոր ռազմավարություն է փորձարկում․ Petrosrategies Ֆրանսիական Petrostrategies վերլուծական կենտրոնը, որը մասնագիտացած է գլոբալ էներգետիկ հետազոտությունների ոլորտում, վերլուծում է Ադրբեջանի վերջին տնտեսական և քաղաքական իրադարձությունները: «Բաքուն գիտի, որ սպառվում է ժամանակը, քանի որ նավթի նրա պաշարները կրճատվում են, իսկ գազի արտահանումը չի կարող բավարար եկամուտ բերել դրանք փոխհատուցելու համար»,- գրում են Petrostrategies-ի վերլուծաբանները։ Այս համատեքստում նրանք քննարկում են նաև քաղաքական վերջին զարգացումներն Ադրբեջանում։ 10 դեկտեմբեր, 2019 12:32 Հասարակությունը չի վստահում ՍԴ-ին, մենք այդ հարցը պիտի լուծենք․ Արարատ Միրզոյան ԱԺ նախագահ Արարատ Միրզոյանը արտահերթ ելույթ ունեցավ Ազգային ժողովում, խոսեց Սահմանադրական դատարանի վստահության հարցը լուծելու ուղիների մասին։ 10 դեկտեմբեր, 2019 11:12 Ինստիտուցիոնալ  բարեփոխումները՝ որպես տնտեսական աճի կարևորագույն գործոն  Պետք է դադարել որպես տնտեսական իրավիճակը բնութագրող հիմնական ցուցանիշ դիտարկել տնտեսական ակտիվության ցուցանիշը, քանի որ այն չի արտացոլում տնտեսության գործունեության արդյունավետությունը։ Այլ խոսքով ասած՝ եթե տնտեսական ակտիվության ցուցանիշն աճում է, դա դեռ չի նշանակում, որ տնտեսությունը գործում է արդյունավետ։
10 դեկտեմբեր, 2019 11:00 Ատելության խոսքը վտանգավոր աստիճանի է հասել. Արման Թաթոյան Մարդու իրավունքների պաշտպանն ահազանգում է՝ ատելության խոսքի մասշտաբները Հայաստանում անհանգստացնող են: Իրավիճակն ավելի է խորանում քաղաքական մակարդակում միմյանց հասցեին հնչող վիրավորանքների ու մեղադրանքների պատճառով: Անհրաժեշտ են օրենսդրական լուծումներ: Այս և մարդու իրավունքների պաշտպանությանն առնչվող այլ հարցերի մասին ՍիվիլՆեթի Արշալույս Մղդեսյանը զրուցել է Մարդու իրավունքների պաշտպան Արման Թաթոյանի հետ: 9 դեկտեմբեր, 2019 22:06 Ջանջուղազյանը հակահեղափոխական չէ, բայց առնվազն ավելի պահպանողական է․ Արսեն Թորոսյան Առողջապահության նախարար Արսեն Թորոսյանը, որը հանդես է գալիս համընդհանուր առողջապահական համակարգ ներդնելու և աշխատավարձից 6 տոկոս հարկ սահմանելու օգտին, համաձայն չէ ֆինանսների նախարար Ատոմ Ջանջուղազյանի՝ այդ համակարգի ներդրման քննադատությանը։

Ֆինանսների նախարար Ատոմ Ջանջուղազյանը շաբաթ օրը լրագրողների հետ զրույցում դեմ էր արտահայտվել Առողջապահության համապարփակ ապահովագրության հայեցակարգին՝ ասելով, որ առողջապահության հարկային բեռն ընկնում է ոչ թե տնտեսվարողների, այլ վարձու շախատողների վրա, և մեծ հաշվով բեռ է տնտեսության վրա:
9 դեկտեմբեր, 2019 21:02 Ադրբեջան. ընտրություններ ու մուղամ Մուսավաթը մասնակցում է, Ժողովրդական ճակատի ղեկավար Ալի Քերիմլին բոյկոտում է ընտրությունները:
Մեհրիբան Ալիևան անպատասխան է թողնում Աննա Հակոբյանի հրավերը, Ադրբեջանից հակադարձում են այլոք:
«Ինձ դեպորտ արե՛ք Հայաստան», այսպես է ասում ղարաբաղյան պատերազմի ադրբեջանցի մի մասնակից: