23 հունվար, 2020 12:01 Մեկուկես տարվա ընթացքում 10 անգամ ավելացրել ենք «Արմաթ» լաբորատորիաների ֆինանսավորումը. Փաշինյան Կառավարության հունվարի 23ի նիստում վարչապետ Նիկոլ Փաշինյանը անդրադարձավ այն լուրերին, թե կառավարությունը խոչընդոտում է դպրոցների տեխնոլոգիական զարգացմանը Վարչապետն այդ պնդումները «մանիպուլյացիոն» որակեց և խոսեց թվերով Ավելի վաղ «Ինֆորմացիոն տեխնոլոգիաների ձեռնարկությունների միության» գործադիր տնօրեն Կարեն Վարդանյանը հայտարարել էր, որ 2020ի բյուջեով կառավարությունը գումար չի նախատեսել դպրոցներում նոր տեխնոլոգիական լաբորատորիաներ ներդնելու համար
#CivilNet #ՍիվիլՆեթ #Կառավարությաննիստ
23 հունվար, 2020 11:32 Ընդդիմությանը ձիու հետ համեմատելու համար պետք է ներողություն խնդրեք. Մարուքյանը՝ Միրզոյանին Ազգային ժողովի՝ հունվարի 23ի նիստը սկսվեց թեժ բանավեճով «Լուսավոր Հայաստան» խմբակցության ղեկավար Էդմոն Մարուքյանն անդրադարձավ Երևանի քաղաքապետարանում կոռուպցիոն ռիսկերն ուսումնասիրելու ԱԺ քննիչ հանձնաժողովի ստեղծման օրենսդրական գործընթացի տապալմանը Հունվարի 22ի նիստին իշխանական՝ «Իմ քայլը» խմբակցության պատգամավորները չմասնակցեցին քվեարկությանը, ինչի հետևանքով քննիչ հանձնաժողովի կազմը հաստատելու վերաբերյալ որոշումը չընդունվեց Քննարկումների ընթացքում պատգամավորները միմյանց հասցեին հնչեցրին ոչ կոռեկտ, երբեմն էլ՝ վիրավորական արտահայտություններ
#CivilNet #ՍիվիլՆեթ #Ազգայինժողով
22 հունվար, 2020 18:46 «Գազպրոմ Արմենիան» էլեկտորատ պահելու տեղ չէ, կրճատումներ լինելու են. փոխվարչապետ ԱԺ-ում հունվարի 22-ին կառավարության հետ հարցուպատասխանի ժամանակ փոխվարչապետ Մհեր Գրիգորյանը հաստատեց «Գազպրոմ Արմենիա» ընկրությունում սպասվող կրճատումների մասին մամուլում շրջանառվող լուրերը: Նա նշեց, որ կառավարությունը շատ բծախնդիր է լինելու «Գազպրոմ Արմենիայի» ծախսերի նկատմամբ, քանի որ «հանրային ծառայությունները մատուցող ընկերությունը էլեկտորատ պահելու տեղ չէ»:
22 հունվար, 2020 18:24 Կառավարությունը սպանդանոցների խնդրի նոր լուծում ունի Փաշինյանը շեշտեց, որ անցումը սպանդանոցային համակարգին պարտադիր է, քանի որ բացի առողջապահական խնդիրներից, սա նաև երկրի վարկանիշի հարց է։ Ասաց, որ քաջատեղյակ է սպանդանոցների պակասի խնդրի մասին, բայց դա պատճառաբանում է նրանով, որ ռեֆորմի կիրառումը մի քանի անգամ հետաձգվել է։

22 հունվար, 2020 18:01 Նիկոլ Փաշինյանն ասաց, թե ինչպես է լուծվելու սպանդանոցների խնդիրը Հունվարի 22ին Ազգային ժողովում կառավարության հետ հարցուպատասխանի ժամանակ վարչապետ Նիկոլ Փաշինյանն անդրադարձավ անասունների մորթը բացառապես սպանդանոցներում իրականացնելու կառավարության որոշմանը։ 
#Ազգայինժողով
22 հունվար, 2020 17:58 Եթե մարժան ուռճացված լինի, «Գազպրոմ Արմենիա»-ի հայտը չի հաստատվի. փոխվարչապետ Ռուսական կողմի հետ կա պայմանավորվածություն, որ սահմանին գազի գինը չի փոխվելու այս տարի․ Ազգային ժողովում հունվարի 22-ին կառավարության հետ հարցուպատասխանի ժամանակ հայտարարեց ՀՀ փոխվարչապետ Մհեր Գրիգորյանը։ Այս պահին այն կազմում է 165 դոլար 1000 խմ դիմաց: 22 հունվար, 2020 17:55 Կա գործիքակազմ՝ մոնոպոլ գործընթացներ թույլ չտալու․ Ավինյանը՝ Ucom-ի և Beeline-ի գործարքի մասին Հունվարի 22ին Ազգային ժողովում կառավարության հետ հարցուպատասխանի ժամանակ «Իմ քայլը» խմբակցության անդամ Գոռ Գևորգյանը հարց բարձրացրեց, թե ինչ տեղի կունենա հեռահաղորդակցության շուկայում Ucom ընկերության կողմից Beeline ձեռքբերման դեպքում։ Հարցին պատասխանեց փոխվարչապետ Տիգրան Ավինյանը։
#Ազգայինժողով
22 հունվար, 2020 17:41 Ինչո՞ւ է Հայաստանում սրտի վիրահատությունը կրկնակի թանկ Վրաստանի համեմատ․ հարց Արսեն Թորոսյանին ԱԺում հունվարի 22ին կառավարության հետ հարցուպատասխանի ժամանակ առողջապահության նախարար Արսեն Թորոսյանից հետաքրքրվեցին, թե ինչու Հայաստանում սրտի վիրահատությունը երկու անգամ թանկ, քան Վրաստանում Նախարարը նշեց, որ Հայաստանից մեկնած պացիենտները Վրաստանում վիրահատվում են, սակայն հետվիրահատական սպասարկում չեն ստանում, ինչը ևս ծախս է Ըստ նրա՝ Վրաստանում սրտի վիրահատության համար երկու անգամ զիջող գների մասին խոսակցությունները շատ հաճախ գովազդային հնարք է, որին խաբվում են քաղաքացիները 22 հունվար, 2020 17:01 Անցում սպանդանոցային մորթի․ ինչու և ինչու՝ ոչ Կենդանիների սպանդանոցային մորթին անցում կատարելու մասին կառավարության որոշումը բողոքի մեծ ալիք է բարձրացրել մսավաճառների ու գյուղացիների շրջանում։ Կառավարության շենքի դիմաց օրեր շարունակ բողոքի ցույցեր են։ Սննդամթերքի անվտանգության տեսչական մարմնից ասում են, որ սա արվում է սպառողի անվտանգությունն ապահովելու համար։ ՍիվիլՆեթը գնացել է թեմայի հետքերով։  22 հունվար, 2020 16:00 Նիկոլ Փաշինյանը ռեֆորմատոր չէ․ Միքայել Նահապետյան «Քաղաքացու որոշում» կուսակցության գործադիր մարմնի անդամ Միքայել Նահապետյանը օրերս հրապարակել էր ««Դուխի» ու «քյալլագյոզության» արանքում․ կայացած պետության ճանապարհը» վերնագրով հոդված, որտեղ անդրադարձել էր հետհեղափոխական շրջանում ռեֆորմների բացակայությանն ու դրա հետևանքներին։ Նահապետյանը ՍիվիլՆեթի Մկրտիչ Կարապետյանի հետ զրույցում ասում է՝ կառավարությունը չունի հարցի պատասխանը, թե ուր են ուզում գնալ, ինչ ճանապարհով և ում հետ։ Որպես օրինակ նա նշում է այն, որ կառավարությունը քաղաքականություն է հռչակել ծննդատների օպտիմալացումը, այնինչ մարզերում կառավարության քաղաքականությունը իրագործող անձերը՝ մարզպետը, խոչընդոտում է այս քաղաքականությանը։
22 հունվար, 2020 15:44 Փոխանակման կետերում շատ լուրջ ստվեր կա. ԿԲ փոխնախագահ ԱԺ-ում հունվարի 22-ին կառավարության ներկայացրած «Լիցենզավորման մասին» օրենքում փոփոխություններ իրականացնելու մասին հարցի քննարկմանը խոսվեց տարադրամի փոխանակման կետերի գործունեության մասին, որտեղ, ըստ ԿԲ-ի, ստվերային շրջանառություն կա: «Փոխանակման կետերը հետընթաց են, և այնտեղ շատ լուրջ ստվեր կա: Սա ողջ աշխարհում միայն սահմանափակ անձանց, տուրիստների համար նախատեսված գործունեության տեսակ է»,- նշեց ԿԲ փոխնախագահ Ներսես Երիցյանը: Նա կարևորեց արժութային շուկայում աշխատող ինստիտուտների գործունեության կարգարվորման ու ռիսկերի զսպման մասին, քանի որ Հայաստանի տնտեսությունը գերզգայուն է փոխարժեքի տատանումների նկատմամբ:
22 հունվար, 2020 14:00 Ճանապարհային պատահարներ․ Հայաստանի դառը թվերը Հայաստանում միայն անցած տարի ճանապարհատրանսպորտային պատահարներից միջինը գրեթե ամեն օր մարդ է մահացել։ 2018-ին միջինը օրական գրանցված 11 պատահարից մեկը, փաստորեն, մահով է ավարտվել։ Դիտե՛ք՝ Թվերը խոսում են Հայաստանում ՃՏՊ-ների մասին։ Նաև տեսե՛ք, թե այլ երկրներում ինչ վիճակագրություն է։