12 փետրվար, 2019 19:00 Ինչո՞ւ է վերանշանակվել Տարոն Մարգարյանի «պաշտպանը» Երևանի ավագանու փետրվարի 12-ի նիստին «Լույս» խմբակցության անդամ Դավիթ Խաժակյանը անդրադարձավ Սամվել Ղումաշյանին Ավան վարչական շրջանի ղեկավարի տեղակալի պաշտոնում վերանշանակելուն։ Սամվել Խաժակյանը նախկին քաղաքապետ Տարոն Մարգարյանի ժամանակ ևս Ավան վարչական շրջանի ղեկավարի տեղակալն էր։

Նրա անունը կապվում էր Թավշյա հեղափոխության օրերին Ավանում մեքենաներ ջարդած և մարդկանց ծեծի ենթարկած խմբի հետ։ ՍիվիլՆեթի Անի Գրիգորյանը անդրադարձել էր Ղումաշյանի վերանշանակմանը։
12 փետրվար, 2019 17:59 Փոխատեղումներ և ձուլումներ․ ներկայացվեց կառավարության կառուցվածքի փոփոխության նախագիծը   E-draft.am կայքում արդարադատության նախարարությունը պաշտոնապես հանրային քննարկման է ներկայացրել «Կառավարության կառուցվածքի և գործունեության մասին» օրենքում փոփոխությունների փաթեթը։

Փաթեթով առաջարկվում է պետական կառավարման համակարգի արդյունավետության բարձրացման նպատակով կրճատել պետական կառավարման համակարգի մարմինների թիվը։
12 փետրվար, 2019 17:34 Փաշինյանը Իրանի հետ հարաբերությունները բաժանում է երեք մասի «Մենք շատ ակտիվ համագործակցում ենք էներգետիկ ոլորտում, և մտադիր ենք այդ համագործակցությունը խորացնել։ Ինչ վերաբերում է քաղաքական հարաբերություններին, կարծում եմ, որ դրանք շատ բարձր մակարդակի վրա են։ Մենք, իհարկե, համոզված ենք, որ Իրանի հետ կպահպանենք բարձր մակարդակի, փոխվստահության վրա հիմնված հարաբերություններ, և այդ հարաբերությունների նպատակը չի լինի որևէ երրորդ կողմին վնասելը»,- ասաց Փաշինյանը։ 12 փետրվար, 2019 16:58 2018-ին Հայաստան ժամանածների թիվը մեկնածների թվին գերազանցել 15 հազարով Չնայած մեկնածների ու ժամանածների տարբերությունը դրական է, ՀՀ փաստաթղթերով (անձնագրերով) մեկնումների ու ժամանումների տարբերությունը շարունակում է բացասական մնալ՝ թեև բացարձակ թվով այն մեծապես փոքրացել է։ Այսպես, եթե 2017-ին հայաստանյան փաստաթղթերով սահմանային անցակետերով իրականացված մուտքերի և ելքերի տարբերությունը կազմել է -36 191, ապա արդեն 2018-ին՝ -4 588 է։

12 փետրվար, 2019 16:44 Կառավարությունը պետռեգիստրը «հասանելի» է դարձնում լրագրողներին Նախարարությունը նաև նշել է, որ անվճար տեղեկություն ստանալու համար բացառություն կլինեն այն դեպքերը, երբ մեկ ամսվա կտրվածքով պահանջվող տեղեկատվության քանակը կգերազանցի տպագրված կամ պատճենահանված տասը էջը։ Այլ կերպ ասած՝ եթե լրատվականը ձեռք բերի մեկ ընկերության մասին տեղեկատվություն, որը կգերազանցի տասը էջը, լրատվամիջոցը այդ ամիս ստիպված է լինելու դարձյալ տուրք վճարել 3000 դրամի չափով։ Կոպիտ հաշվարկով՝ եթե լրատվամիջոցը պետռեգիստրից գնի երկու առևտրային ընկերության վերաբերյալ տեղեկատվություն, ապա արդարադատության նախարարության սահմանած էջերի քանակը կգերազանցի, և ըստ էության տուրքը նույնությամբ շարունակելու է պահպանվել։ 12 փետրվար, 2019 15:33 Ղարաբաղյան կողմի դուրս մնալը բանակցային գործընթացից. ինչպես է եղել 1997թ., երբ Ռոբերտ Քոչարյանը տեղափոխվեց Երևան, իսկ մեկ տարի անց դարձավ Հայաստանի ղեկավար, հակամարտության հիմնական` ղարաբաղյան կողմը, ոչ միայն դուրս մնաց բանակցություններից, այլև ժամանակի ընթացքում ղարաբաղյան գործոնը միջազգային հանրության ընկալումներում երկրորդական պլան մղվեց: 12 փետրվար, 2019 14:17 Ինչպես կարող է Արցախը ներգրավվել բանակցություններում․ Փաշինյանը տեսնում է կոնկրետ ձևեր և մեթոդներ Փաշինյանն ասաց, թե տեսնում է «շատ կոնկրետ և՛ ձևեր, և՛ մեթոդներ, թե ինչպես կարող է Ղարաբաղը ներգրավվել բանակցություններում»։ «Մենք հիմա այդ ձևերի և մեթոդների քննարկման մեջ ենք, և այդ մեթոդները կքննարկենք նաև մեր միջազգային գործընկերների հետ»,- ասաց Նիկոլ Փաշինյանը։ 12 փետրվար, 2019 13:10 Հայկական կողմի հստակ դիրքորոշումն է՝ Արցախը պետք է մաս կազմի բանակցություններին․ վարչապետի խոսնակ Հայաստանի և Ադրբեջանի ղեկավարների միջև արցախյան խնդրի կարգավորման վերաբերյալ որևէ փաստաթղթի շուրջ բանակցություններ դեռ չկան․ Sputnik Արմենիա ռադիոկայանին տված հարցազրույցում ասել է ՀՀ վարչապետի մամուլի քարտուղար Վլադիմիր Կարապետյանը։
«Առաջիկայում երկու երկրների արտգործնախարարների հանդիպման պարագայում պարզ կլինի` կհանդիպեն Փաշինյանն ու Ալիևը, թե ոչ։ Հայկական կողմը բազմիցս բարձրաձայնել է իր մոտեցումներն ու սկզբունքային դիրքորոշումը, որոնց նկատմամբ ադրբեջանական կողմից կան ոչ հստակ արձագանքներ։ Եթե մի փոքր մոտեցվեն իրենց դիրքորոշումները մեր կարծիքներին, կարծում եմ` դա ինչոր չափով կդյուրացնի առաջիկա հանդիպման վերաբերյալ պայմանավորվածությունը»,– ասել է Կարապետյանը։
Այս փուլում, սակայն, նրա խոսքով, որևէ կոնկրետ լուծման մասին չի խոսվում։
«Հայկական կողմի հստակ դիրքորոշումն է, որ Արցախը պետք է մաս կազմի բանակցություններին։ Մեզ համար տարակուսելի է, թե ինչու է Ադրբեջանի նախագահը համառորեն հրաժարվում շփվել Արցախի իշխանությունների հետ։ Վարչապետ Փաշինյանը բազմիցս հայտարարել է, որ ինքը իրավասու է
12 փետրվար, 2019 13:06 Պարգևավճարներ ստացած մարդիկ տարիուկես առաջ ծրարով փող են ստացել․ Նիկոլ Փաշինյան «Ինչո՞ւ։ Որովհետև մենք այսօր խոսում ենք պարգևավճարների մասին, բայց մոռանում մի հանգամանք, որ այդ պարգևավճարները հրապարակային ստացած մարդիկ, տարիուկես առաջ ծրարով փող են ստացել, ազատ են եղել բիզնես գործունեությունը պաշտոնի հետ համատեղել։ Իսկ այսօր այդ ամենը չկա։ Եվ այդ մարդը ասում է՝ ինչո՞ւ 150,000 դրամ աշխատավարձով մնամ այստեղ, եթե մասնավորից ինձ 800,000-ով աշխատանք են առաջարկում»,- պարզաբանեց Փաշինյանը։ 12 փետրվար, 2019 12:57 Տնտեսական հեղափոխությունն առանց գումարի աղբյուրի անհնար է․ Ծառուկյան ԲՀԿ խմբակցության ղեկավար Գագիկ Ծառուկյանը պատասխանում է լրագրողների հարցերին և անդրադառնում է կառավարության ծրագրին։ 12 փետրվար, 2019 11:46 Տնտեսական հեղափոխությունը պետք է լինի նույն սկզբունքով, ինչ քաղաքականը․ Նիկոլ Փաշինյան «Մենք այն ժամանակ էլ ասում էինք, որ հեղափոխությունն առաջնորդ չունի, այդ քաղաքական հեղափոխության առաջնորդը Հայաստանի հանրապետության քաղաքացին էր։ Հիմա՝ այս տնտեսական հեղափոխությունը պիտի տեղի ունենա նույն սկզբունքով։ Մենք պատրաստ ենք անել մեր մասը, մեր ներդրումը, և յուրաքանչյուրը պետք է անի իր ներդրումը։ Սրանից է կախված տնտեսական հեղափոխության ճակատագիրը»։

12 փետրվար, 2019 11:41 Շարժում-88․ հռետորաբանության և բառապաշարի փոփոխությունը 1988 թվականի փետրվարի 11-ին Ստեփանակերտում Ադրբեջանի կոմկուսի կենտկոմի երկրորդ քարտուղար Վասիլի Կոնովալովի և Լեռնային Ղարաբաղի առաջնորդ, մարզկոմի առաջին քարտուղար Բորիս Կևորկովի մասնակցությամբ տեղի ունեցավ մարզկոմի բյուրոյի նիստ, որի ընթացքում որոշվեց ԼՂԻՄ-ի շրջաններում՝ Հադրութում, Ասկերանում, Մարտունիում, Մարտակերտում, ինչպես նաև մարզկենտրոն Ստեփանակերտում փետրվարի 12-ին անցկացնել կուսակցական և տնտեսական ղեկավարների հանդիպումներ, արձանագրություններ կազմելով՝ դատապարտել մարզում տեղի ունեցող իրադարձությունները՝ ԼՂԻՄ-ը Խորհրդային Հայաստանի հետ վերամիավորելու ստորագրահավաքը, ղարաբաղյան պատվիրակությունների այցերը Մոսկվա։

Հադրութի և Ասկերանի հանդիպումները վերածվեցին հանրահավաքների։ Հաջորդ օրը՝ փետրվարի 13-ին, շարժումը ծավալվեց, Ստեփանակերտի այսօրվա կենտրոնական հրապարակում, որտեղ տեղադրված էր Լենինի արձանը, տեղի ունեցավ մի քանի հազարանոց հանրահավաք։ Ապա եղավ փետրվարի 20-ի որոշումն ու սկսվեց հարյուր հազարավոր մարդկանց մասնակցությամբ հանրահավաքների շարքը Երևանում։